Altı ay əvvəl ictimailəşdirən problemlə bağlı heç bir qurum məsuliyyəti üzərinə götürmür.
Median.Az xəbər verir ki, “Qafqazinfo” bu ilin aprel ayında Binəqədi sakinlərinin müraciəti əsasında qəsəbədə hökm sürən acınacaqlə vəziyyət, natəmizlik və sistemsizliklə bağlı reportaj hazırlamışdıq.
Belə ki, 3-cü mədən, 124-cü korpusda yaşayan əhalinin təbii gölü icra hakimiyyəti tərəfindən zibil tullantıları hesabına qurudulub.
Buna görə də ərazidə antisanitariya ucbatından uşaqlar tez-tez infeskiya xəstəliklərinə tutulurlar. “Azərsu” isə kanalizaiya xətləri çəkmədiyi üçün yerin üstü ilə kanalla axıdılan sular mütəmadi olaraq daşır və çirkab suları insanların evlərinə dolur.
“Qafqazinfo”ya yenidən müraciət edən sakinlər bu dəfə rəsmi qurumların onlara cavablarını təqdim ediblər. Həmin ərazinin abadlaşdırılaraq orada park, məktəb, polikilinika və ya uşaqlar üçün oyun meydançası tikiləcəyi deyilsə də, bunlar xəyal olaraq qalıb.
Sakinlər bildirir ki, Bakı Şəhər İcra Hakimiyyətinin başçısı Eldar Əzizovun prezidentin qəbulunda olandan sonra icra başçılarına müraciət edərək hər bir sakinin problemini öz problemləri kimi qəbul edilməsinin vacibliyini vurğulamasından ümidlənən məhəllə sakinləri dərdlərinə çarə tapılmasını xahiş ediblər:
“Ekologiya və Təbii Sərvətlər Nazirliyinin əməkdaşları qəsəbəmizə gələrək buradakı acınacaqlı vəziyyətlə tanış olaraq əhalini dinlədilər, izahat aldılar və qısa zaman ərzində Ekologiya Nazirliyinin səlahiyyətləri daxilində olan problemləri həll edəcəklərini və işin icraata götürülməsi barədə bizə məlumat verdilər.
Lakin sonradan onlardan bir səs-səmir çıxmadı deyə qəsəbə sakinləri qeyd etdilər.
Daha sonra Binəqədi qəsəbə bələdiyyəsinin sədrinin, rayon icra hakimiyyətinin əməkdaşları gəlib baxdılar, amma bizim dərdimizə çarə tapmaq istəmirlər, qalmışıq biçarə.
Bakı Şəhər İcra Hakimiyyəti müraciətimizi Binəqədi Rayon İcra Hakimiyyətinə yönəldib. Onlar da kanalizasiya xətlərinin çəkilməsi üçün “Azərsu”nun Binəqəsi “Sukanal” İdarəsinə müraciət edib.
“Azərsu” da cavab verib ki, gələcəkdə nəzərə alarıq”.
