Month: November 2019

Ölkə ərazisində əsən güclü külək qaz təsərrüfatına da ziyansız ötüşməyib.

“Azəriqaz” İstehsalat Birliyindən APA-ya verilən məlumata görə, Bakının Sabunçu rayonu Bakıxanov qəsəbəsi, M.Gəncəvi küçəsi 25 ünvanında irigövdəli ağac 100 mm diametrində qaz xəttinin üzərinə aşıb. Nəticədə 8 beşmərtəbəli binada qaz təchizatı dayandırılıb.

Sabunçu rayonu Ramana qəsəbəsi, Südcülük sovxozu yaşayış massivində daş hasar sayğaclara qoşulu bir neçə müxtəlif diametrli qaz xəttinin üzərinə aşıb. Bu hadisə 200 abonentin qaz teminatında fasilə yaranmasına səbəb olub.

“Azəriqaz” İstehsalat Birliyinin əlaqədar qurumları bu fəsadların aradan qaldırılması üçün xüsusi rejimdə çalışır.

Bərdədə partlayıcı vasitənin partlaması nəticəsində xəsarət alan iki nəfərdən birinin adı məlum olub.

Bu, Məmmədl Məhəmməd Elgiz oğludur. Digər xəsarət alan isə onun həyat yoldaşıdır.

***

Bərdə rayonunda “aminal” partlayıcı vasitəsinin partlaması nəticəsində iki nəfər xəsarət alıb.

Median.Az-ın oxu.az-a istinadən verdiyi məlumatına görə, hadisə rayonun Arabaçılar kəndində qeydə alınıb. Hələlik şəxsiyyəti məlum olmayan gənc oğlanın əlində “aminal” partlayıcı vasitə ehtiyatsızlıqdan partlayıb.

Nəticədə gənc oğlan və onun həyat yoldaşı müxtəlif dərəcəli bədən xəsarətləri alıb. Hər iki yaralı rayon mərkəzi xəstəxanasına yerləşdirilib.

Faktla bağlı araşdırma aparılır.

Hüquq müdafiəçisi Oqtay Güləliyevin son durumundan xəbər var.

Median.Az modern.az-a istinadən bildirir ki, həkim Adil Qeybulla Oqtay Güləliyevi cərrahi əməliyyat etmiş neyrocərrah Bəhmən Yadigarovla danışdığını deyib.

“Oqtay Güləliyevi cərrahi əməliyyat etmiş neyrocərrah Bəhmən Yadigarovla danışandan sonra həkimlərin icazəsi ilə Neyrocərrahlıq Xəstəxanasının reanimasiya şöbəsində Oqtay bəyi ziyarət etdim. Kəskin dövr hələ keçməyib. Süni ventilyasiya şəraitindədir. Bununla yanaşı, vəziyyəti stabildir, geriləmə yoxdur, beyin travmasına bağlı komatoz durumdadır. Hemodinamik göstəriciləri stabildir, saturasiyası (toxumaların oksigen təminatı) normaldır”.

O.Güləliyev oktyabrın 29-u saat 17:20 radələrində paytaxtın Nəsimi rayonu ərazisində – 28 May küçəsi ilə Puşkin küçələrinin kəsişməsində taksi fəaliyyəti ilə məşğul olan sürücü Kənan Abdullayevin idarə etdiyi “Hyunadi Accent” markalı avtomobillə yolu keçərkən vurulub.

Bakı Şəhər Baş Polis İdarəsindən verilən məlumata görə, sürücü qəza nəticəsində xəsarət almış piyadanı xəstəxanaya çatdırıb. O.Güləliyev dünən “City Hospital”da əməliyyat olunub.
Daha sonra onu “City Hospital”dan Respublika Neyrocərrahlıq Xəstəxanasına köçürüblər.
.
Faktla əlaqədar Nəsimi RPİ-nin İstintaq şöbəsində Cinayət Məcəlləsinin 263.1-ci (Avtomobil, tramvay və ya digər mexaniki nəqliyyat vasitəsini idarə edən şəxs tərəfindən yol hərəkəti və ya nəqliyyat vasitələrinin istismarı qaydalarının pozulması, ehtiyatsızlıqdan zərərçəkmiş şəxsin sağlamlığına az ağır zərər vurulmasına səbəb olduqda) maddəsi ilə cinayət işi başlanılaraq istintaq aparılır.

Yamaykanın qadınlardan ibarət futbol yığmasının üzvü Taraniya Klark paytaxt Kinqstonda baş vermiş davada öldürülüb. Bu barədə “The New York Times” məlumat yayıb.

Nəşrin məlumatına görə, 20 yaşlı Klark mobil telefon üstdə başqa bir qadınla baş verən qarşıdurmada bıçaqlanıb. Futbolçunu xəstəxanaya çatdırsalar da, onu həyata qaytarmaq mümkün olmayıb.

Qeyd olunur ki, qətldə şübhəli bilinən şəxs saxlanılıb. Onun şəxsiyyəti müəyyənləşdirilir.

Klark Yamayka yığmasının tərkibində üç oyun keçirib. Bu oyunlarda iki qol vurmağa nail olub. O, həmçinin kapitanı olduğu “Uoterhaus” klubunda da çıxış edib.

Sabirabad rayonunda Sosialist Əməyi Qəhrəmanının evinə basqın olub.

Median.Az APA-ya istinadən xəbər verir ki, hadisə rayonun Qaratəpə kəndində baş verib. Belə ki, həmin kəndin sakini, Sosialist Əməyi Qəhrəmanı, Prezident təqaüdçüsü, Sabirabad rayon Qaratəpə bələdiyyəsinin sədri Fatma Hüseynovanın yaşadığı evə 4 nəfər maskalı şəxs basqın edib.
Fatma Hüseynova APA-nın Mil-Muğan bürosuna bildirib ki, gecə saat 02.15 radələrində evə daxil olan maskalılar onun bacısı Tamam Hüseynovanın boynundan vuraraq, ayaqlarını, ağzını yapışdırıcı lentlə bağlayıblar. Daha sonra Fatma Hüseynovanın boynundan vuraraq, ona xəsarət yetiriblər. Səsə gələn qardaşı Əlirza Hüseynov tüfənglə göyə atəş açdıqdan sonra maskalı şəxslər evi tərk ediblər.

Faklta bağlı Sabirabad Polis Şöbəsi tərəfindən cinayət işi açılıb, araşdırma aparılır.

Şəmkirdə avtomobilin vuraraq öldürdüyü piyadanın şəxsiyyəti məlum olub.

Median.Az-ın report-a istinadən məlumatına görə, bu, 1956-cı il təvəllüdlü Rauf Hüseynovdur.

Qeyd edək ki, hadisə Zəyəm qəsəbəsində baş verib.

Fakt araşdırılır.

***

Şəmkirdə piyadanı avtomobil vurub.

Median.Az-ın APA-ya istinadən xəbərinə görə, hadisə Bakı-Qazax yolunun 412-ci kilometrliyində, rayonun Sabirkənd kəndi ərazisindən keçən hissəsində qeydə alınıb.

“Ford” markalı yük maşını yolu keçmək istəyən orta yaşlı kişini vurub. Piyada aldığı xəsarətlərdən hadisə yerində keçinib. Daha sonra onun cəsədinin üstündən daha bir neçə nəqliyyat vasitəsi keçdiyindən tanınmaz hala düşüb.

Faktla bağlı araşdırmalar aparılır. Ölən piyadanın şəxsiyyəti dəqiqləşdirilir.