Month: January 2020

Məşhur aktrisa Pərvin Abıyevanın sevgilisi keçmiş polis leytinantı 22 yaşlı Murad Abdullayevin qardaşı Cavid Abdullayev dünyasını dəyişib.

Median.Az oxu.az-a istinadən xəbər verir ki, 2019-cu ilin dekabrın 31 yatıb, yuxudan oyanmayan Cavidin cənazəsi Bakıya gətirilib.

Pərvin Abıyeva, “Miss Azerbaijan-2019” gözəllik yarışmasının qalibi Səmra Hüseynova və hər iki qardaş Murad və Cavid Abdullayevlər Yeni ili Ukraynanın paytaxtı Kiyev şəhərində yerləşən “CHI club Kiev”də keçiriblər.
Mərhumun nədən vəfat etdiyi hələlik naməlumdur.

Bu haqda ilk məlumatı isə “Instagram”da Xəbərçi.az səhifəsi yayımlaylb.

Qeyd edək ki, Murad Abdullayev Pərvin Abıyeva ilə olan görüntülərinə görə işdən çıxarılıb.

DİN-in yaydığı məlumatda qeyd olunurdu ki, “Polis haqqında” Qanunun və “DİN əməkdaşlarının etik davranış kodeksi”nin müvafiq maddələrinin tələblərini pozaraq dəbdəbəli eyş-işrət məclisi təşkil etməklə müəmmalı həyat tərzi keçirən şəxslərlə birlikdə doğum gününü qeyd edərkən Daxili İşlər Orqanları əməkdaşı olmasını xüsusi qabartdığına, etdiyi polis adına yaraşmayan çılğın hərəkətlərinin yanındakılar tərəfindən qeydə alınaraq internet resurslarında yayılması ilə nəticələndiyinə, polis nüfuzuna xələl gətirdiyinə görə Murad Abdullayev Daxili İşlər nazirinin əmri ilə xidmətdən xaric edilib.

Bu gündən Azərbaycanda hava şəraiti kəskin dəyişəcək.

Median.Az Ekologiya və Təbii Sərvətlər Nazirliyinin Milli Hidrometeorologiya Departamentinə istinadən xəbər verir ki, bir neçə gün davam edən mülayim hava şəraitindən sonra yanvarın 2-si axşamdan yanvarın 3-ü gündüzədək Bakıda və Abşeron yarımadasında şimal-qərb küləyinin 15-18 m/s, arabir 20-23 m/s-dək güclənəcəyi proqnozlaşdırılır.

Havanın çişkinli olacağı, yanvarın 4-ü gündüzdən yanvarın 5-i gündüzədək isə arabir yağış yağacağı gözlənilir. Havanın temperaturu ötən günlərlə müqayisədə 3-5 dərəcə aşağı enəcək.
Azərbaycanın rayonlarında yanvarın 2- si axşamdan yanvarın 5-i gündüzədək hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı gözlənilir.

Bəzi yerlərdə intensiv olacağı ehtimalı var. Qərb küləyi yanvarın 2-si gündüz, yanvarın 3-də arabir güclənəcək. Havanın temperaturu ötən günlərlə müqayisədə 3-6 dərəcə aşağı enəcək.

Gecə və səhər saatlarında dağlıq rayonlarda yolların buz bağlama ehtimalı var.

Göygöldə evi yandıran oğlunu qətlə yetirib hadisə yerindən qaçan şəxs bu gün səhər saatlarında Bakıda saxlanılıb.

Report xəbər verir ki, rayonun Nadel kənd sakini, 1950-ci il təvəllüdlü Yaşar Qəmbər oğlu Bayramov əməliyyat axtarış tədbirləri nəticəsində polis əməkdaşları tərəfindən saxlanılaraq istintaqa təhvil verilib.

Onun barəsində Göygöl rayon Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma aparılır.

Qeyd edək ki, Y.Bayramov oğlu – 1978-ci il təvəllüdlü Mahir Bayramovu Nadel kənd ərazisində taxıl sahəsində ov tüfəngindən 2 dəfə atəş açaraq qətlə yetirib. Hadisəyə uzun müddət tərəflər arasında mübahisəyə səbəb olan evin M.Bayramov tərəfindən yandırılması səbəb olub.

Keçmiş “Dəyirman” rep qrupunun üzvü, tanınmış müğənni və parfümer ABD Malik yeni ildə Məkkə şəhərinə gedib.

Median.Az xəbər verir ki, sənətçi Məkkə ziyarəti zamanı yaxın dostaları ilə çəkilmiş fotolarını sosial media hesabında izləyiciləri ilə bölüşüb.

Diqqət çəkən məqam isə ifaçının paylaşdığı fotolara “piligrim” yəni “həci” sözünü yazması olub.//oxu.az

Bakının Nizami rayonu ərazisində 23 yaşlı qız itkin düşüb.

Median.Az xəbər verir ki, dekabr ayının 29-da Bakının Nizami rayonu, N.Abdullayev küçəsində yaşayan 1996-cı il təvəllüdlü N.Əzizova evdən çıxıb və geri qayıtmayıb.

Faktla bağlı araşdırma aparılır.//oxu.az