Median.Az

Month: December 2020

  • Salyanda su kanalından meyit tapıldı

    Salyan rayonundakı su kanalında bir nəfərin meyiti aşkar edilib.

    Bu barədə Fövqəladə Hallar Nazirliyi məlumat yayıb.

    Bildirilib ki, Salyan rayonunun Qarabağlı kəndində su kanalında aşkar edilmiş bir nəfərin meyitinin çıxarılmasına köməklik göstərilməsi üçün nazirliyə müraciət daxil olub.

    Hadisə yerinə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu 1970-ci il təvəllüdlü Xəlilov Elçin Yadulla oğlunun meyitini çıxararaq aidiyyəti üzrə təhvil verib.

  • “Vətən Müharibəsi Qəhrəmanı” adı almış şəxslərə iki min manat təqaüd veriləcək – FƏRMAN

    Prezident İlham Əliyev Azərbaycan Respublikasının “Vətən Müharibəsi Qəhrəmanı” adı verilmiş şəxslərə Azərbaycan Respublikası Prezidentinin təqaüdünün təsis edilməsi haqqında Fərman imzalayıb.

    Bununla bağlı AZƏRTAC xəbər yayıb.

    Fərmana əsasən, Azərbaycan Respublikasının “Vətən Müharibəsi Qəhrəmanı” adı verilmiş şəxslərə və onların ailə üzvlərinə dövlət qayğısını artırmaq məqsədilə Azərbaycan Respublikası Prezidentinin təqaüdü təsis edilir və onun aylıq məbləği 2000 manat müəyyən olunur.

    Bu təqaüd ölümündən sonra verildikdə və ya həmin ad verilmiş şəxs sonradan vəfat etdikdə, həmin şəxsin aşağıda göstərilən ailə üzvlərinə (təqaüd məbləği onların sayına bərabər məbləğdə bölünməklə) ödənilir:

    1. dul arvadına (ərinə), valideynlərinə;

    2. 8 yaşına çatmamış (peşə təhsili, orta ixtisas təhsili, ali təhsil müəssisələrində və Azərbaycan Milli Elmlər Akademiyasının magistratura səviyyəsində təhsil alanlara isə həmin təhsil müəssisələrini və elmi təşkilatın magistratura səviyyəsini bitirənədək, lakin ən çoxu 23 yaşına çatanadək), yaxud 18 yaşına çatanadək sağlamlıq imkanlarının məhdudluğu müəyyən olunmuş 18 yaşından yuxarı əlilliyi olan övladlarına, uşaq evlərində tərbiyə olunan qardaş və bacılarına;

    3. birinci növbədən digər qohumları olmayan baba və nənələrinə.

    Təqaüd dövlət büdcəsində Azərbaycan Respublikasının Əmək və Əhalinin Sosial Müdafiəsi Nazirliyinə nəzərdə tutulmuş xərclər hesabına həmin nazirlik tərəfindən ödənilir.

    Bu Fərmanın 1-ci və 2-ci hissələri 2021-ci il yanvarın 1-dən qüvvəyə minir.

  • Bakıda motosiklet gənc oğlanı vuraraq xəsarət yetirdi

    Bakıda xəsarətlə nəticələnən yol-nəqliyyat hadisəsi baş verib.

    “Report”un məlumatına görə, hadisə Yasamal rayonunda qeydə alınıb.

    Belə ki, yolu keçən 1991-ci il təvəllüdlü Məmmədov Məmməd İmran oğlunu motosiklet vurub.

    Yaralı təcili yardımın köməkliyi ilə xəstəxanaya çatdırılıb və həkim nəzarətinə götürülüb.

  • İran Süleymaninin öldürülməsinə cavabdehlik daşıyan birinci şəxsin adını açıqladı

    İran ABŞ prezidenti Donald Trampı İslam İnqilabı Keşikçiləri Korpusunun “Əl-Qüds” xüsusi təyinatlı qüvvələrinin komandanı Qasım Süleymaninin qətlinə cavabdehlik daşıyan bir nömrəli şəxs hesab edir.

    “Fars” agentliyi xəbər verir ki, bu barədə İran Məhkəmə Sisteminin rəhbəri İbrahim Rəisi açıqlama verib.

    “Tramp şəhid Süleymaninin qətlinə görə məsuliyyət daşıyan bir nömrəli cinayətkardır” – deyə İ.Rəisi bildirib.

    Xatırladaq ki, İran hökumət qurumları bir neçə gün əvvəl Qasım Süleymaninin öldürülməsində iştirak edən 48 nəfərin siyahısını hazırladıqlarını bildirmişdi.

    Xatırladaq ki, yanvar ayında Bağdad Hava limanının raket zərbələrinə məruz qalması nəticəsində SEPAH-ın “Qüds” briqadasının komandanı, general Qasim Süleymani və İranın himayədarlıq etdiyi Xalq Səfərbərlik Qüvvələrinin (XSQ) komandan müavini Əbu Mehdi əl-Mühəndisi öldürülüb.

  • “Sinovac” peyvəndinə Çində qadağa qoyulub? – RƏSMİ AÇIQLAMA – FOTO

    Çinin İstanbuldakı baş konsulu Cui Vei onun adından yayılan xəbəri təkzib edib.

    Median.Az-ın məlumatına görə, iddia edilirdi ki, o “Sinovac” peyvəndinin Çində qadağan olduğunu deyib.

    Konsulluq məsələ ilə bağlı rəsmi açıqlama yayıb. Həmin açıqlamanı təqdim edirik: Daha bir saxta xəbər. Baş konsulumuz heç vaxt peyvəndin Çində qadağan olduğunu deməyib.

    Əsl həqiqət belədir: Çində peyvəndin təcili istifadəsi iyul ayından başlayıb. Peyvəndin tam icrası isə dekabr ayında Çinin müxtəlif əyalətlərində başladılıb. Qeyd edək ki, bu gün Çindən Türkiyəyə ilk dəfə olaraq “Sinovac” peyvəndi gətirilib.

  • “Ordumuzun gəldiyini Şuşa türməsində eşitdim” – Dilqəm Əsgərov

    “Hələki özümü yaxşı hiss edirəm, heç bir problem yoxdur. Mən elə birinci gündən vətənə qayıdacağıma inanırdım.”

    Bu sözləri erməni əsirliyindən azad olunan Dilgəm Əsgərov unikal.org-a açıqlamasında bildirib. O, qeyd edib ki, ermənilər əsirlikdə onlara işgəncə veriblər:

    “Mən türmədə ermənilərə də deyirdim ki, gec-tez Azərbaycan əsgəri gələcək.Bu gün xoşbəxtəm ki, ordumuz gözəl torpaqlarımızı azad etdi.Qarabağımız, Kəlbəcərimiz azad oldu.Bundan böyük sevinc ola bilməz.Allah şəhidlərimizə rəhmət eləsin.Prezidentimizə də bizi vətənə qaytardığı üçün təşəkkür edirəm. Ermənilər məni təzə tutanda işgəncə verdilər. Hər əlimdən bir barmağımı sındırdılar. Bədənimə elektrik cərəyanı qoşdular. Mən Şuşa türməsində idim. Atışma olanda eşidirdim. Beynəlxalq Qırmızı Xaç Komitəsinin nümayəndələri gələndə bizə radio vermişdilər. Ordumuzun hücuma keçməsini də radiodan eşitmişdim. Cənab prezidentimizin çıxışlarını dinləyirdim. İnanın səmimiyyətimə Ali Baş Komandanımızın “Nə oldu Paşinyan” deməyini eşitdikcə qürur duyurdum. Əsgərlərimiz Şuşaya çatanda gecə ilə məni çıxarıb Gorusa apardılar. Oradan da Yerevana gətirdilər. Azərbaycana qayıtdığıma görə çox xoşbəxtəm. “

  • Завершено перечисление единовременных выплат в размере 190 манатов

    Министерство труда и социальной защиты населения Азербайджана завершило перечисление единовременных выплат в размере 190 манатов, назначенных безработным и неформально занятым малообеспеченным лицам, потерявшим доход вследствие ужесточения особого карантинного режима.

    Как сообщили в ведомстве, данные средства были перечислены на их банковские карты. После получения SMS-уведомления они могут получить указанную денежную сумму в банкоматах соответствующих банков.

    Напомним, что в этом году 600 тысяч малообеспеченных, в том числе безработных и неформально занятых лиц, потерявших доход из-за введения особого карантинного режима, уже 5 раз получали указанные средства.

    В целом на финансирование выдачи единовременных выплат было направлено свыше 450 миллионов манатов.

  • Vanqadan şok proqnoz: YANVAR ayında bu bürclər pulun içində üzəcək- CƏMİ 3 BÜRC

    Yanvar ayı həyatımızda yeni başlanğıclar dövrüdür. Gələn ay hər hansı işə investisiya yatırmaq və risk etmək məsləhət deyil, ulduzlar belə deyir. Əhəmiyyətli işlərə başlamaq indi də arzuolunmazdır. Astroloqlar bayram ərəfəsində şəxsi həyata, yaxınlarınıza qayğı və diqqət yetirməyi məsləhət görürlər. Bu dövr özünü bərpa və keçmişi təhlil etmək üçün əlverişlidir.
    İlin əvvəlindən Marsın təsiri əhəmiyyətli dərəcədə artacaq. Bu planet işlərin gedişatına təsir edəcək, hər kəsə güc və enerji bəxş edəcək, eyni zamanda motivasiyamızı artıracaq, insanların özləri üçün həqiqətən vacib olan sahələrdə uğur qazanmasına imkan verəcək. Yanvar ayındakı digər əhəmiyyətli planet Saturndur. Bu planetin köməyi ilə planlaşdırılanlar işlərinizin qısa zamanda həyata keçəcəyinə ümid etmək olar.
    7 yanvarda Mars Buğa bürcünə daxil olur. Mars aktiv planetdir, Buğa isə barışıq və sabitlik əlamətidir. Enerjilərinin birləşməsi gələcəyə doğru daha da inamla irəliləməyə kömək edəcək.
    14 yanvarda Uran Buğa bürcündə olacaq. Bu, ilk növbədə maliyyə sektoru ilə əlaqəli qlobal səviyyədə əsaslı dəyişikliklərin baş verməsinə yol açacaq. Bu dövrdə insanlarla münasibətdə yumşaq və nəzakətli olmaq, eyni zamanda xərclərinizdə ehtiyatlı olmaq tövsiyə olunur. Uran hadisələrin axınını gözlənilməz şəkildə dəyişə bilər, odur ki, hadisələrin inkişafı üçün müxtəlif variantlar düşünmək vacibdir. Hisslərinizi və duyğularınızı çox dinləməməlisiniz. Çünki emosional fon dəyişkən olacaq. Qərar verərkək onun rəhbərliyi altında olmaq arzuolunmazdır. Müvafiq səyləriniz nəticəsində şəraitin mümkün qədər müsbət nəticələnəcəyi gözlənilir.
    28 yanvarda Venera və Pluton Oğlaq bürcündə birləşəcək. Venera və Pluton ahəngdar şəkildə birləşərək bir-birlərinin enerjilərinə faydalı təsir göstərir. Oğlaq bu enerjilərin daimilik qazanmasına kömək edir. Qarşıdurma əhəmiyyətli dərəcədə azalacaq, insanlar bir-birlərinə daha səmimi davranmağa başlayacaqlar, romantik qarşılıqlı əlaqələrin qurulmasına fürsətlər yaranacaq. Ümumiyyətlə, dövr harmoniya, nikbinlik və nəciblik ilə xarakterizə olunur.
    Median.Az yanvar ayının astroloji proqnozu ilə tanış edir.
    Qoç
    Güclü maddi istəkləriniz olacaq. Bu baxımdan peşəkarlığınız artacaq, odur ki, işinizə daha çox vaxt ayıracaq və maliyyə layihələrində iştirak edəcəksiniz. Təbii ki, yeni layihələr sizdən yeni ideyalar, yeni çıxış yolları və çeviklik tələb edəcək. Uğur qazanmaq istəyirsinizsə, bütün diqqətinizi gələcəyə yönəltməlisiniz. Ani uğur gözləməməlisiniz, əks halda həvəsinizi tez itirə bilərsiniz.
    Buğa
    Ayın əvvəli Buğa bürcündən olanlardan peşəkar sahədə əhəmiyyətli səylər tələb edəcək. Ancaq bu sizi çox yormayacaq. Əksinə, daha tədbirli və daha işgüzar olacaqsınız. Eyni zamanda, digər insanlarla münasibətlər həyatınızda əhəmiyyətli rol oynayacaq. Ayın ikinci yarısında karyera və şəxsi maraqlar arasında balans qurmalı olacaqsınız. Həyatınız üçün vacib biri ilə tanış olmaq şansı yüksəkdir.
    Əkizlər
    Ayın əvvəlindən ciddi işlərə və böyük layihələrə başlaya bilərsiniz. Göy cisimləri bu işdə sizə xeyir-dua verir. Daha çox məsuliyyət hissi sizi daha çox duyğusallaşdıracaq. Dostlarınız və əks cinsin nümayəndələri ilə duyğusal və səmimi ünsiyyətə ehtiyacınız artacaq. Bu ehtiyacın ödənilməsi vacibdir.
    Xərçəng
    Ayın əvvəlində yaxınlarınızla qarşıdurma ola bilər. Münasibətləri tamamilə pozmamaq üçün təmkinli olmağa çalışın. Taleyüklü görüşlər mümkündür. Romantik tanışlıqlar da gözlənilir. Utancaqlığınızı aşmağa çalışın, açıq və səmimi olun.
    Şir
    Ailə problemlərini həll etmək üçün sevdiklərinizə vaxt ayırın. Ancaq işə laqeyd olmayın. Peşəkarlığınızı sübut etmək üçün səy göstərməlisiniz. Yaradıcılığınızı və yaradıcı ideyaları həyata keçirmək üçün fürsətlər qazanacaqsınız. Yanvar ayında Şir bürcləri özlərində yeni istedadlar kəşf edə biləcək.
    Qız
    Ulduzlar Qızlar üçün yanvar ayının son dərəcə ahəngdar olacağını vəd edir. Başqaları ilə ünsiyyət sizə xeyir verəcək, sizi doğru emosional dalğaya salacaq. Ünsiyyətcilliyiniz əlverişli emosional fonu saxlamağa kömək edəcək. Sevgi də çox müsbət emosiya gətirə bilər, lakin istənilən emosional reaksiyanı əldə etmək üçün özünüz də səy göstərməlisiniz.
    Tərəzi
    Səyahət etmək üçün yaxşı vaxt deyil. Ulduzlar sevdiklərinizlə evdə vaxt keçirməyi tövsiyə edir. Ayın əvvəlində emosionallığınız artacaq, bununla əlaqədar ətrafdakılarla mübahisələr yaşana bilər. Düzgün strategiya ilə duyğusallığınızı yaradıcı fəaliyyətə yönəltməyə çalışın.
    Əqrəb
    Bu ay intellektual qabiliyyətinizi fəal şəkildə göstərməlisiniz. Qarşılaşacağınız bir çox problemi həll etməyə kömək edəcəklər. Ancaq inadkar olmayın. Mars Buğa bürcünə keçdikdə işinizdə böyük uğurlar qazanmağa imkan verəcək güclü dalğa hiss edəcəksiniz. Əlavə olaraq insanlarla ortaq dil tapa biləcəksiniz. Münaqişə vəziyyəti yaranarsa, sakit olun. Reaksiya verməsəniz, vəziyyət daha tez həllini tapacaq.
    Oxatan
    Yanvar ayının əvvəlindən etibarən maliyyə uğurlarına xüsusi diqqət ayıracaqsınız və bu sahədəki potensialınız həqiqətən ürəkaçandır. Əhəmiyyətli maliyyə qazancları əldə edə bilərsiniz. Göy cisimləri sizdən sadəcə təmkinli davranmağı tələb edir. Dərhal nəticələr gözləməyin. Bütün vaxtınızı ancaq işinizə həsr etməyin. Şəxsi həyat, istirahət və digər ehtiyaclarınızı da xatırlayın. Bütün bunlar sizin üçün son dərəcə vacibdir və lazımi emosional dəstək verir.
    Oğlaq
    Təkliyə çəkiləcəksiniz və bu, tamamilə doğru qərardır. Sizi emosional olaraq narahat edən insanları görməməyə çalışın. Maliyyə uğurlarına gəlincə, ayın əvvəlinə qədər ciddi dəyişikliklər gözlənilmir. Ancaq yanvar ayının son on günlüyü bütün səyləriniz layiq olduğu mükafatı alacaq.
    Dolça
    Dolça bürcündən olanlar dərin düşüncə və məna axtarışında olacaq. Mənəvi inkişafın təmin olunması ilə məşğul olmaq üçün əla vaxtdır. Əlbəttə ki, bu mənada kamil insanlarla ünsiyyətə daha çox ehtiyac olacaq. Səmimi dəstək bəzi şəxsi böhranların öhdəsindən gəlməyə və ümidləri nikbinliklə doldurmağa kömək edə bilər.
    Balıq
    Bürcün on ikinci işarəsinin nümayəndələri çox gərgin dövr keçirəcəklər. Maliyyə məsələlərini həll edə bilərsiniz. Ayın sonlarına yaxın xeyriyyə işləri görmək faydalıdır. Hər hansı xeyriyyə layihələrini maliyyələşdirə bilərsiniz. Bu, sizə faydalı təsir göstərəcək. Göy cisimləri romantik sferada uğurlar vəd edir, çünki Balıqlara əsasən Oğlaq bürcü təsir edir. Taleyüklü görüşlər mümkündür. (publika.az)

  • Qurban Qurbanov Dövlətzadənin ailəsini ziyarət edəcək

    İdman Araşdırmalar Mərkəzinin (İAM) “İlin qalibləri – 2020” layihəsi üzrə idman jurnalistləri arasında keçirdiyi sorğuda “Qarabağ” İLİN DÖYÜŞKƏN KOMANDASI, futbolçular arasındakı sorğuda isə komandanın yarımmüdafiəçisi Abdullah Zubir 2019/2020 MÖVSÜMÜNÜN FUTBOLÇUSU seçilib. “Report”un məlumatına görə, hər iki mükafatın təltifetməsi bu gün klubun ofisində baş tutub.

    “Qarabağ”ın direktoru Emrah Çelikel və komandanın baş məşqçisi Qurban Qurbanovun qatıldığı tədbirdə İAM-ın sədri, “Report” İnformasiya Agentliyinin redaktoru Elşən Məmmədov əvvəlcə sorğu barədə ümumi məlumat verib. O bildirib ki, Zubir mövsümün futbolçusu seçildiyi vaxt Tovuz döyüşləri getdiyi üçün mükafatlandırmanın daha münasib vaxtda təşkili qərara alınıb.

    Eyni zamanda 2020-ci ildə pandemiya ilə əlaqədar idman yarışlarının sayı xeyli azalıb, bəziləri təxirə salınıb, əksəriyyəti isə ləğv olunub. Digər tərəfdən, 44 günlük Vətən müharibəsində hamı bütün diqqətini cəbhə xəttinə yönəldib. Müharibədə idman ictimaiyyətinin 500-dən çox nümayəndəsi, idmançılar və futbolçular, idman jurnalisti iştirak edib, onların 50-dən çoxu şəhid və qazi olub.

    İdman ictimaiyyəti həm də arxa cəbhədə fəallığı ilə seçilərək, Ordumuza maddi və mənəvi dəstək olub. Bu sırada “Qarabağ” xüsusilə fəal olub. Hərbi vəziyyətlə əlaqədar UEFA-nın Bakıda beynəlxalq oyunların təşkilinə tətbiq etdiyi qadağa üzündən Azərbaycan millisi ilə bərabər, bu klub da Avropa Liqasının qrup mərhələsindəki ev oyunlarını ölkə xaricində – qardaş Türkiyədə keçirməli olub.

    E.Məmmədov ilin ən böyük qalibinin Azərbaycan Ordusunun olması səbəbindən də, layihənin məhz bu uğura həsr edildiyini, 8 nominasiya üzrə namizədlərin Ermənistan təmsilçiləri ilə yarış və döyüş meydanında üz-üzə gələn idmançı və hərbçi idmançılardan, terror qurbanlarından, Ordumuza maddi, mənəvi və təbliğati dəstək verənlər arasından seçildiyini, yekunda qaliblərin müəyyənləşdiyini xatırladıb. O, karantin rejimi ilə əlaqədar mükafatlandırma mərasimi keçirə bilmədiklərini, qaliblərin adlarını onlayn qaydada açıqladıqlarını diqqətə çatdırıb.

    İdeyanı bəyəndiyini söyləyən Qurban Qurbanov Orduğumuzu böyük qələbə münasibətilə təbrik edib. O, Vətən üçün canlarından keçən şəhidlərin hər kəsin bacarmadığı yüksəkliyə ucaldıqlarını söyləyib, qazilərə tezliklə sağalmalarını arzulayıb. Baş məşqçi bütün çətinliklərə rəğmən, klub rəhbərliyinin “Qarabağ” adını daim uca tutmağı qarşıya məqsəd qoyduğunu və bu yöndə əllərindən gələni etdiklərini vurğulayıb.

    Təltif edilənlər sırasında şəhidlərin də olmasını obyektiv seçim adlandıran Q.Qurbanov xüsusən İLİN DÖYÜŞKƏN İDMANÇISI seçilmiş şəhid Cəbrayıl Dövlətzadənin qəhrəmanlığından bəhs edib. Baş məşqçi özünün də yaxın vaxtlarda C.Dövlətzadənin ailəsini ziyarət edəcəyini bildirib.

    Daha sonra mükafatlar təqdim olunub. Zubir hazırda Azərbaycan Premyer Liqasındakı fasilə ilə əlaqədar ölkədə olmadığından, həm MÖVSÜMÜN FUTBOLÇUSU, həm də İLİN DÖYÜŞKƏN KOMANDASI üçün plaketi Qurban Qurbanov qəbul edib.

    Qeyd edək ki, layihənin informasiya dəstəkçisi “Report” İnformasiya Agentliyi, baş sponsoru “eTopaz”, sponsoru Azərbaycanın ilk idman geyimi brendi “İl Azero”, təşkilati dəstəkçisi isə Bakı Olimpiya Stadionudur.

  • В Норвегии при сходе оползня пропали 12 человек

    Власти выясняют судьбу 12 человек, около 1,5 тысячи жителей селения в области Румерике недалеко от Осло эвакуированы, порядка 15 домов сметены после схода оползня.

    Как передает Median.Az со ссылкой на РИА Новости, об этом сообщила телерадиокомпания NRK.

    Напомним, что мощный оползень из глинистого плавуна сошел в ночь на среду в области Румерике к северо-востоку от Осло. Под него попали несколько домов, жителей пришлось эвакуировать, однако судьба нескольких человек остается неизвестной.

    Отметим, что в среду днем на место ЧП приехала премьер-министр Норвегии Эрна Сульберг, которая заверила, что всем, кто пострадал в результате этой природной катастрофы и остался без жилья, будет оказана помощь.