Month: April 2021

Əsas peyvənd istehsalçısı “AstraZeneca”, alıcılar isə Avropa İttifaqı (Aİ) və ABŞ olacaq.

RBC bu barədə Duke Universitetinin (ABŞ) araşdırmasına istinadən xəbər yayır.

Ümumilikdə, ölkələr 8,6 milyard doza koronavirus peyvəndi tədarükü üçün müqavilələr imzalayıblar. Bunlardan “AstraZeneca”nın payına düşən 2,4 milyard doza olub.

“Pfizer” 1,5 milyard doza ilə ikinci yerdədir.

Çinin “Sinovac” şirkəti 480 milyon doza satılacaq, Rusiyanın “Sputnik V”si isə 303 milyon doza paylanacaq.

Eyni zamanda, 2021-ci ildə peyvənd istehsalçılarının ümumilikdə təqribən 12 milyard doza peyvənd istehsal edə biləcəyi qeyd olunur.

Zəngin ölkələr 4,6 milyard doza vaksin sifariş ediblər ki, bu da bütün peyvənd alışlarının 53 faizini təşkil edir.

Dozaların çox hissəsi 27 Aİ ölkəsi adından Avropa Komissiyası – 1,8 milyard doza, ardınca 1,2 milyard doza ilə ABŞ tərəfindən sifariş olunub.

Afrika İttifaqı 680 milyon doza ilə bağlanmış müqavilələrdə ilk üçlüyü bağlayır.

Suriyanın şimal-şərqindəki Əl-Həsəkə qəsəbəsində, Türkiyə hərbi bazası yaxınlığında partlayış baş verib.

“Ria-Novosti” xəbər verir ki, hadisə nəticəsində 12 türk hərbçinin öldüyü və yaralandığı bildirilir.

Hadisə ilə bağlı, hələ ki, heç bir rəsmi açıqlama verilməyib.

İtkin düşmüş hərbi qulluqçularımızın axtarışı zamanı baş verən mina partlayışında iki hərbçimiz xəsarət alıb.

Bu barədə lMüdafiə Nazirliyindən bildirilib.

Məlumata görə, Vətən müharibəsi zamanı itkin düşmüş hərbi qulluqçularımızın Suqovuşan yaşayış məntəqəsi istiqamətində aprelin 6-sı günorta saatlarında keçirilən axtarışları zamanı düşmən tərəfindən basdırılmış piyada əleyhinə mina partlayışı nəticəsində Azərbaycan Ordusunun hərbi qulluqçuları əsgər Əliyev Pünhan Şaban oğlu və əsgər Bəxtiyar İlqaroğlu xəsarət alıb, həyatları üçün təhlükə yoxdur.

Faktla bağlı araşdırma aparılır.

“Gartner” analitik şirkəti yaxın illərdə istifadədə olan kompüter qurğuları bazasının davamlı artacağını proqnozlaşdırır. Dünya bazarının katalizatoru rolunda davam edən pandemiya çıxış edəcək.

Median.Az ictnews.az-a istinadən bildirir ki, proqnozda müxtəlif tipli fərdi kompüterlər (masaüstü kompüter, notbuk və ultrabuklar), planşetlər, eləcə də smartfonlar nəzərə alınıb.

Qiymətləndirməyə görə, ötən il qlobal miqyasda ümumilikdə 6,08 milyard qeyd olunan tipli qurğu istifadədə olub. Onun 4,3 milyardını smartfonlar təşkil edib. Masaüstü fərdi kompüter və noutbukların payı müvafiq olaraq 522 və 796 milyon ədədə bərabər olub. Daha 479 milyonu planşetlər təşkil edib.

2021-ci ildə istifadədə olan kompüter qurğularının sayının artacağı gözlənilir. Buna distansiyalı təhsil və məsafədən iş platformalarının inkişafı kömək edəcək.

Analitiklərin fikrincə, bu ilin yekunları üzrə istifadədə olan hesablama texnikasının bazası 6,22 milyarda çatacaq. Bu, 4,3 milyard smartfon, 495 milyon fərdi kompüter, 866 milyon noutbuk və 535 milyon planşet deməkdir.

2022-ci ildə artımın davam edəcəyi proqnozlaşdırılır: istifadədə olan kompüter qurğularının bazası 6,42 milyard ədədədək genişlənəcək.

Aprelin 7-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.

Milli Hidrometeorologiya Xidmətindən verilən məlumata görə, səhər bəzi yerlərdə zəif duman olacaq, mülayim cənub küləyi əsəcək, gündüz arabir güclənəcək.

Havanın temperaturu Bakıda və Abşeron yarımadasında gecə 7-9, gündüz 13-15 dərəcə isti olacaq. Atmosfer təzyiqi 764 mm civə sütunundan 760 mm civə sütununa enəcək, nisbi rütubət gecə 70-80, gündüz 50-55 faiz təşkil edəcək.

Aprelin 7-də Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi yerlərdə duman olacaq, qərb küləyi əsəcək, arabir güclənəcək.

Havanın temperaturu gecə 7-12, gündüz 20-25, dağlarda gecə 5-10, gündüz 13-18, bəzi yerlərdə 20 dərəcə isti olacaq.

Aprelin 7-də Abşeron yarımadasında mülayim gilavar küləyinin arabir güclənəcəyi gözlənilir ki, bu da bəzi meteohəssas insanlarda narahatlıq hissi yarada bilər.