Month: May 2021

“Microsoft” şirkətinin təsisçisi və milyarder Bill Qeytsin qızı Cennifer valideynlərinin boşanma xəbərini şərh edib.

Bu barədə o, özünün “Instagram” səhifəsində yazıb.

Gənc xanım bildirib ki, bu, bütün ailə üçün çox çətin bir mərhələdir.

“Mən hələ ki, öz hisslərimdən baş açmağa və ailə üzvlərimə dəstək olmağa çalışıram”, – deyə Cennifer qeyd edib. O, abunəçilərinə diqqətli və anlayışlı davrandıqlarına görə də təşəkkür edib.

Xatırladaq ki, dünən dünyanın ən varlı şəxslərindən biri olan Bill Qeyts və həyat yoldaşı Melinda Qeyts 27 illik ailə həyatından sonra ayrılmağa qərar verdiklərini açıqlayıblar.

Rusiyanın Şimali Kuril adaları ərazisində aktivləşən Ebeko vulkanı üç kilometr hündürlüyə kül sütunu püskürüb.

TASS agentliyi xəbər verir ki, bu barədə bölgənin (Saxalin əyaləti) Fövqəladə Hallar Nazirliyinin saytında məlumat verilib.

Rəsmi məlumatda şleyfin vulkandan şərqə doğru beş kilometr məsafədə yayıldığı bildirilir.

İsveçdə peyvəndin ən az birinci dozasını almış iki milyon nəfərdən altı mini vaksinasiyadan sonra koronavirusa yoluxub.

TASS İsveç Səhiyyə İdarəsinin məlumatlarına istinadən xəbər verir ki, yoluxma halları orta hesabla vaksinasiyadan üç həftə sonra baş verib.

Yoluxanlardan 20 nəfər reanimasiyaya düşüb, 187 nəfər isə vəfat edib.

Ölkədə 700 min tam peyvənd olunmuş şəxsdən 1624 nəfərində COVID-19 aşkarlanıb ki, onların da altısı reanimasiyada müalicə keçib, 67 nəfər isə vəfat edib.

Bu məlumatlar bir daha sübut edir ki, peyvənd olunmuş şəxslər arasında ağırlaşma və ölüm halları xeyli aşağı olur.

İtaliyanın turizm adası Proçidada təxminən 6 900 nəfər peyvənd edilib.

“Anadolu” agentliyi xəbər verir ki, bu, qeydiyyatda olan əhalinin 92 faizini əhatə edir.

Yüksək səviyyəli vaksinasiyanın virusun adada yayılma riskini azaltmağa kömək edəcəyi gözlənilir.

İtalyan mətbuatında yer alan digər xəbərlərdə Proçidadan “Kovidsiz ada” kimi bəhs edilib.

Qeyd edək ki, İtaliyada bu zamana qədər 4 050 708 nəfər koronavirusa yoluxub, 121 433 nəfər ölüb.