Month: October 2021

Sakit Okeanda yaranan və həftə içi Şərqi Çin dənizinə doğru hərəkət edən “Mindulle” tayfunu Yaponiyanın Honsu adasının cənubunda təsirli olmağa başlayıb.

Haneda hava limanında 120-dən çox uçuş, Çiba və İbaraki prefekturalarında qatar səfərləri qasırğa səbəbindən ləğv edilib.

Hündürlüyü 11 metrə çatan dalğalar Kanto bölgəsinin cənub-şərqindəki İzu adasının sahillərinə çırpılır, bölgə əhalisindən torpaq sürüşmələrinə və çay sellərinə qarşı ayıq-sayıq olmaları istənilib.

Yaponiya Meteorologiya Agentliyi bildirib ki, Honsunun şimalına doğru gedəcək tayfunun saatda 100 kilometr sürətlə əsən küləyi Tokio və ətraf əyalətlərə təsirini davam edəcək.

Dünya gündəmində bir çox hadisələr haqqında proqnozlar verən və əksəriyyətinin doğru olduğu “Simpsons” serialı ilə bağlı yeni bir iddia ortaya atılıb.

Serialdan görüntüləri sosial mediada paylaşan insanlar Böyük Britaniyada yanacaq böhranının orada yaşandığını deyirlər.

Serialın sözügedən bölümü 2010-cu ilin noyabr ayında ekranlara çıxıb.

“Lisa Simpson, bu sənin həyatın deyil” (“Lisa Simpson, this isn’t your life) adlı bölümdə Homer xarekterini canlandıran Maggie obrazına oyuncaq qazanmaq üçün yanacaq götürür. Paylaşım rekordları qıran səhnədə Homer avtomobilinin baqajını yanacaqla doldurur.

ABŞ-ın Qida məhsulları və dərmanların keyfiyyətinə Sanitar Nəzarət İdarəsi (FDA) koronavirus əleyhinə “Pfizer” vaksininin saxlanma müddətini yeniləyərək daha üç ay uzadıb.

Yenilənmiş qaydalara əsasən, 2021-ci ilin mayında istehsal olunan “Pfizer-BioNTech” COVID-19 vaksininin yararlılıq müddəti daha üç ay, 2022-ci il fevralınadək uzadılıb. Əvvəl bu müddət altı aya bərabər idi.

Beləliklə, “Pfizer” vaksininin yeni təsdiq olunmuş saxlanma müddəti doqquz ay təşkil edir.
Qeyd edək ki, Azərbaycanda koronavirusa qarşı “Sinovac”, “Pfizer” və “Sputnik V” vaksinlərindən istifadə olunur.

“Pfizer” vaksini ölkədə iyunun 7-də dövriyyəyə daxil olub. Bu vaksinlə peyvəndlənən vətəndaşlar Avropa İttifaqı ərazisində sərbəst hərəkət edə bilər.

“Pfizer” Ümumdünya Səhiyyə Təşkilatı tərəfindən 2020-ci il dekabrın 31-də təsdiqlənmiş ilk vaksin olub.

Əfqanıstanın Nəngərhar vilayətində yaşayaş binalarının birində güclü yanğın baş verib.

Yanğının qəsdən yaxud ehtiyyatsızlıq nəticəsindən baş verməsi barədə hələlik məlumat verilmir.

Güclü yanğın nəticəsində ətrafı qalın tüstü bürüyüb.

Ölən və xəsarət alanlar barədə də informasiya yoxdur.

Xatırladaq ki, Əfqanıstanda “Taliban”ın siyasi hakimiyyəti ələ keçirməsindən sonra ölkədə terrorçu-kamikadzelər tərəfindən partlayışlar törədilir.

Qvineyada hərbi qiyam nəticəsində hakimiyyətə gələn polkovnik Mamadi Dumbuya keçid dövrünün Prezidenti kimi and içib.

Mərasim Qvineyanın paytaxtı Konakridə baş tutub.

And içmə mərasimində çıxıç edən polkovnik Mamadi Dumbuya bəyan edib ki, o, Qvineya xalqı qarşısında ölkənin suverenliyinə sadiq qalacağına və Keçid Xartiyasının müddəalarına riayət edəcəyinə zəmanət verir.

M. Dumbuya bildirib ki, özü və keçid şurasının üzvləri qarşıda keçiriləcək seçkilərə qatılmayacaqlar.

Xatırladaq ki, sentyabrın beşində Qvineyada hərbi çevriliş olub. Çevriliş nəticəsində Prezident Alfa Konde həbs edilib.

Qeyd edək ki, polkovnik Mamadi Dumbuya əvvəllər Fransanın əcnəbi legionunda xidmət edib.

Moskvanın cənub-qərbindəki Kommunarka rayonunda yerləşən yaşayış binasında içində 65 yaşlı qadının olduğu lift 15-ci mərtəbədə qırılaraq şaxtaya düşüb.

Qadın boyun və bel nahiyəsindən zədələr alsa da sağ qalıb.

Xəsarət alan şəxs xəstəxanaya yerləşdirilib.

Onun Moskva şəhərində yerləşən məktəblərdən birində müəllim işlədiyi məlum olub.

Qadının yaxınları liftin işindən məsul olan idarəni məhkəməyə verəcəklərini bildiriblər.

Hadisənin digər təfərrüatları barədə məlumat verilmir.

Vyana polisi Belarusun Avstriyada yerləşən səfirliyinin binasında partlayış təhlükəsi ilə əlaqədar xüsusi əməliyyat keçirib.

Xəbəri Avstriyanın hüquq-mühafizə orqanları da təsdiq edib.

Polis qeyd edib ki, əməliyyat günorta saatlarından etibarən davam edib.

Əməliyyat diplomatik nümayəndəliyin binasında partlayış təhlükəsi ilə əlaqədar daxil olan məlumat əsasında aparılıb.

Əməliyyat vaxtı qonşu binaların sakinləri evlərini tərk etmək məcburiyyətində qalıb.

Lakin hüquq-mühafizə orqanları partlayış təhlükəsi ilə əlaqədar daxil olan məlumatın haradan gəldiyini deməyiblər.

Xatırladaq ki, bu gün Belarus Respublikasının Qırğız Respublikasındakı səfirliyinin binası da təhlükəsizlik orqanlarının əməkdaşları tərəfindən mühasirəyə alınıb.