ABŞ sakini “Powerball” lotereyasında 1,76 milyard dollar udub.
Qalib nömrələr 22, 24, 40, 52, 64 olub. Qalibin adı hələlik məlum deyil.
Uduşlu bilet Los-Ancelesdən 75 mil məsafədə yerləşən Frazyer Parkdakı (Kaliforniya) mağazadan alınıb.
Ehtimallara görə, yeni milyarder lotereyaya görə hər gün mağazaya gələn yerli sakin olub.
Cekpotun qalibi 29 il ərzində 30 ödəniş üzrə 1,76 milyard dollar ala bilər və ya 774,1 milyon dollarlıq birdəfəlik ödənişi seçə bilər.
Mənbə: rbc.ru
Ümumi təhsil müəssisələri şagirdlərə xeyli əlavə dərs vəsaitləri aldırılır. Bu isə şagirdlərin dərs yükünü ağırlaşdırmaqla yanaşı, valideynlərin də maddi yükünün çoxalmasına səbəb olur.
Xezerxeber.az-ın məlumatına görə, mövzu ilə bağlı danışan təhsil eksperti Kamran Əsədov deyib ki, bu köməkçi vəsaitlərin əksəriyyəti kommersiya maraqlarına xidmət edir.
Eskpert onu da bildirib ki, Elm və Təhsil Nazirliyi tərəfindən müəllimlər üçün metodiki vəsaitlər çap olunur. Həmin medotiki vəsaitlərdə uşaqların işləməsi üçün kifayət qədər tapşırıqlar mövcuddur.
DİM-in mətbuat katibi Xanlar Xanlarzadə isə bu köməkçi vəsaitlərdən istifadənin sərbəst olduğunu bildirib.
Əlavə dərs vəsaitlərinin qiymətlərinə gəlincə isə, bu il bazarda bahalaşma müşahidə olunur.
X.Xanlarzadə qeyd edib ki, əlavə dərs vəsaitlərin qiymətlərindəki artım nəşr xərclərinə çəkilən amillərlə əlaqədardır.
Xezerxeber.az mövzu ilə bağlı daha ətraflı videomaterialı təqdim edir:
ABŞ Ədliyyə Nazirliyi Nyu Cersi ştatından olan senator Robert Menendezə qarşı əlavə ittihamlar irəli sürüb və onu Misir üçün qeyri-leqal xarici agent kimi işləməkdə ittiham edib.
“Ən azı 2018-ci ilin yanvarından 2022-ci ilin iyun ayına qədər Robert Menendez və onun həyat yoldaşı Nadine Menendez (Arslanyan), eləcə də digər tanınmış şəxslər əvəlcədən sövdələşərək xarici agent kimi fəaliyyət göstərməyə razılaşıblar”, – ABŞ Prokurorluğunun Nyu-Yorkun Cənub Bölgəsi Məhkəməsinə təqdim etdiyi sənəddə deyilir.
Xatırladaq ki, sentyabrda senatora qarşı Nyu Cersi ştatından olan üç iş adamı ilə korrupsiya sövdələşmələrində əli olması və yüz minlərlə dollar rüşvət alması ilə bağlı ittihamlar irəli sürülüb. Bildirilib ki, senator biznezmenlərdən nağd pul, qızıl külçələr, bahalı avtomobillər və digər qiymətli əşyalar alıb.
Həmçinin, prokurorların sözlərinə görə, Menendez həssas hökumət məlumatlarını Misirə ötürüb və bu ölkənin xeyrinə ABŞ-ın rəsmi qurumlarına təzyiq edib.
Mənbə: TASS
Xəbər verdiyimiz kimi, Xocalı rayonunun Meşəli kəndində soyqırımı törətməkdə ittiham olunanlardan biri – Xaçatryan Vaqif Çerkezoviç məhkəmə qarşısına çıxarılıb.
“Qafqazinfo”nun məlumatına görə, Yasamal Rayon Məhkəməsində keçirilən prosesdə Xaçatryanın ağlaması diqqəti çəkib.
Bugünkü iclasda təqsirləndirilən şəxsin anket məlumatları dəqiqləşdirilir, ilkin dinləmələr keçirilir.
Qeyd edək ki, V.Xaçatryan 1991-ci ilin dekabrın 22-də Xocalı rayonunun Meşəli kəndində soyqırımı törətmə ittihamı ilə beynəlxalq axtarışa verilmişdi. O, bu ilin iyulunda Azərbaycan sərhədçiləri tərəfindən Laçın sərhəd-keçid məntəqəsində saxlanılıb.
Bu gün AVRO-2024-ün seçmə mərhələsində VII turun növbəti oyunları baş tutacaq.
B, F və J qruplarında ümumilikdə yeddi qarşılaşma baş tutacaq.
F qrupunda yer alan Azərbaycan millisi səfərdə Estoniyanın qonağı olacaq. Qrupun digər matçında Avstriya Belçika ilə üz-üzə gələcək. Bu görüşün qalibi final mərhələsinə vəsiqəni təmin edəcək.
B qrupunda Fransa Niderlandla qarşılaşacaq. Fransızlar qalib gəlsələr, AVRO-2024-ə vəsiqə əldə edəcəklər. Sözügedən matçın heç-heçə bitməsi halında isə Yunanıstanın məğlubiyyəti son dünya çempionatının finalçısını AVRO-2024-ün əsas yarışına aparacaq.
J qrupunda isə Portuqaliya öz meydanında Slovakiyaya qalib gəlməklə tapşırığın öhdəsindən gələ bilər. Lakin pireneylilər həm də Lüksemburqun qələbə qazanmamasına ümid etməlidirlər.
AVRO-2024
Seçmə mərhələ, VII tur
13 oktyabr
B qrupu
22:45. Niderland – Fransa
22:45. İrlandiya – Yunanıstan
Xal durumu: Fransa – 15, Niderland – 9, Yunanıstan – 9, İrlandiya – 3, Cəbəllüttariq – 0
F qrupu
20:00. Estoniya – Azərbaycan
22:45. Avstriya – Belçika
Xal durumu: Avstriya – 13, Belçika – 13, İsveç – 6, Azərbaycan – 1, Estoniya – 1.
J qrupu
22:45. Portuqaliya – Slovakiya
22:45. İslandiya – Lüksemburq
22:45. Lixtenşteyn – Bosniya və Herseqovina
Xal durumu: Portuqaliya – 18, Slovakiya – 13, Lüksemburq – 10, Bosniya və Herseqovina – 6, İslandiya – 6, Lixtenşteyn – 0