Median.Az

Month: October 2023

  • Fransada maksimum terror təhlükəsi elan edildi

    Fransa hakimiyyəti maksimum terror təhlükəsi səviyyəsi tətbiq etmək qərarına gəlib.

    Buna səbəb ölkənin şimalında yerləşən Arras kommunasında məktəb müəlliminin öldürülməsi və İsraildəki böhran fonunda təhlükənin artması olub.

    Ölkədə tətbiq edilən “Terror aktı təhlükəsi” səviyyəsi hazırkı “Vigipirate” antiterror planında nəzərdə tutulan üç səviyyədən maksimumudur.

    Qərar Fransa Prezidenti Emmanuel Makronun sədrliyi ilə Yelisey sarayında keçirilən iclasdan sonra Baş nazir Elizabet Born tərəfindən qəbul edilib.

    Qeyd edək ki, “Terror aktı təhlükəsi” səviyyəsinin tətbiqi barədə qərar hücumdan dərhal sonra, həmçinin ölkədə yeri müəyyən edilməmiş terror qruplaşması olduqda verilə bilər.

    Mənbə: TASS

  • Məhkəmə işində vəkil qardaşı çıxdı, hakim özü-özünə etiraz etdi

    Sabunçu Rayon Məhkəməsinin hakimi Ruslan Mirzəliyev özü-özünə etiraz edərək icraatına verilən işə baxmaqdan imtina edib.

    Bu barədə e-huquq.az-a hakimin qardaşı vəkil Rüfət Mirzəliyev məlumat verib.

    Onun sözlərinə görə, vəkil əmlakın üzərinə həbs qoyulması ilə bağlı müvəqqəti təminat tədbirinin tətbiqi barədə ərizə ilə məhkəməyə müraciət edib. İş icraata verildikdə təyin olunan hakimin qardaşı Ruslan Mirzəliyev olduğunu görüb və bu barədə ona məlumat verib. Hakim Ruslan Mirzəliyev işə baxmaqdan imtina edib və iş başqa hakimin icraatına verilib.

    Qeyd edək ki, hakimin mülki və ya kommersiya mübahisəsi üzrə işdə iştirak edən şəxslərlə və yaxud onların nümayəndələri ilə, cinayət işində isə ittiham və ya müdafiə tərəfindən cinayət prosesinin hər hansı iştirakçısı ilə, habelə onların nümayəndələri ilə qohumluq əlaqəsində olması ona etiraz edilməsi üçün əsasdır. Hüquqi əsaslar olduqda ona etiraz edilib-edilməməsindən asılı olmayaraq hakim öz-özünə etiraz etməyə borcludur.

  • Bakıda birmərtəbəli ev yanıb

    Bakı şəhərinin Xəzər rayonunda ümumi sahəsi 70 kvadratmetr olan, birmərtəbəli, 2 otaqlı evin bir otağında 6 kvadratmetr sahədə ev əşyaları yanıb.

    Fövqəladə Hallar Nazirliyindən (FHN) bildirilib ki, yüksək temperaturdan lambirdən ibarət tavan əriyib.

    Evin qalan hissəsi yanğından mühafizə olunub.

    Yanğın yanğından mühafizə bölmələri tərəfindən söndürülüb.

  • В Дашкесанском районе 20-летний парень совершил суицид

    В Дашкесанском районе произошло самоубийство.

    Как передает Report, случай зафиксирован в селе Давраллы.

    Согласно информации, житель поселка Алунитдаг Гамет Алекперов (2003 г.р.) свел счеты с жизнью, повесившись на дереве во дворе дома своего деда, где находился в гостях.

    Причина суицида пока неизвестна.

    По данному факту ведется расследование.

  • Daşkəsəndə 20 yaşlı gənc baba evində intihar edib

    Daşkəsən rayon Davrallı kəndində intihar hadisəsi qeydə alınıb.

    “Report”un Qərb bürosunun məlumatına görə, Daşkəsən rayon Alunitdağ qəsəbə sakini 2003-cü il təvəllüdlü Qamət Ələkbərov özünü qonaq getdiyi baba evinin həyətində ağacdan asaraq intihar edib.

    İntiharın səbəbləri hələ məlum deyil.

    Faktla bağlı araşdırma aparılır.

  • Жители бакинского поселка жалуются на состояние дорог – ВИДЕО

    Представленные ниже кадры сняты не в каком-то отдаленном ауле, а в одном из бакинских поселков.

    Как передает xezerxeber.az, в дождливую погоду некоторые дороги в поселке Гарачухур Сураханского района столицы становятся непроходимыми. Пешеходы, в том числе и школьники, во время движения по этой территории сталкиваются с серьезными трудностями.

    Жители поселкового жилмассива “Восточный” сообщают, что асфальтирование местных дорог началось еще в прошлом году, однако процесс остался незавершенным. Граждане отмечают, что в таком плачевном состоянии их улица находится уже больше года.

    Подробнее – в видео:

  • Qaraçuxur qəsəbəsinin bərbad yolu – VİDEO

    Bu kadrlar hansısa ucqar kənddə deyil, Bakı şəhər mərkəzinə ən yaxın qəsəbələrdən birində çəkilib.

    Xezerxeber.az xəbər verir ki, yağışlı havalarda bu yaşayış məntəqəsində yollar keçilməz olur, sakinlər acınacaqlı vəziyyətlə üzləşirlər. Xüsusilə piyadalar, o cümlədən məktəblilər ciddi çətinliklə üzləşirlər.

    Paytaxtın Suraxanı rayonu, Qaraçuxur qəsəbəsində yerləşən Şərq yaşayış massivinin sakinləri deyirlər ki, ötən il baxımsız küçələrin asfaltlanmasına başlanılıb. Onların da küçəsində bu istiqamətdə müəyyən işlər görülüb. Amma proses yarımçıq saxlanılıb. Bir ildən artıqdır ki, küçə bu vəziyyətdə qalıb.

    Sakinlər iddia edirlər ki, aidiyyəti qurumlara müraciətləri nəticəsiz qalıb.

    Avtomobil Yolları Dövlət Agentliyindən bildirilib ki, sözügedən küçə onların balasında deyil. Suraxanı Rayon İcra Hakimiyyətindən isə qeyd edilib ki, həmin yolun əsaslı təmiri 2019-2023-cü il proqramına salınıb. Ancaq müəyyən səbəblərdən hələlik layihə icra olunmayıb.

    “Uzunluğu təxminən bir kilometr 400 metr olan həmin küçənin tam şəkildə asfaltanmasının zəruruiliyi ilə bağlı İcra Hakimiyyəti tərəfindən zəruri addımlar atılıb və aidiyyəti quruma məlumat göndərilib. Asfaltlanma işlərinin yaxın müddətdə həyata keçiriləcəyi gözlənilir”, – deyə əlavə edilib.

    Daha ətraflı videomaterialda:

  • İŞİD Əfqanıstanda məsciddə törədilən terrora görə məsuliyyəti öz üzərinə götürdü

    “İslam Dövləti” (İŞİD) radikal qruplaşması dünən Əfqanıstanın şimalındakı Baqlan əyalətində məsciddə baş verən partlayışa görə məsuliyyəti öz üzərinə götürüb.

    Terror təşkilatı kamikadzenin fotosunu da yayımlayıb.

    Xatırladaq ki, bir gün əvvəl Baqlan əyalətinin inzibati mərkəzi olan Puli-Xumri şəhərində “İmam Zaman” məscidində cümə namazı zamanı partlayış baş verib. Son məlumatlara görə, hücumda azı 50 nəfər həlak olub, onlarla insan yaralanıb.

    Mənbə: Amaj News

  • Rusiya sülhməramlıları Qarabağda daha bir müşahidə məntəqəsini bağladı

    Rusiya sülhməramlıları son 24 saat ərzində Qarabağda daha bir müşahidə məntəqəsini bağlayıb.

    Bu barədə Rusiya Müdafiə Nazirliyindən məlumat verilib.

    “Qarabağda silahlı birləşmələrin tərk-silah edilməsi və buraxılması ilə əlaqədar Şuşa ərazisində sutka ərzində Rusiya Sülhməramlı Qüvvələrinin daha bir müşahidə məntəqəsi bağlanıb”, – deyə Rusiya Müdafiə Nazirliyinin yaydığı informasiya bülletenində bildirilib.

    Müdafiə Nazirliyindən əlavə edilib ki, sentyabrın 19-dan etibarən Rusiya sülhməramlılarının Qarabağ ərazisində ümumilikdə 8 müşahidə və 15 müvəqqəti müşahidə məntəqəsi bağlanıb.

    Mənbə: TASS

  • Parisdə etiraz aksiyası keçirilir

    Fransanın paytaxtı Parisdə minlərlə nümayişçinin iştirakı ilə etiraz aksiyası keçirilir.

    Median.Az bu barədə TASS-a istinadən xəbər verir.

    Etirazçılar kişi və qadınların bərabər əmək hüquqları, eləcə də maaşların artırılması tələbləri ilə bağlı plakatlar qaldırıblar.

    Təhlükəsizliyi təmin etmək üçün əraziyə polis qüvvələri cəlb edilib.