Month: November 2023

Sumqayıtda 4 saylı Şəhər Xəstəxanası baxımsız vəziyyətdədir.

Xezerxeber.az-ın məlumatına görə, sakinlər bildiriblər ki, mövcud vəziyyət uzun müdətdir davam edir.

Xəstəxananın tabeliyində olan 2 saylı Ailə Sağlamlıq Mərkəzində də vəziyyət eynidir. Hətta binanın eyvanlarının birində uçqunun olduğu bildirilir.

Sumqayıt Tibb Mərkəzinin tabeliyində olan 4 saylı Şəhər Xəstəxanasının divarlarında iri çatlar əmələ gəlib. Pəncərələrin şüşələri sınıb, əvəzində taxta parçalarından istifadə edilir.

Sumqayıt Tibb Mərkəzindən məsələ ilə bağlı bildirilib ki, problemdən xəbərdardırlar:

“Tibb müəssisəsindəki çatışmazlıqların mərhələli şəkildə aradan qaldırılması prosesi həyata keçirilir”.

Mərkəzdən o da qeyd edilib ki, 2 nömrəli Ailə Sağlamlıq Mərkəzi və 4 nömrəli Şəhər Xəstəxanasının Poliklinika şöbəsinin fəaliyyət göstərdiyi binada çökmə hadisəsi qeydə alınmayıb:

“Bərpa işlərinin görülməsi məqsədilə eyvanlardan birinin döşəməsinin bir hissəsi sökülüb”.

Ətraflı süjetdə:

Naxçıvanda Zəfər Günündə doğulan iki əkiz qardaşa İlham və Ərdoğan adları verilib.

Qeyd edək ki, Səfərovlar ailəsi 15 il övlad həsrətində olublar.

NTV-nin mövzu ilə bağlı hazırladığı süjeti təqdim edirik:

Noyabrın 12-nə gözlənilən hava proqnozu açıqlanıb.

Milli Hidrometeorologiya Xidmətindən verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi şəhərətrafı ərazilərdə yağış yağacağı ehtimalı var. Cənub-şərq küləyi gündüz arabir güclənəcək.

Havanın temperaturu gecə 11-16 dərəcə, gündüz 16-20 dərəcə isti olacaq. Atmosfer təzyiqi 767 mm civə sütunundan 763 mm civə sütununa enəcək. Nisbi rütubət 60-70% olacaq.

Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi rayonlarda duman olacaq. Mülayim qərb küləyi əsəcək. Havanın temperaturu gecə 6-10 dərəcə isti, gündüz 17-22 dərəcə, dağlarda gecə 3 dərəcə şaxtadan 2 dərəcəyədək isti, gündüz 4-8 dərəcə isti olacaq.

Neftçala Rayon Polis Şöbəsində baş verən intihar hadisəsi ilə bağlı yeni təfərrüat məlum olub.

Bakupost.az-ın əldə etdiyi məlumata görə, intihar edən şəxs – 1971-ci il təvəllüdü Azər Mahmud oğlu Hüseynov uzun illər Rusiyada yaşayıb. O, rayonda imkanlı şəxs kimi tanınıb. Belə ki, onun bir neçə obyekti, eləcə də Neftçalanın mərkəzində avtoyuma məntəqəsi olub.

A.Hüseynovun ailəli və iki övlad atası olduğu bildirilir.

Qeyd edək ki, o, paltar lifindən hazırladığı vasitə ilə gecə saat 4 radələrində həyatına qəsd edib. Hadisə ilə bağlı DİN-in mətbuat xidmətinin regional qrupunun yaydığı məlumata görə, Azər Hüseynov 16 yaşına çatmayan şəxsə qarşı əxlaqsız hərəkətlər etməkdə şübhəli bilinirmiş.

“1971-ci il təvəllüdü Azər Mahmud oğlu Hüseynov paltar lifindən hazırladığı vasitə ilə saat 4 radələrində həyatına qəsd edib. Göstərilən tibbi müdaxilələrə baxmayaq, onun həyatını xilas etmək mümkün olmayıb.

Şəxsin yaxınlarının iştirakı ilə meyitə baxış keçirilib, onun bədən səthi üzərində hər hansı xəsarət izi aşkar olunmayıb. Ölüm faktı ilə bağlı məhkəmə-tibbi ekspertizalar təyin edilib, digər zəruri prosessual hərəkətlər yerinə yetirilib. Araşdırma aparılır”, – deyə DİN-in Mətbuat Xidmətinin regional qrupunun yaydığı məlumatda bildirilib.

İntihar edən iş adamının fotolarını təqdim edirik:

Sankt-Peterburqda kütləvi davadan sonra “Soyğunçuluq” maddəsi ilə cinayət işi açılıb.

Hadisə noyabrın 9-da Suzdal prospektindəki evlərin birinin həyətində baş verib. Şahidlər səhər saatlarında baş verən dava barədə polisə məlumat veriblər və əlbəyaxa dava iştirakçılarından birində odlu silah olması barədə xəbərdarlıq ediblər.

Əraziyə gələn hüquq-mühafizə orqanlarının əməkdaşları yalnız iki nəfərin burnunda göyərmə, sıyrıq və xəsarətlər aşkar ediblər. Onları döyənlər 32 min rubl nağd pul (təxminən 585 manat) və 7,5 min (təxminən 137 manat) dəyərində telefon oğurlayıblar. Zərərçəkənlər oğurluq barədə ifadələr yazıblar.

Polis şübhəlilərin avtomobilini Yolkənarı Xiyabanda tərk edilmiş vəziyyətdə tapıb.

Hadisəni törətməkdə şübhəli bilinən iki Gürcüstan və bir Azərbaycan vətəndaşı Bəstəkarlar küçəsində yaxalanıb. Saxlanılanların ən kiçiyinin 20 yaşı var.
//lent.az