Median.Az

Month: January 2024

  • В AYNA прокомментировали вынужденную поездку пассажиров по берегу моря – ОБНОВЛЕНО + ВИДЕО

    Указанный участок дороги расположен на территории села Шимали Хачмазского района. Состояние единственной трассы, связывающей поселок Набран с данным населенным пунктом, оставляет желать лучшего.

    Об этом в ответ на запрос oxu.az заявили в Агентстве наземного транспорта Азербайджана (AYNA).

    Было отмечено, что из-за погодных условий дорога пришла в еще более непригодное состояние.

    “Однако, учитывая пассажиропоток и высокий спрос, перевозка граждан из районного центра в село Шимали не была прекращена. В настоящее время автобусы, курсирующие по указанному маршруту, вынуждены менять путь следования из-за непригодной к эксплуатации части дороги протяженностью 700 м и двигаться по другой территории. Преодолев данный участок, автобус возвращается на трассу и продолжает движение по своему маршруту”, – говорится в информации.

    ***

    Автомобильная дорога, ведущая в село Шимали (недалеко от села Набрань) Хачмазского района, стала непроходимой для пассажирских автобусов.

    Как передает oxu.az, соответствующая информация появилась в соцсетях.

    “Дорога настолько непригодна для использования, что по ней не может проехать даже пассажирский автобус. Посмотрите, водителю автобуса приходится возить пассажиров прямо по берегу моря. Но указанной проблемой никто заниматься не хочет”, – пожаловался один из местных жителей.

  • Avtobusla dəniz mənzərəli məcburi səyahətə AAYDA-dan reaksiya: “Çox az istifadə edilən yoldur” – YENİLƏNİB

    Nabranda sözügedən Şimal kəndi istiqamətində yolun təxminən 3-4 kilometrlik hissəsi çınqıl örtüklüdür.

    Bunu oxu.az-ın sorğusuna cavab olaraq Azərbaycan Avtomobil Yolları Dövlət Agentliyinin (AAYDA) Mətbuat Xidmətinin rəhbəri Anar Nəcəfli deyib.

    O bildirib ki, həmin yolda intensiv nəqliyyat axını olmur:

    “Çox az istifadə edilən yoldur. Hava şəraitinin düzəlməsini gözləyirik. Həmin ərazidə çınqıl örtüyünün bərpası aparılacaq”.

    ***

    “Qeyd olunan yol sahəsi Xaçmaz rayonunun Şimali kəndi ərazisində yerləşir. Nabran qəsəbəsini kəndlə əlaqələndirən yeganə yol infrastrukturunun vəziyyəti qənaətbəxş deyil”.

    Bu barədə oxu.az-ın sorğusuna cavab olaraq Azərbaycan Yerüstü Nəqliyyat Agentliyindən (AYNA) bildirilib.

    Qeyd olunub ki, hava şəraiti səbəbindən bu yol sərnişindaşıma üçün daha da əlverişsiz vəziyyətə düşüb:

    “Lakin sərnişin axını və yüksək tələbat nəzərə alınaraq rayon mərkəzindən Şimali kəndinə sərnişindaşıma fəaliyyəti dayandırılmayıb. Hazırda müntəzəm marşrut avtobusları yolun əlverişsiz 700 metrlik hissəsini mövcud yoldan kənar ərazi ilə hərəkət etmək məcburiyyətindədir. Yolun əlverişsiz hissəsi qət edildikdən sonra avtobuslar hərəkətini yenidən marşrut xətti üzrə davam etdirir”.

    ***

    Xaçmazda avtomobil yolu bərbad hala düşdüyündən sərnişin avtobusları üçün keçilməz olub.

    Oxu.az xəbər verir ki, bu barədə məlumat sosial şəbəkələrdə paylaşılıb. Vətəndaş iddia edir ki, Nabran yaxınlığında, Şimali kəndinə aparan yol bərbad haldadır:

    “Yol o qədər yararsız haldadır ki, sərnişin avtobusu da bura ilə hərəkət edə bilmir. Baxın, avtobus sürücüsü çarəsizlikdən sərnişinləri haradan aparır. Avtobus düz dənizin kənarı ilə hərəkət edir. Bu yola baxan, problemlə maraqlanan yoxdur”.

    Həmin videogörüntüləri təqdim edirik:

  • Binəqədidə 10 nəfərin ölümü ilə nəticələnən partlayışın səbəbi məlum olub – RƏSMİ

    Yanvarın 15-də paytaxtın Binəqədi rayonunda yerləşən mebel sexində 10 nəfərin ölümü, 23 nəfərin müxtəlif dərəcəli bədən xəsarətləri alması ilə nəticələnən partlayış-yanğının səbəbi açıqlanıb.

    Bu barədə Baş Prokurorluğun Mətbuat Xidməti məlumat yayıb.

    İstintaqla müəyyən olunub ki, partlayış taxta materialların emalı zamanı yaranmış taxta tozunun və kimyəvi tərkibli materialların buxar qarışığının təmizlənməməsi səbəbindən minimum konsentrasiya limitinin aşılması nəticəsində baş verib.

    İstintaqın gedişatı və nəticələri barədə ictimaiyyətə əlavə məlumatın verilməsi təmin ediləcək.

    Qeyd edək ki, partlayışla bağlı Baş Prokurorluğun Kriminalistika və informasiya texnologiyaları idarəsində Cinayət Məcəlləsinin müvafiq maddələri ilə cinayət işi başlanaraq istintaq aparılıb.

  • Mingəçevirdə kafedə ucadan danışmaq üstündə qan töküldü

    Mingəçevirdə kafedə bıçaqlanma hadisəsi olub.

    Mingəçevir şəhərində yerləşən kafelərin birində aralarında yaranan mübahisə zamanı 26 yaşlı Toğrul İsmayılov 1982-ci il təvəllüdlü Nofəl Həbibova bıçaqla xəsarət yetirib.

    Qeyd edək ki, T.İsmayılov həmin kafedə işləyib. O, obyektə qonaq qismində gələn şəxslərin ucadan danışmasına irad tutub. Bu zaman T.İsmayılov və N.Həbibov arasında mübahisə düşüb.

    Daxili İşlər Nazirliyinin Mətbuat Xidmətinin Şəki regional qrupundan Oxu.Az-ın sorğusuna cavab olaraq bildirilib ki, hadisəni törətməkdə şübhəli bilinən T.İsmayılov saxlanılıb.

    Müvafiq ekspertiza təyin olunub və hazırda araşdırma aparılır.
    //oxu.az

  • Bakıda yolun bir hissəsi çökdü

    Paytaxtın Nərimanov rayonunda küçənin asfalt örtüyü çöküb.

    Hadisə rayonun Qurban Pirimov küçəsində qeydə alınıb.

    Belə ki, yolun beton-asfalt örtüyündə dəlik yaranıb. Bu da avtomobillərin hərəkətində çətinliklərə səbəb olub.
    //oxu.az

  • “City Pub”ın mühafizəçisi həbs edildi: Stolda oynayan müştərini döyüb

    Yasamal rayonu, A.Mirzəyev küçəsində yerləşən “City Pub” restoranında müştərini döyən mühafizəçiyə hökm oxunub.

    Qayanrinfo-nun məlumatına görə, restoranın mühafizəçisi, 1993-cü il tarixdə Quba rayonunda anadan olmuş Xəyal Abdullayev (ad-soyad şərti) barəsində İnzibati Xətalar Məcəlləsinin 510 və 535.1-ci maddələri ilə protokol tərtib edilib.

    Xəyal Abdullayev “City Pub” restoranında müştərinin içkili halda stolun üzərinə çıxıb oynadığını gördüyü üçün döyüb. O, müştəriyə qarşı zor tətbiq edərək çölə çıxarıb. Hadisə yerinə polis gəlib və 15-20 dəqiqə söhbətdən sonra hər iki şəxs izahat vermələri üçün şöbəyə aparılıb.

    Xəyal Abdullayev özünü təqsirli bilməyərək bildirib ki, gecə saatlarında işdə olarkən bir nəfərin içkili halda stolun üzərinə çıxıb oynadığını görüb. Ona yaxınlaşıb stoldan düşməsini tələb edib, lakin qarşı tərəf düşməyib və onun yaxasından yapışaraq itələyib.

    Məhkəmənin hökmü ilə təqsirləndirilən şəxs İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətanı törətməkdə təqsirli bilinərək, həmin Məcəllənin 34.3-cü maddəsinə əsasən, 1 ay inzibati qaydada həbs edilib.

  • “Bi-2” İsrailə deportasiyanın ləğv edildiyini bildirib – YENİLƏNİB

    “Dünən qrup üzvlərinin İsrailə deportasiyası barədə qərar qəbul edilib. Bu qərara uyğun olaraq aviabiletlər alınıb. Bu gün Rusiya konsulluğunun yüksəkrütbəli diplomatlarının səfərindən sonra qrupun nümayəndələrinə İsrailə deportasiya qərarının ləğv edildiyi bildirilib”.

    Bu barədə “Bi-2” qrupunun teleqram kanalında yazılıb.

    Qrup üzvlərinin miqrasiya mərkəzində 80 nəfərlik ümumi kamerada saxlanılması davam edir. Bu da musiqiçilərin Rusiya konsulu ilə əlaqə saxlamaqdan imtina etməsi ilə bağlı məlumatı təsdiqləyir.

    “Rusiya Federasiyasının səfirliyi dərhal Rusiya vətəndaşı olan qrup üzvləri ilə görüş təşkil edib. Yanvarın 30-da qrup üzvləri Rusiya konsulu ilə görüşməkdən imtina etdilər”, – deyə Rusiyanın Tailanddakı səfirliyinin konsulluq şöbəsinin rəhbəri İlya İlin deyib.

    Mənbə: TASS

    * * * * *

    Tailandda saxlanılan “Bi-2” rok qrupunun yeddi üzvündən dördü Rusiyaya deyil, İsrailə deportasiya ediləcək.

    İsrail Xarici İşlər Nazirliyi və İsrailin Banqkokdakı səfirliyi bu barədə təkid ediblər.

    Tailand qanunvericiliyinə görə, deportasiya xarici pasportun verildiyi ölkəyə həyata keçirilir. Bununla belə, “Bi-2”nin üzvləri İsrailə deportasiya olunmaq istəklərini ifadə ediblər. İsrail Xarici İşlər Nazirliyinin uğurlu səylərindən sonra musiqi qrupundan olan dörd İsrail vətəndaşı təyyarə bileti alıb və çərşənbə günü İsrailə deportasiya ediləcək. Qrupun yeddi üzvündən heç biri Rusiyaya ekstradisiya edilməyəcək.

    Qeyd edək ki, “Bi-2”nin üzvləri yanvarın 24-də Tailandda iş icazəsi olmadan keçirdikləri konsertdən sonra saxlanılıblar.

    Mənbə: TASS

  • Замглавы аппарата премьера РА: Армянский народ веками не имел государства

    Армянский народ веками не имел государства.

    Об этом на своей странице в Facebook написал заместитель руководителя аппарата премьер-министра Армении Тарон Чахоян.

    “Есть обвинения в том, что мы собираемся убрать изображение горы Арарат (Агрыдаг – ред.) с герба Республики Армения. Даже после того, как на гербе Армении будет изображена самая высокая гора в мире Эверест, реальность не изменится.

    Государство не поддерживается тостами, государство не строят красноречием и пафосом, Родину не спасают, сжигая и водружая флаг.

    И нам следует быть более деликатными, когда речь идет о государственных символах Республики Армения (РА). Они являются символами государства, а не народа. Герб РА символизирует Республику Армения, а не армянский народ, веками живший без государственности”, – говорится в публикации.

  • Ermənistan baş nazirinin aparat rəhbərinin müavini: “Xalqımızın əsrlər boyu dövləti olmayıb”

    “Erməni xalqının əsrlər boyu dövləti olmayıb”.

    Bunu Ermənistanın baş nazirinin aparat rəhbərinin müavini Taron Çaxoyan özünün “Facebook” səhifəsində yazıb.

    O, Ermənistanın gerbindən Ağrıdağın təsvirini silmək istəmələri ilə bağlı ittihamlara cavab verib.

    “Ermənistanın gerbində dünyanın ən hündür dağı Everest təsvir edilsə də reallıq dəyişməyəcək. Dövlət natiqlik və pafosla qurulmaz, Vətəni bayraq yandırmaqla və dikəltməklə xilas etmək olmaz”, – deyə o, bildirib.

    Çaxoyan Ermənistanın dövlət rəmzlərində daha diqqətli olmağı tövsiyə edib.

    “Onlar xalqın yox, dövlətin simvoludur. Ermənistanın gerbi əsrlər boyu dövlətçiliksiz yaşamış erməni xalqını deyil, Ermənistan Respublikasını simvolizə edir”, – deyə o vurğulayıb.

  • Binəqədidə baş vermiş partlayış-yanğınla bağlı şirkət rəhbərləri həbs olunub

    Binəqədidə baş vermiş partlayış-yanğınla bağlı iki nəfər şəxs həbs olunub.

    Bu barədə Baş Prokurorluğun Mətbuat Xidməti məlumat yayıb.

    Bildirilib ki, yanvarın 15-də paytaxtın Binəqədi rayonunda yerləşən mebel sexində 10 nəfərin ölümü, 23 nəfərin müxtəlif dərəcəli bədən xəsarətləri alması ilə nəticələnən partlayış-yanğınla bağlı Baş Prokurorluğun Kriminalistika və informasiya texnologiyaları idarəsində Cinayət Məcəlləsinin müvafiq maddələri ilə cinayət işi başlanaraq istintaq aparılır.

    İlkin istintaq tədbirləri nəticəsində iki şəxsin qanunsuz əməlləri ifşa edilib.

    İstintaqla müəyyən olunub ki, partlayış taxta materialların emalı zamanı yaranmış taxta tozunun və kimyəvi tərkibli materialların buxar qarışığının təmizlənməməsi səbəbindən minimum konsentrasiya limitinin aşılması nəticəsində baş verib.

    Belə ki, toplanmış sübutlarla “Bakı Ağac Emalı” Açıq Səhmdar Cəmiyyətinin səhmdarı və faktiki sahiblik edən vəzifəli şəxs Tağı İbrahimovun işinə laqeyd münasibət göstərib xidməti vəzifələrinin yerinə yetirməməsi, yəni müəssisədə yanğın təhlükəsizliyi qaydalarına riayət edilməsi işini düzgün təşkil etməməsi, yanğın təhlükəsizliyi ilə bağlı əvvəllər aşkar edilmiş ciddi qanun pozuntularının aradan qaldırılması üçün zəruri rəhbər tapşırıqlar verməməsi, ASC-ni faktiki olaraq idarə edən Toğrul Rzayevin isə yanğın təhlükəsizliyi qaydalarına cavabdeh şəxs kimi bu qaydaları pozması, yəni müəssisənin yanğın təhlükəsizliyinin, habelə yanar tullantıların və tozların təmizlənməsini təmin etməməsi səbəbindən baş vermiş partlayış-yanğın nəticəsində 10 nəfər şəxsin ölümünə, 23 nəfər şəxsin xəsarət almasına, habelə ASC-nin və ətrafda olan daşınar-daşınmaz əmlaklara əhəmiyyətli maddi ziyan vurulmasına əsaslı şübhələr müəyyən edilib.

    İş üzrə Tağı İbrahimov Cinayət Məcəlləsinin 314.3-cü (səhlənkarlıq, ehtiyatsızlıqdan iki və daha çox şəxsin ölümünə səbəb olduqda), Toğrul Rzayev isə həmin Məcəllənin 225.3-cü (yanğın təhlükəsizliyi qaydalarını pozma, ehtiyatsızlıqdan iki və daha çox şəxsin ölümünə səbəb olduqda) maddəsi ilə təqsirləndirilən şəxs qismində cəlb edilib, istintaq orqanın vəsatəti, ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə hər iki təqsirləndirilən şəxs barəsində həbs qətimkan tədbirləri seçilib.

    İstintaqın gedişatı və nəticələri barədə ictimaiyyətə əlavə məlumatın verilməsi təmin ediləcəkdir.