Median.Az

Month: February 2024

  • Sabah hava necə olacaq?

    Fevralın 20-də havanın əsasən yağmursuz keçəcəyi gözlənilir.

    Bu barədə Milli Hidrometerologiya Xidmətindən məlumat verilib.

    Bildirilib ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşam bəzi yerlərdə yağıntılı olacağı ehtimalı var. Cənub-şərq küləyi axşam mülayim şimal-qərb küləyi ilə əvəz olunacaq.

    Havanın temperaturu gecə 1-3° isti, gündüz 4-7° isti olacaq. Atmosfer təzyiqi 766 mm civə sütunundan 770 mm civə sütununa yüksələcək. Nisbi rütubət 65-75 % olacaq.

    Azərbaycanın rayonlarında da əksər rayonlarda havanın əsasən yağmursuz keçəcəyi gözlənilir. Lakin bəzi dağlıq və dağətəyi rayonlarda arabir yağıntılı olacağı, qar yağacağı ehtimalı var. Arabir duman olacaq. Şərq küləyi əsəcək.

    Havanın temperaturu gecə 0-5° isti, gündüz 6-11° isti, dağlarda gecə 5-10° şaxta, gündüz 0-5° şaxta olacaq.

  • Martda bayram günlərini Azərbaycanda və xaricdə keçirmək neçəyə başa gəlir?

    Novruz bayramı tətilinə sayılı günlər qalıb.

    Bayramla əlaqədar ardıcıl yeddi gün qeyri-iş günü olacaq.

    İstirahət günləri ilə bağlı turizm şirkətləri xüsusi turpaketlər hazırlayıb.

    Tətili bölgələrdə keçirmək istəyənlər indidən yerləri rezerv ediblər.

    Turizm şirkətinin nümayəndəsi Fariz Bəşirov deyib ki, qiymətlər ötən ilə nisbətən bahadır.
    Onun sözlərinə görə, otellər üçün qiymətlər fərqlidir. Hələlik standart paketlər təklif edilsə də, bayramqabağı qiymətlər artacaq. Bayramı xaricdə keçirmək istəyənlər də indidən rezerv ediblər.

    Turizmçilər deyirlər ki, bu il xaricə üz tutanların sayında artım var. Buna səbəb bəzi loukosterlərin Azərbaycandan uçuş həyata keçirməsidir. Əvvəlcədən bilet bron edənlər 200 manata Roma, Budapeşt və digər yerlərə səyahət edə biləcəklər.

    Ətraflı süjetdə:

  • On min manatlıq oğurluq edən şəxslər tutuldu

    Biləsuvar və İmişli rayonlarının ərazisindən çoxsaylı oğurluqlar edən həmkəndlilər saxlanılıblar.

    Bu barədə Daxili İşlər Nazirliyinin Mətbuat Xidməti məlumat yayıb.
    Bildirilib ki, Biləsuvar Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində müxtəlif obyekt və ərazilərdən oğurluqlar etməkdə şübhəli bilinən İmişli rayonunun Aranlı kənd sakinləri K.Balakişiyev, M.Mirzəyev və V.Nərimanlı müəyyən edilərək saxlanılıblar. Onların müxtəlif vaxtlarda Biləsuvar rayonu ərazisindəki ayrı-ayrı suvarma sahələrindən və mobil operatorlardan birinə məxsus radiostansiyadan ümumi dəyəri 10 min manatdan artıq olan elektrik avadanlıqları, su nasosu, naqillər və avtomobil ehtiyat hissələri oğurladıqları müəyyən edilib. Oğurlanan əşyaların bir qismi gizlətdikləri yerdən aşkarlanaraq götürülüb.

    Polis əməkdaşlarının keçirdikləri əlavə əməliyyat tədbirləri nəticəsində saxlanılan şəxslərin İmişli rayonu ərazisindəki oğurluq əməllərinin də üstü açılıb. Belə ki, onların mobil baza stansiyasından və suvarma sahəsindən ümumi dəyəri 20 min manata yaxın olan müxtəlif məişət və elektrik avadanlıqlarını oğurladıqları müəyyən edilib.

    Faktla bağlı araşdırma aparılır.

  • Astronomlar nəhəng kosmik fəlakətin izlərini aşkar etdi

    Niderlandın Leyden Universitetinin mütəxəssislərinin rəhbərlik etdiyi beynəlxalq astronomlar qrupu hər birinin kütləsi Yerdən 3-10 dəfə böyük olan iki nəhəng ekzoplanetin toqquşmasının təsirlərini aşkar ediblər.

    Qaynarinfo xəbər verir ki, araşdırma “Nature” elmi jurnalında dərc olunub.
    Alimlər bu kəşfi Günəşə bənzər gənc (300 milyon il) ulduzu müşahidə edərkən ediblər. Onun parlaqlığı 1000 gün ərzində dəyişməz qalıb. Lakin 2,5 ildən sonra gözlənilmədən ulduzu 500 gün ərzində nəsə tutub.

    Araşdırma göstərib ki, tutulmaya nəhəng qaz və toz buludları səbəb olub. Görünüşünün ən çox ehtimal olunan səbəbi, biri buzla örtülmüş planetlərin kosmik toqquşması ola bilər. Belə bir kataklizmlə hər iki planet demək olar ki, tamamilə əriyib. Onlardan yalnız qaz və dağıntılarla əhatə olunmuş özəklər qalıb.

    Qəzadan sonra isti bulud ulduzun ətrafında fırlanmağa davam edib və nəticədə onu yer üzündəki müşahidəçilərdən gizlədib.

    Astronomlar Ceyms Uebb Kosmik Teleskopundan istifadə edərək bu ulduz sistemini daha ətraflı öyrənmək niyyətindədirlər.

  • Son on gündə Cəlilabadda 83 nəfər qızılcaya yoluxub

    Cəlilabad rayonunda son on gün ərzində 83 nəfər qızılca virusuna yoluxub.

    “Report”un Muğan bürosunun məlumatına görə, noyabr ayından bugünədək yoluxma sayı 576 nəfər təşkil edir.

    Yoluxanlardan 18 yaşdan kiçiklər 379 nəfər, 18 yaşdan böyüklər isə 197 nəfərdir.

    Hazırda aktiv xəstə sayı 83 nəfərdir. Xəstələrdən 1-i stasionar şəraitdə müalicə olunur.

    Qeyd edək ki, ötən gün 8 nəfər bu virusa yoluxub.

  • Rusiya səfiri Finlandiya XİN-ə çağırılıb

    Rusiyanın Helsinkidəki səfiri Pavel Kuznetsov Finlandiya Xarici İşlər Nazirliyinə (XİN) çağırılıb.

    Bu barədə qurumun “X” sosial şəbəkəsindəki məlumatında qeyd edilib.

    “P.Kuznetsov Aleksey Navalnının ölümü ilə bağlı Rusiyanın məsuliyyətini vurğulamaq, tam və şəffaf araşdırma aparılmasını tələb etmək üçün Finlandiya XİN-ə çağırılıb”, – deyə məlumatda bildirilib.

    Xatırladaq ki, fevralın 16-da Aleksey Navalnı həbsxanada ölüb.

    Mənbə: TASS

  • Pişiklər haqqında maraqlı fakt

    Pişiklər bəzən çox qəribə davranırlar. Məsələn, birdən donub harasa baxmağa başlaya bilərlər.

    Median.Az xarici mediaya istinadən pişiklər haqqında maraqlı faktları təqdim edir:

    Pişiklər uzaqgörəndirlər və bir obyektə diqqət yetirdikdə bütün digər obyektlər onlar üçün bulanıq olur. Gecələr, pişiklər yalnız minimal işıq mənbəyinin olub olmadığını görə bilirlər. Buna görə də tam qaranlıqda bu heyvanlar digər hisslərinə güvənir.

    Bundan əlavə, pişiklər ultrabənövşəyi spektrdə görə bilirlər. Əgər ev heyvanınız boşluğa baxırsa, o, kiçik toz hissəciklərini, həşəratları və ya qeyri-adi görünən əşyaları izləyir.

    Pişik qeyri-adi bir səs eşidə bilər və buna görə də qəfil yerində donur.

    Qoxulara gəlincə, pişiklər insanlardan 14-16 dəfə daha yaxşı qoxuya malikdir. Buna görə də, bu ev heyvanları tanımadığı bir obyekt gördükdə qoxu hisslərinə də etibar edirlər.

    Pişiklərin keçmişdən müəyyən anları xatırlaya və yuxu gördüyü elmi şəkildə sübut edilmişdir. Əgər pişik boşluğa baxırsa, o, əslində o zaman nəyisə xatırlaya bilər.
    //Baku.ws

  • Azərbaycanda toyuq əti bahalaşdı

    Azərbaycanda toyuq ətində bahalaşma nəzərə çarpır. Gündəlik tələbat məhsulları sırasına daxil olan bu məhsulun qiymətində 1-2 manat arasında dəyişiklik müşahidə edilir.

    Bəs bu artım əhalinin məhsula olan tələbatı, yoxsa istehsalın azalması ilə bağlıdır?

    Məsələ ilə bağlı Azad İstehlakçılar Birliyinin sədri Eyyub Hüseynov “Yeni Sabah”a açıqlama verib.

    O bildirib ki, bahalaşmanın əsas səbəbi əhali arasında toyuq məhsullarına olan tələbatın artmasıdır:

    “Toyuq məhsullarının qiymətində müəyyən qədər artım müşahidə edilir. Bunun da əsas səbəbi insanların toyuq ətinə olan tələbatının artmasıdır. Tələbatın artmasına isə mal və qoyun ətindəki bahalaşma səbəb olub. Bu səbəbə görə əhali toyuq məhsullarına üz tutub. Bu da öz növbəsində toyuq əti və bu növdən olan məhsulların qiymətində müəyyən bahalaşmaya gətirib çıxarıb. Çünki tələbat artırsa, qiymət artımı da qaçılmazdır”.

    Eyyub Hüseynov qeyd edib ki, bir qrup şəxs toyuq məhsullarındakı qiymət artımına müəyyən dərəcədə təsir edə bilər:

    “Azərbaycan özünü quş məhsulları ilə tam təmin edə bilər. Bu barədə müəyyən addımlar atılmalıdır. Onlardan biri də xaricdən gələn mallara verilən üstünlüyün aradan qaldırılmasıdır. Quşçuluq məhsullarının istehsalı ilə məşğul olan insanlar bir qrupdur. Bu şəxslər həmin məhsulların bahalaşması üçün qiymət sövdələşməsinə də təsir edə bilər”.

    Azad İstehlakçılar Birliyinin sədri onu da vurğulayıb ki, bu məhsulların qiymətində ucuzlaşma müşahidə edilməsi gözlənilən deyil.

  • В Финляндии заявили, что не намерены размещать у себя ядерное оружие США

    Хельсинки не планируют размещать на своей территории американское ядерное оружие, заявил премьер-министр Финляндии Петтери Орпо.

    По его словам, Финляндии не нужно ядерное оружие США, ядерное сдерживание обеспечивает НАТО. Орпо также отметил, что для обеспечения безопасности Североатлантическому альянсу достаточно ядерного оружия, уже размещенного в других государствах.

    “Ядерное оружие развернуто в нескольких странах альянса, и этого достаточно. Тем не менее мы тщательно готовимся к нашим задачам как новая страна НАТО, участвуем в сдерживании с помощью обычного оружия”, – сказал он.

    Ранее польские власти выразили желание разместить на территории страны ядерное оружие из США в рамках программы Nuclear Sharing.

    Финляндия и Швеция на фоне событий на Украине в мае 2022 года подали заявки на вступление в альянс. Финляндия 4 апреля 2023 года стала 31-м членом НАТО. Заявка Швеции до сих пор не получила венгерского одобрения.

    Источник: Rzeczpospolita

  • Finlandiya və Polşa öz ərazisində nüvə silahının yerləşdirməsinin əleyhinə çıxdı

    “Helsinki öz ərazisində ABŞ-nin nüvə silahını yerləşdirməyi planlaşdırmır”.

    Bu açıqlama ilə Finlandiyanın Baş naziri Petteri Orpo çıxış edib.

    Finlandiya rəsmisi bildirib ki, ABŞ-nin nüvə silahlarının Finlandiyada yerləşdirilməsinə ehtiyac yoxdur, çünki NATO nüvə silahlarından istifadədən çəkinməyi təmin edir.

    “Nüvə silahları alyansın bir neçə ölkəsində yerləşdirilib və bu kifayətdir”, – deyə Petteri Orpo fikrini tamamlayıb.

    Oxşar məzmunlu açıqlama ilə Polşa rəsmisi çıxış edib.

    “Mən istərdim ki, bu element (nüvə silahını nəzərdə tutur – red.) ölkəmizin ərazisində olmasın”, – deyə Polşanın milli müdafiə nazirinin müavini Stanislav Vzentek söyləyib.

    O qeyd edib ki, hazırkı vəziyyətdə Polşada nüvə arsenalının yerləşdirilməsi ölkənin təhdid potensialının səviyyəsini artırar.

    Mənbə: Rzeczpospolita