Median.Az

Month: September 2024

  • 19 yaşlı idmançı infarktdan öldü

    Dopinq testlərinin nəticələri təsdiq edir ki, bodibildinq qadağan olunmuş maddələrlə ən çox problemi olan idman növləri sırasındadır. Mateus Pavlakın ölümündən sonra faciənin anabolik steroidlərin istifadəsi ilə əlaqəli ola biləcəyinə dair təkliflərin olmasının səbəblərindən biri də budur.

    Polşa kökləri olan braziliyalı bodibilder cəmi bir neçə il ərzində dolğun bir yeniyetmədən nəhəng əzələ dağına çevrilib, lakin 19 yaşında ürəyi dayanıb, bu da çox tez-tez baş vermir.

    Mateus Pavlak daha əvvəl demişdi ki, 14 yaşında olarkən sinif yoldaşları onu artıq çəkiyə görə ələ salıblar və o, bununla bağlı nəsə etmək qərarına gəlib. Nisbətən qısa müddət ərzində o, məhz bunu edib və inanılmaz dərəcədə dəyişib.

    Gənc bodibilder bir-birinin ardınca uğur qazanmağa başlayıb, amma deyəsən, o, həm də onlara nail olmaq üçün qeyri-qanuni maddələrdən istifadəyə əl atıb.

    İdmançının cansız cəsədi mənzilində tapılıb, ölüm səbəbi infarkt olub.

  • Kimlərə şorba yemək olmaz?

    Uşaqlıqdan çoxumuza şorbanın qida rasionumuzun ayrılmaz hissəsi olması lazım olduğunu öyrədiblər. Bu yemək həqiqətən müəyyən xəstəliklər üçün faydalı ola bilər.

    Lakin şorbalar bəzi insanlar üçün elə də faydalı olmaya bilər.

    Buna görə kilolu insanlar xüsusilə nahar zamanı şorbalardan çəkinməlidirlər, çünki şorba doyurucu yemək deyil. Şorba istehlakından sonra insanın aclıq hissi daha da artır.

    Mütəxəssislər piylənmədən əziyyət çəkən insanlara şorbalardan imtina etməyi tövsiyə edir, uşaqlar və mədə-bağırsaq xəstəlikləri olan xəstələr isə bu yeməyi daha tez-tez istehlak etməlidirlər.

    //lent.az

  • Mobil telefonlar bu xəstəliklərə səbəb olur – TƏHLÜKƏLİDİR

    Daimi mobil telefondan istifadə ürək-damar xəstəlikləri riskinin artması ilə əlaqələndirilə bilər.

    Lent.az xarici mətbuata istinadən xəbər verir ki, alimlər 2006-2010-cu illər arasında mobil telefondan istifadə tezliyi barədə məlumat verən 444 min insanın məlumatlarını təhlil ediblər. Daimi mobil telefondan istifadə (həftədə ən azı bir zəng) xüsusilə siqaret çəkənlərdə və diabetli insanlarda ürək-damar riskinin artması ilə əlaqələndirilir.

    Yuxu rejiminin zəif olması və pis psixi sağlamlıq sirkadiyalı ritmlərin pozulması, endokrin və maddələr mübadiləsinin pozulması və iltihabın artması ilə ürək-damar xəstəliklərinin inkişafına mənfi təsir göstərə bilər.

    Cib telefonlarının radiotezlikli elektromaqnit şüalarına tez-tez məruz qalma bir çox xəstəliklər üçün risk faktoru olan iltihaba səbəb ola bilər.

  • Əməkdar artistin vəziyyəti ağırlaşdı, nəfəs ala bilmir

    Əməkdar artist, Bakı Bələdiyyə Teatrının aktyoru Rafiq İbrahimovun səhhəti pişləşib.

    Bu barədə Lent.az-a teatrın məsul şəxslərindən olan İsmayıl Atakişiyev məlumat verib.

    O bildirib ki, 68 yaşlı aktyorun onurğasında 3 ay öncə xərçəng xəstəliyi aşkarlanıb.

    “Müalicə olundu, amma sağalmadı. İndi evdədir, həkimlər deyir ki, artıq edəcək heç nə qalmayıb. Nəfəs ala bilmir, vəziyyəti getdikcə ağırlaşır. Biz teatr olaraq tez-tez ona baş çəkirdik ki, bir az fikri dağılsın. Amma sağaltmağı bacarmadıq”,- deyə o bildirib.

    İsmayıl Atakişiyevin dediyinə görə, bu müddət ərzində teatrın rəhbərliyi, kollektiv aktyorun ailəsinə maddi dəstək göstərib.

  • Marketdən 446 manatlıq siqaret oğurlandı

    Sumqayıtda marketdən oğurluq edilib.

    Hadisə H.Z.Tağıyev qəsəbəsində yerləşən marketlərin birində baş verib. Naməlum şəxs marketdən 446 manat dəyərində siqaret oğurlayıb.

    Sumqayıt şəhər Polis İdarəsinin 2-ci Polis Bölməsi əməkdaşlarının keçirdikləri əməliyyat tədbirləri ilə oğurluqda şübhəli bilinən Əmrah Əliyev saxlanılıb.

  • Gəncədə “Nizami günləri” sentyabrın 15-dək davam edəcək

    Azərbaycan Respublikası Mədəniyyət Nazirliyi və Gəncə Şəhər İcra Hakimiyyətinin dəstəyi ilə Gəncə şəhərində dahi Azərbaycan şairi və mütəffəkiri Nizami Gəncəvinin xatirəsinə həsr olunmuş “Nizami günləri” layihəsinin açılışı olub.

    Gəncə Dövlət Filarmoniyasından verilən məlumata görə, layihənin ilk günü baş tutan konfransı giriş sözü ilə açan filologiya elmləri doktoru, akademik, AMEA-nın həqiqi üzvü Rafael Hüseynov layihənin keçirilməsini yüksək qiymətləndirib.

    Konfransda akademik Rafael Hüseynov “Nizami Gəncəvi ədəbi məktəbinin Şərq və Qərb ədəbi-mədəni təfəkküründə yeri”, filologiya elmləri üzrə fəlsəfə doktoru İlahə Hacıyeva “Anadilli “Xəmsə” ardıcılları: bütöv və fraqmentar cavablar”, Əməkdar rəssam Elçin Hami Axundov “Nizami şəxsiyyəti və irsinin animasiya həllinin problemləri və “Xəmsə” süjetləri”, filologiya üzrə fəlsəfə doktoru Əlimuxtar Muxtarov “Azərbaycan ədəbiyyatında Nizami Gəncəvi obrazı” mövzuları ilə çıxış ediblər.

    Həmçinin layihənin ilk günü libretto müəllifi Şahin Musaoğlu, musiqisi gənc bəstəkar Tamilla Əhədovaya məxsus “5 QAPI” tamaşası Əməkdar incəsənət xadimi Hafiz Quliyevin rejissorluğu ilə Gəncə Dövlət Milli Dram Teatrının aktyorlarının ifasında ilk dəfə təqdim olunub.

    Qeyd edək ki, layihə sentyabrın 15-dək müxtəlif proqramlarla davam edəcək.

  • Uşaq divarları qələmlə yazanda, BELƏ TƏMİZLƏYİN: Evdar xanımların bildiyi üsul

    Əgər balaca və dəcəl uşaqlarınız varsa, çox güman ki, divarlarda çəkilən rəsmləri təmizləmək məşğul olmusunuz. Divarda rəsm çəkmək üçün uşaqlar qələmlərdən, flomasterlərdən, boyalardan – ümumiyyətlə, əlinə gələn hər şeydən istifadə edə bilərlər.

    Belə halda uşağı cəzalandırmaq üçün tələsməyin.

    Onun əvəzinə çəkmək üçün bir kağız parçası verin və sonra bir melamin süngər götürün və təmizləməyə başlayın. Bu məhsul izlərdən qurtulmağa kömək edəcək. Məhsul hər hansı bir ev əşyaları mağazasında satılır, ucuzdur və effektivliyini bir dəfədən çox sübut edib. Bunun üçün əllərinizi rezin əlcəklərlə qorumaq, süngəri islatmaq və onunla divardakı ləkələri silmək kifayətdir. Təmizləməyə 5 dəqiqədən çox vaxt sərf edə bilərsiniz, lakin gec-tez kirləri çıxara biləcəksiniz.

    Başqa bir yol diş pastasından istifadə etməkdir. Parçaya tətbiq edin və marker izlərini silin. Pasta həm təmiz, həm də su ilə qarışdırılmış şəkildə istifadə edilə bilər. Diş pastasını divara vurulduqdan sonra 10-15 dəqiqə gözləyin və sonra pastanı dairəvi hərəkətlərlə ovuşdurun. Nəhayət, nəm bir parça ilə silin.
    //lent.az

  • Beyin ilə qidalanan amöb nədir – Suya girərkən diqqətli olun

    İlk dəfə ABŞ-da rast gəlinən beyin yeyən amöb beyində infeksiyaya səbəb olur və adətən ölümlə nəticələnir.

    Müxtəlif ölkələrdə zaman-zaman görülə bilən beyin yeyən amöb nədir və necə ötürülür?

    Xalq arasında beyin yeyən amöb kimi tanınan bu mikroorqanizmin əsl adı negleriya fouleradır.

    Daha çox göl və çay kimi şirin sularda rast gəlinən təkhüceyrəli negleriya foulera yalnız burun yolu ilə ötürülür və insandan insana keçmir.

    Qoxu kanalına daxil olan amöblər burun mukozasından keçərək, qoxu siniri vasitəsilə onurğa-beyin mayesində və beyində yerləşirlər. Bu zaman amöb ani ölümcül xəstəlik olan “Primer Amibik Meningoensefalit” (PAM) adlanan ani ölümcül xəstəlik olan miningitə səbəb olur.

    Xəstəliyin simptomları iltihab, yüksək hərarət, ürəkbulanma, baş ağrısı və göz ağrısıdır. Qısa müddət ərzində özündəngetmə və koma ilə ölüm baş verir.

  • 199 nömrəli avtobusdakı mübahisə ilə bağlı – Açıqlama (VİDEO)

    Sosial şəbəkələrdə “Xaliq Faiqoğlu” şirkətinin sürücüsü ilə sərnişin arasında mübahisə yaşanması barədə görüntülər yayılıb.

    Məsələ ilə bağlı şirkətin mətbuat xidmətindən bildirilib ki, 10.09.2024-ci il tarixdə 199 saylı müntəzəm marşrut xəttində xidmət göstərən 99 JL 464 dövlət qeydiyyat nişanlı “BMC” markalı avtobus yollardakı mövcud vəziyyətlə bağlı gecikmə ilə hərəkət edib.

    “Sürücü Sabir Əliyev saat 19:00 radələrindərə Bakı-Sumqayıt yolunda üzü şəhər istiqamətində hərəkətdə olan zaman yolda güclü tıxac müşahidə edilib. Bu zaman avtobusun salonunda olan sərnişinlərdən biri sürücüyə narazılığını bildirib və uyğunsuz ifadələr işlədib. Sərnişin Moskva prospektində nəqliyyat vasitəsini tərk edib. Hadisə vaxtı digər sərnişinlər tıxaca görə sürücünün günahkar olmadığını bildiriblər və onu nəqliyyat vasitəsindən kənarlaşdırıblar.

    Qeyd edirik ki, xoşagəlməz hal zamanı sürücü təhlükəsizlik kəmərini açmayıb və sükan arxasında olub. Buna baxmayaraq tərəfimizdən sürücüyə xəbərdarlıq edilib və sərnişinlərlə nəzakətli davranması barədə təlimatlandırılıb” , – şirkətdən bildirilib.

  • Bakıda marşrut xətlərinə əlavə 170 avtobus cəlb ediləcək

    Tədris mövsümünün başlaması ilə əlaqədar sərnişindaşıma imkanlarının yaxşılaşdırılması üçün xətlərə buraxılan avtobus sayı artırılacaq.

    Bu barədə Azərbaycan Yerüstü Nəqliyyat Agentliyindən (AYNA) məlumat verilib.

    Bildirilib ki, 2022-ci ilin sentyabr ayında Bakı şəhəri üzrə sərnişindaşımada 1780 avtobus istismar edilirdisə, 2023-cü ildə bu say 2011-ə çatdırılıb. Bu ilin müvafiq dövründə daha 170 avtobus marşrut xətlərinə cəlb ediləcək. 160 yeni elektrik avtobusunun da alınaraq Bakı şəhərinə gətirilməsi və sərnişinlərin xidmətinə verilməsi ilə bu say 2341-ə çatdırılacaq. Hədəf isə sərnişinlərə xidmət göstərəcək avtobusların sayının 2500-ə çatdırılmasıdır.

    Bundan əlavə, Sumqayıt şəhəri və Abşeron rayonunda 2023-cü ilin sentyabr ayı ilə müqayisədə sərnişindaşımaya əlavə olaraq 75 avtobus cəlb edilib. Sumqayıt şəhəri və Abşeron rayonuna aid marşrutlar üzrə yay aylarında 370-390 avtobus itismar edilirdisə, tədris mövsümü ilə əlaqədar avtobus sayı 486-ya çatdırılıb.