Певца Нияма Салами обвиняют в присвоении товара стоимостью 21 800 манатов мошенническим путем.
По информации Oxu.Аz, житель города Сумгайыт Э.Аббекиров заявил, что в августе 2023 года арендатор ресторана в поселке Новханы Ниямеддин Сафаров (настоящее имя Нияма Салами – ред.) купил у него уголь на сумму 21 800 манатов и не заплатил за него.
По данному факту ведется расследование.
Müğənni Niyam Salami bir nəfəri aldadaraq 21 800 manat dəyərində malını mənimsəmədə ittiham olunur.
Sumqayıt şəhər sakini E.Abbəkirov 2023-cü ilin avqust ayında Novxanı qəsəbəsində yerləşən restoranın icarədarı Niyaməddin Səfərovun (müğənni Niyam Salami – red.) ondan 21 800 manat dəyərində kömür alıb pulunu verməməsini bildirilib.
Faktla bağlı araşdırma aparılır.
//oxu.az
İtaliya A Seriyası təmsilçisi “Napoli”nin gürcüstanlı futbolçusu Xviça Kvaratsxeliya klubla vidalaşıb.
Xəbər verdiyimiz kimi, gənclər və idman nazirinin müavini Mariana Vasileva tutduğu vəzifədən azad olunub.
Median.Az “Unikal”-a istinadən M. Vasilevanın işdən azad olunması ilə bağlı bəzi məqamları əldə edib. Belə ki, o, bu gün gənclər və idman naziri Fərid Qayıbovla birgə Şamaxı və Qobustan rayon sakinləri ilə görüşdə iştirak edib. Vətəndaşlarla görüşdə olan zaman M. Vasilevaya zəng gəlib və ölkə başçısı tərəfindən işdən azad olunduğu bildirilib.
Bu xəbəri məyusluqla qarşılayan xanım Vasileva Bakıya geri dönməli olub.
Xatırladaq ki, M.Vasileva 2021-ci ildə gənclər və idman naziri Fərid Qayıbovun müavini təyin olunmuşdu.
Bakının Yasamal rayonunda Mərkəzi parkın davamı (S.Tağızadə, A.Şaiq, N.Aşurbəyova küçələrinin əhatəsində salınacaq yeni park) və ətraf ərazilərin abadlaşdırılmasına sərf olunacaq vəsaitin həcmi açıqlanıb.
“Bakı Şəhər Əsaslı Tikinti və Təmir” MMC-nin elan etdiyi satınalma başa çatıb.
“Vest LTD” Qapalı Səhmdar Cəmiyyəti ilə bağlanan müqaviləyə əsasən, Mərkəzi parkın davamı və ətraf ərazilərin abadlaşdırılmasına 37 milyon 230 min manat sərf olunacaq.
Görüləcək işlər çərçivəsində ümumi sahəsi 36 min 658 kubmetr təşkil edən binaların uçurulma metodu ilə sökülməsi (kərpic, isidilən binaların) nəzərdə tutulur.
Səudiyyə Ərəbistanının “ACWA Power” şirkətinin rəhbərlik etdiyi konsorsium Azərbaycanda dəniz suyunun duzsuzlaşdırılması ilə içməli su istehsalı zavodu layihəsini reallaşdıracaq.
Konsorsium İqtisadiyyat Nazirliyi tərəfindən dövlət-özəl tərəfdaşlığı çərçivəsində dəniz suyunun duzsuzlaşdırılması ilə içməli su istehsalı zavodu layihəsinin reallaşdırılması üçün 2024-cü il fevralın 8-də elan edilmiş müsabiqənin qalibi olub.
Bu, Azərbaycan Prezidenti İlham Əliyevin müvafiq Sərəncamı ilə həyata keçirilən dəniz suyunun duzsuzlaşdırılması ilə içməli su istehsalı sahəsində ilk pilot layihədir.
//report
Şəmkirdə oğurluq etməkdə şübhəli bilinən şəxslər saxlanılıb.
Polis əməkdaşlarının keçirdikləri müvafiq tədbirlər nəticəsində rayon sakinlərinə məxsus, dəyəri 2 000 manatdan çox olan 6 baş xırdabuynuzlu heyvanı oğurlamaqda şübhəli bilinən, əvvəllər məhkum olunmuş, 37 yaşlı E.Tağıyev, 58 yaşlı D.Məmmədov, 39 yaşlı Z.Abdullayev və 36 yaşlı T.Məmmədov saxlanılıb.
Faktla bağlı araşdırmalar davam etdirilir.
Sumqayıtda 2 nəfərin ölümü ilə nəticələnən avtomobil qəzası baş verib.
Hadisə Sumqayıtın Sülh küçəsində qeydə alınıb.
Belə ki, “Hyundai” markalı avtomobillə “KİA” markalı avtomobil toqquşub.
Nəticədə 2 nəfər hadisə yerində ölüb.
Biləcəri Enerji Təchizatı və Satışı İdarəsinin (ETSİ) Binəqədi kənd ərazisində yenidənqurma və təmir işləri ilə əlaqədar yanvarın 17-də elektrik xətləri sifarişə əsasən açılacaq.
Bu barədə “Azərişıq”dan məlumat verilib.
Bildirilib ki, 110/35/6 kV-luq ETK yarımstansiyadan qidalanan 6 kV-luq Binəqədi 1, Binəqədi 2 hava xətlərində aparılan yenidənqurma və təmir işləri ilə əlaqədar saat 10:00-dan saat 14:00-dək Binəqədi kənd və yeni yaşayış massivlərində elektrik enerjisinin verilişində məhdudiyyət yaranacaq.
Yenidənqurma və təmir işləri yekunlaşdıqdan sonra sözügedən ərazilər daha keyfiyyətli elektrik enerjisi ilə təmin olunacaq.
Müdafiə Nazirliyinin tabeliyində olan hərbi hissələrdə mənimsəməyə görə həbs edilən, müxtəlif hərbi hissələrdə maliyyə xidmət rəisi olmuş Cəbrayıl Orucovun məhkəmə prosesi yekunlaşıb.
Median.Az APA-ya istinadən xəbər verir ki, bu gün Bakı Hərbi Məhkəməsində hakim Bilal Məmmədovun sədrliyi ilə keçirilən prosesdə hökm elan olunub.
Hökmə əsasən, Cəbrayıl Orucov 2 il vəzifə tutmaq hüququndan məhrum edilməklə, 10 il müddətinə azadlıqdan məhrum olunub.
Dövlət ittihamçısı ona 11 il həbs cəzası verilməsini istəmişdi.
Qeyd edək ki, N saylı hərbi hissənin maliyyə xidmət rəisi işləmiş Cəbrayıl Orucov Müdafiə Nazirliyinin mənimsəməyə görə tutulmuş Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin Maliyyə Xidmətinin sabiq rəisi, polkovnik Cəlal Kazımov, Quru Qoşunların maliyyə idarəsinin rəisi Bayram Bayramov və Hərbi Dəniz Qüvvələrinin maliyyə xidmətinin sabiq rəisi Vüsal Əlizadənin cinayət işi üzrə məhkəmədə şahid qismində ifadə vermişdi.
Qeyd edək ki, Cəbrayıl Orucov 2024-cü ilin may ayında Dövlət Təhlükəsizliyi Xidmətinin İstintaq baş idarəsi tərəfindən saxlanılıb və ona Cinayət Məcəlləsinin 179.4-cü (xüsusilə külli miqdarda mənimsəmə) maddəsi ilə ittiham elan olunub.
Onun istintaq və məhkəmə baxışı davam edən işlər üzrə dövlət büdcəsinə dəymiş ziyanı ödəmədiyi məlum olub.