Month: March 2025

Çin hakimiyyəti “DeepSeek” süni intellekt startapı əməkdaşlarının xaricə səfərləri üzərində nəzarəti gücləndirib.

Median.Az “Kommersant” nəşrinə istinadla xəbər verir ki, “beyin axını”nın qarşısını almaqdan ötrü belə bir addım atılıb.

“DeepSeek”in ana şirkəti “High-Flyer” bəzi əməkdaşların pasportlarını saxlayaraq, onların ökəni icazəsiz tərk etmək imkanını məhdudlaşdırır.

Bu tədbirlər Çin hökumətinin süni intellekt sahəsindəki alimlərə və sahibkarlara ABŞ-yə səfərdən çəkinmək tövsiyələri fonunda tətbiq edilib.

ABŞ-nin Tennessi ştatında dörd cinayətkar kassirlərə piton ilanları hədə-qorxu göstərərək, yanacaqdoldurma məntəqəsini (YDM) qarət edib.

Bu barədə Median.Az “Baza” “Telegram” kanalına istinadla xəbər verir.

Bildirilir ki, iki oğlan və iki qız əllərində ilanlarla yanacaqdoldurma məntəqəsinə daxil olub. Kassirlər qorxduqlarından piton ilanlarının zəhərli olmadıqlarını diqqətə almayıblar.

İnsident nəticəsində qarətçilər 400 dollar dəyərində çətənə yağı götürərək, hadisə yerindən uzaqlaşıblar.

Yuxu və ya istirahət zamanı ayaqlarda hiss olunan narahatlığın müalicəsində istifadə edilən ropinirol aktiv maddəli dərmanların qumar və cinsi asılılığa səbəb olduğu aşkar edilib.

Median.Az “Haber Global”a istinadən xəbər verir ki, reseptlə dərman alan xəstələr qeyri-adekvat cinsi istəyə səbəb olan ciddi yan təsirlər barədə həkimlərin onları xəbərdar etmədiyini bildiriblər.

Milyonlarla insan tərəfindən istifadə edilən bu dərmanlar başgicəllənmə, halsızlıq və ya qusma kimi yan təsirlərə də səbəb ola bilər.

Lakin bəzi bu tərkibli dərmanların müntəzəm istifadəsi hətta qumar asılılığı ilə nəticələnir.

Bildirilir ki, ropinirollu dərmanlardan istifadə edənlərin 6-17%-i onlardan mənfi təsirlənir.

Avstraliyalı Freyzerə 41 yaşında Alzheymer diaqnozu qoyulub. Lakin onun xəstəliyinin ilk simptomu 31 yaşında ortaya çıxıb.

Median.Az championat.com-a istinadən xəbər verir ki, kişi bu xəstəliklə bağlı problemləri daha əvvəldən hiss etməyə başlayıb.

Hər şey kiçik bir simptomla başlayıb. Freyzer yaxın zamanlarda izlədiyi filmin sonunu xatırlaya bilməyib.

“Mən onu necə izlədiyimi heç xatırlamırdım. Ümumilikdə isə o vaxtlar çox film izləyirdim. Ona görə də bu, bir qədər qəribə və narahatedici idi”, – deyə kişi danışıb.

Alimlər belə qənaətə gəliblər ki, fraqmentar yaddaş pozuntuları illər öncə Alzheymer barədə xəbərdaredici əlamət ola bilər.

Türkiyədə hava limanının Ali Çelikten adlı əməkdaşı yükləri İstanbuldan Afinaya uçan təyyarəyə yükləyərkən həmkarları tərəfindən orada unudulub.

Median.Az Türkiyə mediasına istinadən xəbər verir ki, Çelikten içəridə olarkən ekipaj yük bölməsinin qapısını bağlayıb.

Təyyarə qalxmağa hazırlaşarkən gəncin kömək çağırışları mühərrik səsindən eşidilməyib.

Xoşbəxtlikdən, Alinin itkin düşdüyü tezliklə aşkar edilib və təyyarə tez bir zamanda geri qaytarılıb.

Ümumilikdə, gənc 11-12 min metr yüksəklikdə təxminən bir saat yarım ərzində mənfi 25 dərəcə soyuqluqda qalıb.

Uçuşdan sonra onun ayaqlarını don vurub. Ali hələ də müalicə almağa davam edir. Bu hadisə dekabrın ortalarında baş verib, lakin insident mediaya yalnız indi sızıb.