Median.Az

Month: August 2025

  • Röya Ayxana ağır itki üz verdi – FOTO

    Xalq artisti Röya Ayxana ağır itki üz verib. Sənətçinin atası Yaqub Nəcəfov dünyasını dəyişib.

    R.Ayxanın mətbuat xidmətindən oxu.az-a məlumat təsdiqlənib.

    Y.Nəcəfov 68 yaşında uzunsürən xəstəlikdən sonra dünyasını dəyişib.

  • В России начали блокировать звонки в Telegram и WhatsApp

    Пользователи из России столкнулись с проблемами при использовании голосовых звонков в мессенджерах Telegram и WhatsApp.

    Об этом пишет на своем Telegram-канале журналистка и блогер Анастасия Кашеварова.

    По ее словам, ограничения WhatsApp начались все же в августе, хотя изначально блокировку планировали запустить с 1 июля.

    Сейчас проблемы наблюдаются только при подключении через мобильный интернет – вызовы либо не проходят, либо качество связи сильно ухудшается. При использовании Wi-Fi звонки пока работают, но, по словам Кашеваровой, это “временный этап тестирования”.

    Ранее операторы связи предлагали ограничить голосовые вызовы в WhatsApp и Telegram, назвав их “вражескими мессенджерами”. Журналистка заявляет, что в скором времени проблемы со звонками начнутся и в мессенджере Дурова.

    Звонки проходят, если подключен VPN. “Недружественные” VPN тоже скоро будут блокировать.

    “Нужно выработать единое четкое решение по кибербезопасности и отключению недружественных систем. Ну и понимать, чем пользоваться, если отключить то, на чем многие работают”, – пишет Анастасия Кашеварова.

    В отдельных городах (Краснодар и Новороссийск) интернет отключали полностью – в том числе из-за атак беспилотников.

  • Rusiyada “WhatsApp” və “Telegram” tətbiqlərinin bloklanmasına başlanılıb

    Rusiyada “WhatsApp” messencerinin bloklanmasına başlanılıb.

    Bu barədə sosial şəbəkələrdə yayılan məlumatlardan bəlli olur.

    Bildirilir ki, hazırda məhdudiyyətlər yalnız mobil internet vasitəsilə qoşulma zamanı hiss olunur – zənglər ya ümumiyyətlə getmir, ya da səs keyfiyyəti kəskin şəkildə pisləşir.

    “Wi-Fi” üzərindən zənglər hələlik mümkündür, lakin bu, müvəqqəti test mərhələsidir”, – deyə jurnalist Anastasiya Kaşevorova bildirib.

    Onun sözlərinə görə, yaxın zamanda bu xidmətlərin tam bloklanması gözlənilir.

    Kaşevorova, həmçinin Pavel Durova məxsus “Telegram” messencerində də oxşar problemlərin yarandığını qeyd edərək, adıçəkilən mesencerlər vasitəsilə zənglərlə bağlı çətinliklərin getdikcə artacağını bildirib.

    “Baza”nın əməkdaşları da mobil internet üzərindən zənglərin keyfiyyətinin çox zəif olduğunu təsdiqləyiblər – səs tez-tez kəsilir, qarşı tərəfi demək olar ki, eşitmək olmur.

    Xatırladaq ki, Dövlət Dumasının IT Komitəsi sədrinin birinci müavini Anton Qorelkin “WhatsApp”ın Rusiya bazarından çıxmağa hazırlaşmalı olduğunu bəyan etmişdi. Onun sözlərinə görə, Rusiyada ekstremist təşkilat kimi tanınan “Meta” şirkətinə məxsus bu messencer, məhdudlaşdırılacaq proqram təminatı siyahısına daxil ediləcək. Prezident Vladimir Putin həmin siyahının sentyabrın 1-dək hazırlanması barədə göstəriş verib.

  • XİN Azərbaycan və Ermənistan arasında paraflanmış sülh sazişinin mətnini yayıb – FOTO

    8 avqust 2025-ci il tarixində Azərbaycan Respublikasının Prezidenti, Amerika Birləşmiş Ştatlarının Prezidenti və Ermənistan Respublikasının baş nazirinin iştirakı ilə Azərbaycan və Ermənistanın xarici işlər nazirləri “Azərbaycan Respublikası ilə Emənistan Respublikası arasında sülhün və dövlətlərarası münasibətlərin təsis olunması haqqında Saziş”in mətnini paraflayıblar.

    Bu barədə Xarici İşlər Nazirliyi məlumat yayıb.

    Bildirilib ki, Paraflanmış Sazişin ingilis dilində mətni ilə bu keçid vasitəsilə tanış olmaq mümkündür. Sazişin eyni dərəcədə autentik olan Azərbaycan dilinə qeyri-rəsmi tərcüməsi ilə bu keçid vasitəsilə tanış olmaq olar.

    Bundan əlavə, Azərbaycan Respublikasının və Ermənistan Respublikasının xarici işlər nazirlərinin ATƏT-in Minsk Prosesi və əlaqəli strukturların (ATƏT-in fəaliyyətdə olan sədrinin Minsk konfransının müzakirəsində olan münaqişə üzrə şəxsi nümayəndəsi və Yüksək Səviyyəli Planlaşdırma Qrupunun) bağlanması ilə bağlı ATƏT-in fəaliyyətdə olan sədrinə birgə müraciətindən sonra, bu gün ATƏT Nazirlər Şurasının bağlanma ilə bağlı qərar layihəsi ATƏT iştirakçı dövlətləri arasında yayılıb və onlar qərarın qəbul edilməsi üçün lazımi prosedurları dəstəkləməyə çağırılıblar.



  • Tovuzda iki ahıl qadını öldürüb evi yandıran gənclərə AĞIR CƏZA

    Üç il əvvəl Tovuz rayonunda iki ahıl qadını öldürüb evi yandırmaqda ittiham olunan dəstə üzvlərinin cinayət işi üzrə məhkəmə araşdırması başa çatıb.

    Median.Az “Qafqazinfo”ya istinadən xəbər verir ki, Gəncə Ağır Cinayətlər Məhkəməsinin hökmü ilə dəhşətli cinayətdə təqsirli bilinənlərdən biri qanunun icazə verdiyi ən ağır cəzaya məhkum edilib.

    Cinayət işində əsas epizod üç il əvvəl Tovuzun İbrahimhacılı kəndində 68 yaşlı Yaqut Quliyevanın evində yanğın baş verməsi ilə başlayır. Həmin yanğın nəticəsində evin böyük hissəsi külə dönüb. Yanğın söndürüldükdən sonra Yaqut Quliyeva və yaxın qonşusu – 70 yaşlı Həqiqət Cabbarovanın yanmış meyitləri aşkar edilib.

    Prokurorluğun keçirdiyi istintaq-əməliyyat tədbirləri nəticəsində cinayətin üstü isti izlərlə açılıb. 19 yaşlı Elcan Bağırov və 17 yaşlı Q.Quliyev oğurluq məqsədilə evə giriblər. Yaşlı qadınların onları görməsi səbəbindən hər iki şəxsi bıçaqla öldürdükləri, sonra izlərini gizlətmək üçün evi yandırdıqları müəyyən edilib.

    Bu əmələ görə, təqsirləndirilən şəxslərə bir qrup şəxs tərəfindən qəsdən adam öldürmə, quldurluq və ya hədə-qorxu ilə iki nəfəri öldürmə maddələri ilə ittiham elan edilib. Davam edən araşdırmalar Elcan və Q.Quliyevin başqa cinayətlərini də üzə çıxarıb. Onlar Anar, Samir, Roma, Naməddin və Novruz adlı kənd sakinləri ilə əlbir olaraq əvvəlki vaxtlarda da ətraf rayonlarda və kəndlərdə müxtəlif oğurluq cinayətləri törədiblər. İttihamlar məhkəmə istintaqı zamanı toplanmış sübutlarla da təsdiqini tapıb.

    Məhkəmə hazırda 22 və 20 yaşı olan gənclərə heç bir güzəşt tətbiq etməyərək onları ən ağır şəkildə cəzalandırıb.

    Hökmə əsasən, Elcan Bağırov ömürlük, Q.Quliyev 10 il müddətinə (yetkinlik yaşına çatmayanlar üçün qanunun icazə verdiyi ən ağır cəza – red.) azadlıqdan məhrum edilib. Oğurluqda təqsirli bilinən digər dəstə üzvlərinə isə 2 ildən 9 il 6 aya qədər həbs cəzası verilib.

  • “Bağırov” körpüsünün üzərindəki geriyə dönmə 10 gün bağlı olacaq

    Sabah saat 08:00-dan etibarən etibarən 10 gün müddətinə Bakı şəhəri, Nərimanov rayonu, “Bağırov” körpüsünün üzərindəki geriyə dönmədə (“Koroğlu” metro stansiyasından şəhərə və əks istiqamətlərdə) “Azərbaycan Dəmir Yolları” QSC-nin aparacağı təmir işləri ilə əlaqədar nəqliyyat vasitələrinin hərəkəti tam məhdudlaşdırılacaq.

    Bu barədə Azərbaycan Avtomobil Yolları Dövlət Agentliyinə istinadən xəbər verir.

    “Sürücülərdən aparılan işlərə anlayışıla yanaşmaları xahiş olunur”, – deyə məlumatda qeyd olunub.

  • Pasiyentlərə epikriz məlumatlarının verilməsi elektronlaşdırılıb

    İcbari Tibbi Sığortanın, TƏBİB və İnnovasiya və Rəqəmsal İnkişaf Agentliyinin birgə əməkdaşlığı nəticəsində “mygov” platformasına xəstəlik tarixçəsi (epikriz) məlumatları inteqrasiya olunub.

    TƏBİB-dən verilən məlumata görə, vətəndaşlar bu bölmədə anamnestik məlumatlar, müayinələrin nəticələri, diaqnozlar, tətbiq edilmiş müalicə tədbirləri və tibbi tövsiyələrlə tanış ola, həmçinin həmin məlumatları yükləyə bilərlər.

    Qeyd edək ki, bu məlumata veb sayt üzərindən “Tibb məlumatlarım” bölməsi, mobil tətbiqdə isə “Sağlamlıq” kateqoriyası vasitəsilə rahat şəkildə çıxış imkanı mövcuddur.

  • Bu marketdə saxta araqlar satılırmış

    Daxil olan müraciət əsasında Biləsuvar rayonunun Səmədabad kəndində fəaliyyət göstərən Əkrəm Turabxan oğlu Turabova məxsus “Turabov” marketdə plandankənar yoxlama aparılıb.

    Azərbaycan Qida Təhlükəsizliyi Agentliyinin İnformasiya təminatı və innovativ həllər şöbəsindən verilən məlumata görə, yoxlama zamanı müəssisədə 5 ədəd 250 millilitrlik “Naturel organic vodka” əmtəə nişanlı araq məhsulunun, həmçinin 3 ədəd 1 litrlik və 2 ədəd 0,5 litrlik “Belaya organic vodka” əmtəə nişanlı araq məhsulunun üzərində qeyd edilən VÖEN-in müəyyən edilməməsi faktı aşkarlanıb.

    Eyni zamanda, 2 ədəd 2 litrlik “Vip BAKU organic vodka” əmtəə nişanlı araq məhsulunun üzərində istehsalçısı, istehsal tarixi və ünvanı barədə məlumatların yazılmadığı məlum olub.

    Müayinələrin aparılması üçün məhsullardan nümunələr götürülərək Azərbaycan Qida Təhlükəsizliyi İnstitutununa təqdim edilib.

    Faktla bağlı sahibkar barəsində inzibati protokol tərtib olunub, uyğunsuzluq aşkarlanmış qida məhsullarının satışının qadağan edilməsi ilə bağlı məhdudlaşdırıcı tədbirlərin tətbiqi barədə qərar qəbul olunub.

  • Qarabağda yanğın – Helikopterlər cəlb olundu (Video)

    Ağdərə rayonunun Ortakənd və Suqovuşan kəndləri istiqamətində, həmçinin Zəngilan şəhəri ərazisində açıq sahələrdə baş vermiş yanğınlarla mübarizə tədbirləri fasiləsiz olaraq davam etdirilir.

    Bu barədə Fövqəladə Hallar Nazirliyi (FHN) məlumat yayıb.

    Bundan əlavə, Xocavənd rayonunun Çörəkli və Yemişcanlı kəndləri istiqamətində mürəkkəb relyefli dağlıq ərazidə baş vermiş yanğınlar Fövqəladə Hallar Nazirliyinin qüvvələri tərəfindən havanın isti və küləkli olmasına baxmayaraq ətraf ərazilərə yayılmasına imkan verilmədən məhdudlaşdırılıb.

    Hazırda yanğınların tam söndürülməsi istiqamətində əməliyyat davam edir.

    Qeyd edək ki, yanğınların söndürülməsi əməliyyatında FHN-in Dövlət Yanğından Mühafizə Xidmətinin qüvvələri və Aviasiya dəstəsinin helikopterləri iştirak edir.

  • Futboldan uzaqlaşdırılan azərbaycanlı hakim taksi sürür – FOTO

    Futboldan uzaqlaşdırılan Rauf Allahverdiyev artıq Bakıda tanınmış taksi şirkətlərin birinə müraciət edib.

    Median.Az İdmanxəbər.az-a istinadən xəbər verir ki, Rauf Allahverdiyev Sənədləşmə işlərinin ardından yeni işinə start verəcək.

    Xatırladaq ki, referi hakimlikdən uzaqlaşdırılmasını ötən mövsüm Azərbaycan Kubokunun yarımfinal mərhələsi ilk oyunu çərçivəsində keçirilən “Neftçi” – “Sabah” görüşündə ciddi səhvə yol verməsilə əlaqələndirmişdi. Daha sonra AFFA Allahverdiyevi federasiyanın işgüzar imicinə xələl gətirən açıqlamaları səbəbindən onunla yeni müqavilə uzadılmadığını açıqlayıb.