Azərbaycanda ardıcıl 5 gün qeyri-iş günü olacaq.
2025-ci ilin dekabrın 31-i Dünya Azərbaycanlılarının Həmrəyliyi Günü və 2026-cı ilin yanvarın 1 və 2-si Yeni il bayramı ilə əlaqədar qeyri-iş günüdür.
2026-cı ilin 1-2 Yanvar tarixləri cümə axşamı və cümə gününə, 3-4 yanvar isə şənbə-bazar günlərinə təsadüf edir.
Beləliklə, Yeni ildə 31 dekabr – 4 yanvar tarixləri qeyri-iş günü olacaq.
6-10 oktyabr tarixlərində istismar müddəti başa çatmış və istifadəyə yararsız olan döyüş sursatlarının təhlükəsizlik qaydalarına riayət olunmaqla Pirəkəşkül qəsəbəsi yaxınlığındakı poliqonda, həmçinin Ağdərə rayonu ərazisindəki təlim mərkəzində məhv edilməsi prosesi həyata keçiriləcək.
Bu barədə Müdafiə Nazirliyi (MN) məlumat yayıb.
“Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq”, – deyə məlumatda qeyd olunub.
Bakıda DSX mayoruna hücum etməkdə təqsirləndirilən şəxslərin cinayət işi üzrə məhkəməsinin yekun prosesi keçirilib.
Bakı Ağır Cinayətlər Məhkəməsində hakim Elmin Rüstəmovun sədrliyi ilə keçirilən prosesdə dövlət ittihamçısı çıxış edib.
O, təqsirləndirilən Elnur Həmidovun 9 il, Musa Əhmədovun 3 il 6 ay və Elçin Hüseynovun 2 il müddətinə azadlıqdan məhrumetmə cəzasına məhkum edilməsini təklif edib. Dövlət ittihamçısı əlavə edib ki, zərərçəkənlərlə barışıq əldə olunması yüngülləşdirici hal hesab olunub.
Daha sonra vəkillər çıxış edərək müdafiə etdikləri şəxslərə şərti cəza verilməsini xahiş edib.
Təqsirləndirilən şəxslər son sözlərində məhkəmədən onlara yüngül cəza verməsini xahiş ediblər.
Məhkəmədə hökm oxunub. Hökmə əsasən, Elnur Həmidova 4 il, Musa Əhmədova isə 2 il 6 ay müddətinə azadlıqdan məhrumetmə cəzası təyin edilib. Cinayət Məcəlləsinin 70-ci maddəsi tətbiq edilməklə E.Həmidovun cəzası 1 il 6 ay, M.Əhmədovun cəzası isə 1 il sınaq müddəti seçilməklə şərti hesab olunub. Digər təqsirləndirilən Elçin Hüseynova isə 3 il müddətinə azadlığın məhdudlaşdırılması cəzası təyin edilib. Onlar məhkəmə zalından azadlığa buraxılıblar.
Qeyd edək ki, yanvarın 4-də paytaxtın Xətai rayonunda bir qrup idmançı xuliqanlıq zəminində insident törədib. İdmançıların DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum etdikləri bildirilib. Faktla bağlı idmançılardan Elnur Həmidov, Emil Hümbətov, Elçin Hüseynov, Elvin Məmmədov, Musa Əhmədov və Ramal Aslanov polis tərəfindən saxlanılıb. Hadisənin sifarişçisinin Kikboksinq Federasiyasının I vitse-prezidenti Ramal Aslanov olduğu açıqlanıb. Xətai rayon Məhkəməsinin qərarına əsasən, saxlanılan Elnur Həmidov, Elçin Hüseynov və Musa Əhmədov barəsində 3 ay müddətində həbs qətimkan tədbiri seçilib. Elvin Məmmədov barəsində isə polis nəzarəti altına vermə qətimkan tədbiri seçilib. Onlara Cinayət Məcəlləsinin 221.2.1-ci ( Xuliqanlıq, bir qrup şəxs tərəfindən və ya təkrar törədildikdə), 126.2.4 (ağır dərəcədə bədən xəsarətləri yetirmə) 221.3-cü (xuliqanlıq, silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə ittiham irəli sürülüb.
//oxu.az
Dövlət Miqrasiya Xidməti (DMX) tərəfindən əcnəbi və vətəndaşlığı olmayan şəxslərin ölkədə olma, yaşama, işə cəlb olunma qaydaları və digər müvafiq inzibati hüquq pozmalarla bağlı 2025-ci ilin 3-cü rübü ərzində ümumilikdə 7 718 qərar qəbul edilib.
Bu barədə DMX məlumat yayıb.
Qeyd edilib ki, barəsində inzibati qərar qəbul edilən əcnəbilərdən 3 245 nəfəri DMX tərəfindən tənzimlənməyən miqrasiyaya qarşı keçirilmiş tədbirlər zamanı saxlanılıb. Onların ölkə ərazisində olma və yaşama hüququ verən sənədlər olmadan (qanunsuz) yaşaması, ölkəyə gəlişinin bəyan edilmiş məqsədinə uyğun olmayan fəaliyyətlə məşğul olması, qanunsuz əmək fəaliyyətinə cəlb edilməsi və ya qeydiyyat ünvanı üzrə yaşamadığı müəyyənləşdirilib.
Bildirilib ki, miqrasiya qanunvericiliyini pozan 429 əcnəbi Azərbaycan Respublikasının hüdudlarından kənara inzibati qaydada çıxarılıb və ölkəyə girişləri qanunla müəyyən edilmiş müddətə məhdudlaşdırılıb, digərlərinin ölkə ərazisində yaşamalarının qanuniləşdirilməsi və ya ölkəni könüllü tərk etmələri təmin olunub.
Sonda qeyd olunub ki, dövr ərzində ölkədə tənzimlənməyən miqrasiyanın təşkilinə dair 3 hal aşkar edilib. Aparılmış araşdırmalar zamanı əcnəbilərin müxtəlif məqsədlərlə ölkə ərazisinə gətirilmələri, gəldikdən sonra onların qanunsuz yollarla ölkə ərazisində iş və müvəqqəti yaşamaq üçün icazə vəsiqələri ilə təmin edilmələri ilə bağlı cəhdlər edildiyi müəyyən olunub. Həmin hallar üzrə toplanmış sübutlar hüquqi qiymət verilməsi üçün aidiyyəti hüquq-mühafizə orqanlarına göndərilib.
DMX tərəfindən tənzimlənməyən miqrasiyaya qarşı tədbirlər fasiləsiz davam etdirilir.
Azərbaycanda məktəb direktoru dünyasını dəyişib.
İmişli şəhər N.Şirinov adına məktəb-liseyin direktoru Validə Zülfüqarova vəfat edib.
Bildirilib ki, o, əməkdar müəllim olub.
Paytaxtın Binəqədi rayonu, Xocəsən yolu ilə Çingizxan küçəsinin kəsişməsində yol-nəqliyyat hadisəsi baş verib.
Bu barədə Daxili İşlər Nazirliyinin Nəqliyyatı İntellektual İdarəetmə Mərkəzindən (NİİM) məlumat verilib.
Bildirilib ki, bu qəzanın qarşısını almaq üçün sadəcə işıqforun qırmızı işığında dayanmaq kifayət idi:
“Qaydaları pozan sürücülər yollarda real təhlükə yaradırlar. Nizamlanan yolayrıcına yaxınlaşarkən sürət həddi nizamlayıcının siqnallarına uyğun tənzimlənməli, sarı işıq yananda isə sürət azaldılaraq nəqliyyat vasitəsi tam dayandırılmalıdır.
Əks təqdirdə, sürücü gedişi başa çatdıra bilmir, qırmızı işıqda keçmək məcburiyyətində qalır və bu da qəzaların baş verməsinə səbəb olur.
Unutmayaq ki, belə qayda pozuntuları çox vaxt insanların xəsarət alması və ya həyatını itirməsi ilə nəticələnir”.
Оценка инвалидности будет осуществляться по новым правилам.
Соответствующее решение принял Кабинет министров Азербайджана.
Согласно изменениям, внесенным в “Порядок оценки инвалидности”, информация, указанная в решениях об установлении инвалидности лица или об соответствующем отказе, может быть предоставлена (получена) через Информационную систему электронного правительства. Предоставление данной информации через вышеупомянутую систему приравнивается к предоставлению самих решений.
Əlilliyin qiymətləndirilməsi yeni qaydada həyata keçiriləcək.
Nazirlər Kabineti bu barədə qərar verib.
“Əlilliyin qiymətləndirilməsi Qaydası”na edilən dəyişikliyə əsasən, şəxsin əlilliyinin müəyyən edilməsi və əlilliyin müəyyən olunmasından imtina edilməsi barədə qərarlarda göstərilən məlumatlar Elektron Hökumət İnformasiya Sistemi üzərindən təqdim edilə (əldə edilə) bilər. Bu qərarlarda göstərilən məlumatların Elektron Hökumət İnformasiya Sistemi üzərindən təqdim edilməsi həmin qərarların təqdim edilməsinə bərabər tutulur.
350 туристов, застрявших из-за сильной метели на склоне Эвереста в Тибетском автономном районе Китая, благополучно спустились с горы.
Как передает Median.Az со ссылкой на ТАСС, об этом сообщило Центральное телевидение Китая.
Отмечается, что все они чувствуют себя хорошо.
Спасатели также установили связь с оставшейся группой из более чем 200 человек. Они в скором времени спустятся со склона под руководством отряда, отправленного им на помощь.
4 октября в уезде Динжи городского округа Шигадзе прошел мощный снегопад. Как сообщали ранее китайские СМИ, основные туристические маршруты полностью завалило снегом, видимость резко упала до менее одного метра. По данным издания “Саньсян душибао”, порядка 1 000 человек, совершавших восхождение, не смогли продолжить путь по обледенелым дорогам и были вынуждены укрываться в палатках. Они застряли в лагере на высоте 4 900 м над уровнем моря.
Эверест (Джомолунгма) входит в гималайский хребет Махалангур-Химал, гора расположена на границе Непала и Тибетского автономного района КНР. В декабре 2020 года Китай и Непал после совместных экспедиций объявили новую скорректированную высоту Эвереста: она составляет 8 848.86 м над уровнем моря, на 86 см выше, чем считалось ранее.
Tibetdə Everest dağının yamacında bir həftəyə yaxındır güclü qar fırtınası nəticəsində ilişib qalan turistlərdən 350-si təhlükəsiz şəkildə dağdan endirilib.
Bu barədə Çin Mərkəzi Televiziyası məlumat yayıb.
Bildirilib ki, xilas edilən turistlərin hamısının vəziyyəti qənaətbəxşdir.
Bundan başqa dağda qalan daha 200-dən çox insanla əlaqə yaradılıb. Onların yaxın vaxtlarda xüsusi xilasetmə qrupunun müşayiəti ilə yamacdan endiriləcəyi gözlənilir.
Qeyd edək ki, oktyabrın 4-də Şiqadze şəhər dairəsinin Dinci qəzasında güclü qar fırtınası başlayıb. Nəticədə əsas turist marşrutları tamamilə bağlanıb, dağa qalxan təxminən 1000 nəfər buzla örtülmüş yollar səbəbindən hərəkət edə bilməyib. Onlar dəniz səviyyəsindən 4900 metr yüksəklikdə yerləşən düşərgədə ilişib qalıblar.