Median.Az

Month: December 2025

  • Namizəd Səfərov saxlanıldı

    Hüquqşünas Namizəd Səfərov saxlanılıb.

    APA-nın əldə etdiyi xəbərə görə, faktla bağlı araşdırma aparılır.

    İlkin məlumata görə, onun saxlanılmasına dələduzluqla bağlı şikayətlər səbəb olub.

  • Tarixin ən güclü kosmik radiasiya partlayışı qeydə alındı

    Kapel Hilldəki Şimali Karolina Universitetinin astronomları rekord qıran kosmik partlayış – GRB 250702B qamma-şüa partlayışı – barədə məlumat veriblər ki, bu partlayış təxminən yeddi saat davam edib. Bu, saniyələr və ya dəqiqələr davam edən tipik partlayışlardan on dəfələrlə uzundur. Qeyri-adi müddət bu cür hadisələrin mənşəyi üçün standart modellərə meydan oxuyub.

    Tədqiqat “The Astrophysical Journal Letters” (AJL) jurnalında dərc edilib.

    Qamma-şüa partlayışları Kainatdakı ən güclü elektromaqnit partlayışlarıdır və nəhəng ulduzlar öldükdə və ya kompakt cisimlər toqquşduqda baş verir. Lakin GRB 250702B o qədər uzun və parlaq olub ki, adi ssenarilərə uyğun gəlmir. Kosmik rəsədxanalar tərəfindən aşkar edildikdən sonra komanda dünyanın ən böyük yerüstü teleskoplarından istifadə edərək müşahidələr aparıb. Astronomlar sıx toz təbəqələrinin altında gizlənmiş nəhəng bir qalaktikada solğun işığı aşkar edə biliblər.

    Tədqiqatın aparıcı müəllifi Conatan Karninin sözlərinə görə, partlayış mövcud modellərə uyğun gəlmir. Tədqiqatçılar bir neçə mümkün mexanizmi – nəhəng bir ulduzun çökməsi, ekzotik ulduz qalıqlarının birləşməsi və ya qara dəlik tərəfindən ulduzun məhv edilməsini irəli sürürlər. Lakin məlumatlar hələ də hər hansı bir ssenarini dəstəkləmək üçün kifayət deyil.

    Bu cür hadisələr maddənin həddindən artıq rejimlərini öyrənmək imkanı təqdim edir – burada sıxlıqlar atom nüvələrinin sıxlığı ilə müqayisə edilə bilər və cazibə qüvvəsi fəza-zamanı təhrif edə bilər. Qamma-şüa partlayışları həmçinin planetlərin sonradan əmələ gəldiyi qalaktikalar da daxil olmaqla, ağır elementlərin qalaktikalar boyunca paylanmasında mühüm rol oynayır.

    Tədqiqatçılar qeyd ediblər ki, GRB 250702B gələcək müşahidələr üçün yeni bir etalon olacaq. Bu cür hadisələr aşkar edildikdə, astronomlar onların xüsusiyyətlərini bu rekord qıran partlayışla müqayisə edərək onun unikal bir sinfi təmsil edib-etmədiyini və ya tamamilə yeni bir kosmik fəlakət növü kəşf edilib-edilmədiyini müəyyən edəcəklər.

  • Evdən oğurluq edən kürəkən saxlanıldı

    Dekabrın 8-i Sabunçu rayonunun Zabrat qəsəbəsində yerləşən evlərin birindən 6800 manat dəyərində qızıl-zinət əşyaları oğurlanıb.

    Polis tərəfindən hadisənin təfərrüatı araşdırılarkən mənzildə kənar müdaxilə izləri aşkar edilməyib. Bu hal oğurluq hadisəsində zərərçəkənin ailə üzvlərindən birinin iştirakına dair əsaslı şübhələr yaradıb.

    Həyata keçirilən əməliyyat tədbirləri nəticəsində ev sahibinin kürəkəni 22 yaşlı O. İsmayılov talama cinayətini törətməkdə şübhəli bilindiyi üçün saxlanılıb. O, verdiyi izahatda qızıl-zinət əşyalarını sataraq nağd pula çevirmək məqsədilə oğurladığını etiraf edib.

    Faktla bağlı araşdırmalar davam etdirilir.

  • Снявшим неэтичное видео на Аллее шехидов туристам грозит до 4 лет заключения

    Государственный обвинитель потребовал лишения свободы сроком на 4 года для граждан Саудовской Аравии Альзамана Махди Али, Альгабра Мохаммада Хуссейна и Альгабра Махди Мохаммада, снявших и опубликовавших в соцсетях неэтичные видео на Аллее шехидов в Баку.

    На процессе в Сабаильском районном суде под председательством судьи Азера Тагиева сначала были оглашены показания свидетелей, которые не смогли участвовать в предыдущем заседании. Затем были изучены документы по уголовному делу. Видео, снятое обвиняемыми на Аллее шехидов, было просмотрено в суде.

    Сторона защиты заявила, что в действиях подсудимых не было какого-либо надругательства над могилами. Было подано ходатайство о проведении лингвистической экспертизы для выяснения данного вопроса.

    Гособвинитель выступил против проведения экспертизы, заявив, что доказательства, собранные следствием, состоят не только из видеоматериалов. Прокурор напомнил, что свидетели в своих показаниях также заявили, что указанные лица вели себя неэтично на Аллее шехидов.

    Суд не удовлетворил ходатайство стороны защиты о проведении лингвистической экспертизы. Затем было объявлено о завершении судебного следствия. Обвинитель в своем выступлении потребовал депортировать подсудимых из Азербайджана после отбытия наказания.

    Двое участников заседания со стороны потерпевших заявили, что прощают указанных лиц. Адвокаты запросили время для подготовки к выступлениям.

    Очередное заседание суда назначено на 16 декабря.

    Напомним, что инцидент, вызвавший широкий общественный резонанс, произошел в августе текущего года. Трое иностранных граждан, прибывшие в Азербайджан в качестве туристов, сняли на Аллее шехидов видеоролики оскорбительного характера и разместили их в социальных сетях.

    По данному факту было возбуждено уголовное дело по ст. 245 (надругательство над могилой) УК Азербайджана. Сотрудники полиции оперативно установили личности нарушителей, задержали их и привлекли к следствию. 18 августа Сабаильский районный суд избрал иностранцам меру пресечения в виде ареста сроком на три месяца.

  • Prokuror Şəhidlər xiyabanında qeyri-etik videolar çəkən ərəblərə cəza istədi

    Şəhidlər xiyabanında nalayiq hərəkətlər etməklə çəkdikləri videogörüntünü sosial şəbəkələrdə paylaşmağa görə polis tərəfindən saxlanılan 3 Səudiyyə Ərəbistanı vətəndaşının (Alzaman Mahdi Ali, Alghabr Mohammad Hussain, Alghabr Mahdi Mohammad) cinayət işi üzrə məhkəmə araşdırması yekunlaşıb.

    Səbail Rayon Məhkəməsində hakim Azər Tağıyevin sədrliyi ilə keçirilən iclasda sonuncu iki şahidin ifadəsi elan edildikdən sonra məhkəmə istintaqının yekunlaşması elan edilib.

    Daha sonra prokuror dövlət ittihamının müdafiəsi zamanı təqsirləndirilən əcnəbilərin hər üçünün ayrı-ayrılıqda 4 il müddətinə azadlıqdan məhrum edilməsini təklif edib.

    Zərərçəkən şəhid ailələri isə ərəblərin törətdiyi əməlləri onların yol verdiyi bir səhv kimi qiymətləndirilməsini xahiş edib və onları bağışladıqlarını deyiblər.

    Vəkillər müdafiə çıxışlarına hazır olmadıqlarına görə vaxt istəyiblər.

    Növbəti iclas dekabrın 16-na təyin edilib.

    Qeyd edək ki, avqustun 17-də 3 nəfər əcnəbi şəxsin Şəhidlər xiyabanında nalayiq hərəkətlər etməklə çəkdikləri videogörüntünü sosial şəbəkələrdə paylaşmaları barədə araşdırmalar aparılıb.

    Araşdırmalar zamanı həmin şəxslərin avqustun 13-də Bakı şəhərinə turist kimi 5 günlük gəldikləri, çəkdikləri videonu sosial şəbəkələrdə yaydıqları müəyyən edilib.

    Faktla bağlı Cinayət Məcəlləsinin 245-ci (Qəbir üzərində təhqiredici hərəkət) maddəsilə cinayət işi başlanılıb.

  • Ruben Vardanyanın məhkəməsində ifadələr dinlənildi

    Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, habelə terrorçuluq, terrorçuluğu maliyyələşdirmə ilə bağlı maddələri ilə və digər ağır cinayətlərdə təqsirləndirilən Ermənistan vətəndaşı Ruben Vardanyanın barəsində cinayət işi üzrə məhkəmə prosesi dekabrın 9-da davam etdirilib.

    Bakı Hərbi Məhkəməsində hakimlər Zeynal Ağayevin sədrliyi ilə, Anar Rzayevdən və Camal Ramazanovdan ibarət tərkibdə keçirilən açıq məhkəmə iclasında (ehtiyat hakim Günel Səmədova) təqsirləndirilən şəxs bildiyi dildə, yəni, rus dilində tərcüməçi, habelə müdafiəsi üçün dövlət hesabına vəkillə təmin olunub.

    Hakim Zeynal Ağayev prosesdə ilk dəfə iştirak edən zərərçəkmiş şəxslərə və zərərçəkmiş şəxslərin hüquqi varislərinə məhkəmə heyətini, dövlət ittihamını müdafiə edən prokurorları, tərcüməçiləri və s. təqdim edib, habelə onların qanunvericiliklə nəzərdə tutulmuş hüquqlarını və vəzifələrini izah edib.

    Sonra zərərçəkmiş şəxslərin ifadələri dinlənilib.

    Zərərçəkmiş şəxsin nümayəndəsi Azər Manafov ifadəsində bildirib ki, Ermənistanın mina terroru nəticəsində zərər çəkib. O, dövlət ittihamçısı Vüsal Abdullayevin suallarına cavabında baş vermiş mina partlayışı nəticəsində hadisə yerində olan bir neçə nəfərin yaralandığını, Cavid İsmayılovun isə həlak olduğunu deyib.

    Dövlət ittihamçısı Təranə Məmmədovanın suallarını cavablandıran zərərçəkmiş şəxs Yadulla Abuşov diqqətə çatdırıb ki, Kəlbəcər rayonu ərazisində düşmən tərəfindən minaatanlar və digər silahlardan açılan atəşlər nəticəsində bir neçə şəxs həlak olub, özü və daha bir neçə şəxs isə yaralanıb.

    Zərərçəkmiş şəxs Sahil Salahov ifadəsində bildirib ki, Xocavənd rayonu ərazisində Ermənistan ordusunun qalıqları və qanunsuz erməni silahlı dəstələri tərəfindən atılan mərminin yaxınlığına düşüb partlaması nəticəsində yaralanıb. Baş Prokurorluğun Dövlət ittihamının müdafiəsi üzrə idarəsinin şöbə rəisi Nəsir Bayramovun suallarını cavablandıran zərərçəkmiş şəxs qeyd edib ki, hadisə nəticəsində bir neçə şəxs həlak olub.

    Məhkəmə prosesi digər zərərçəkmiş şəxslərin ifadələrinin elan olunması ilə davam etdirilib. Belə ki, iş üzrə zərərçəkmiş şəxs qismində tanınmış bir qrup şəxs əvvəlki proseslərdə məhkəməyə müraciət ünvanlayaraq iclaslarda üzrlü səbəbdən iştirak edə bilmədiklərini, ibtidai istintaq zamanı verdikləri ifadələrini təsdiqlədiklərini bildirən ərizələr göndəriblər. Ötən məhkəmə iclaslarında tərəflər həmin ifadələrin məhkəmədə elan olunmasına etiraz etməyiblər.

    İclasda, həmçinin cinayət işi materiallarında olan ekspertiza rəyləri, protokollar və iş üzrə sübuti əhəmiyyət kəsb edən digər sənədlər elan olunub.

    Sonra məhkəməyə sədrlik edən bildirib ki, bununla da cinayət işi üzrə zərərçəkmiş şəxslərin və zərərçəkmişlərin hüquqi varislərinin ibtidai istintaq zamanı verdikləri ifadələrinin məhkəmədə elan edilməklə tədqiqi başa çatıb.

    Təqsirləndirilən şəxs Ruben Vardanyan vəsatətlə çıxış edərək, cinayət işi ilə bağlı bəzi sənədlərlə tanış olmaq istədiyini bildirib, eləcə də bəzi sənədlərin cinayət işindən xaric olunmasını xahiş edib.

    Məhkəməyə sədrlik edən Zeynal Ağayev təqsirləndirilən şəxsin konkret hansı sənədlərlə tanış olmaq istədiyi müəyyənləşdirildikdən sonra ona müvafiq şərait yaradılacağını bildirib.

    Baş prokurorun böyük köməkçisi Vüsal Əliyev məhkəməyə müraciət edərək cinayət işi üzrə digər zəruri sənədlərin də tədqiq olunmasını təklif edib.

    Məhkəmənin növbəti iclası dekabrın 12-nə təyin edilib.

    Xatırladaq ki, Ruben Vardanyan Azərbaycan Respublikası CM-in 100.1, 100.2 (təcavüzkar müharibəni planlaşdırma, hazırlama, başlama və aparma), 107 (əhalini deportasiya etmə və məcburi köçürmə), 109 (təqib), 110 (insanları zorakılıqla yoxa çıxarma), 112 (beynəlxalq hüquq normalarına zidd azadlıqdan məhrum etmə), 113 (işgəncə), 114.1 (muzdluluq), 115.2 (müharibə qanunlarını və adətlərini pozma), 116.0.1, 116.0.2, 116.0.10, 116.0.11, 116.0.16, 116.0.18 (silahlı münaqişə zamanı beynəlxalq humanitar hüquq normalarını pozma), 120.2.1, 120.2.3, 120.2.4, 120.2.7, 120.2.11, 120.2.12 (qəsdən adam öldürmə), 29,120.2.1, 29,120.2.3, 29,120.2.4, 29,120.2.7, 29,120.2.11, 29,120.2.12 (qəsdən adam öldürməyə cəhd), 192.3.1 (qanunsuz sahibkarlıq), 214.2.1, 214.2.3, 214.2.4 (terrorçuluq), 214-1 (terrorçuluğu maliyyələşdirmə), 218.1, 218.2 (cinayətkar birlik yaratma), 228.3 (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1.2, 270-1.4 (aviasiya təhlükəsizliyinə təhdid yaradan əməllər), 278.1 (hakimiyyəti zorla ələ keçirmə və ya onu zorla saxlama, dövlətin konstitusiya quruluşunu zorla dəyişdirmə), 279.1, 279.2, 279.3 (qanunvericiliklə nəzərdə tutulmayan silahlı birləşmələri və ya qrupları yaratma) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə ittiham olunur.

  • Tiktoker “Bəniz” məhkəmədə prokurorun suallarını cavablandırıb

    Bakı Ağır Cinayətlər Məhkəməsində hədə-qorxu ilə tələb etmədə təqsirləndirilən tanınmış tiktoker Aybəniz Xəlilovanın (“Bəniz”) cinayət işi üzrə növbəti məhkəmə prosesi keçirilib.

    Prosesə hakim Fəxri Məmmədov sədrlik edib.

    İclasda təqsirləndirilən tiktoker prokuror Tural Yaqubovun cinayət işindəki hədə-qorxu ilə tələb etmə ilə bağlı bir neçə epizod üzrə verdiyi sualları cavablandırıb.

    “Bəniz” cinayət işində zərərçəkən kimi tanınan Xalid Kərimovu şantaj edərək ondan külli miqdarda vəsait alması məsələsinə gəlincə, vurğulayıb ki, bu hal heç vaxt baş verməyib:

    “Hər həftəsonu rayonlarda, daha sonra Türkiyə və Dubayda olmuşuq. Arada qısqanclıq zəminində anlaşılmazlıq olsa da, tez barışmışıq. Biz ailə olmuşuq, mən niyə onu şantaj edim? Mən özümü kifayət qədər təmin edən qadınam, kimsənin puluna ehtiyacım olmayıb, belə olduğu halda mən necə pulla kimisə şantaj edə bilərəm? Kartıma, təbii ki, pullar atıb, o da məişət qayğıları üçün idi. Ancaq bunu külli miqdar adlandırmaq gülüncdür. Münasibətlərimiz 2024-ün 19 oktyabrından gərginləşib; səbəbi evimi məndən xəbərsiz banka girov qoyması və bu səbəbdən bankın evimi satışa çıxarması idi. Bundan sonra ayrıldım ondan. Ayrılmaq qərarımdan sonra sosial şəbəkələrdə şərəf və ləyaqətimi təhqir etməyə başladı. Dözə bilmədim və ondan 35-ci bölməyə şikayət etdim. Bizim yerlərimiz səhv düşüb burada, əslində, mənim yerimdə indi o olmalı idi”.

    Dövlət ittihamçısı və təqsirləndirilən şəxsin müdafiəçisi zərərçəkmiş şəxsin yenidən dindirilməsini məhkəmədən istəyiblər. Həmçinin vəkil təqsirləndirilən A.Xəlilovanın həbs qətimkan tədbirinin ev dustaqlığı ilə əvəzlənməsi ilə bağlı vəsatət qaldırıb.

    Məhkəmə vəsatəti təmin etməyib.

    Növbəti proses yanvarın 13-nə təyin edilib.

    Xatırladaq ki, X.Kərimov adlı şəxs A.Xəlilova barəsində Suraxanı Rayon Polis İdarəsinə şikayət edib. Şikayətçi ərizəsində göstərib ki, A.Xəlilova ondan hissə-hissə olmaqla 836 min manat pul tələb edib.

    Tiktoker barəsində cinayət işi başlanıb. A.Xəlilovaya qarşı Cinayət Məcəlləsinin 182.3.2-ci maddəsi üzrə ittiham irəli sürülüb.

  • DİN “Qarabağ”ın oyununa qanunsuz bilet satan şəxslərə qarşı ƏMƏLİYYAT KEÇİRDİ (Video)

    Daxili İşlər Nazirliyi Kibercinayətkarlıqla Mübarizə Baş İdarəsi (KMBİ) dekabrın 10-da Çempionlar Liqasının növbəti mərhələsində Tofiq Bəhramov adına stadionda keçiriləcək “Qarabağ”-“Ayaks” futbol oyununun biletlərinin qeyri-qanuni onlayn satışına qarşı növbəti əməliyyat keçirib.

    Bu barədə Daxili İşlər Nazirliyindən bildirilib.

    Qeyd edilib ki, biletləri əvvəlcədən onlayn qaydada və satış məntəqələrindən əldə edib, daha sonra sosial şəbəkələrdə müxtəlif səhifələrdə, eləcə də “qara bazar”da dəyərindən daha artıq qiymətə satmaq istəyən Şahin Məmmədov və Hüseyn Quliyev saxlanılıblar. Həmin şəxslər barəsində qanunamüvafiq tədbir görülüb.

    “Bir daha idman yarışlarını stadionda izləmək istəyən vətəndaşlara biletləri yalnız rəsmi satış nöqtələri, eləcə də onlayn qaydada QR və ya elektron bilet sifarişi verməklə əldə etməyi tövsiyə edirik. Qeyd edək ki, sosial şəbəkələrdə saxta bilet satışı ilə bağlı dələduzluq halları ilə üzləşən şəxslər bu barədə polisə məlumat verə bilərlər”, – məlumatda qeyd edilib.

  • Azərbaycan Dövlət Radiosuna yeni direktor təyin olundu

    Azərbaycan Dövlət Radiosunda yeni təyinat olub.

    “Azərbaycan Televiziya və Radio Verilişləri” Qapalı Səhmdar Cəmiyyətinin (AzTV) sədri Rövşən Məmmədovun imzaladığı əmrlə radionun layihə rəhbəri vəzifəsini icra edən Billurə Aslanqızı bu quruma direktor təyin edilib.

    Qeyd edək ki, Billurə Aslanqızı öncədən Beynəlxalq Multikulturalizm Mərkəzində, ATV və Xəzər TV kanallarından fəaliyyət göstərib.

  • Ər və arvad birləşib qonşularını qətlə yetirdilər: “Dedi ki, bunun cəzası ölümdür”

    Bakıda qonşusunu qətlə yetirməkdə təqsirləndirilən Elşən Müzəffərov, onun həyat yoldaşı Gülnar Müzəffərova və qaynı Qasım Xankişiyevin cinayət işi üzrə növbəti məhkəmə iclası keçirilib.

    Oxu.Az-ın məlumatına görə, Bakı Ağır Cinayətlər Məhkəməsinin hakimi Fəxri Məmmədovun sədrliyi ilə keçirilən iclasda təqsirləndirilən Elşən Müzəffərovun sərbəst ifadəsi dinlənilib.

    O, qonşusunu necə qətlə yetirməsini məhkəməyə bildirib: “Gülnar mənə Səxavətin əməlini deyəndə onu cəzalandırmağı beynimə qoymuşdum. Bu barədə Qasıma danışanda o dedi ki, bunun cəzası ölümdür. Mən öldürəcəyəm, sən üstünə götürərsən. Planı Qasım qurdu, Səxavətin işdən qayıtmaq vaxtına kimi bələdləmişdik. Qasım küçədə, mən həyətdə gözləməyə başladıq. Səxavət görünən kimi Qasım onu tutub itələyərək həyətə saldı və boğmağa başladı. Səxavətin nəfəsi kəsilmişdi, artıq ölmüşdü. Köməkləşib onu basdırdıq. Gülnar bu prosesdə iştirak etməsə də, onu öldürmək istəyimizi bilirdi”.

    Növbəti iclas yanvar 13-nə təyin edilib.

    Xatırladaq ki, hadisə Bakının Qaradağ rayonunun Səngəçal qəsəbəsində baş verib.

    Qəsəbə sakini, 1986-cı il təvəllüdlü Səxavət İsmayılov qonşuları, 1995-ci il təvəllüdlü Elşən Müzəffərov və arvadı, 1997-ci il təvəllüdlü Gülnar Müzəffərova tərəfindən yaşadıqları evin həyətində boğularaq öldürülüb, meyiti isə həyətində basdırılıb.

    Qətli törətməkdə şübhəli bilinən sözügedən cütlük hadisədən sonra saxlanılıb. İbtidai istintaq araşdırmaları ilə cinayət işində iştirakçı kimi şübhəli bilinən daha bir nəfər Qasım Xankişiyev də müəyyən olunaraq saxlanılıb.

    Onların barəsində Cinayət Məcəlləsinin 120.2.1-ci (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürmə) maddəsi ilə ittiham elan edilib.