Month: February 2026

Yer kürəsində planetar maqnit qasırğaları artıq başlayıb, Qərb yarımkürəsində isə güclü qütb parıltısı müşahidə olunur.

Bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyasından məlumat verilib.

Alimlərin sözlərinə görə, hələlik bu qasırğalar nisbətən zəifdir, G1 səviyyəsindədir, lakin növbəti sutkalar ərzində onların gücü G2-G3-ə qədər arta bilər.

Qütb parıltısı hazırda Kanadada və ABŞ-nin şimal ştatlarında görünür. Onlar artıq maksimum intensivlik səviyyəsinə (10) çatıblar.

Maqnit qasırğalarının tək bir səbəbi yoxdur – onlar fevralın əvvəlindən bəri müşahidə olunan son dərəcə yüksək günəş aktivliyinə Yerin maqnitosferinin ümumi reaksiyasının nəticəsidir.

Prosesin başlanmasına səbəb fevralın 2-də son bir il yarım ərzində günəşdə ən böyük X8.1 sinifli partlayış zamanı kosmosa atılan plazma buludunun kənarının Yerə yaxınlaşması olub.
//oxu.az

“The Washington Post“ maliyyə problemlərinə görə əməkdaşların kütləvi ixtisarına başlayır.

APA xəbər verir ki, bu barədə “Reuters“ mənbəyə istinadən məlumat yayıb.

Məlumata görə, qəzet idman bölməsini tamamilə ləğv edəcək və beynəlxalq xəbərlər bölməsinin əməkdaşlarının sayını azaldacaq.

Nəşrin İcraçı redaktoru Matt Murray ixtisarlar barədə əməkdaşları məlumatlandırıb. Eyni zamanda, qeyd olunub ki, ixtisarlar bütün şöbələri əhatə edəcək.

O da bildirilib ki, qəzet siyasət və dövlət idarəçiliyi mövzularında yazılara yer ayırmağa davam edəcək.

ABŞ və İran arasında fevralın 6-na planlaşdırılan nüvə danışıqları İranın qeyri-nüvə məsələlərini müzakirə etməkdən imtina etməsi səbəbindən ləğv edilib.

Bu barədə “Axios” məlumat yayıb.

Nəşr yazır ki, ABŞ cümə gününə planlaşdırılan danışıqların əvvəlcədən razılaşdırılmış şərtlərinin dəyişdirilməsinə razı olmadığını İran tərəfinə bildirib.

Qeyd edilib ki, əvvəlcə tərəflər Yaxın Şərq ölkələrinin nümayəndələrinin müşahidəçi qismində iştirakı ilə İstanbulda görüşmək barədə razılığa gəlmişdilər. Lakin ötən gen İran danışıqların Omanda keçirilməsini və ikitərəfli formatda aparılmasını istədiyini açıqlayıb.

“Amerikalı rəsmilər danışıqların yerinin dəyişdirilməsi ilə bağlı xahişi nəzərdən keçirsələr də, çərşənbə günü onu rədd etmək qərarı veriblər”, – mənbə bildirib.

“Biz onlara dedik: ya bu cür, ya da heç cür. Onlar isə cavab verdilər:

‘Yaxşı, onda heç cür’”, — deyə yüksək vəzifəli ABŞ rəsmisi bildirib. Onun sözlərinə görə, əgər iranlılar ilkin formata qayıtmağa hazır olsalar, ABŞ bu və ya gələn həftə görüş keçirməyə hazırdır.