Median.Az

Month: March 2026

  • Dubay aeroportunda bəzi uçuşlar bərpa olundu

    Dubay beynəlxalq hava limanında bəzi təyyarələrin eniş və qalxışı bərpa olunub.

    Median.Az BBC-yə istinadla xəbər verir ki, bu gün aeroport ərazisi yaxınlığında partlayışla bağlı mediada görüntülər yayılıb. Dubay hökumətinin media ofisinin rəsmi “X” hesabında yayılan açıqlamada isə şənbə günü hava limanında ciddi hadisə baş vermədiyi bildirilib.

    Dubay rəsmiləri bildirib ki, hava hücumunun qarşısı alındıqdan sonra qalıqların düşməsi nəticəsində baş verən kiçik insident nəzarət altına alınıb. Xəsarət alan yoxdur. Həmçinin sosial şəbəkələrdə Dubay beynəlxalq hava limanı ilə bağlı yayılan məlumatlar təkzib edilib.

  • Erməni əsirliyindən xilas olunan əsgər Bakıda dalaşdı – Cinayət işi açıldı

    Bakıda sürücülər arasında dava olub.

    Median.Az Lent.az-a istinadla xəbər verir ki, hadisə Sabunçu rayonu, Ramana qəsəbəsində baş verib.

    İttiham aktına görə, 22 yaşlı Rəcəb Muxtarov (ad və soyad şərtidir) “Kia Pride” markalı avtomobili dövlət qeydiyyat nişanı üzərində olmadan idarə edib. Bu zaman “Mercedes” markalı avtomobil onu ötərək keçib. “Mercedes” sürücüsünün bu hərəkəti Rəcəbin xoşuna gəlməyib. Buna görə də onlar arasında dava olub. Dava zamanı Rəcəb əlindəki dəmir parçası ilə özündən yaşca çox böyük olan şəxsin sifətinə zərbə vurub. Nəticədə zərərçəkənin burnu sınıb və bir sıra xəsarətlər alıb.

    Buna görə də R.Muxtarov saxlanılıb və barəsində Cinayət Məcəlləsinin müvafiq maddələri ilə cinayət işi açılıb.

    Təqsirləndirilən Rəcəb Muxtarov bildirib ki, Naxçıvanda hərbi xidmətdə olub. Xidmət zamanı hava dumanlı olduğu üçün digər əsgər yoldaşı ilə azaraq Ermənistan tərəfə keçib. Doqquz ay bu ölkədə əsirlikdə saxlanılıb və sonradan Azərbaycana qaytarılıb. Zərərçəkən isə bildirib ki, Rəcəb onu “beşbarmaq”la vurub. Onun sözlərinə görə, Rəcəb həmin alətlə sifətinə iki dəfə yumruqla vurub. O, yerə yıxılandan sonra Rəcəb təpiklə də ona zərbələr vurub. Sonra dostları ilə birgə çıxıb gediblər.

    Zərərçəkən təqsirləndirilən şəxslə barışdıqlarını və onun həbs olunmasını istəmədiyini deyib.

    Məhkəmənin qərarı ilə Rəcəb Muxtarov barəsində bir il müddətinə azadlığın məhdudlaşdırılması cəzası verilib. Ona elektron qolbaq taxılıb, eyni zamanda Bakını tərk etmək və kütləvi tədbirlərə qatılmaq qadağan edilib.

  • Израиль сообщил об ударах по объектам “Хезболла” и командирам “Радван” в Ливане

    Армия обороны Израиля (ЦАХАЛ) отчиталась о серии ударов по оружейным складам и военным объектам движения “Хезболла” и двум командирам сил специального назначения этой организации “Радван” на юге Ливана и в районе Бекаа.

    Об этом говорится в заявлении армейской пресс-службы.

    “Армия обороны Израиля завершила очередную волну ударов по ракетным установкам, складам оружия и другим военным объектам “Хезболла” в различных районах южного Ливана и в долине Бекаа. Кроме того, на юге Ливана были нанесены удары по двум командирам спецназа “Радван” в двух командных центрах “Хезболла”, – сообщает ЦАХАЛ.

  • İsrail Livanda “Hizbullah” hədəflərinə və “Radvan” komandirlərinə zərbələr endirdi

    İsrail Müdafiə Qüvvələri (SAXAL-IDF) Livanın cənubunda və Bekaa rayonunda “Hizbullah”ın silah anbarlarına və hərbi obyektlərinə, eləcə də bu təşkilatın “Radvan” xüsusi təyinatlı qüvvələrinin iki komandirinə endirilən zərbələr seriyasını bəyan edib.

    Median.Az-ın TASS-a istinadən xəbərinə görə, bu barədə ordunun mətbuat xidmətindən məlumat verilib.

    “SAXAL Livanın cənubunda və Bekaa vadisində “Hizbullah”ın raket qurğularına, silah anbarlarına və digər hərbi obyektlərinə növbəti zərbələr dalğasını başa çatdırıb. Bundan əlavə, Livanın cənubundakı iki “Hizbullah” komandanlıq mərkəzində “Radvan” xüsusi təyinatlı qüvvələrinin iki komandirinə zərbələr endirilib”, – deyə məlumatda bildirilib.

  • Ağ Şəhərdə metro nə vaxt açılacaq? – Video

    2030-cu ilədək Bakıda 10 yeni metro stansiyası tikilib təhvil veriləcək. Bu plana bənövşəyi xəttin Ağ Şəhərə kimi, yaşıl xəttin isə “Həzi Aslanov” stansiyasına kimi uzadılması daxildir. Stansiyaların yerləri də seçilib, müəyyənləşdirilib. B8 stansiyası Ağ şəhərin şimalında yerləşəcək.

    Median.Az Xəzər TV-yə istinadən xəbər verir ki, nəqliyyat eksperti Rauf Ağamirzəyevin sözlərinə görə, 2016-cı ildən fəaliyyətə başlayan bənövşəyi xəttin inkişafının sonuncu mərhələsi onun Ağ Şəhərədək çatıdırılmasıdır.

    Ekspert bildirib ki, b8 stansiyası ətraf ərazidə yaşayanların rahat hərrəkətini təmin etmək və tıxacı aradan qaldırmaqda böyük rol oynayacaq.

    “Bakı Metropoliteni” QSC-dən isə bildirilib ki, b8 stansiyasının tikiləcəyi ərazidə hələ ki heç bir nişanlanma yoxdur. Stansiyanın 2030-cu ilə qədər tikilib təhvil verilməsi nəzərdə tutulub.

  • Джейхун Байрамов встретился с Хаканом Фиданом в Стамбуле

    Министр иностранных дел Азербайджана Джейхун Байрамов и его турецкий коллега Хакан Фидан провели встречу в Стамбуле.

    Об этом сообщили в Министерстве иностранных дел Турции.

    Напомним, сегодня в Стамбуле состоится неформальное заседание Совета министров иностранных дел Организации тюркских государств.

  • Ceyhun Bayramov İstanbulda Hakan Fidanla görüşdü

    Azərbaycanın xarici işlər naziri Ceyhun Bayramov türkiyəli həmkarı Hakan Fidanla İstanbulda görüşüb.

    Bu barədə Türkiyə XİN məlumat yayıb.

    Qeyd edək ki, bu gün İstanbulda Türk Dövlətləri Təşkilatının Xarici İşlər Nazirləri Şurasının qeyri-rəsmi iclası baş tutacaq.

  • Albaniya Prezidenti İlham Əliyevə zəng etdi

    Martın 7-də Albaniya Respublikasının Prezidenti Bayram Beqay Azərbaycan Respublikasının Prezidenti İlham Əliyevə zəng edib.

    Bayram Beqay İranın pilotsuz uçuş aparatları ilə Azərbaycanın Naxçıvan Muxtar Respublikasına hücumunu qınadığını bildirib.

    Prezident İlham Əliyev telefon zənginə, Albaniyanın açıq və qətiyyətli mövqeyinə görə minnətdarlığını ifadə edib.

    Telefon söhbəti zamanı ölkələrimiz arasında münasibətlərin uğurlu inkişafı məmnunluqla vurğulanıb, yüksəksəviyyəli qarşılıqlı səfərlərin və təmasların əlaqələrimizin inkişafına verdiyi töhfəyə toxunulub.

    Tərəflər ikitərəfli gündəlikdə yer alan məsələlərlə bağlı fikir mübadiləsi aparıblar.

  • İrandan Azərbaycana təxliyə edilən səfir: “Hərbi əməliyyatlar başa çatana qədər Bakıda qalacağıq”

    İranı tərk edərək digər dörd avstriyalı diplomatla birgə Azərbaycana keçən Avstriyanın Tehrandakı səfiri Fridrix Ştift qəbula görə Azərbaycan tərəfinə təşəkkürünü bildirib.

    Median.Az “Report”a istinadən xəbər verir ki, Fridrix Ştift təfərrüatları bölüşüb.

    “Hazırda İrandakı təhlükəli vəziyyətlə əlaqədar Bakıya yollanırıq. Hücumların (ABŞ və İsrailin İrana – red.) nə qədər davam edəcəyini bilmirik, ona görə də qərara gəldik ki, təhlükəsiz ölkəyə getmək daha yaxşıdır. Sərhəddə göstərilən isti münasibətə və qəbula görə Azərbaycan Respublikasına son dərəcə minnətdarıq”, – diplomat bildirib.

    Onun sözlərinə görə, onlar İran ərazisində hərbi əməliyyatlar başa çatana qədər Azərbaycanda qalmaq niyyətindədirlər: “Biz burada nə qədər lazımdırsa, qalacağıq. Lakin ümid edirik ki, İrana qarşı döyüş əməliyyatları və zərbələr tezliklə başa çatacaq və biz Tehranda işimizə qayıtmaq imkanı əldə edəcəyik”.

    Diplomat həmçinin İran paytaxtında partlayış səslərini şəxsən eşitdiyini deyib: “Son günlərdə biz gecə saat iki-üç radələrində partlayış səslərindən oyanırdıq və qalxan tüstüləri görürdük. Bu gün şəhəri tərk edərkən alov içində olan bir neçə bina gördük”.

    İranın Naxçıvana dron hücumunu şərh edən səfir bildirib: “Əlbəttə, bu cür zərbələrin baş verməsi yaxşı hal deyil”.

    Bununla yanaşı, F.Ştift əlavə edib ki, bu gün İran Prezidenti Məsud Pezeşkian müraciətlə çıxış edərək qonşulardan üzr istəyib və Tehranın qonşu dövlətlərə hücumları dayandırmaq niyyətini bəyan edib.

  • Şəmkirdə 16 yaşlı qız ANA OLDU: Ataya cinayət işi açıldı

    Şəmkirdə 25 yaşlı oğlan 15 yaşlı qızla evlənib.

    Median.Az Lent.az-a istinadən xəbər verir ki, bu evlilik qızın yaşına görə qeyri-rəsmi olub.

    İttiham aktına görə, hadisə 2024-cü ildə qeydə alınıb. 1999-cu il təvəllüdlü Soltan (şərti adla) və 2009-cu il təvəllüdlü Fatimə (şərti adla) arasında sevgi münasibətləri yaranıb. Sonradan qız oğlana qoşularaq qaçıb. Cütlük əvvəlcə oğlanın yaşadığı Şəmkirin Sarıtəpə kəndində, sonra isə qızın yaşadığı Keçili kəndində qalıblar. Ər-arvad kimi bir yerdə yaşadıqları üçün dəfələrlə cinsi münasibətdə olublar. Nəticədə 16 yaşlı qız hamilə qalıb. Xəstəxanaya yoxlanışa gedərkən həkimlər hamilənin yetkinlik yaşına çatmadığını görərək polisə məlumat veriblər. Bundan sonra Soltan şöbəyə ifadə verməyə gedib və barəsində cinayət işi açılıb. 2025-ci ildə qanunsuz cütlüyün qız övladları dünyaya gəlib.

    Təqsirləndirilən şəxsin sözlərinə görə, Fatimə görüşlərin birində deyib ki, ya elçi gəl, ya da məni qaçırt. Buna görə də birgə razılıq ilə onlar qoşularaq qaçıblar. Soltan Fatimənin 18 yaşına çatandan sonra onunla rəsmi nikaha girəcəyini deyib. Zərərçəkən şəxs də ifadəsində məhkəmədən təqsirləndirilən şəxs barəsində yüngül cəza verilməsini xahiş edib.

    Məhkəmənin qərarı ilə Soltan 1 il 6 ay sınaq müddəti olmaqla iki il şərti olaraq azadlıqdan məhrum edilib.