Median.Az

Month: April 2026

  • Рашад Ахмедалиев уволен на фоне многочисленных жалоб

    Глава Исполнительной власти города Сумгайыта Закир Фараджев освободил от должности руководителя Управления архитектуры и градостроительства Рашада Ахмедалиева.

    Как передает Median.Az со ссылкой на Unikal, Р.Ахмедалиев был уволен по собственному заявлению. По имеющейся информации, решение связано с многочисленными жалобами.

    Сообщается, что он не обеспечивал своевременный приём граждан, в том числе членов семей шехидов и ветеранов, а также уклонялся от решения их проблем. Кроме того, утверждается, что он мог быть причастен к выдаче разрешений на незаконное строительство в городе.

    Отмечается, что ранее в СМИ появлялась информация о наличии у Р.Ахмедалиева значительного числа объектов недвижимости и автомобилей.

  • Rəşad Əhmədəliyev vəzifəsindən AZAD OLUNDU – Şəhid ailələrinin problemlərini HƏLL ETMİRMİŞ

    Sumqayıt Şəhər İcra Hakimiyyətinin başçısı Zakir Fərəcov Memarlıq və Şəhərsalma idarəsinin rəisini vəzifəsindən azad edib.

    Median.Az “Unikal”a istinadən xəbər verir ki, Rəşad Əhmədəliyev ərizəsi alınaraq işdən çıxarılıb. Onun işdən çıxarılmasına çoxsaylı şikayətlərin səbəb olduğu bildirilir.

    Belə ki, Rəşad Əhmədəliyev şəhid ailələrini, qaziləri və digər sakinləri vaxtlı-vaxtında qəbul etmir, onların problemlərini həll etməkdən yayınırmış. Onun şəhərdə qeyri-qanuni tikintilərin aparılmasına icazə verilməsində də rolu olub.

    Qeyd edək ki, mediada Rəşad Əhmədəliyevin çoxsaylı avtomobilləri və obyektləri olması barədə də məlumat yayılmışdı.

  • Купольная баня, в которой армяне подвергали пыткам жителей Губы – ВИДЕО

    15 апреля отмечался Международный день культуры. В эту дату уместно вспомнить датируемый XVIII-XIX веками исторический памятник в центре города Губы – Чухур хамам.

    Об этом говорится в видеоматериале телеканала AzTV.

    В народе этот объект также известен как купольная баня (Hündür günbəzli hamam) или “Бекир хамамы”. Название “Чухур хамам” связано с тем, что это здание расположено на несколько метров ниже уровня земли. Одной из особенностей сооружения является то, что оно построено из красного кирпича. Баня считается одним из образцов восточной архитектуры.

    Постройка функционировала в качестве бани до 1985 года, после чего была зарегистрирована как памятник исторической культуры. Сейчас объект находится под охраной Министерства культуры.

    По словам местных жителей, во время геноцида, совершенного в Губе в 1918 году, в этой бане армяне душили людей паром.

  • Ermənilərin Quba sakinlərinə işgəncə verdiyi GÜNBƏZLİ HAMAM (Video)

    “Bu gün Beynəlxalq Mədəniyyət Günüdür. Günümüzə qədər gəlib çıxan, Qubadakı 18-19-cu əsrlərə aid Çuxur hamamından danışmaq yerinə düşər”.

    Bu fikirlər AzTV-nin videomaterialında yer alıb.

    El arasında “Hündürgünbəzli hamam” və ya “Bəkir hamamı” kimi də tanınır. “Çuxur hamam” adlandırılmasının səbəbi isə hamamın yerləşdiyi ərazinin yer səthindən bir neçə metr aşağıda olmasıdır. Abidənin unikallığından biri də buranın qırmızı kərpiclə tikilməsidir. Hamam Şərq memarlıq incilərindən hesab edilir.

    Ümumilikdə, bu tikili 1985-ci ilə qədər hamam kimi fəaliyyət göstərib, daha sonra isə tarixi mədəniyyət abidəsi olaraq qeydiyyata alınıb və Mədəniyyət Nazirliyi tərəfindən qorunmaqdadır. 1918-ci ildə ermənilərin xalqımıza qarşı törətmiş olduqları soyqırımıların biri də Qubada baş verib. Həmin soyqırımı zamanı yerli sakinlərin bildirdiklərinə görə, məhz bu hamamda insanları buxarda boğaraq öldürüblər.

  • Ağır cinayətlərdə ittiham olunan daha bir şəxs ölkəmizə ekstradisiya ediləcək

    “Ekstradisiya haqqında” Avropa Konvensiyasının tələblərinə uyğun olaraq, Azərbaycan Respublikasının vətəndaşı Səbutər Adil oğlu Babayevin ekstradisiyası ilə bağlı Baş Prokurorluq tərəfindən verilmiş vəsatət Türkiyə Respublikasının səlahiyyətli orqanları tərəfindən təmin edilib.

    Bu barədə Baş Prokurorluq məlumat yayıb.

    Bildirilib ki, Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində aparılan ibtidai istintaq zamanı Səbutər Babayevin mütəşəkkil dəstə tərkibində külli miqdarda narkotik vasitələrin, psixotrop maddələrin, habelə güclü təsir edən maddələrin qaçaqmalçılıq yolu ilə Azərbaycan Respublikasının gömrük sərhədindən gizli keçirilməsində iştirak etməsi, bundan başqa, onun həmin maddələri satış məqsədilə qanunsuz olaraq əldə etməsi, saxlaması, daşıması və satmasına əsaslı şübhələr müəyyən olunub.

    Bu səbəbdən barəsində təqsirləndirilən şəxs qismində cəlbetmə haqqında qərar qəbul edilib, lakin istintaqdan yayınaraq gizləndiyinə görə o, beynəlxalq axtarışa verilib. Keçirilmiş tədbirlər nəticəsində Səbutər Babayev Türkiyə Respublikasının ərazisində saxlanılıb.

    Hazırda təqsirləndirilən şəxsin ölkəmizə gətirilməsi istiqamətində Ədliyyə Nazirliyinin Penitensiar Xidməti tərəfindən zəruri tədbirlər görülür.

    Eyni zamanda, Baş Prokurorluq axtarışda olan şəxslərin xarici ölkələrdə müəyyən edilməsi və onların Azərbaycan Respublikasına gətirilməsi məqsədilə xarici tərəfdaş qurumlarla, o cümlədən İnterpol ilə sıx əməkdaşlığı davam etdirir.

    Qeyd edək ki, beynəlxalq axtarışa verilən azərbaycanlı məktəb direktoru Sevinc Əlisəfa qızı Hüseynova da Türkiyədə tutularaq ölkəmizə ekstradisiya edilib.

  • Rüşvət almaqda təqsirləndirilən hərbi həkim komissiyasının sabiq rəisinin məhkəməsi başladı

    Müdafiə Nazirliyinin Mərkəzi hərbi həkim komissiyasının rüşvət almaqda təqsirləndirilən sabiq rəisi Rasim Əlövsət oğlu Həsənovun cinayət işi üzrə ilk məhkəmə hazırlıq iclası keçirilib.

    Bakı Hərbi Məhkəməsində hakim Anar Rzayevin sədrliyi ilə keçirilən ilk prosesdə təqsirləndirilən şəxsin anket məlumatları dəqiqləşdirilib.

    Daha sonra təqsirləndirilənin ev dustaqlığına buraxılması ilə bağlı vəsatət qaldırılsa da, məhkəmə vəsatəti təmin etməyib.

    Təqsirləndirilən barədə seçilmiş həbs qətimkan tədbirinin dəyişdirilmədən cinayət işinin məhkəmə baxışına vərilməsi barədə qərar qəbul edilib.

    Növbəti iclas aprelin 23-nə təyin olunub.

    Qeyd edək ki, Baş Prokurorluğun 2026-cı ilin aprelin 2-də yaydığı məlumatda Rasim Həsənovun Müdafiə Nazirliyinin Mərkəzi hərbi həkim komissiyasının rəisi vəzifələrində işlədiyi dövrdə vətəndaşlardan müxtəlif məbləğlərdə rüşvət alması və digər qanunsuz əməllərə yol verməsi barədə Baş prokuror yanında Korrupsiyaya qarşı Mübarizə Baş İdarəsində cinayət işi başladığı bildirilib.

    Məlumata görə, ibtidai istintaqla Rasim Həsənovun 2021-2025-ci illərdə sözügedən vəzifələrdə işləyərkən vəzifə səlahiyyətlərindən sui-istifadə etməklə ona müraciət etmiş hərbi qulluqçuların şəhadətləndirilərək tərxis olunmaları üçün ayrı-ayrı şəxslərdən müxtəlif məbləğlərdə pul vəsaitini rüşvət qismində təkrarən almasına və vəzifə saxtakarlığı törətməsinə əsaslı şübhələr müəyyən edilib.

    Toplanmış sübutlar əsasında Rasim Həsənova Cinayət Məcəlləsinin 311.3.2, 311.3.3 (təkrarən külli miqdarda rüşvət alma), 313 (vəzifə saxtakarlığı) və 341.2.3-cü (ağır nəticələrə səbəb olan vəzifə səlahiyyətlərindən sui-istifadə etmə) maddələri ilə ittiham elan edilməklə barəsində istintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə həbs qətimkan tədbiri seçilib.

    Məlumatda vurğulanıb ki, cinayət işindən oxşar xarakterli əməllərin törədilməsində iştirak etmiş şəxslərlə bağlı cinayət işi ayrıca icraata ayrılmaqla ibtidai istintaq davam etdirilir.
    //oxu.az

  • В Гедабее младенец скончался в больнице от высокой температуры

    В Гедабейском районе зафиксирован случай смерти младенца в медучреждении.

    Как сообщает Report, 15 апреля около 05:00 житель села Кичик Гарамурад Расул Асадов (2025 г.р.) скончался в больнице от высокой температуры.

    По данному факту проводится расследование.

  • Gədəbəydə körpə qızdırmadan ölüb

    Gədəbəydə xəstəxanada körpə ölümü qeydə alınıb.

    Median.Az “Report”a istinadla xəbər verir ki, aprelin 15-də saat 5 radələrində Kiçik Qaramurad kənd sakini, 2025-ci il təvəllüdlü Rəsul Elman oğlu Əsədov xəstəxanada qızdırmadan ölüb.

    Faktla bağlı araşdırmalar Gədəbəy Rayon Prokurorluğu tərəfindən aparılır.

  • Marketlərin reklam siyasəti: 1 kq-a, yoxsa 100 qrama qiymət təyin etmək doğrudur?

    Bəzi marketlərdə məhsulların qiymətinin 1 kiloqramlıq vahidə görə deyil, 100, 250 və ya 500 qramlıq ölçülərə əsasən göstərilməsi alıcılar arasında narazılıq doğurub.

    Bəs bu praktikada qanun pozuntusu varmı, yoxsa sadəcə marketlərin reklam və təqdimat siyasətidir?

    Məsələ ilə bağlı Qaynarinfo-ya açıqlama verən iqtisadçı Xalid Kərimli bildirib ki, marketlərdə qiymətin müxtəlif çəki vahidləri ilə göstərilməsi özlüyündə qanunsuz sayılmır. Onun sözlərinə görə, əsas məsələ məlumatın təqdim olunma formasıdır:

    “Əgər qiymət konkret çəki vahidinə görə müəyyən edilirsə, həmin çəki də etiketdə aydın şəkildə qeyd olunmalıdır. Əsas prinsip odur ki, qiymətlər açıq, başa düşülən və müqayisə edilə bilən formada təqdim olunsun. Alıcı yanlış yönləndirilməməlidir. Belə təqdimat formaları xüsusilə toyuq məhsulları, çərəzlər və meyvə quruları, konfetlər, şokaladlar kimi məhsullarda daha çox rast gəlinir”.

    Reklam və istehlakçı hüquqları ilə bağlı qanunvericiliyə toxunan iqtisadçı vurğulayıb ki, qanunvericilik düzgün və dolğun məlumatın təqdim olunmasını tələb edir:

    “Reklam yaradıcı ola bilər, amma məhsul haqqında doğru və tam məlumat verməlidir. İstehlakçı aldanmamalı, yanlış yönləndirilməməlidir. Müştəri də gördüyü qiymətləri müqayisə edib analiz edə bilməlidir”.

    Onun sözlərinə görə, alıcı əlavə məlumat əldə etmək hüququna malikdir və ehtiyac olduqda satıcıdan açıqlama tələb edə bilər. Satıcının isə məlumatları düzgün təqdim etmək öhdəliyi var:

    “Əgər istehlakçı aldadıldığını düşünürsə, məhsulu qaytarmaq və ya müvafiq qurumlara şikayət etmək hüququna malikdir”.

  • Sosial media nəhəngində ixtisar: 1000 nəfərlə yollar ayrılır

    Sosial şəbəkə platforması “Snapchat”ın sahibi olan “Snap Inc.” transformasiya mərhələsinə daxil olub.

    Şirkət rəhbəri Evan Şpigel əməliyyat strukturunu yenidən qurmaq məqsədilə işçi qüvvəsinin təxminən 16 faizinə bərabər olan 1.000 nəfərin ixtisar ediləcəyini açıqlayıb.

    Bu qərar yalnız mövcud işçiləri deyil, həm də hazırda açıq olan 300-dən çox vakansiyanın bağlanmasını əhatə edir. Şirkət bu addımlar nəticəsində 2026-cı ilin ikinci yarısına qədər illik xərc bazasını 500 milyon dollardan çox azaltmağı planlaşdırır.

    “Snap Inc.” üçün bu proses yeni deyil. Şirkət 2022-ci ilin avqustunda işçi heyətinin 20 faizini ixtisar etmiş, 2024-cü ilin əvvəlində isə strateji prioritetlərə fokuslanmaq üçün əlavə olaraq 10 faizlik ixtisar həyata keçirmişdi. Lakin Evan Şpigel bu dəfəki qərarın əvvəlkilərdən fərqli əsaslara söykəndiyini bildirib.

    Əvvəlki ixtisarlar pandemiya dövründə həddindən artıq işə qəbul və iqtisadi dalğalanmalarla əlaqələndirilirdisə, yeni strategiya şirkəti daha çevik və sürətli struktura çevirməyi hədəfləyir. Şpigel süni intellektin inkişafının bir çox rutin iş yükünü azaltdığını qeyd edib. Bu texnoloji dəyişiklik sayəsində istifadəçilərə, reklam tərəfdaşlarına və biznes müştərilərinə daha sürətli xidmət göstərilməsi planlaşdırılır.

    “Snap Inc.” son illərdə süni intellekti “Snapchat” təcrübəsinin mərkəzinə yerləşdirməyə çalışır. Şirkət “OpenAI” ilə əməkdaşlıq edərək “My AI” çat-botunu istifadəyə verib, daha sonra isə “Google”un “Gemini” modelini inteqrasiya edərək görüntü və video sorğularını dəstəkləyib. Hazırda isə bu texnologiyanın daxili əməliyyatlarda da geniş istifadəsi nəzərdə tutulur. Reklam platformasının optimallaşdırılması, “Snapchat+” abunəliklərinin artırılması və “Snap Lite” tətbiqinin təkmilləşdirilməsi kimi sahələrdə süni intellektlə dəstəklənən kiçik komandaların daha effektiv nəticələr verdiyi vurğulanır.

    İxtisar edilən 1.000 əməkdaş üçün sosial dəstək paketi hazırlanıb. Şirkət onlara dörd aylıq təzminat, sağlamlıq sığortasının davam etdirilməsi və səhmlərlə bağlı hüquqların qorunması kimi imkanlar təqdim edəcək.