Median.Az

Month: April 2026

  • Azərbaycanın strateji valyuta ehtiyatları 85 mlrd. dolları ötüb

    2026-cı il aprelin 1-nə Azərbaycanın strateji valyuta ehtiyatları 85 mlrd. 151,1 mln. ABŞ dollarına çatıb.

    Median.Az bu barədə Dövlət Statistika Komitəsinə istinadən xəbər verir.

    Bu isə 2025-ci ilin eyni dövrünə nisbətən 15,9 % çoxdur.

  • Bu istiqamətdə əlavə qatar reysləri təyin edilib

    “Azərbaycan Dəmir Yolları” QSC (ADY) sərnişin tələbatını təmin etmək məqsədilə 18 və 19 aprel tarixlərində Bakı-Ağstafa-Bakı marşrutu üzrə əlavə qatar reysləri təyin edir.

    Bu barədə səhmdar cəmiyyətindən bildirilib.

    Vurğulanıb ki, sərnişinlər sözügedən reyslərə biletləri 10 % endirimlə dəmiryol kassalarından, ADY-nin rəsmi saytından və ya “ADY Mobile” tətbiqindən əldə edə bilərlər.

    Qeyd edək ki, bu istiqamətlər üzrə Bakı–Qazax–Bakı marşrutu ilə də gündəlik səfərlər təşkil olunur.

  • TƏBİB-ə yeni mətbuat katibi təyin olundu

    Tibbi Ərazi Bölmələrini İdarəetmə Birliyində yeni kadr təyinatı olub.

    Median.Az Oxu.az-a istinadən xəbər verir ki, qurumun İctimaiyyətlə əlaqələr və kommunikasiya departamentinin rəhbəri vəzifəsi tanınmış jurnalist Elnur Hidayətoğluya həvalə olunub.

    Xatırladaq ki, E.Hidayətoğlu bu vaxta qədər adıçəkilən departamentin nəzdində ictimaiyyətlə əlaqələr şöbəsinin müdiri vəzifəsində çalışırdı. O, bu vəzifəyə 2023-cü ilin dekabrında təyin edilmişdi.

  • Пашинян: Одно дело мыслить логикой грузовика, и совсем другое – логикой вагона

    Мы вступаем в совершенно новый этап экономического развития, и это связано с мирным процессом, налаженным между Арменией и Азербайджаном. В ближайшем будущем мы ожидаем важные события, которые связаны, прежде всего, с запуском проекта TRIPP, имеющего важное значение.

    Как передает Median.Az со ссылкой на армянские СМИ, об этом заявил премьер-министр РА Никол Пашинян во время встречи с представителями крупных работодателей.

    “Я хочу сказать, что политическое соглашение состоит в том, что эта железная дорога никогда не будет закрыта, то есть это надежный маршрут как для импорта, так и для экспорта. Но, насколько я понимаю, мы до сих пор не используем железную дорогу специально для экспорта, потому что работали 30-летние логистические цепочки, и логично, что для их трансформации, во-первых, необходимо доверие, люди должны понимать, что говорится, насколько это долговечно и надежно, а во-вторых, логистические цепочки должны измениться, потому что одно дело мыслить логикой грузовика, и совсем другое – логикой вагона”, – сказал он.

  • Paşinyan: “Azərbaycanla sülh prosesi Ermənistanın iqtisadi inkişafında yeni mərhələ açır”

    “Biz iqtisadi inkişafın tamamilə yeni dövrünə qədəm qoyuruq və bu, Ermənistanla Azərbaycan arasında yaranan sülh prosesi ilə əlaqədardır. Yaxın vaxtlarda bizi TRIPP layihəsinin reallaşması ilə bağlı vacib hadisələr gözləyir”.

    Oxu.Az-ın Ermənistan mətbuatına istinadən verdiyi məlumata görə, bu sözləri baş nazir Nikol Paşinyan ölkənin işəgötürənlərinin təmsilçiləri ilə keçirdiyi görüş zamanı deyib.

    “Bu gün proses Azərbaycan ərazisindən Ermənistana dəmir yolu vasitəsilə həyata keçirilir. Lakin onu da qeyd etmək istəyirəm ki, konkret siyasi öhdəlik ondan ibarətdir ki, biz Azərbaycanla dəmir yolu əlaqəsini açana qədər, ilk növbədə TRIPP layihəsi çərçivəsində, bu yolla ixrac təbii ki, Gürcüstan ərazisindən də mümkündür və bu çox vacibdir.

    Demək istəyirəm ki, siyasi razılaşma bu dəmir yolunun heç vaxt bağlanmayacağından ibarətdir, yəni həm idxal, həm də ixrac üçün etibarlı bir marşrutdur. Amma başa düşdüyüm qədəri ilə, biz hələ də dəmir yolundan xüsusi olaraq ixrac üçün istifadə etməmişik. Çünki 30 illik logistika zəncirləri mövcuddur və onları dəyişdirmək üçün, birincisi, etimadın olması məntiqlidir.

    İnsanlar deyilənləri, onun nə qədər davamlı və etibarlı olduğunu başa düşməlidirlər. İkincisi, logistika zəncirləri dəyişməlidir, çünki daşımaların yük maşını və ya qatarla həyata keçirilməsi tam fərqlidir”, – deyə o bildirib.

  • Bakıda süd məhsullarının istehsalı müəssisəsinin fəaliyyəti məhdudlaşdırılıb

    Bakı şəhəri, Sabunçu rayonu, Maştağa qəsəbəsi ərazisində fəaliyyət göstərən “Adilbərəkət” MMC-yə məxsus süd və süd məhsullarının emalı müəssisəsində plandankənar yoxlama keçirilib.

    Bu barədə Azərbaycan Qida Təhlükəsizliyi Agentliyi məlumat yayıb.

    Bildirilib ki, yoxlama zamanı qida təhlükəsizliyi sahəsində texniki normativ hüquqi aktların və sanitariya norma və qaydalarının, eləcə də etiketlənmə ilə bağlı bir sıra tələblərin pozulduğu müəyyən edilib.

    Belə ki, müəssisədə istehsal olunan kəsmik, şor, qatıq və holland pendiri məhsullarının etiketində “təbii inək südündən” istifadə edildiyi göstərilsə də, istehsalat prosesinin müşahidəsi və xammallara dair sənədlər təhlil edilərkən quru süd və bitki yağlarından istifadə edildiyi aşkarlanıb. Habelə, şor məhsulunun Bakı şəhərində emal edilməsinə baxmayaraq, üzərində “İsmayıllı şor” ifadəsi yazılıb. Bu da etiketdə qida məhsuluna xas olmayan təsir və ya xassələrin göstərilərək etiket tələblərinin pozulması ilə yanaşı, istehlakçıların aldadılması faktıdır.

    Bundan başqa, anbarda döşəmə səthlərinin tamlığının pozulduğu, qida ilə təmasda olan səthlərin təmirsiz olduğu, pasterizasiya avadanlıqlarının və pendir saxlanan qabların korroziyaya uğradığı, süd məhsullarının antisanitar şəkildə saxlanıldığı, qida məhsulları ilə təmasda olan alət və avadanlıqların yararsız vəziyyətdə olduğu, pendirin hazırlanmasında xammal kimi istifadə edilən yağların üzərinin açıq şəkildə saxlanıldığı və digər nöqsanlar aşkarlanıb.

    Uyğunsuzluqlarla bağlı obyekt rəhbərliyi barəsində inzibati xəta haqqında protokol tərtib olunub, hazır qidalardan nümunələr götürülərək laboratoriyaya təqdim edilib. Eyni zamanda, nöqsanlar aradan qaldırılana qədər müəssisənin fəaliyyəti məhdudlaşdırılıb.

  • Azərbaycan əhalisinin sayı açıqlandı

    Azərbaycan əhalisinin sayı artıb.

    Bu, Dövlət Statistika Komitəsinin yanvar-fevral ayında ölkənin iqtisadi və sosial inkişafının makroiqtisadi göstəricilərini əks etdirən nəşrdə öz əksini tapıb.

    Bildirilib ki, əhalinin sayı ilin əvvəlindən 1 689 nəfər və ya 0,02 faiz artaraq 2026-cı il fevral ayının 1-i vəziyyətinə 10 264 040 nəfərə çatıb.

  • Xankəndidə mağazada yararsız məhsullar aşkarlanıb

    Xankəndi şəhərində fəaliyyət göstərən şərab satışı mağazasında nöqsanlar aşkarlanıb.

    Bu barədə Azərbaycan Qida Təhlükəsizliyi Agentliyindən məlumat verilib.

    Bildirilib ki, mağazada yararlılıq müddəti ötmüş qida məhsullarının satışa çıxarıldığı aşkarlanıb. Həmçinin, sanitariya normaları və qaydalarının pozulduğu müəyyən edilib.

    Nöqsanlarla bağlı sahibkar barəsində inzibati protokol tərtib edilib, istehlaka yararsız məhsullar satışdan kənarlaşdırılıb və sahibkara icrası məcburi göstərişlər verilib.

  • İmişlidə avtomobillər toqquşdu – 4 nəfər xəsarət aldı

    İmişli rayonunda baş verən yol qəzasında 4 nəfər xəsarət alıb.

    Hadisə İmişliyə gedən avtomobil yolunun Çahar kəndi ərazisindən keçən hissəsində qeydə alınıb.

    Belə ki, “Mercedes” və “Hyundai” markalı avtomobillər toqquşub. Sonra “Mercedes” yoldan çıxaraq aşıb.

    Hadisə zamanı 4 nəfər xəsarət alaraq İmişli Rayon Mərkəzi Xəstəxanasına yerləşdiriliblər.

    Faktla bağlı araşdırma aparılır.
    //unikal.az

  • В Иране задержали 10 человек за использование Starlink

    Десять человек в Иране задержаны за использование терминалов Starlink.

    Об этом сообщили в управлении киберполиции провинции Кум.

    Отмечается, что в Иране Starlink классифицируется как опасный товар, и владельцы этих устройств будут строго наказаны в соответствии с законом.