Median.Az

Month: April 2026

  • ABŞ Hörmüz boğazının blokadasına başladı

    ABŞ Silahlı Qüvvələrinin Mərkəzi Komandanlığının (CENTCOM) Bakı vaxtı ilə saat 18:00-da başlayacağını elan etdiyi Hörmüz boğazının blokadası qüvvəyə minir. Donald Trampın müvafiq tapşırığı Vaşinqton və Tehran arasında aparılan danışıqların iflasından sonra verilib.

    Bu barədə ABŞ Hərbi Hava Qüvvələri Komandanlığının “Telegram” kanalında bildirilib.

    “Mərkəzi Komandanlığın qüvvələri Hörmüz boğazından qeyri-İran limanlarına və ya həmin limanlardan keçən gəmilərin naviqasiya azadlığına mane olmayacaq”, – deyə məlumatda qeyd olunub.

    Blokadanın İranın Ərəbistan və Oman körfəzlərində yerləşən bütün limanları da daxil olmaqla, İran limanlarına və sahil bölgələrinə daxil olan və ya oradan çıxan bütün ölkələrin gəmilərinə qarşı qərəzsiz şəkildə həyata keçiriləcəyi vurğulanıb.

    Xatırladaq ki, Donald Trump aprelin 12-də bildirmişdi ki, ABŞ Hərbi Dəniz Qüvvələri Hörmüz boğazına daxil olmağa və ya oradan çıxmağa çalışan bütün gəmilərin blokadasına başlayacaq.
    //oxu.az

  • Fransalı ulduza gözlənilməz təklif: Zidan Asiyada işləmək istəmədi

    Dünya futbolunun əfsanəvi simalarından olan fransalı mütəxəssis Zinəddin Zidana Tacikistan milli komandasını çalışdırmaq təklif olunsa da, sabiq ulduz futbolçu bu imkandan boyun qaçırıb.

    Bu maraqlı iddia Fransa kütləvi informasiya vasitələrinin səhifələrində dərc edilib.

    Məlumata görə, Zidan Tacikistandan gələn təklifi nəzakətli şəkildə geri çevirib. İmtinanın əsas səbəbi isə təcrübəli mütəxəssisin Fransa Futbol Federasiyası ilə əvvəlcədən əldə etdiyi razılaşma olub.

    Qeyd edək ki, Zidan Fransa yığmasına rəhbərlik etmək üçün artıq şifahi razılıq verib, lakin tərəflər arasında rəsmi müqavilə hələ ki, imzalanmayıb.
    //oxu.az

  • Reyd zamanı istehlaka yararsız 227 kq at əti aşkarlanıb

    Qida Təhlükəsizliyi Agentliyinin Lənkəran-Astara regional bölməsinin və Daxili İşlər Nazirliyinin Masallı Rayon Polis Şöbəsinin əməkdaşlarının birgə keçirdikləri reyd zamanı istehlaka yararsız ümumi çəkisi 227 kq ət aşkarlanıb.

    Bu barədə Azərbaycan Qida Təhlükəsizliyi Agentliyi (AQTA) məlumat yayıb.

    Bildirilib ki, baxış zamanı məhsulun müvafiq müşayiətedici sənədləri və mənşəyi məlum olmayan at əti olduğu müəyyən edilib. At ətinin Biləsuvar kənd sakini Məlik Sabir oğlu Əzizov tərəfindən qanunsuz olaraq kəsildiyi, Əmrah İslam oğlu Kərimli tərəfindən isə 10-XP-977 dövlət qeydiyyat nişanlı “Nissan” markalı avtomobillə Bakı şəhərinə aparmağı planlaşdırdığı məlum olub. Yararsız ət saxlanca verilib. Nümunələr götürülərək laborator müayinələrə cəlb edilib.

    Fakt üzrə araşdırmalar davam etdirilir.

  • Bacısının keçmiş ərinin üzərinə benzin töküb yandırdı – Məhkəmə bu cəzanı verdi

    Bakıda bacısının keçmiş ərinin üzərinə benzin töküb yandıran Məhərrəm Hüseynzadənin cinayət işi üzrə məhkəməsi yekunlaşıb.

    “Unikal”ın məlumatına görə, Bakı Ağır Cinayətlər Məhkəməsinin hakimi Aytən Əliyevanın sədrliyi ilə keçirilən prosesdə təqsirləndirilən şəxsə hökm oxunub.

    Hökmə əsasən, Məhərrəm Hüseynzadə 16 il müddətinə azadlıqdan məhrum edilib.

    Xatırladaq ki, dövlət ittihamçısı Ergin Qafarov məhkəməyə təqsirləndirilən şəxsin 18 il müddətinə azadlıqdan məhrum edilməsini təklif edib.

    İttiham aktına əsasən, ötən il mayın 29-u gecə saat 1 radələrində ailə üzvləri ilə birlikdə yaşadıqları Nizami rayonu, Fərzəliyev küçəsi 2 ünvanında olan zaman, Məhərrəm Hüseynzadənin bacısının keçmiş əri Zəhmət Əhmədov sərxoş halda oraya gələrək, səs-küy yaradıb. Bina sakinlərini narahat etməməsi üçün Məhərrəm onu oradan uzaqlaşdırmaq məqsədi ilə “BMW” markalı avtomobilə əyləşdirib. Yolda aralarında yaranmış mübahisə zamanı Zəhmət Əhmədovun söyüşlərindən hiddətlənərək maşını yanacaq doldurma məntəqəsinə sürüb. 1 litrlik plastik qaba yanacaq dolduran Məhərrəm Hüseynzadə onu Zəhmət Əhmədovun üzərinə töküb və od vurub. Zərərçəkən bir gündən sonra müalicə aldığı Nərimanov Tibb Mərkəzinin yanıq şöbəsində vəfat edib.

    Ona qarşı Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.

  • Paytaxtın hansı küçələrində sıxlıq müşahidə olunur?

    Bakının bir sıra yollarında nəqliyyatın sıxlığı müşahidə olunur.

    Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb.

    Hazırda:

    1. Bakı-Sumqayıt şosesi, “Xırdalan” dairəsi istiqamətində;

    2. Tbilisi prospekti, İzmir küçəsi ilə kəsişmədən “20 Yanvar” metro stansiyası istiqamətində;

    3. Tbilisi prospekti, “20 Yanvar” metro stansiyasından mərkəz istiqamətində;

    4. Alı Mustafayev küçəsi, Ziya Bünyadov prospekti istiqamətində;

    5. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metro stansiyası istiqamətində;

    6. Ziya Bünyadov prospekti, Əbdülvahab Salamzadə küçəsi ilə kəsişmədən Əhməd Rəcəbli küçəsi istiqamətində;

    7. 28 May küçəsi, Puşkin küçəsi ilə kəsişmədən Rəşid Behbudov küçəsi ilə kəsişməyə qədər;

    8. Üzeyir Hacıbəyli küçəsi, Azadlıq prospekti ilə kəsişməyə qədər;

    9. Binəqədi şosesi, “Azadlıq prospekti” metro stansiyasından Binəqədi qəsəbəsi istiqamətində;

    10. Rəşid Behbudov küçəsi, Mərkəzi Bank istiqamətində;

    11. Koroğlu Rəhimov küçəsi, akad. Həsən Əliyev küçəsi ilə kəsişmədən Heydər Əliyev prospekti istiqamətində;

    12. Atatürk prospekti, Ziya Bünyadov prospekti istiqamətində;

    13. Zərifə Əliyeva küçəsində;

    14. Yusif Səfərov küçəsi, mərkəz istiqamətində sıxlıq müşahidə olunur.

  • Обнародованы результаты тестов на наркотики известных турецких артистов

    В рамках масштабного расследования антинаркотической операции, направленной против известных деятелей шоу-бизнеса Турции, стали известны результаты тестов на наркотические вещества у певца Мерта Демира, актрисы Бюшры Пекин и рэпера Эндера Эроглу (Norm Ender).

    Как передает Oxu.Az со ссылкой на турецкие СМИ, результаты тестов всех трех знаменитостей оказались отрицательными.

    Напомним, что в ходе широкомасштабной антинаркотической операции, проведенной правоохранительными органами, было вынесено решение о задержании 14 человек, среди которых такие знаменитости, как Бурак Дениз, Хафсанур Санджактутан, Norm Ender и Мерт Демир.

  • Məşhur türk sənətçilərin narkotik testlərinin nəticələri açıqlandı

    Türkiyədə məşhurlara qarşı narkotik əməliyyatının istintaqı çərçivəsində müğənni Mert Demir, aktrisa Büşra Pekin və repçi Ender Eroğlunun (Norm Ender) test nəticələri bəlli olub.

    Oxu.az qardaş ölkənin mediasına istinadən məlumat verir ki, hər üç tanınmış şəxsin narkotik testi neqativ çıxıb.

    Xatırladaq ki, daha əvvəl hüquq-mühafizə orqanları tərəfindən aparılan istintaq çərçivəsində aralarında Burak Deniz, Haftanur Sancaktutan, Norm Ender və Mert Demir kimi məşhurların da olduğu 14 nəfər barəsində saxlanılma qərarı verilmişdi.

  • İmişlidə ağır qəza: Dörd nəfər xəstəxanaya yerləşdirildi

    İmişli rayonunda yol-nəqliyyat hadisəsi baş verib.

    Hadisə bu gün rayonun Çahar kəndi ərazisində qeydə alınıb.

    Alim Şahpələngovun idarə etdiyi “Mercedes” markalı avtomobil Alişan Gözəlovun idarə etdiyi “Hyundai” markalı avtomobillə toqquşub. Hadisə nəticəsində “Mercedes” markalı avtomobildə olan dörd sərnişin müxtəlif dərəcəli bədən xəsarətləri ilə xəstəxanaya yerləşdirilib.

    Faktla bağlı araşdırma aparılır.
    //oxu.az

  • Rüşvət alan rəisin MƏHKƏMƏSİ BAŞLAYIR

    Mənzil təminatı ilə bağlı rüşvət almaqda təqsirləndirilən vəzifəli şəxs barəsində cinayət işi məhkəməyə göndərilib.

    Baş Proklurorluqdan verilən məlumata görə, Rüstəmov Əvəz Əli oğlunun Müdafiə Nazirliyinin Mənzil-İstismar Xidmətinin Salyan rayon Mənzil-İstismar Hissəsinin bölmə rəisi, habelə həmin Hissənin rəisi vəzifəsini müvəqqəti icra etdiyi dövrdə vətəndaşlardan müxtəlif məbləğlərdə rüşvət alması və digər qanunsuz əməllərə yol verməsi barədə qeyd olunan Nazirlikdən daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində başlanmış cinayət işinin istintaqı tamamlanıb.

    İbtidai istintaqla Əvəz Rüstəmovun sözügedən vəzifələrdə işləyərkən vəzifə səlahiyyətlərindən sui-istifadə etməklə ona müraciət etmiş qeyd olunan Hissənin işçiləri və digər vətəndaşların xidməti mənzillə təmin olunması, kirayə müqaviləsinin tərtib edilməsi və onların qeydiyyata alınması müqabilində çoxsaylı şəxslərdən müxtəlif məbləğlərdə pul vəsaitini rüşvət qismində təkrarən almasına və vəzifə saxtakarlığı törətməsinə, habelə işlə təmin olunma ilə bağlı vəzifəli şəxsin qərarına qanunsuz təsir göstərməklə nüfuz alveri etməsinə əsaslı şübhələr müəyyən edilib.

    Toplanmış sübutlar əsasında Əvəz Rüstəmova Azərbaycan Respublikası Cinayət Məcəlləsinin 311.3.2, 311.3.3 (təkrarən külli miqdarda rüşvət alma), 312-1.1 (vəzifəli şəxsin qərarına qanunsuz təsir göstərmə – nüfuz alveri) və digər maddələri ilə ittiham elan edilməklə barəsində yaşı və səhhəti nəzərə alınmaqla, məhkəmənin qərarı ilə ev dustaqlığı qətimkan tədbiri seçilib.

    Cinayət işi baxılması üçün aidiyyəti üzrə Bakı Ağır Cinayətlər Məhkəməsinə göndərilib.

  • Tez-tez xəstələnməyinizin SƏBƏBLƏRİ

    İnsan il ərzində altı və ya daha çox dəfə soyuqdəymə keçirirsə, bu artıq tez-tez xəstələnmə hesab olunur və bunun əsas səbəbi, adətən, virus infeksiyaları olur.

    Median.Az xarici mediaya istinadla xəbər verir ki, ABŞ-da fəaliyyət göstərən ailə həkimi Neha Vyas bu halın arxasında əsasən immun sistemin zəifləməsinin dayanmasını bildirir.

    İmmunitet sistemi orqanizmdə müxtəlif hüceyrə və mexanizmlərin birlikdə işləməsi nəticəsində yaranan mürəkkəb bir müdafiə sistemidir. O, mikroblara qarşı qoruyur və xəstəliklərdən sonra bərpa prosesinə kömək edir. Virus orqanizmə daxil olduqda, immun sistemi anticisimlər adlanan xüsusi zülallar istehsal edir. Bu zülallar viruslara yapışaraq onların məhv edilməsi üçün siqnal göndərir.

    Mütəxəssislərin fikrincə, tez-tez xəstələnməyin əsas səbəblərindən biri uzunmüddətli stressdir. Qısa müddətli stress bəzən immuniteti aktivləşdirə bilər, lakin xroniki stress əksinə, orqanizmin müdafiə qabiliyyətini zəiflədir. Bu isə yalnız soyuqdəymə riskini artırmır, eyni zamanda ateroskleroz, depressiya və digər ciddi problemlərin yaranma ehtimalını da yüksəldir. Stress həmçinin artıq mövcud olan xəstəliklərin gedişatını ağırlaşdıra bilər.

    Yaş artdıqca immun sistemin fəaliyyəti təbii olaraq zəifləyir. Bunun qarşısını tam almaq mümkün olmasa da, həyat tərzi ilə bağlı amilləri dəyişmək mümkündür. Fiziki aktivliyin az olması, qeyri-sağlam qidalanma və zərərli vərdişlər orqanizmi daha həssas edir və xəstəliklərə yoluxma ehtimalını artırır. Bu səbəbdən həkimlər sağlam həyat tərzinin formalaşdırılmasını vacib hesab edir.

    Digər mühüm amillərdən biri də gündəlik həyat şəraitidir. Xüsusilə uşaqlar tez-tez infeksiya mənbəyi ola bilirlər, çünki onlar gigiyena qaydalarına tam əməl etmirlər. Bundan əlavə, ictimai nəqliyyatdan istifadə və tez-tez səyahətlər də viruslara yoluxma riskini artırır.

    Ağız və diş sağlamlığı da ümumi immun vəziyyətə birbaşa təsir edir. Ağız boşluğunda çox sayda bakteriya mövcuddur və düzgün qulluq edilmədikdə bu bakteriyalar müxtəlif xəstəliklərə səbəb ola bilər. Müntəzəm diş təmizliyi və stomatoloq müayinəsi infeksiyaların qarşısını almaqda mühüm rol oynayır.

    Bəzi hallarda tez-tez xəstələnmənin səbəbi autoimmun xəstəliklər ola bilər. Bu zaman immun sistemi həddindən artıq aktiv olur və onun fəaliyyəti xüsusi dərmanlarla zəiflədilir. Xüsusilə steroid preparatlar immun sistemin fəaliyyətini aşağı saldığı üçün orqanizm infeksiyalara qarşı daha həssas olur.

    Həkimlər bildirir ki, immuniteti gücləndirmək üçün ilk növbədə stressi azaltmaq, balanslı qidalanmaq, kifayət qədər yuxu almaq və gündəlik fiziki aktivliyi artırmaq lazımdır. Eyni zamanda şəxsi gigiyenaya riayət etmək, xüsusilə əlləri tez-tez yumaq və ağız sağlamlığına diqqət yetirmək də böyük əhəmiyyət daşıyır.

    Nəticə olaraq qeyd olunur ki, tez-tez xəstələnmək əksər hallarda həyat tərzi və immun sistemin zəifləməsi ilə bağlıdır. Sadə, lakin davamlı sağlam vərdişlər bu problemi əhəmiyyətli dərəcədə azaltmağa kömək edə bilər.