Tbilisidə Gürcüstan parlamentinin binası qarşısında növbəti etiraz aksiyası keçirilir.
Median.Az report-a istinadən xəbər verir ki, hava şəraiti ilə əlaqədar aksiya təyin olunduğu vaxtdan bir saat gec başlayıb.
Aksiya təşkilatçıları hakim Gürcü Arzusu Partiyasının 2020-ci ildə parlament seçkilərinin proporsional qayda üzrə keçirilməsi barədə bugünkü qərarını müsbət qiymətləndiriblər.
Beşinci gündür davam edən aksiyanın tələbləri dəyişməz qalıb. Aksiyaçılar daxili işlər naziri Giorgi Qaxarianın istefası və iyunun 20-də Tbilisidə keçirilən etiraz aksiyası zamanı saxlanılan 305 nəfərin azadlığa buraxılmasını tələb edirlər.
Qeyd edək ki, proporsional seçki sisteminə keçid etirazçıların tələblərindən biri olub.
Leave a Reply