Bakıda azyaşlı oğlana qarşı seksual xarakterli zorakılıq hərəkətləri törətməkdə təqsirli bilinən Ehtibar Rza-zadənin cinayət işi üzrə ibtidai istintaq başa çatıb.
Median.Az ölkə.az-a istinadən xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Ramella Allahverdiyevanın icraatına verilib.
Məhkəmə hazırlıq iclası oktyabr ayının 2-nə təyin olunub.
Qeyd edə ki, Ehtibar Rza-zadə adlı şəxs köməksiz vəziyyətdə olan azyaşlı oğlan – T.A-ya (ad, soy ad şərtidir) təcavüz etməkdə təqsirli bilinir.
Azyaşlının valideynlərinin şikayəti əsasında saxlanılan E.Rza-zadə barəsində Cinayət Məcəlləsinin 150.3.3-cü (seksual xarakterli zorakılıq hərəkətləri, təqsirkar şəxs üçün aşkar surətdə on dörd yaşına çatmayan şəxs barəsində törədildikdə) maddəsi ilə ittiham irəli sürülüb.
