Bakının Xətai Rayon 37-ci Polis Bölməsinin əməkdaşları 15 yaşlı qızın intihara cəhd faktını araşdırırlar.
Bu barədə Oxu.Az-a rayon polis şöbəsindən məlumat daxil olub.
Hadisə sentyabrın 20-si, saat 20:00-da baş verib. 2005-ci il təvəllüdlü N.D. şüşə qırığı ilə qollarındakı venalarını kəsərək intihara cəhd edib. Xoşbəxtlikdən, yeniyetmə sağ qalıb.
Polis qeyd edib ki, ilkin dindirilmə zamanı zərərçəkmiş ifadə verərək, 1995-ci il təvəllüdlü ögey qardaşının daim onu təhqir etdiyini deyib. Bu səbəb onu intihara sövq edib.
Hazırda hadisənin təfərrüatları araşdırılır. Faktla bağlı cinayət işi hələ başlanmayıb.
