AVRO-2020-nin pley-off mərhələsinin ilk qalibi bilinib.
Şimali Makedoniya Tbilisidə qonşu Gürcüstana 1:0 qalib gəlib. Yeganə qolu qonaqların əfsanəvi futbolçusu 37 yaşlı Qoran Pandev vurub.
Bununla da Şimali Makedoniya tarixində ilk dəfə Avropa çempionatının final mərhələsində çıxış etmək hüququ əldə edib.
Qeyd edək ki, AVRO-2020 pandemiyaya görə gələn ilin yayına təxirə salınıb. Qitə çempionatının 4 oyunu Bakı Olimpiya Stadionunda keçirilməlidir.
