Danimarka Səhiyyə İdarəsi 12-15 yaş arası uşaqlara koronavirus əleyhinə peyvənd vurdurmaq imkanı yaratmağa qərar verib.
Bu barədə TASS xəbər yayıb.
Bunun sentyabr ayında – 16 yaşlıların vaksinasiyası bitdikdən sonra olması gözlənilir.
Səhiyyə qurumu immunizasiyaya başlamazdan əvvəl beynəlxalq təcrübə, həmçinin uşaqların və gənclərin aşılanmasının təhlükəsizliyi ilə bağlı məlumatları öyrənəcək.
Xatırladaq ki, Yaponiya da analoji addıma hazırlaşırdı. Həmçinin Qida və Dərman İdarəsi (FDA) ABŞ-da 12-15 yaşlı yeniyetmələr üçün “Pfizer” peyvəndinin istifadəsini təsdiqləyib.
