AFFA-nın icraçı vitse-prezidenti Elxan Məmmədov UEFA-nın baş katibi Teodor Teodoridislə görüşüb.
“Report”un milli assosiasiyanın rəsmi saytına istinadən məlumatına görə, görüşdə AVRO-2020-nin Bakıda keçirilən oyunları ilə bağlı müzakirələr aparılıb. UEFA rəsmisi təşkilatı işlərdən məmnunluğunu ifadə edib.
Qeyd edək ki, Teodor Teodoridis AVRO-2020-də A qrupunun iyunun 20-də Bakı Olimpiya Stadionunda keçirilmiş İsveçrə – Türkiyə qarşılaşmasını izləyib. Görüş İsveçrə yığmasının qələbəsi ilə yekunlaşıb – 3:1.
