Çexiyanın Rusiyadakı viza mərkəzləri sentyabrın 30-dan etibarən işini dayandırır.
Bu barədə Rusiya KİV-ləri “VFS Global”ın mətbuat açıqlamasına istinadən məlumat verir.
“Hörmətli müraciətçilər, sizi Çexiyanın Rusiyadakı viza mərkəzlərinin fəaliyyətinin başa çatması barədə məlumatlandırırıq. 2025-ci il sentyabrın 26-sı regional mərkəzlərdə müraciətlərin qəbulu üçün son gün, sentyabrın 29-u isə Moskvada son gündür. Bu tarixdən sonra Çexiya Şengen vizalarının verilməsi ilə bağlı müraciətlər üçün birbaşa Çexiyanın Moskvadakı səfirliyinin konsulluq şöbəsinə müraciət etmək lazımdır”, – məlumatda bildirilib.