Category: Ordu

Prezident, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən, mayın 18-dən 22-dək Azərbaycan Ordusunun genişmiqyaslı əməliyyat-taktiki təlimləri keçiriləcək.

Bu barədə Müdafiə Nazirliyi məlumat yayıb.

Təlimlərə 10 000 nəfərədək şəxsi heyət, 120-dək tank və digər zirehli texnika, 200-dək müxtəlif çaplı raket və artilleriya qurğusu, reaktiv yaylım atəş sistemi və minaatanlar, 30-dək ordu və cəbhə aviasiyası və müxtəlif təyinatlı pilotsuz uçuş aparatları cəlb olunacaq.

Keçirilən təlimlər zamanı döyüş hazırlığı, əməliyyatların planlaşdırılması və hərtərəfli təminatı, müxtəlif qoşun növləri və qismlərinin idarəetmə orqanlarının qarşılıqlı əlaqəsi, həmçinin, təlimlərin şərtlərinə uyğun olaraq yaradılan zərbə qruplaşmalarının atəş və manevr imkanları yoxlanılacaq.

Təlimin niyyətinə əsasən, düşmənin əməliyyat düzülüşünün bütün dərinliyindəki müəyyən istiqamətlərdə qoşunların tətbiqi, kütləvi raket və artilleriya, aviasiya bomba-həmlə zərbələrinin endirilməsi, həmçinin, silahlanmada olan yüksək dəqiqliyə malik vasitələrin istifadəsi nəzərdə tutulur.

Müxtəlif təlim mərkəzləri və poliqonlarda qoşunların praktiki fəaliyyətləri yoxlanılacaq.

Azərbaycan Respublikasının Ermənistanla dövlət sərhədində düş­mən tərə­finin təx­ribatları davam edir.

Bu barədə Dövlət Sərhəd Xidmətinin məlumatında bildirilib.

Qeyd olunub ki, mayın 13-də saat 12:00-dan başlamaqla Qazax ra­yo­nunun Abbasbəyli kəndi, kənd yaxınlığındakı sərhəd-döyüş məntə­qələ­rimiz, həmin istiqamətdə avtomobil yolu ilə hə­rə­kət edən hərbi və mülki nəqliyyat vasitə­ləri Ermənistanın İcevan rayonunun Berkaber kəndi yaxınlığında yerlə­şən bölmə­ləri tə­rə­fin­dən iri çaplı si­lah­­lardan və snayper tüfənglərindən intensiv atəşə tutulub, bir neçə yaşayış evinin damına zərər dəyib.

Düşmən təxribatının qarşısı alınıb, Ermənistan Silahlı Qüv­­­vələrinin döyüş möv­­qeləri cavab atəşi ilə sus­durulub.

Cəzaçəkmə müəssisəsində əsgər başından özünü gülləyib.

APA xəbər verir ki, hadisə paytaxtın Nərimanov rayonu ərazisində yerləşən 15 saylı cəzaçəkmə müəssisəsində baş verib.

Penitensiar Xidmətin əsgəri, 2001-ci il təvəllüdlü Salmanov Polad Nağı oğlu özünü güllələyib. O, alnından güllə yarası alıb.

Yaralı 1 saylı şəhər xəstəxanasına aparılarkən yolda ölüb.

Penitensiar Xidmətin ictimaiyyətlə əlaqələr şöbəsinin rəisi Mehman Sadıqov açıqlamasında hadisəni təsdiqləyib. O bildirib ki, hazırda faktla bağlı araşdırma aparılır.

Mayın 2-dək Silahlı Qüvvələrin Yardım Fonduna daxil olan vəsaitin məbləği açıqlanıb.

Bu barədə Müdafiə Nazirliyindən məlumat verilib.

Bildirilib ki, Azərbaycan Prezidentinin 2002-ci il 17 avqust tarixli Fərmanı ilə təsdiq edilmiş Silahlı Qüvvələrin Yardım Fonduna bu günə qədər 110.073.896,49 AZN, 213.577,88 ABŞ dolları, 17.566,0 avro və 5000,0 rubl vəsait daxil olub.

Müdafiə nazirinin təsdiq etdiyi 2020-ci il üçün döyüş hazırlığı planına əsasən ümumqoşun poliqonunda Hava Hücumundan Müdafiə (HHM) bölmələrinin məşqləri keçirilir.

Bu barədə Müdafiə Nazirliyindən məlumat verilib.

Məşqlərin keçirilməsində əsas məqsəd bölmələrin şəxsi heyətinin zenit-raket komplekslərinin (ZRK) idarə edilməsi vərdişlərinin təkmilləşdirilməsidir.

Məşqlərdə döyüş heyətləri “İldırım” ZRK-nin start mövqeyinə çıxarılması və döyüş tətbiqinə hazırlanması üzrə normativləri icra edirlər.

Ermənistan kütləvi informasiya vasitələrində guya Azərbaycan tərəfinin minaatanlardan istifadə etməklə atəşkəs rejimini pozması barədə yayılan xəbər yalandır, həqiqəti əks etdirmir.

Bu barədə Azərbaycan Müdafiə Nazirliyinin məlumatında deyilir.

Ermənistan tərəfinin iddiasının əksinə olaraq, bu gün gündüz saatlarında düşmən ordusunun bölmələri atəşkəs rejimini kobud şəkildə pozaraq mövqelərimizi atəşə tutub.

Azərbaycan Ordusunun bölmələri 82 millimetrlik minaatanlardan istifadə etməklə cavab atəşi ilə düşmənin atəş nöqtələrini susdurub.

Müdafiə nazirinin təsdiq etdiyi 2020-ci ilin döyüş hazırlığı planına əsasən hava hücumundan müdafiə bölmələri hazırlıq məşqlərinə başlayıb.

Bu barədə Müdafiə Nazirliyindən məlumat verilib.

S-300 “Favorit” zenit-raket komplekslərinin divizionları normativlərə uyğun olaraq marş edərək start mövqelərinə yerdəyişmə, ərazinin hazırlanması və maskalanması tapşırıqlarını icra edirlər.

Raket bölmələri vacib obyektlərin hava hücumundan mühafizəsi və şərti düşmənin raket zərbələrinin dəf edilməsi üzrə tapşırıqları da yerinə yetirirlər.

Müdafiə nazirinin təsdiq etdiyi 2020-ci il üçün döyüş hazırlığı planına uyğun olaraq şəxsi heyətin döyüş vərdişlərinin təkmilləşdirilməsi məqsədilə snayperlərin hazırlığı yoxlanılır.

Bu barədə Müdafiə Nazirliyindən məlumat verilib.

Snayper qrupları böyük məsafələrə yürüş, əlverişli mövqelərin tutulması, mövqelərin maskalanması, ərazi kəşfinin aparılması, yanlış snayper mövqelərinin qurulması, müxtəlif məsafələrdəki hədəflərə fərdi və qrup halında atışlar icra edirlər.

Azərbaycanın Ermənistan tərəfindən işğal edilən Dağlıq Qarabağ ərazisində erməni hərbçisi ölüb.

Bu barədə “Sputnik Ermənistan” Ermənistan Müdafiə Nazirliyinin mətbuat xidmətinə istinadən məlumat yayıb.

Mənbə bildirir ki, aprelin 3-ü, saat 00:35-də 2000-ci il təvəllüdlü Qaregin Babakexyan ölümcül güllə yarası alıb.

Əsgərin ölüm səbəbinin müəyyən olunması üçün araşdırma aparılır.

2016-cı ilin aprel döyüşlərindən artıq dörd il keçir. Torpaqlarımızın azad olunması yolunda canlarından keçmiş şəhidlərimizin hünəri bu gün də gənclərimizə örnəkdir. Dörd gün davam edən Aprel döyüşləri Azərbaycan tarixində daha bir şərəfli qələbə kimi yaddaşlarda qalıb.  

Tarix boyu Azərbaycan əsgəri vətəni, bir qarış torpağı uğrunda canından keçməyə hazır olub. Şəhidlik elə bir zirvədir ki, o hər insana nəsib olmur. Onların adları, xatirəsi yaddaşlarda əbədi yaşayacaq.

Median.Az Aprel döyüşlərində şəhid olan hərbçilərimizin xatirəsini hörmətlə anaraq, 2016-cı ilin aprel döyüşlərində şəhid olan əsgər və zabitlərimizin siyahısını təqdim edir:

Polkovnik:

Vüqar Nurəddin oğlu Yusifov

Polkovnik-leytenant:

Raquf Cahangir oğlu Orucov

Murad Telman oğlu Mirzəyev

Mayor:

Təbriz Tariyel oğlu Musazadə

Urfan Üzeyir oğlu Vəlizadə

Rasim Əbdül oğlu Məmmədov

Elnur Adil oğlu Əliyev   

Samit Gülağa oğlu İmanov

Kapitan:

İnqilab Çingiz oğlu Quliyev    

Mühid Qurban oğlu Orucov   

Vaqif Dilqəm oğlu Bayramov 

Nəcməddin Akif oğlu Savalanov

Baş leytenant:

Əbu Bəkir Vüqar oğlu İsmayılov     

Mirzə Sərvər oğlu Novruzov  

Rəşid Rövşən oğlu Mehdiyev

Ziya Niyazi oğlu Həsənov      

Elvin Məmməd oğlu Namazov        

Cavid Gülbala oğlu Dədəkişiyev     

Elnur İsgəndər oğlu İsgəndərov

Sahil Həsrət oğlu Şirinov (leytenant)

Gizir:

Dilsuz Məmmədağa oğlu Qarayev 

Elimdar Səlimxan oğlu Səfərov      

Orxan Kazım oğlu Hümbətov

Orxan Ələsgər oğlu Müstəcəbov    

Məhəbbət Zaman oğlu Mirzəyev    

Nurlan Rasim oğlu Abdullayev       

Ravil Elman oğlu Novruzov   

Rusif İbrahim oğlu Ağayev    

Teymur Sabir oğlu Qasımov 

Murad Vaqif oğlu Məmmədov

Bəxtiyar Rəfael oğlu Hüseynov      

Toğrul Habil oğlu Fərəczadə 

Şahin Yaşar oğlu Cavadzadə

Pəncəli Nurməmməd oğlu Teymurov       

Tural Gülşad oğlu Qurbanov 

Mirsalam Təvəkkül oğlu Cəfərov    

Seymur Qulamhüseyn oğlu Baxışov

Babək Vəfadar oğlu Abidov (Kiçik gizir)

Çavuş:

Təbriz Hamlet oğlu Əsgərov 

Elvin Sədrəddin oğlu Qayıbov

MAXE hərbi qulluqçu:

Ruhin Əşrəf oğlu Qəhrəmanov       

Nurlan Bayram oğlu Əsgərov

Rahim Qara oğlu Tağıyev     

Nicat Bəhruz oğlu İsgəndərov        

Səbuhi Rəfayıl oğlu Musayev

Adil Kamran oğlu Adilzadə

Rüstəm Oruc oğlu Əhmədov

Siravi:

Rəvan İsmayıl oğlu Nurayev 

Orxan Məhəmməd oğlu Əliyev       

Sarvan Natiq oğlu Mehrəliyev

Samir Ziyəddin oğlu Qaçayev

Fərahim Adışirin oğlu Novruzov     

Nürəddin Etimad oğlu Mirzəyev      

Sərxan Azər oğlu Bağırov     

Hüseyn Zeynal oğlu Dəmirli  

Ömər Məzahir oğlu Cəbrayılov       

Vüqar Natiq oğlu Süleymanov        

Teymur Mikayıl oğlu Qasımov        

Rizvan Telman oğlu Muradov

Müşviq Arif oğlu Orucov        

Cabbarxan İlham oğlu Hacıağayev

Nurlan Cəmil oğlu Qasımov  

Xaliq Həsən oğlu Əzizzadə   

Emin İmran oğlu Bağırov       

Kamran Faiq oğlu Şirəliyev   

Əlizaman Fərrux oğlu İslamov        

Ülvin Cəmaləddin oğlu Məmmədov

Şulan Bayram oğlu Bayramov        

Fəxrəddin Seyfəddin oğlu Qurbanlı

Firdovsi Əliş oğlu Bağırzadə 

Mahir Sabir oğlu Mirzəyev     

Röyal İmran oğlu Nəsirov      

Altun Fərman oğlu Dəmirli     

Elşən Səlim oğlu Səmədov   

Vüsal İlham oğlu Alıyev

Mikayıl Yaqub oğlu Vahabzadə      

Mahir Qədir oğlu Quliyev       

Nazim Nadir oğlu Zəkarayev 

Yalçın Namiq oğlu Osmanov 

Elvin Azadxan oğlu Mirzəyev

Əmiraslan Xəlil oğlu Xeyirbəyov     

Elvin Azadxan oğlu Mirzəyev

Əbdülməcid Nadirşah oğlu Axundov

Mahmud Azər oğlu İbrahimov

Sərxan Oqtay oğlu Bayramov

Əmrah Aydın oğlu Yüzbəyov

Əli İntiqam oğlu Heydərov     

Natiq Namiq oğlu Tahirli

Qeyd edək ki, Azərbaycan Respublikasının ərazi bütövlüyünün qorunub saxlanması, erməni işğalçılarının 2016-cı il aprelin 2-dən 5-dək qoşunların təmas xəttində törətdikləri silahlı təxribatların qarşısının alınması və düşmənin dinc əhaliyə hücumlarının dəf edilməsi zamanı göstərdikləri qəhrəmanlıq və igidliyə görə, Azərbaycan hərbçilərinin xüsusi fərqlənən bir qrupu 2016-cı il aprelin 19-da Azərbaycan Respublikası Prezidentinin müvafiq sərəncamları ilə yüksək fəxri adlara layiq görülüb, orden və medallarla təltif ediliblər.

Vətən qarşısındakı xidmətlərinə görə, təltif edilənlər arasında “Azərbaycanın Milli Qəhrəmanı” fəxri adına, “Azərbaycan Bayrağı” və “Vətənə xidmətə görə” ordenlərinə, “Vətən uğrunda”, “İgidliyə görə” və “Hərbi xidmətlərə görə” medallarına layiq görülənlər var.

Allah şəhidlərimizə rəhmət eləsin!

/oxu.az/