2021-ci ildə Azərbaycanın işğaldan azad edilmiş ərazilərdə sosial xidmət və reabilitasiya infrastrukturunun qurulmasına başlanılacaq.
Median.Az xəbər verir ki, bu barədə Əmək və Əhalinin Sosial Müdafiəsi naziri Sahil Babayev ötən ilin yekunlarına və bu ilki sosial hədəflərə həsr olunmuş kollegiya iclasında çıxışı zamanı deyib.
S.Babayev cari ildə bu istiqamətdə də geniş işlərin aparılacağını qeyd edib:
“Eyni zamanda sosial ödənişlərin davamlılığının təmin edilməsi, özünüməşğulluq proqramına 2020-ci illə nisbətən 33,3% çox olmaqla, 16 min şəxsin cəlb olunması təmin ediləcək”.
