Month: Sentyabr 2018

Aparılan yenidənqurma işləri ilə əlaqədar olaraq şəhər istiqamətindən Babək prospektinə giriş qısa müddətə məhdudlaşdırılır.

Median.Az-ın “Azərbaycan Avtomobil Yolları” Dövlət Agentliyinə istinadən verdiyi xəbərə görə, məhdudlaşma sentyabrın 29-dan 30-na keçən gecədən etibarən və prospekt boyunca hissə-hissə tətbiq ediləcək.

“Yarana biləcək müvəqqəti narahatlığa görə, “Azərbaycan Avtomobil Yolları” Dövlət Agentliyi vətəndaşlardan üzr istəyir və sürücülərə öncədən hərəkət istiqamətlərinə uyğun alternativ yollardan istifadə etmələrini tövsiyə edir”, – məlumatda qeyd olunub.

Azərbaycanda uşaqlar üçün çap edilən ensiklopediyada materiklərin sayı 6 deyil, 7 göstərilib.

Median.Az-ın Trend-ə istinadən məlumatına görə, hazırda da kitab dükanlarında satılan, 400 səhifəlik “Bunları bilmək istəyirəm!” adlı illüstrasiyalı intellektual ensiklopediya 2013-cü ildə “Turan Evi” nəşriyyatı tərəfindən hazırlanıb. Ensiklopediyanın arxa üzündə isə “Şərq-qərb” nəşriyyatının adı qeyd edilib.

Adıçəkilən ensiklopediyada materiklər haqqında belə məlumat verilib: ”Materik böyük quru sahədir. Bizim planetdə cəmi yeddi materik və ya kontinent var: Afrika, Antarktida, Avropa, Asiya, Avstraliya, Cənubi Amerika, Şimali Amerika”.

“Şərq-qərb” nəşriyyatından bildirilib ki, onlar bu kitabda yazılan məlumatlara görə məsuliyyət daşımırlar. Çünki onlar yalnız “Turan evi” tərəfindən hazırlanmış vəsaiti nəşriyyatın mətbəəsində nəşr ediblər.

Məsələ ilə bağlı “Turan evi” nəşriyyatı ilə əlaqə saxlamaq cəhdləri uğursuz olub.

Azərbaycan Milli Elmlər Akademiyasının Coğrafiya İnstututunun direktor müavini Məhərrəm Həsənov isə bildirib ki, kitabda materiklərlə bağlı verilən məlumat səhvdir və bu məlumatlar uşaqları caşdırır:

“Planetdə 7 deyil, 6 materik var və son illər ərzində də dünya elmi tərəfindən yeni materik kəşf edilməyib. Kitabda materik və qitələr bir-biri ilə qarışdırılıb. Hazırda planetdə Afrika, Antarktida, Avstraliya, Cənubi Amerika, Şimali Amerika və Avrasiya materikləri var. Ensiklopediyada materik kimi qeyd edilən Avropa və Asiya isə qitədir. Ümumilikdə Avropa, Asiya, Amerika, Avstraliya, Afrika və Antarktida planetdəki qitələrin adlarıdır. Yaxşı olardı ki, nəşriyyatlar coğrafi məlumatların səhv getməməsi üçün bizimlə məsləhətləşsinlər. Biz onlara yardım etməyə hazırıq. Bu əməkdaşlıq həm də onların xeyrinə olar, çünki belə olduqda onların da vəsaitlərində səhv məlumatlar getməz”.

Zaman zaman enerji içkilərinin insan orqanizmininə zərərli təsiri barədə müxtəlif iddialar ortaya atılır. Bu günlərdə Goranboyda 8-ci sinif şagirdinin “hell” içkisindən ölməsi ilə bağlı xəbərlərin yayılması ajiotajı daha da qızışdırıb. Təsadüfi deyil ki, bir çox avropa ölkələri enerji içkilərinin istifadəsinə tam qadağa qoyub. Məsələyə Qida Təhlükəsizliyi Agentliyi münasibət bildirib.

Gənclərin əksəriyyəti, xüsusi ilə də 18 yaşına çatmayan yeniyetmələr mütəmadi olaraq enerji içkilərindən geniş istifadə edirlər. Onlar bu içkilərindən tez tez istifadə etmələrini yorğunluğu götürməsi və insanı daha gümrah etməsi ilə əsaslandırırlar. Ancaq mütəxəssislər bildirir ki, enerji içkşlərşndə olan maddələr onun təlqin etdiyi şüarlarla uzlaşmır. Son olaraq Goranboyda 8-ci sinif şagirdinin hell enerji içkisindən ölməsi ilə bağlı iddialar məsələnin ictimaiyyətdə geniş müzakirə mövzusuna çevirib. Sonradan iddiaların təkzib olunmasına baxmayaraq mövzu aktuallığı daha da artıb.

Qeyd edək ki, insan orqanizminə ciddi zərərləri olduğuna görə Fransa, Danimarka, Norveç və Uruqvayda enerji içkilərinin satışı tam qadağan edilib. Almaniyada isə 2009-cu ildə enerji içkilərində kokain aşkarlandığına görə bir birmənalı qadağa tətbiq edilib.Küveytdə isə 16 və 21 yaşlı iki şəxsin məhz enerji içkisindən ölməsi təsdiqləndiyi üçün qadağan edilib. bir çox ölkələrdə isə bu bu içkilərin satışında yaş məhdudiyyəti var. Belə ki, Böyük Britaniyada,Litva və Latviyada içkilərin 16 yaşından aşağı şəxslərə satılması qadağandır.

İstər Gornaboyda baş verən hadisə, istərsə də dünya təcrübəsi Qida Təhlükəsizliyi Agentliyinin bu məsələyə daha həssas yanaşmasını tələb edir. Qida Təhlükəsizliyi Agentliyinin mütəxəssisi Günel Məlikzadə bildirir ki, enerji içkilərinin tərkibində olan 3 maddə hər bir şəxs üçün həkim tərəfindən təyin olunan müəyyən normadan artıq olarsa insan sağlamlığında ciddi fəsadlara səbəb ola bilər.

Agentliyin nümayəndəsi bildirir ki, hər bir enerji içkisinin üzərində istehlakçıların başa düşə biləcəyi bir dildə onun tərkibi haqqında məlumat olmalıdır. Ancaq biz ölkədə satışda olan bəzi hell içkisi qablarının üzərində bunu görə bilmirik.

Qida Təhlükəsizliyi Agentliyinin nümayəndəsi onu da bildirir ki, xüsusilə məktəblilər üçün bu içkidən istifadə etmək ümumiyyətlə yolverilməzdir. Amma gəl gör ki bizdə satışda olan bu içkilərin üzərində heç yaş məhdudiyyətini göstərən xəbərdarlıq da yoxdur.

Hazırda ictimaiyyət tərəfindən adı daha çox hallanan hell enerji içkilərinin Azərbayacn nümayəndəliyindən bildirirlər ki, satışda olan üzərində yalnız macar dilində yazı olan içkilərin onlara aidiyyatı yoxdur. Azərbaycanda olan rəsmi distrubuterin gətirmiş olduğu bütün hell enerji içkilərininn üzərində Azərbaycan dilində məlumat yerləşdirilib. Bu içkilər bütün beynəlxalq qida təhlükəsizliyi standartlarına cavab verir. O ki qaldı yaşla bağlı məhdudiyyət məsələsinə nümayəndəlikdə hesab edirlər ki, uşaqlara istifadəsi tövsiyyə edilməməsi ilə bağlı qutunun üzərindəki xəbərdarlıq bu tələbə cavab verir. Yəni uşaq yaşı yerli qanunvericilikdə əksini tapıb.//xezerxeber.az

Qaradağ rayonunun buta qəsəbəsində maraqlı bir hadisə olub. Deməli, itin başı boş yağ qutusuna girib. Sakinlərin müdaxiləsindən sonra heyvanın başını qutudan çıxarmaq mümkün olub. Əslində, bu hadisə itin başına ərazidə zibil qutusunun olmaması səbəbindən gəlib. İndi görün buranın sakinləri nə çəkirlər…!?

İtin başı boş yağ qabının içərisində sıxışıb qalıb.

Sakinlər itin həyatını xilas etməyə çalışırlar. Əllərində qayçı dəmir qutunu kəsirlər.

Görüntülər paytaxtın Qaradağ rayonu Buta qəsəbəsində sakinlər tərəfindən qeydə alınıb. Yaxınlıqda yaşayan sakinlər deyirlər ki, ərazidə zibil qabı olmadığından məişət tullantıları yolun kənarına atılır. Nəticədə evlərin yaxınlığına çoxlu sayda sahibsiz itlər yığışır. Elə bu hadisə də itlər zibillliyə yığışan zaman olub.

Sakinlər bildirirlər ki, zibil qabları olmadığından tullantıları yolun kənarına atmaq məcburiyyətində qalırlar.

Sakinlər deyirlər ki, zibilliyə yığışan itlər bir neçə dəfə ərazidən keçən insanları dişləyib.

Məsələ ilə bağlı Qaradağ rayon İcra hakimiyyətinin Buta qəsəbəsi üzrə nümayəndəliyinə müraciət etsək də, iş vaxtı olmasına baxmayaraq, qurumdan heç kimi tapa bilmədik.