Month: February 2019

Rusiyanın Surqut şəhərində yenicə ata olan azərbaycanlı doğum evinin qarşısında qurban kəsib.

Vesti.ru saytının məlumatına görə, sosial şəbəkədə paylaşılan görüntülər şəhər sakinləri və heyvansevərlər tərəfindən etirazla qarşılanıb.

Məsələyə polis müdaxilə etməli olub.

Şəhər sakinlərinin etirazına qurbanın uşaqların gözünün qarşısında kəsilməsi səbəb olub.

Məlum olub ki, Vasif adlı həmin şəxs Belıy Yar qəsəbəsində yaşayır və üçüncü dəfə ata olub.

Məsələ ilə bağlı Xantı-Mansi Muxtar Dairəsi azərbaycanlılarının yerli milli-mədəni muxtariyyətinin sədri Azad Seyidov açıqlama verib:

“O, bunu heç düşünməmişdi. Ola bilsin ki, o, sevincindən qoyunu doğum evinin qarşısına gətirib. Və əlbəttə ki, onu kəsib. Onunla danışan zaman cəmiyyətdə bunu etməyin düzgün olmadığını bildirdim. O isə üzr istədi”.

Qeyd edilib ki, o, yaxın vaxtlarda inzibati məsuliyyətə cəlb ediləcək.

Qida Təhlükəsizliyi Agentliyinin əməkdaşları Sumqayıtda 600 kiloqrama yaxın pendir məhv ediblər.

AQTA-dan oxu.az-ın sorğusuna cavab olaraq bildirilib ki, Sumqayıtda satış məntəqələrində 600 kiloqrama yaxın mənşəyi məlum olmayan pendir aşkarlanıb:

“Monitorinq zamanı məlum olub ki, üzərində istehsal tarixi, istehsalçısı qeyd olunmayan məhsul İsmayıllı, Bərdə və Dərbənd pendiri adı altında satılıb. Pendirlərdən nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib. Aparılan təhlillər nəticəsində məlum olub ki, həmin pendirlərdə insan orqanizmi üçün zərərli bakteriyalar var”.

Məhv edilən pendirlərin ticarət şəbəkələrinə kim tərəfindən satıldığı araşdırılıb. Məlum olub ki, fiziki şəxs tərəfindən anbarlarda hazırlanıb, satılırmış.

Fəridə artıq səkkiz ildən çoxdur ki, iki azyaşlı övladı və xəstə həyat yoldaşı ilə əvvəl tualet olmuş kiçik yerdə yaşayır.

Nəsimi rayonu Abbas Səhhət küçəsində yerləşən 2×2 metrlik bu yerdə dörd nəfərlə birlikdə yaşamaq ailə üçün dözülməz olub.

Fəridə Məhərrəmova oxu.az-a bildirib ki, o, Nəsimi rayon icra nümayəndəliyinə müraciət etsə də, heç bir nəticə əldə etməyib.

Bu vəziyyətdən ən çox əziyyət çəkən də Fəridənin azyaşlı övladlarıdır.

Bərdədə küçədə tapılan azyaşlı uşaqların Gəncədə yerləşən uşaq evlərindən birinə göndəriləcəyi deyilib.

Bu barədə oxu.az-a Bərdə Rayon İcra hakimiyyəti başçısının birinci müavini Vahid Qarayev məlumat verib.

Onun sözlərinə görə, uşaqların ailə üzvlərindən yalnız anası tapılıb:

“Uşaqların anası Qazax rayonunun Kəmərli kənd sakini, 1984-cü il təvəllüdlü Aslanova Yeganə Məhəmməd qızıdır. Anaları tapılsa da, heç uşaqların atasını tanımadğını deyir. Azyaşlılar hazırda Bərdə rayon Uşaq Xəstəxanasında, dövlət nəzarətində saxlanılır. Bizə bildirdiyinə görə, Bərdədə müxtəlif kafe və çayxanalarda işləyib”.

V.Qarayev azyaşlıların bu gün dövlətin himayəsinə verilməsi ilə bağlı məsələnin həll olunacağını da bildirib:

“Uşaqların vəziyyəti yaxşıdır. Bərdənin özündə də uşaq evləri var. Lakin bu uşaqların Gəncədə yerləşən uşaq evlərindən birinə yerləşdirilməsi istiqamətində danışıqlar gedir”.

Xatırladaq ki, hadisə fevral ayının 2-də gecə saatlarında Bərdə rayonunda baş verib. Azyaşlılar vətəndaşlar tərəfindən baxımsız halda tapılaraq, Bərdə Rayon Mərkəzi Xəstəxanasına, oradan isə Uşaq Xəstəxanasına yerləşdiriliblər.

Faktla bağlı Bərdə rayon Polis Şöbəsində araşdırma aparılır.

Paytaxtın Xətai və Suraxanı rayonlarında su olmayacaq.

Bu barədə  “Azərsu” ASC-dən məlumat verilib.

Bildirilir ki, magistral su xəttində təmir-bərpa işlərinin aparılması ilə əlaqədar gün ərzində Xətai və Suraxanı rayonlarının bir hissəsinə içməli suyun verilməsində məhdudiyyətlər olacaq.