Month: April 2019

İçərişəhərdə Qala divarları qarşısında tikilən restoranın damında söküntü işləri aparılır.

BBC News Azərbaycancanın ərazidə olan müxbiri müşahidə edib ki, yarımçıq tikilinin bir neçə gün əvvəl betonlanmış ikinci mərtəbəsində fəhlələr hissələri sökərək aşağı atır.

Bu, 1-ci vitse-prezident Mehriban Əliyevanın keçən həftə İçərişəhər ərazisində BBC News Azərbaycanca müxbirinin sualına cavabdan sonra baş verib. Mehriban Əliyeva “İçərişəhərdə, qala divarlarının yanında indiyə qədər olan obyektlər hansı hündürlükdə idisə, o vəziyyətdə də olmalıdır” demişdi.

Müxbirlər cümə günü ərazidə olarkən tikintinin üst mərtəbəsində olan dəmir konstruksiyanın üzərinin beton örtüyü ilə bağlanıldığını görüb. Bu gün isə müşahidə edilib ki, həmin beton örtük fəhlələr tərəfindən sökülüb yerə tökülür.

İçərişəhər Dövlət Tarix-Memarlıq Qoruğu idarəsindən bunu nə təsdiq, nə də təkzib ediblər. Ancaq Qoruq əməkdaşlarından biri deyib ki, sökülən taxta restoranın yerində beton və dəmirdən restoran tikilir və onun üzərinə yemək xidməti üçün nəzərdə tutulmayan terras quraşdırılır.

Bir neçə ay əvvəl kikboks millisinin baş məşqçisi Anar Süleymanovun həyat yoldaşı Şamama Məmmədovanı döyməsi barədə məlumat yayılmışdı. Həmin vaxt Anar Süleymanov Nərimanov Məhkəməsi tərəfindən həbs edilərək 20 gün müddətinə həbsxanaya salınmışdı.

Median.Az news24.az-a istinadən xəbər verir ki, bu dəfə isə Anar Süleymanovun şikayəti əsasında onun həyat yoldaşı Bayramova Şamama Mehman qızı barəsində cinayət işi açılıb.

Belə ki, bir vaxtlar idmançı kimi Anarın tələbəsi olan və daha sonra onunla evlənən qadın barəsində Cinayət Məcəlləsinin 147-ci, yəni böhtan atma maddəsi ilə iş açılıb.

İşlə bağlı materiallar Nərimanov rayon Məhkəməsinə göndərilib və hakim Hafiz Kamranovun icrasına verilib. Məlumata görə, fevralın 13-də Anar Süleymanovun Nəriman Rayon Məhkəməsinin qərarı ilə iyirmi günlük həbs cəzasının müddəti başa çatıb.

Anar Süleymanov əvvəlcə həyat yoldaşı Şamama Bayramova ilə münasibətlərindən danışıb:

“Son günlər haqqımda yazılanlar sabiq həyat yoldaşımın mənə qurduğu tələdir. Məşhur biri olduğumu nəzərə alaraq, özünü mənim vasitəmlə gündəmə gətirmək istədi. Biz Avropada yox, Azərbaycanda yaşayırıq. Hər kəs bilir ki, ailədə problemlər olur. Yəni, bunlar təbii haldır. Amma heç bir Azərbaycan xanımına yaraşmaz ki, xırda bir mübahisəyə görə bölmələrdə adı işverən kimi hallansın, üzə duranlıq etsin. Mən ailə qurmazdan öncə onu araşdırmamışdım. Bu mənim səhvimdir. Evləndikdən sonra gördüm ki, sərbəst bir ailə imiş. Ən çox da özü daha sərbəst biri idi. Ona görə də qərara gəldim ki, həyat yolumuzu ayıraq. Ondan sonra özünə yalandan mənim əleyhimə sənədlər düzəltməyə, özünə xəsarət yetirərək bunu mənim etməyim kimi qələmə verməyə başladı.

İki məhkəmə prosesində günahsız olduğum sübuta yetirilsə də, sonuncu prosesdə hakimin haqsız qərarı üzündən mənə iyirmi sutka həbs cəzası verildi. Onun vəkili də keçmiş arvadımla çox yaxındır, ayrıldıqdan sonra onları bir yerdə çox görmüşəm. Sonuncu məhkəmədə hələ qərar çıxarılmamışdan qabaq, həmin vəkilin tapşırığı ilə artıq məni həbsxanaya aparmaq üçün maşın gətirilmişdi. Həbsdə olduğum müddətdə də Şamama saxta profillər açaraq ailəmi, dostlarımı dayanmadan təhqir edib. Özünün model şəkillərini paylaşmaqla hazırda özünü reklam etdirir”.

Qeyd edək ki, Anar Süleymanov budo döyüş növü üzrə üç dəfə dünya çempionu olub, bir dəfə Dünya Kubokunu qazanıb. O, budo üzrə idman ustasıdır və universal döyüş üzrə iki dəfə Avropa üçüncüsü, kunq-fu üzrə Avropa çempionu olub.

Bakıda hələ də Xəzər dənizini çirkləndirməkdə davam edirlər.

Bu barədə paytaxt sakinləri BAKU.WS-in “qaynar xətti”nə şikayətlərində bildiriblər. Bildirilir ki, Bakı Dəniz Vağzalının yaxınlığında kanalizasiya suları birbaşa dənizə tökülür.

Hadisənin görüntülərini göndəriblər. Videodan da göründüyü kimi çirkab sular boru vasitəsilə birbaşa dənizə axıdılır.

Məsələ ilə əlaqədar ilk öncə Bakı şəhər İcra Hakimiyyətilə əlaqə saxladıq. Qurumdan BAKU.WS-ə bildirdilər ki, bu məsələ Bakı meriyasının səlahiyyətləri çərçivəsində deyil.

Bundan sonra Ekologiya və Təbii Sərvətlər Nazirliyilə əlaqə saxladıq. Nazirliyin şöbə rəisi Mirsalam Qəmbərov BAKU.WS-ə bildirdi ki, dəfələrlə bu məsələ qaldırılsa da, hələ də problem tam aradan qaldırılmayıb.

“Biz hamımız bu ölkənən vətəndaşlarıyıq. Ən başlıcası isə biz hamımız insanıq. İstəyirik ki, hər şey yaxşı olsun. Bunun üçün isə mütləq yaxşı işləməliyik. Heç imi tənqid etmək istəmirəm. Hər bir qurumun öz öhdəlikləri var.

Mərkəzi icra orqanları var. Ekoloji məsələlərlə Ekologiya Nazirliyi məşğul olur. Su və kanalizasiya məsələlərilə isə “Azərsu” məşğul olur. Keçmişdən kifayət qədər bizə miras qalan tullantı suların idarə olunmasında problemlər qalır. İndi də bir çox səhvlər gedir”, – deyə nazirlik rəsmisi bildirib.

Mirsalam Qəmbərov deyir ki, kanalizasiya şəbəkəsi formalaşan tullantı suyun kəmiyyət və keyfiyyəti nəzərə alınmadan, yaşayış massivləri salınır:

“Şəhər böyüyür. Şəhərsalmanın kompleks yanaşması var. Gərək hər şey öz yerini tapsın ki, problemlər aradan qaldırılsın.

Tərəf müqabilinin qarşısında məsələni qoyanda deməməlidirlər ki, bu problemdir və mənim balansımda yoxdur. Problem kanalizasiya məsələsindən qaynaqlanmır.

Bu məsələni “Azərsu” yüksək səviyyədə qaldırmalıdır. Bizim bir Bakı bulvarımız var. Onu çirkləndirən elementlər hamını narahat edir. Qonaqlar baş verənləri görürlər.

Bütün gücü bir istiqamətə vurmalıdırlar. Sahil kollektoru saat kimi işləməlidir”.

Burada səbəb nədir?

Mirsalam Qəmbərov deyir ki, bu gün yağış kolektorları şəhərdən perpendikulyar şəkildə Xəzər dənizinə gedir:

“Azadlıq prospekti, Yusif Səfərovdur, Keşlə kollektoru və adını çəkmədiyim xətlər yağış suyuna xidmət etməlidir. Yağış suyunun kollektoru ilə kanalizasiya suyunun axıdılması olmaz. Səbəb odur.

Ona görə də, bütün bu şəbəkə sistemi tam cilovlanmalıdır və ayrılmalıdır. Yağış suları ilə kanalizasiya suyunun görüşmə yeri ləğv olunmalıdır. Burada səbəb budur”.

Qurunt sularına gəlincə, Mirsalam Qəmbərov vurğulayıb ki, ondan iy gəlmir:

“İy gələn isə kanalizasiya sularıdır. Qurunt suları drenaj sularıdır. Şəhərdə harada drenaj şəbəkəsi var ki, oradan da qurunt suları yayılır.

Qrunt suyu təsərrüfat sahəsində, melarasiya olan ərazilərdə, yaşıllıqların suvarılmasında. Bu gün orada formalaşan suların həmin kollektordan qaçması deməkdir.

Yağış kollektorları yağış suları üçün nəzərdə tutulur. Təsərrüfat mənşəli tullantı sular kanalizasiya xətləri üçün nəzərdə tutulur. Bunlar hamısı təmizləyici qurğulara töürülməlidir. Ora axıdılan sular təmizləyici qurğularda təmizlənməlidir və sonra axıdılma mənbəyində ortaya çıxan xoşagəlməz anlar olmamalıdır.

Xəzər dənizinin çirklənməsilə bağlı vəziyyətə gəlincə, əvvəlki illərə nisbətən vəziyyət bir qədər yaxşılığa doğru inkişaf edir. Lakin elə məqamlar var ki, mən buna dözə bilmirəm.

Biz “Azərsu” ilə dəfələrlə müzakirələr aparmışıq ki, harada qaynar nöqtələr var, harada çox narahatedici məsələlər var, oranı düzəltmək lazımdır. Məsələn, Yardımlıda kanalizasiya şəbəkəsini saxlayıb, Bakıda problemləri tam aradan qaldırmaq olar.

Əhaliyə və ekologiyaya zərər vuran məntəqələr təmri edilməlidir. Orada bütün sistem qurulmalıdır və sonradan öblgələrə keçirilməlidir”.

Məsələ ilə əlaqədar “Azərsu” Açıq Səhmdar Cəmiyyətilə əlaqə saxladıq. Qurumun mətbuat xidmətinin rəhbəri Anar Cəbrayıllı BAKU.WS-ə bildirdi ki, iddia olunduğu kimi axan su kanalizasiya suyu deyil.

“Həmin ərazidə yaşayış evləri və digər obyektlər yoxdur, Görüntülərdən də göründüyü kimi ərazidə tikinti işləri gedir. Həmin xətlə dənizə axıdılan tikintinin katlavanında toplanan qrunt suları ola bilər, yəni bu tullantı suları deyil.

Qeyd etməliyəm ki, Bulvar ərazisindən vaxtilə dənizə axıdılan tullantı suların qarşısı alınıb və onlar Sahil kollektorun yönəldilərək təmizlənmək üçün Hövsan Aerasiya Stansiya ötürülməsi təmin edilib”, – Anar Cəbrayıllı bildirib.