Median.Az

Month: April 2019

  • Göygöldə 8 nəfərin ölümünə səbəb olan yol qəzası ilə bağlı cinayət işi açılıb – FOTO – VİDEO – SİYAHI – YENİLƏNİB-4

    Göyöl rayonunda baş vermiş ağır yol qəzası ilə bağlı cinayət işi açılıb.

    Median.Az-ın report-a istinadən məlumatına görə, hadisə Gəncə-Daşkəsən avtomobil yolunun Göygöl rayonunun Yeni Qızılca kəndi ərazisindən keçən hissəsində qeydə alınıb.

    Belə ki, “VAZ-2106” və “VAZ-2107” markalı avtomobillər toqquşub. Nəticədə Daşkəsən rayon sakinləri olan iki ailənin üzvləri və yaxın qohumları, ümumilikdə, 8 nəfər ölüb, 1 nəfər yaralanıb.

    Qəza zamanı yaralanan, 1991-ci il təvəllüdlü Ruhiyyə Ramiz qızı Həsənovanın müalicəsi isə Gəncə şəhər Təcili Tibbi Yardım Xəstəxanasının Travmatologiya şöbəsində davam edir və vəziyyətinin orta-ağır olaraq qaldığı bildirilir.

    Artıq meyitlər ailələrinə təhvil verilib.

    Faktla bağlı Cinayət Məcəlləsinin 263.3 (nəqliyyatda iki və daha çox şəxsin ölümünə səbəb olduqda) maddəsi ilə cinayət işi açılıb, araşdırma aparılır.

    *** 15:51

    Göygöl rayonunda ağır yol qəzası nəticəsində ölən və yaralananların adları məlum olub.

    Median.Az-ın report-a istinadən məlumatına görə, bunlar Daşkəsən rayon sakinləri – 1995-ci il təvəllüdlü Eldəniz Gəray oğlu Həsənov, 2018-ci il təvəllüdlü Rübab Eldəniz qızı Həsənova, 1934-cü il təvəllüdlü Firəngiz Dəmir qızı Orucova və 1958-ci il təvəllüdlü Nahidə Qəzənfər qızı Orucova (hamısı “VAZ-2107” markalı avtomobildə olublar), həmçinin 1986-cı il təvəllüdlü Aslan Əbülfət oğlu Camalov, 1949-cu il təvəllüdlü Həmid Səməd oğlu Bayramov, 1995-ci il təvəllüdlü Sevinc Mehman qızı Camalova və 2016-cı il təvəllüdlü Hüseyn Aslan oğlu Camalovdur.

    Bundan əlavə, Gəncə şəhər sakini, 1991-ci il təvəllüdlü Ruhiyyə Ramiz qızı Həsənova xəsarət alıb.

    *** 14:01

    Göygöl rayonunda ağır yol qəzası nəticəsində ölənlərin sayı 8 nəfərə çatıb.

    Median.Az-ın report-a istinadən məlumatına görə, onlardan 2-si uşaq, 4-ü qadın, 2-si isə kişidir.

    *** 12:47

    Göygöl rayonunda ağır yol qəzası baş verib.

    Median.Az-ın report-a istinadən məlumatına görə, hadisə Gəncə-Daşkəsən avtomobil yolunun Göygöl rayonu ərazisindən keçən hissəsində qeydə alınıb.

    Belə ki, “VAZ-2106” və “VAZ-2107” markalı minik avtomobilləri toqquşub. Nəticədə biri qadın, ikisi kişi olmaqla üç nəfər hadisə yerində ölüb, bir uşaq isə xəstəxanaya aparılarkən yolda dünyasını dəyişib.

    Qəzada xəsarət alanların olduğu da bildirilir.

    Faktla bağlı araşdırma aparılır.

  • Çimnaz Sultanova oğurlanan qızıllarına görə polisə müraciət etdi

    Aktrisa Çimnaz Sultanova bir müddət əvvəl evindən bütün qızıllarının oğurlandığını bildirmişdi.

    Median.Az axşam.az-a istinadən xəbər verir ki, aktrisa “Bizimləsən” verilişində deyib ki, polislər artıq rəsmi olaraq axtarışa başlayıb:

    “Rəsmi olaraq şikayət ərizəsi yazdım. İş gedir”.

    Qeyd edək ki, Çimnaz evindən qızılları götürən şəxsin tanınmış biri olduğunu, əmisinin millət vəkili olduğunu açıqlamışdı. O, həmin şəxsin xahişi ilə uzun müddət polisə müraciət etmədiyini söyləmişdi.

    “Demişdi ki, adımı açıqlama, polisə demə, pulunu qaytaracam. Amma qaytarmadı” deyə, Çimnaz bildirib.

  • “Bu günə qədər mənəviyyatımı qoruya bilmişəm” – Abutalıbov

    Baş nazirin müavini Hacıbala Abutalıbov mətbuatda onunla bağlı yayılan məlumatlara münasibət bildirib.

    Median.Az xəbər verir ki, sabiq mer qafqazinfo-ya açıqlamasında bildirib ki, onun haqqında verilən informasiyalar yalan və iftiradır: “Yalan ayaq tutar, yeriməz. Verilən informasiyalarla dərc olunmuş sənədlər tamamilə bir-birini təkzib edir. Bu informasiyaları ötürən şəxs dövlət əmlakını mənimsəmə və vergidən yayınmaqda təqsirli bilinərək Cinayət Məcəlləsinin 179-cu və 213-cü maddələri ilə məhkum olunmuş Vidadi Əliyevdir. Bu, onun sənədləri saxtalşadırma yolu ilə mənimsəmə və qanunsuz olaraq tikdiyi obyektlər haqqında məlumatlar aidiyyatı dövlət orqanlarına məlum olduqdan sonra öz gördüyü işləri ört-basdır etməyə çalışması və ona nail olmadıqda əvvəllər – məhkum olunduğu vaxtda istifadə etdiyi böhtan dolu bir şantajdır.

    Özəlləşdirmə ilə əlaqədar verilən informasiyaların mənə heç bir aidiyyatı yoxdur. Əminəm ki, Əmlak Məsələləri üzrə Dövlət Komitəsi qanunsuz olaraq heç bir obyekti özəlləşdirmir və özəlləşdirə də bilməz. Mən bu günə qədər mənəviyyatımı qoruya bilmişəm. Bundan sonra da yüz qat qorumalıdır və qorumağa çalışacağam. Zəhərli ilanın nə qədər günahı varsa da, ona zəhərverən koramalın günahı isə çox-çox böyükdür”.

    Bir sıra saytlarda yayılan məlumatlarda Hacıbala Abutalıbovun Bakı şəhər İcra hakimiyyətinin rəhbəri vəzifəsini icra edərkən dövlət əhəmiyyətli binaları öz qohumlarının adına qeyri-qanuni özəlləşdirməsi, sahibkarların mülklərini əlindən alması və icra hakimiyyətinin tikinti işlərini görən fəhlələrin məvacibini veməməsi ilə bağlı iddialar yer alıb.

  • Обнародован календарь месяца Рамазан

    Обнародован календарь месяца Рамазан.

    Как сообщили в Управлении мусульман Кавказа (УМК), в календаре отражены время намаза в месяц Рамазан, а также время «имсака» и «ифтара».

    Согласно календарю, в ночь с 18 на 19 (23 мая) месяца Рамазана, с 20 на 21 (25 мая), с 22 на 23 (27 мая) и с 26 на 17 (31 мая) будут ночами аль-Кадр (ночь предопределения).

    1 день месяца «шаввал» (5 июня) будет днем Ид-аль-Фитр.

    Отметим, в Азербайджане месяц Рамазан начинается 6 мая. Ночь намерений приходится в ночь с 5 на 6 мая, а праздник Рамазан будет отмечаться 5-6 июня.//ona.az

  • Dini Komitə ali məktəblərdə dinin tədrisi məsələsinə aydınlıq gətirib – YENİLƏNİB

    Dini Qurumlarla İş üzrə Dövlət Komitəsi yeni tədris ilindən ümumtəhsil və ali təhsil müəssisələrində dinin tədrisi ilə bağlı məsələyə aydınlıq gətirib.

    Dövlət Komitəsinin Mətbuat xidmətindən verilən məlumata görə, yeni tədris ilindən etibarən ali təhsil ocaqlarında “Multikulturalizmə giriş” əsas fənn kimi tədris olunacaq.

    “Əslində, bu fənn 2015-ci ildən ali məktəblərdə seçmə fənn kimi tədris edilirdi. Lakin indi bu fənnlə bağlı ciddi dəyişikliklər baş verəcək. Bu fənnin tədrisi üçün dərslik vəsaiti Azərbaycan Respublikası Prezident Administrasiyasının Millətlərarası münasibətlər, multikulturalizm və dini məsələlər şöbəsinin rəhbərliyi ilə Bakı Beynəlxalq Multikulturalizm Mərkəzi və Dini Qurumlarla İş üzrə Dövlət Komitəsi ilə birgə hazırlanır. Dərs vəsaiti üzərində işlər davam edir. Dərslik iki hissədən ibarətdir: multikulturalizm bölməsi və dinlər, dini durum, milli-mənəvi dəyərlərimiz və s. mövzuları əhatə edən digər bölmə. Fənnin tədrisində əsas məqsədlərdən biri də tələbələrə bütün dinlər, xüsusilə İslam dini barədə məlumat vermək, dini radikalizm, radikal dini cərəyanlar, onların təbliğat metodları, milli-mənəvi dəyərlərimiz, onların qorunmasının zəruriliyi, Azərbaycan dövlətinin bu istiqamətdə siyasəti ilə bağlı minimum məlumatları çatdırmaqdır. Kitabın müəllifləri arasında dövlət qurumlarının əməkdaşları, ilahiyyatçılar, ali məktəb müəllimləri və bu sahənin digər peşəkar mütəxəssisləri də var. Bir daha qeyd edirik ki, bu fənn orta məktəblərdə deyil, ali təhsil ocaqlarında tədris olunacaq”, – açıqlamada qeyd edilib.

    Məlumatda bildirilib ki, orta məktəblərə gəlincə, böyüməkdə olan nəslin milli-mənəvi dəyərlərimizə uyğun formalaşması istiqamətində bütün zəruri tədbirlər görülür:
    “Eyni zamanda neçə illərdir ki, orta məktəblərdə “Həyat bilgisi” adlı fənn tədris olunur. Bu fənn çərçivəsində şagirdlərə dinlərlə bağlı məlumatlar da verilir. Hazırda “Həyat bilgisi” fənninin proqramında dinlər haqqında məlumatların genişləndirilməsi məqsədilə işlər görülür. Ümumiyyətlə, məqsəd dinlər barədə şagirdlərə məlumat vermək, onların bu istiqamətdə dünyagörüşünü artırmaqdır. Bir sözlə, söhbət orta məktəblərdə dinin tədrisindən yox, dinlərlə bağlı ilkin biliklərin verilməsindən gedir. Bu sahənin təkmilləşdirilməsi istiqamətində gələcəkdə də işlər davam etdiriləcək. Azərbaycanla yanaşı, digər ölkələrdə də belə təcrübələr var. Hətta bir sıra ölkələrdə bütün dinlər (səmavi və digərləri) barədə orta təhsil müəssisələrində ayrıca dərslər keçirilir”.

    14:37

    Qafqaz Müsəlmanları İdarəsi Quran kurslarına icazə verib. Dövlət də Quran kurslarının olmasını lazım bilir.

    Median.Az-ın ONA-ya istinadən məlumatına görə, bunu bu gün Qafqaz Müsəlmanları İdarəsinin (QMİ) Qazılar Şurası və Elmi-Dini Şurasının iclasında Dini Qurumlarla İş üzrə Dövlət Komitəsinin sədri Mübariz Qurbanlı bildirib.

    M.Qurbanlı qeyd edib ki, gələn ilin sentyabrından bütün ali məktəblərdə İslam dini və digər dinlər haqqında icbari dərs keçiriləcək:

    “Tələbələr həmin dərslərdən imtahan verəcəklər. İslam dini onların içərisində daha yüksək yer tutur. Artıq həmin dərsliklər hazırlanıb. Təhsil Nazirliyi həmin dərslikləri Dövlət Komitəsinə göndərib. Bütün orta məktəblərdə tədris proqramlarına geniş şəkildə İslam dini haqqında məlumatlar əlavə edlilib.

    İslam şagirdlərə orta məktəbdə aşağı siniflərdən öyrədiləcək. İlahiyyatçı alimlər buna baxırlar. Şagirdlərə hər hansı fikrin yanlış çatdırılmaması üçün bütün məsələlər nəzərə alınır”.

  • Azərbaycanda yeni laboratoriyalar yaradılacaq

    Qida təhlükəsizliyi sahəsində mövcud laboratoriyalar şəbəkəsi optimallaşdırılacaq, müasir tələblərə cavab verən yeni laboratoriyalar yaradılacaq və maddi-texniki təchizatı təmin ediləcək.

    Median.Az-ın məlumatına görə, bu, “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nda öz əksini tapıb.

    Sənəddə qida təhlükəsizliyi sahəsində milli istinad laboratoriyasının yaradılmasının da nəzərdə tutulduğu qeyd edilib.

  • Российский пилот рассказал об аварии в Баку – ВИДЕО

    «… Потом меня догнал Риккардо. Возможно ему стоило быть терпеливее. Он попытался обогнать меня в повороте, я не мог повернуть. Он «утащил» меня за собой, а потом въехал меня. Гонка была закончена для нас, поскольку повреждения были серьезными. Очень досадно».

    Об этом «Российской газете» рассказал российский пилот «Торо Россо» Даниил Квят, комментируя аварию с гонщиком «Рено» Даниэлем Риккардо на Гран-при Азербайджана. Напомним, он не смог закончить гонку из-за инцидента с Риккардо. Пытаясь обогнать Квята на повороте, австралиец вынудил его сойти с траектории, а потом «торпедировал» россиянина, сдавая назад. На этом уик-энд для обоих закончился, а Риккардо был позже признан виновным в происшествии.

    “Я удивлен. Не мог поверить в происходящее. Но такое случается. Наверное, он спешил, хотел исправить свою ошибку, но я-то был все еще там.

    Мы поговорили. Надо отдать ему должное, он принес извинения. У нас нет проблем, мы долго были в одной команде, хорошо друг друга знаем. Просто ему нужно было потерпеть: через километр он бы меня обогнал. Он почти это сделал в первом повороте, но я удержался. А потом был третий поворот… Все это очень грустно.

    Но такое случается, особенно на трассах, как в Баку. Нам нужно перезарядить батарейки перед Барселоной, и наше время придет”, – поделился Квят.

    Напомнним, что победителем Гран-при Азербайджана SOCAR Формула-1 стал пилот «Мерседеса» финн Валттери Боттас.

  • Rusiyalı pilot Bakıdakı qəzadan danışdı

    Yarış zamanı Rikkardo mənə çatdı. Ona daha səbirli olmaq lazım idi. O məni döngədə keçməyə çalışdı, mən isə dönə bilməzdim.

    Bunu İtaliyanın “Toro Rosso” bolidinin rusiyalı pilotu Daniil Kvyat Bakıdakı “Formula-1” yarışı zamanı avstraliyalı Daniel Rikkardo ilə toqquşması barədə danışarkən deyib.

    O, “Rossiyskaya Qazeta”ya müsahibəsində “Reno” pilotu ilə toqquşma anını izah edib:

    “O məni “arxasınca sürüklədi”, sonra məni yarışdan çıxardı. Zərər ciddi olduğundan, yarış bizim üçün bitdi. Çox heyf”.

    25 yaşını Bakıda qeyd edən başqırd pilot daha sonra Rikkardonun bolidi arxaya verərkən onunkuna toqquşdurması barədə danışıb:

    “Mən təəccübləndim. Nə baş verdiyinə inana bilmirdim. Ancaq belə şeylər olur. Yəqin ki, o tələsdi və öz səhvini düzəltmək istədi. Amma mən o, bolidi arxaya verəndə hələ orada idim.

    Biz artıq onunla söhbət etmişik. Ona minnətdarlıq bildirmək lazımdır, çünki üzr istədi. Bizim aramızda problem yoxdur, əvvəl uzun müddət bir komandada olmuşuq, bir-birimizi yaxşı tanıyırıq. Sadəcə, ona bir az səbir etmək lazım idi. Bir kilometrdən sonra o, məni keçə bilərdi. Amma ilk döngədə etdi, mən isə zərbədən qaçdım. Sonra üçüncü döngədə… Bütün bunlar çox məyusedicidir.

    Deyə bilmərəm ki, Rikkardo özgüvəni çox olduğundan, belə etdi. Ancaq onu bilirəm ki, o trekdə bu, işləməyəcəkdi. Belə hallar, xüsusən Bakıdakı kimi traslarda olur”.

    Qeyd edək ki, “Formula-1”in qalibi “Mercedes”in pilotu Valteri Botas olub.

  • Хорватия открыла посольство в Баку

    Сегодня министр иностранных дел Эльмар Мамедъяров и заместитель премьер-министра Хорватии Мария Пейчинович-Бурич провели совместную пресс-конференцию.

    Как передает Median.Az, Э.Мамедъяров заявил, что позиция Хорватии по проблеме Нагорного Карабаха известна:

    «Хорватия признает территориальную целостность Азербайджана и является сторонником мирного урегулирования конфликта в рамках четырех резолюций ООН».

    М.Пейчинович-Бурич отметила, что сегодня откроется посольство Азербайджана в Хорватии.

    «В ближайшее время будет назначен посол Хорватии в Азербайджане», – подчеркнула она.//oxu.az

  • Xorvatiya Azərbaycanda səfirlik açdı – YENİLƏNİB + FOTO

    Bakıda Xorvatiya səfirliyinin rəsmi açılışı baş tutub.

    Açılış lentini Xorvatiyanın xarici işlər naziri Mariya Peyçinoviç Buriç kəsib. Mərasimdə Vergilər naziri Mikayıl Cabbarov, Azərbaycanın Xorvatiyadakı səfiri Fəxrəddin Qurbanov, Xorvatiya tərəfdən isə həmçinin Xarici İşlər Nazirliyinin siyasi məsələlər üzrə müavini Viçe Skraçiç və iqtisadi məsələlər üzrə müavini İvana Jivkoviç iştirak edib.

    “Xalqlarımız arasında əlaqələrin yaradılması Xorvatiya səfirliyinin əsas missiyalarından biridir”.

    Bu sözləri Xorvatiya Baş nazirinin müavini, Xarici İşlər naziri Mariya Peyçinoviç Buriç bu ölkənin Azərbaycandakı səfirliyinin açılış mərasimində deyib.

    “Səfirliyin mənim Azərbaycana ilk səfərim zamanı açılması çox əlamətdar hadisədir. Bunu Xarici İşlər naziri kimi özümə hədiyyə hesab edirəm. Bu, ölkələrimiz arasında əməkdaşlığın dərindən inkişaf etdirilməsinə töhfə verəcək. Azərbaycan və Xorvatiya arasında mədəniyyət, təhsil, elm və digər sahələrdə əməkdaşlığın inkişafı üçün böyük perspektivlər mövcuddur. Xorvatiya Azərbaycanla Şərq Tərəfdaşlığı çərçivəsində də əməkdaşlığa böyük əhəmiyyət göstərir”,- deyə nazir bildirib.

    Vergilər naziri Mikayıl Cabbarov açılış mərasimində çıxışı zamanı deyib ki, hökumətlərarası komissiyanın sədri kimi Azərbaycan və Xorvatiya arasındakı əməkdaşlıqdan məmnunluq duyur: “İki ölkə arasında müxtəlif sahələrdə 22 ikitərəfli sənədlər imzalanıb. Səfirliyin açılması ikitərəfli əlaqələrin inkişafında böyük rol oynayacaq”.

    Tədbirdə həmçinin Prezident Administrasiyasının Xarici əlaqələr şöbəsinin müdiri Hikmət Hacıyev də iştirak edib.


    13:58

    Bu gün Xarici işlər naziri Elmar Məmmədyarov və Xorvatiya Respublikasının Baş Nazirinin müavini, xarici işlər və Avropa məsələləri naziri Mariya Peyçinoviç Buriç birgə mətbuat konfransı keçirib.

    Median.Az xəbər verir ki, Elmar Məmmədyarov konfransdan əvvəl Mariya Peyçinoviç Buriç ilə görüş zamanı enerji məsələləri, nəqliyyat sahəsi ilə bağlı məsələlərin müzakirə edildiyini deyib.

    Nazir bildirib ki, artıq Xorvatiya səfirliyi Azərbaycanda tam şəkildə fəaliyyətə başlayacaq.

    Elmar Məmmədyarov qeyd edib ki, Xorvatiyanın Dağlıq Qarabağ mövqeyi aydındır:

    “Xorvatiya Azərbaycanın ərazi bütövlüyünü tanıyır və BMT-nin dörd qətnaməsi çərçivəsində məsələnin sülh yolu ilə həllinin tərəfdarıdır”.

    Mariya Peyçinoviç Buriç qeyd edib ki, müxtəlif strateji layihələrlə bağlı məsələlər də müzakirə edilib:

    “Düşünürəm ki, bu, Xorvatiya və Azərbaycan üçün önəmli layihələrdir. Növbəti görüşlərdə layihə barədə daha aydın məsələlər müzakirə ediləcək və ticarət dövriyyəsi ilə bağlı daha müsbət rəqəmlər olacaq.

    Çalışırıq ki, iqtisadi əməkdaşlığı artıraq. İstərdim ki, Avropa Birliyi ilə Azərbaycan arasındakı yeni sazişlə bağlı dəstəyimizi bildirək”.

    Xorvatiyalı nazir bu gün Azərbaycanda Xorvatiya səfirliyinin açılışının olacağını vurğulayıb.

    “Yaxın zamanlarda Xorvatiyanın Azərbaycandakı səfiri təyin olacaq. Bu həm də xalqlar arasındakı iqtisadi, siyasi məsələrə kömək edəcək”, – deyə Mariya Peyçinoviç Buriç qeyd edib.