Month: April 2019

“Azərbaycan əhalisinin sayının 10 milyon nəfərə çatması tarixi hadisədir. Bu münasibətlə nazirliyin kollektivi adından ilk öncə cənab Prezident İlham Əliyev, Birinci vitse-prezident Mehriban xanım Əliyeva başda olmaqla, bütün Azərbaycan xalqını təbrik edirik. Mən ixtisasca coğrafiyaşünasam, bu barədə eşidən kimi dərhal statistik araşdırma apardım. Dünyada 250-yə yaxın ölkə var. Azərbaycan 10 milyonuncu sakini ilə bu siyahıda 88-ci yerdə qərarlaşıb”.

Median.Az xəbər verir ki, bu sözləri “Report”a açıqlamasında ekologiya və təbii sərvətlər nazirinin müavini Firdovsi Əliyev deyib.

F.Əliyev bildirib ki, nazirlik bu tarixi hadisə ilə bağlı ölkəyə öz töhfəsini verir: “Biz ölkə rəhbərliyinin tapşırığı ilə bu tarixi hadisəyə öz töhfəmizi kütləvi ağacəkmə aksiyası ilə veririk. Azərbaycanda, ölkəmizin hər bir guşəsində ağacəkmə kampaniyasına başlayıb. İstər meşə fondu, istərsə də qeyri-meşə fondu torpaqlarında rayon icra hakimiyyətləri, təhsil və səhiyyə ocaqları, ictimaiyyət nümayəndələri, bir söz hamılıqla aksiyaya başlamışıq. Onu da qeyd edim ki, əkilən ağaclar Ekologiya və Təbii Sərvətlər Nazirliyinin tinglik sahələrində yetişdirdiyi və yerli şəraitə uyğun olan ağaclardır.

Xalqımızın gələcək sağlamlığı naminə çox ağac əkirik ki, insanlarımız və ətraf mühitimiz sağlam olsun. Təbiətin mühafizəsi, yaşıllıq sahələrinin genişləndirilməsi bütövlükdə gələcək nəsillərin sağlamlığına xidmət edir”.

F.Əliyev vurğulayıb ki, hər bir ölkənin qarşısında dayanan prioritet vəzifələrdən biri də onun vətəndaşlarının sağlam olmasıdır: “Təbii ki, vətəndaşlar nə qədər sağlamdırsa, dövlət də, ölkə də o qədər sağlam, əzəmətli, möhtəşəm olur. Bu nöqteyi-nəzərdən Ekologiya və Təbii Sərvətlər Nazirliyi əhatə etdiyi sahələrdə yaxşı mənada köklü dəyişikliklərə nail olmağa çalışır. Nazirlik 10 milyonuncu vətəndaşımızın dünyaya gəlməsi münasibətilə sabah Ağdaş rayonunda 100 hektardan artıq ərazidə yüksək keyfiyyətli nar bağı salacaq”.

Nazir müavini bildirib ki, ağacəkmə aksiyaları bir neçə gün paytaxtda və eləcə də regionlarda davam edəcək: “Hazırda yaz əkini mövsümüdür. Bu kampaniyalar müxtəlif şüarlar altında davam edir.

7 aprel Ümumdünya Sağlamlıq Günüdür. Nə yaxşı ki, bizim Azərbaycanın 10 milyonuncu vətəndaşı olan bu körpə belə əlamətdar gün ərəfəsində dünyaya gəldi. Biz sabah Veloparkda “Az avtomobil – çox həyat” devizi altında yürüş keçirəcəyik”.

Ekologiya və Təbii Sərvətlər Nazirliyi tərəfindən keçirilən bu tədbirlər vətəndaşların sağlamlığı naminə həyata keçirilən tədbirlərlərdəndir: “Biz də bu cur tədbirlərlə vətəndaşlarımızın sağlamlığına öz töhfəmizi verməyə çalışırıq”.

Öləndən 162 saylı orta məktəbin şagirdi Elina Hacıyevanın rəfiqəsi sosial şəbəkələrdə paylaşımı ilə diqqət çəkib.

Buta.media-nın məlumatına görə, o dünyasını dəyişən rəfiqəsi ilə şəkil paylaşaraq, bildirib ki: “Bu gün mənim çox sevdiyim ən yaxın rəfiqəm dünyasını dəyişib. Biz onunla uzun müddətdir ki, dostluq edirdik, o mənim üçün dostdan daha artıq idi… Biz onun anası ilə çox yaxşı münasibətimiz var idi. Onun anasını suçlayan axmaqlar gəbərsinlər. Günahkar məktəbdir. Mən dəfələrlə direktor müavinin yanına gedərək, kömək istəyirdim, çünki Elina mənə şikayət edirdi ki, onu döyürlər. Lakin direktor və müavini cavab verdilər ki, sizin uşaq problemləriniz bizim üçün maraqlı deyil. Baxmayaraq ki, Elina xəbərdarlıq edir ki, o ölmək istəyir”.

Rəfiqəsinin sözlərinə görə, o inana bilmir ki, Elina dünyasını dəyişib:

“Hətta mənə xəstəxanada deyəndə ki, o ölüb mən inana bilmirdim”.

E. Hacıyevanın yaxını bildirib ki, bir daha həmin məktəbə getsə özünə qəsd edəcək:

“Onun sinif rəhbəri də, ona təzyiq edib… Mənim sevgilim sən mənim üçün əbədi yaşayacaqsan. Mənim ən yaxın rəfiqəm olasan, mənim bacım, mənim həyatım…”

Qeyd edək ki, aprelin 4-də Bakı şəhəri Səbail rayonu Etibar Əliyev adına 162 nömrəli tam orta məktəbin VIII sinif şagirdi Elina Hacıyeva müxtəlif dərəcəli bədən xəsarətləri alıb.

Xəsarət almış şəxs müalicə olunmaq üçün 1 saylı Şəhər Klinik Xəstaxanasına yerləşdirilmişdir. Aparılan müalicə tədbirlərinə baxmayaraq, o, aprelin 6-da xəstaxanada vəfat edib.

Moskvada yaşayan Qasım (Kasyo- anası uşaqlıqdan onu belə çağırıb – red.) Həsənov Azərbaycan televiziyasında veriliş aparmaq və soydaşlarımızın stereotiplərini qırmaq arzusundan danışıb.

Sputnik Azərbaycan-ın məlumatına görə, onun bu barədə danışdığı müsahibə Paxlava Production layihəsinin YouTube-dakı səhifəsində yayılıb. Bu layihə Mixail Lomonosov adına Moskva Dövlət Universitetinin məzunları və tələbələri olan Ruslan Əhmədov, Nüşabə Kərimli və Ruslan Süleymanov tərəfindən həyata keçirilir. Onlar Rusiyada yaşayan məşhur azərbaycanlılarla müsahibə hazırlayaraq öz səhifələrində yayırlar. Bu dəfə onların qonağı blogger Kasyo Həsənov olub.

Həsənovlar ailəsi yaşamaq üçün Azərbaycandan Gürcüstana köçüb. Kasyo da orada anadan olub. Hazırda onun bütün doğmaları Moskvada yaşayır. Onun əsas gəlir mənbəyi sosial şəbəkələrdir. O, hər dəfə öz səhifəsində, bloqunda səyahətləri barədə materialları paylaşır, eyni zamanda müxtəlif ölkələrə turlar təşkil edir. O, Azərbaycan və Gürcüstana turlar təşkil etməyi və Moskvada çayxana açmağı planlaşdırır.

“Mən Gürcüstanda doğulmuşam. Ona görə də Azərbaycan tarixi və mədəniyyəti ilə bir o qədər də tanış deyiləm. Gürcüstan azərbaycanlılarının ənənələri başqadır, hətta mənim anam da Azərbaycan yeməklərini bir qədər başqa cür bişirir. Bakıya ilk dəfə gedəndə çox həyəcanlanmışdım. Baxmayaraq ki, mənim bütün ətrafım azərbaycanlılardır, amma burada özümü bir qədər qəribə hiss edirdim. Bakıya yenə getmək fikrindəyəm” – Həsənov deyib.

Bloggerin sözlərinə görə, anası azadlıqsevər qadındır, amma atası tipik Azərbaycan kişisidir və onun üçün ictimai rəy əsasdır. Dostları və psixoloqun yanaşması Həsənova digər insanların rəyindən azad olmağa kömək edib.

“Azərbaycanda qızları tez-tez çox erkən ərə verirlər, ayrı yaşamağa qoymurlar. Baxmayaraq ki, mənim bütün qohumlarım artıq çoxdandır Rusiyada yaşayır, onlar hələ də bütün bu ənənələri qorumağa davam edir. Mənsə hesab edirəm ki, uşaq nə vaxt istəsə, ailəsindən ayrı yaşaya bilər və burada pis heç nə yoxdur” – Həsənov əlavə edib.

Blogger Azərbaycan televiziyasında Andrey Malaxov kimi yalnız rus dilində veriliş aparmağı arzulayır. O, tamaşaçılara müasir azərbaycanlının alternativ versiyasını göstərmək istəyir, stereotipik versiyasını deyil.

Qasım Həsənov Moskvada hüquq təhsili alıb, sonra dostları ilə yaşamaq üçün Çinə gedib. O, müxtəlif ölkələrə səyahət edir və öz təəssüratlarını izləyiciləri ilə bölüşür.