Президент Ильхам Алиев подписал некролог в связи с кончиной видного ученого и исследователя Ширмамеда Гусейнова.
Текст документа опубликован АЗЕРТАДЖ.
Month: June 2019
-
İlham Əliyev Şirməmməd Hüseynovun vəfatı ilə bağlı nekroloq imzaladı
Azərbaycan Prezidenti İlham Əliyev görkəmli təhqiqatçı və alim Şirməmməd Hüseynovun vəfatı ilə bağlı nekroloq imzalayıb.
Sənədin mətni AZƏRTAC-da dərc olunub.Nekroloqda deyilir:
“Azərbaycan jurnalistikasına ağır itki üz verib. Görkəmli alim, Azərbaycan Respublikası Prezidentinin fərdi təqaüdçüsü, Əməkdar jurnalist, Bakı Dövlət Universiteti Mətbuat tarixi və ideoloji iş metodları kafedrasının professoru Şirməmməd Ağaməmməd oğlu Hüseynov 2019-cu il iyunun 24-də ömrünün 95-ci ilində vəfat edib.
Şirməmməd Hüseynov 1924-cü il dekabrın 17-də Şəki şəhərində anadan olmuşdur. 1940-cı ildə Şəki şəhəri Mirzə Fətəli Axundov adına 2 saylı orta məktəbi bitirib, 1940–1942-ci illərdə Şəki ikiillik Müəllimlər İnstitutunun fizika-riyaziyyat fakültəsində oxuyub. O, 1945–1950-ci illərdə indiki Bakı Dövlət Universitetinin Filologiya fakültəsinin Jurnalistika şöbəsində ali təhsil alıb.
Universiteti fərqlənmə diplomu ilə başa vuran Şirməmməd Hüseynov Mixail Vasilyeviç Lomonosov adına Moskva Dövlət Universiteti Jurnalistika fakültəsinin aspiranturasına daxil olub, 1954-cü ildə təhsilini tamamlayıb dissertasiya müdafiə edərək tarix elmləri namizədi elmi dərəcəsi alıb.
1954-cü ildən indiki Bakı Dövlət Universiteti Filologiya fakültəsinin Jurnalistika kafedrasında elmi-pedaqoji fəaliyyətə başlayan Şirməmməd Hüseynov həyatını universitetə bağlayaraq ömrünün sonunadək burada baş müəllim, dosent, 1962-1969-cu illərdə Filologiya fakültəsinin dekan müavini, 1970–1976-cı illərdə Jurnalistika fakültəsinin dekanı, 1976–1988-ci illərdə Mətbuat tarixi və ideoloji iş metodları kafedrasının müdiri olub, 1988-ci ildən ömrünün sonunadək həmin kafedranın professoru vəzifəsində çalışıb.
Elmi fəaliyyətini, əsasən, Azərbaycan jurnalistikası tarixinin öyrənilməsinə həsr edən Şirməmməd Hüseynov mətbuatşünaslığa dair 30-dan çox kitab və monoqrafiyanın, 800-dən artıq elmi və elmi-publisistik məqalənin müəllifidir.
Şirməmməd Hüseynov bir alim və pedaqoq kimi Azərbaycan klassik jurnalistikasının görkəmli simaları Həsən bəy Zərdabi, Əli bəy Hüseynzadə, Məhəmməd Əmin Rəsulzadə, Üzeyir Hacıbəyli, Əhməd Ağaoğlu, Cəlil Məmmədquluzadə irsini hərtərəfli araşdıraraq yetişməkdə olan nəslə çatdırılmasında təqdirəlayiq xidmətlər göstərib. Alimin Azərbaycan Xalq Cümhuriyyəti qurucularının fəaliyyətinə dair araşdırmalarının Azərbaycan tarixinin öyrənilməsində xüsusi əhəmiyyəti vardır.
Şirməmməd Hüseynov Azərbaycan klassik publisistika məktəbi ənənələrini müstəqillik dövründə yeni bir məktəb səviyyəsinə yüksəltmişdir. Yüzlərlə jurnalistin ustadı kimi şöhrət qazanmış alimin elmi kadrların yetişdirilməsində də böyük əməyi olub.
Azərbaycançılıq ideologiyasının təbliğində, gənc nəsil jurnalistlərin milli təəssübkeşlik, vətəndaşlıq ləyaqəti, obyektivlik ruhunda tərbiyə olunmasında Şirməmməd Hüseynovun xidmətləri əvəzsizdir. Bu gün də onun tələbələri Bakı Dövlət Universitetində, eləcə də digər elm və təhsil müəssisələrində, kütləvi informasiya vasitələrində öz müəllimlərinin yolunu uğurla davam etdirirlər.
Şirməmməd Hüseynovun Azərbaycan jurnalistikasının inkişafında uzunmüddətli səmərəli fəaliyyəti yüksək qiymətləndirilmişdir. O, bir sıra mükafatlara layiq görülüb, Azərbaycan Respublikasının “Şərəf” ordeni ilə təltif olunub.
Görkəmli alim, pedaqoq və publisist, əsl ziyalı Şirməmməd Ağaməmməd oğlu Hüseynovun əziz xatirəsi onu tanıyanların qəlbində daim yaşayacaqdır.
Allah rəhmət eləsin!
İlham Əliyev
Mehriban Əliyeva
Novruz Məmmədov
Oqtay Əsədov
Ramiz Mehdiyev
Əli Əhmədov
Əli Həsənov
Eldar Əzizov
Ceyhun Bayramov
Akif Əlizadə
Aslan Aslanov
Elçin Babayev
Əflatun Amaşov
Cahangir Məmmədli”.
-
Məşhur italyan mafioz həbsdən qaçdı
İtaliyanın cənubundakı Recco Kalabriyada fəaliyyət göstərən mafiya dəstəsinin başçısı Rocco Morabiton həbsxanadan qaçıb.
Bu barədə “Hürriyet” məlumat verir.İtaliyada 1994-cü ildən axtarışda olan mafioz 23 il sonra – 2017-ci ildə Uruqvayda qaldığı hoteldə həbs olunmuşdu.
İtaliyaya ekstradisiya edilmək üçün saxlanılan 53 yaşlı R.Morabito üç məhkum yoldaşı ilə birlikdə həbsdən qurtulmağın yolunu tapıb.
Qeyd edək ki, o, qaçaqmalçılıq və narkotik alverində günahlandırılır.
-
Fazil Mustafa “Alt paltarı piri”ndən danışdı: Buna inananlar xəstədirlər
“Qaloş piri”ndən sonra bu dəfə Xaçmazda, Vələmir kəndində “Dəli piri” və ya “Şeyx Ömər Baba” adı ilə tanınan ziyarətgah müzakirə mövzusuna çevrilib. İnsanların ağacdan parça, əski, hətta alt paltarı asaraq, niyyət etmələri, şəfa diləmələri cəmiyyətdə birmənalı qarşılanmayıb.
Millət vəkili Fazil Mustafa oxu.az-a son günlər gündəmi zəbt edən pir və ziyarətgahlarda müşahidə olunan cahil hərəkətlərlə bağlı açıqlama verib.
Onun sözlərinə görə, bu gün dini inanc adı altında insanlara xurafat və cəhalət elementləri ötürülür:
“Belə məlumatları oxuyanda təəccüblənirəm. Bu insanlar xəstədirlər. Yəni bunun başqa adını tapa bilmirəm. Elədiklərini dərk etmirlər. Bir ağaca əski parçası bağlamaqla, bir məzar daşına inanıb, başını daşa sürtüb, onun enerjisi ilə şəfa tapacağına inanmağın heç bir normal izahı ola bilməz. Bu insanlar Allaha şəkk gətirir. Bununla arzularına çatacaqlarına inanırlar. Bu, sadəcə, xurafatdır”.
F.Mustafanın sözlərinə görə, aidiyyəti qurumlar tərəfindən bu istiqamətdə maarifləndirici tədbirlər görülsə də, görünən odur ki, aparılan təbliğatlar kifayət deyil:
“Cəhalət elementləri bölgələrdə daha çox müşahidə edilir. Bu, İslam dini deyil, sadəcə, insanların cahillikdən doğan fikirləridir. İslamın mahiyyəti ilə onların inanclarının mahiyyəti tamamilə ayrıdır. Bu məsələ uzun illərdən doğan inanclar əsasındadır. Bunun qarşısını hər hansı qanunvericiliklə almaq mümkün deyil.
Ümumiyyətlə, bu, heç dinlə bağlı məqam deyil. Deyərdim ki, bu insanların inancları ilə İslam dini arasında çox cüzi, yalnız ibadət formaları bənzərlik təşkil edir. Bu, öz növbəsində, cəmiyyətdə təhsilin, mədəniyyətin inkişafına mane olan amillərdən biridir”.
Deputat Ramazan ayında sahur və iftar ərəfəsində televiziyalarda heç bir səviyyəli verilişin yayımlanmadığına diqqət çəkib:
“Bu fürsətdən yararlanıb cahillik, xurafat haqqında danışıqlar aparıb, insanları bu əsassız inanclardan yayındıra bilərdilər.
Ona görə də insanları qınamaq olmur. Savadsız ,oxumayan insanları başa düşmək olur, lakin oxuyan, ali savadlı insanlar da var ki, bu cahilliyə dəstək verirlər. Təəssüf ki, qanun yox, maariflənmə işləri artırılmalıdır”.
Xatırladaq ki, bir müddət əvvəl Goranboyda “Qaloş piri”ndə insanların başlarına bir əşya çəkərək şəfa diləməsi geniş müzakirələrə səbəb olmuşdu. Oxu.Az-ın əməkdaşlarının tapdığı “Dəli piri” isə müzakirələri alovlandırıb.
-
Владимира Кличко спасли с горящей яхты в Средиземном море
Испанская береговая охрана спасла украинского боксера Владимира Кличко и его семью с загоревшейся яхты в Средиземном море, сообщает ТАСС.
Согласно информации, пожар вспыхнул на судне, когда оно направлялось с острова Ибица на Мальорку и находилось примерно в 11 километрах от берега. Пожарная служба Мальорки взяла ситуацию под контроль.
Как отмечается, возгорание возникло в машинном отделении. Что стало причиной инцидента, не сообщается.
-
У жителя Пираллахы изъяли почти 2 кг. марихуаны
Как сообщает Median.Az, сотрудники Пираллахинского РОП в результате проведенной операции задержали жителя района, ранее судимого Э.Нуруллаева, у которого изъяли 1 кг. 940 грамм марихуаны.
В Следственном отделе РОП по факту возбуждено уголовное дело.
-
Pirallahı sakinindən 2 kq. yaxın marixuana götürülüb
Median.Az xəbər verir ki, Pirallahı RPŞ əməkdaşlarının keçirdikləri əməliyyat tədbiri nəticəsində rayon sakini, əvvəllər məhkum olunmuş E.Nurullayevdən 1 kq. 940 qram marixuana götürülüb.
RPŞ İstintaq bölməsində cinayət işi başlanılıb.
-
II Avropa Oyunlarında son vəziyyət: 11 medalımız var
Belarusun paytaxtı Minskdə keçirilən II Avropa Oyunlarında idmançılarımız mübarizəni davam etdirirlər.
İndiyədək 11 medal qazanmışıq.
Bunlardan dördü gümüş, yeddisi bürünc medaldır.
Bu göstərici ilə millimiz hazırda 24-cü sıradadır. Rusiya yenə 48 medalla liderlik edir. Şimal qonşumuz 22 qızıl, 12 gümüş və 14 bürünc medal qazanıb.
İkinci yerdə 38 medalla Belarus gedir. Meydan sahiblərinin 11 qızıl, 9 gümüş və 18 bürünc medalı var.
Digər qonşumuz Gürcüstan isə artıq üçüncü sıraya qalxıb. 20 medalı olan gürcülər altı qızıl, beş gümüş və doqquz bürünc medal qazanıblar.
Qeyd edək ki, II Avropa Oyunları iyunun 30-da başa çatacaq.
/oxu.az/ -
На проспекте Гейдара Алиева в Баку ограничено движение
В связи с ремонтными работами на средней проезжей полосе проспекта Гейдара Алиева в Баку здесь временно ограничено движение, передаёт Median.Az со ссылкой на Trend.
В связи с этим в движении в сторону центра города наблюдается плотный транспортный поток.
-
Bakıda keçmiş iş adamı güllələndi – Ailəsini itirib, fəhləlik edirmiş
Bakıda keçmiş biznesmen güllələnib.
Bu barədə oxu.az-a Nizami rayonunun hüquq-mühafizə orqanlarından məlumat verilib.Belə ki, Ucar rayonunun 40 yaşlı sakini Asim Hüseynovun cəsədi iyunun 24-də, axşam saatlarında Qara Qarayev prospektində tapılıb. Onun kürək nahiyəsində güllə yaraları aşkarlanıb.
Hazırda Nizami Rayon Polis İdarəsinin cinayət-axtarış şöbəsinin əməliyyatçıları cinayəti törətməkdə şübhə bilinən şəxsin axtarışı ilə məşğul olurlar. Şübhəli cinayət yerindən qaçıb.
İlkin araşdırma zamanı məlum olub ki, A.Hüseynovun daha əvvəl kiçik biznesi olub, tikinti materialları (ağac) satıb. Lakin sonra o müflisləşib və hətta ailəsini itirib.
Məlumdur ki, A.Hüseynovun bir neçə şəxsə iri məbləğdə borcu yaranıb. Güman edilir ki, qətlin törədilməsinə məhz bu səbəb olub.
A.Hüseynovun son illər müəyyən yaşayış yeri olmayıb və müxtəlif obyektlərdə fəhlə kimi pul qazanıb. O, belə obyektlərin birinin ətrafında qətlə yetirilib.
