Month: July 2019

Azərbaycanda Ucar rayonunda bir ailənin 11 yaşlı övladını aylarla müalicələrə məhkum edən xəstəliyin mənbəyinin aparılan analizlərdən sonra şor olduğu məlum olub.

Belə ki, 11 yaşlı Nicat bir səhər evlərindən öz inəklərinin südündən hazırlanan şor yeyib, axşama doğru uşağın halı pisləşib. Qızdırma, halsızlıq və ayaqlarının heysiz olmasını valideynləri adi soyuqdəyməyə yozur. Lakin getdikcə uşağın vəziyyəti ağırlaşır və o yataqdan qalxa bilmir.

Median.Az medicina.az-a istinadən bildirir ki, rayonda diaqnoz ilk mərhələdə düzgün təyin olunmadığından uşaq Bakıya gətirilir. Aparılan analizlərdən sonra onda Brüselyoz xəstəliyi diaqnozu təsdiqlənir.

Belə ki, şorun hazırlandığı süddə heyvandan keçən xəstəlik törədicisi olub və süd yaxşı sterilə edilməyib. Xəstə inəkdən hazırlanan şoru yeyən uşağa bu mikroblar keçib. Eyni süddən qəbul edən anada da bu xəstəlik olub, amma qadın özü sağalmışdı.

Uşaq aylarla davam edən müalicədən sonra səhhətinə qovuşub, lakin həkimlərin bildirdiyinə görə, mikrob orqanizmdən təmizlənməyəcək və uzun müddət fəsadlar verə bilər. Nicat hələ də müalicələrə davam edir və bir şorun yaratdığı fəsadlara görə bu vaxta kimi müayinə və müalicələr ailəyə 2300 manata başa gəlib.

Hazirkı dövrümüzdə nitq problemi ilə yaşayan insanların əksəriyyətiər səsli ligamentlərin məğlub olması səbəbindən danışa bilmirlər. Bu cür insanlara kömək etmək üçün mühəndislər, danışmağı inkişaf etdirən, boğazın hərəkətlərini oxuyan, çəkisiz bir stiker şəklində cihaz hazırlayıblar. Sistem artıq sadə sözləri tələffüz etməyə imkan verir. “”

Median.Az xəbər verir ki, ixtira Çinin Tsinghua Universitetinin alimləri tərəfindən ACS Nano jurnalında dərc edilmiş elmi məqalədə təsvir edilib. Sistem WAGT, yəni geyilə bilən süni qrafen boğazı (“köhnəlmiş süni qrafen larynx”) adlanır. Cihazın həssas hissəsi, polivinil spirtindən hazırlanmış, təxminən 1,5 × 3 santimetr uzunluğunda nazik stikerdir. Lazer köməyi ilə ona bir qrafen təbəqəsi tətbiq olunub. Bu konstruksiya, uşaqların müvəqəti döyməsi kimi normal su ilə dəriyə yapışdırılır. Bu anda, stiker mikrokompüter, gücləndirici və dekoder (qolun üstündə) daxil olmaqla kiçik bir aşınan qurğuya tel (səs) verilir. Sistem sözlərin tələffüzü ilə əlaqəli larinqitin hərəkətlərini oxuyur (bir insan onları düzəldir, hətta vokal kordları işləmirsə). Kompüter bu məlumatları şərh edir və səsin səsləndirilməsini əmr edir. Əyilmə qabiliyyətinə malik olan etiket həm sensor, həm də dinamik kimi işləyir. İki millimetr məsafədə 75 desibel yaratmış və buna cəmi 0,38 vat sərf etmişdir. Testlər göstərib ki, sistem qırtlaq hərəkəti üzrə ayırd edə bilir, necə ki, insan ifadəni tələffüz edir. O, deyir: “yeni iliniz mübarək!”. Həmçinin testlərdə cihaz Okay (“yaxşı”) və ya No (“yox”) kimi qısa ingilis sözlərini uğurla təkrarlayıb. Amma, əlbəttə, indiki formada o tam dəyərli nitqi təmin etmir. Bu, gələcəyin işidir.//ölkə.az

Bakının mərkəzində – Qış parkındakı restoranların birində əcaib mənzərə müşahidə olunub.

Median.Az bakupost-a istinadən xəbər verir ki, müştərilərə təqdim olunan mürəbbədən həşərat çıxıb. Müştərilərin narazılığına isə ofisiantlar qəribə reaksiya veriblər.

Onlar burada qeyri-adi heç nəyin olmadığını bildiriblər:

“Biz özümüz mürəbbə hazırlamırıq ki. Bazardan alırıq. İndi nə bilək ki, bankanın işərisində həşarat var, ya yoxdu? Sizdən başqa bunu hamı başa düşür. Belə hal olanda həmi bilir ki, bizim günahımız yoxdu”.

Azərbaycana turizm məqsədilə gələn əcnəbilərin və vətəndaşlığı olmayan şəxslərin sayı artıb.

Median.Az Trend-ə istinadən bildirir ki, 2013-cü ildə Azərbaycana 2 508,9 min nəfər turist səfər edib ki, onların 2 129,5 min nəfəri istirahət məqsədilə gəlib. 2018-ci ildə isə Azərbaycana gələn 2 849,6 min nəfərin 2 605,3 mini turizm məqsədilə səfər edib.

Keçən il Azərbaycana səfər edən turistlərin 1 042,4 min nəfəri istirahət, əyləncə, 787,4 min nəfəri işgüzar , 63,1 min nəfəri müalicə, 15,3 min nəfəri dini ziyarət, 651,6 min nəfəri qohumlara, dostlara baş çəkmək məqsədilə ölkəmizə səyahət edib.

Ötən müddətdə Azərbaycana qeyd edilən bütün istiqamətlər üzrə səfər edənlərin sayı artıb.

Keçən il xarici ölkələrə 4 908,1 min nəfər Azərbaycan vətəndaşı səfər edib ki, bu say da 2013-cü illə müqayisədə çoxdur.

2013-cü ildə xarici ölkələrə gedən 4 284,7 min nəfər Azərbaycan vətəndaşının 3 306,7 min nəfərinin səfərinin məqsədi istirahət olub.

Ötən il xaricə gedən 4 096,7 min nəfər azərbaycanlı turistin 1 126,3 mininin məqsədi istirahət, əyləncə olub.

2018-ci ildə turistlərin 900,2 min nəfəri işgüzar, 288,6 min nəfəri müalicə, 245,3 min nəfəri dini ziyarət, 844,5 min nəfəri qohumlara, dostlara baş çəkmək məqsədilə xaricə səyahət edib.

Paytaxtın Sabunçu rayonu, Zabrat qəsəbəsində baş tutan toy məclisində klarnet ifaçısı qəfildən dünyasını dəyişib.

APA-nın məlumatına görə, Vaqif Zabratlı adıyla tanınan klarnet ifaçısının halı pisləşib və o, təcili tibbi yardım xidməti gələnə qədər keçinib.

Xəbəri həmin vaxt məclisdə olan müğənni Sevinc Bünyadova da təsdiqləyib. Onun sözlərinə görə, V.Zabratlı ürək çatışmazlığından əziyyət çəkirmiş.

Ağdaş rayonunda çimərkən su kanalında boğularaq ölən şəxsin kimliyi məlum olub.

Median.Az-ın report-a istinadən məlumatına görə, bu, rayon sakini, 1997-ci il təvəllüdlü Nurlan Təhməz oğlu Məmmədovdur.

Onun meyiti batdığı Yuxarı Şirvan kanalından çıxarılaraq aidiyyəti üzrə təhvil verilib.

Faktla bağlı araşdırma aparılır.