Median.Az

Month: May 2020

  • İlham Əliyev Vladimir Putinə zəng edib

    Mayın 9-da Prezident İlham Əliyev Rusiya Federasiyanın Prezidenti Vladimir Putinə telefonla zəng edib.

    Bununla bağlı Prezidentin Mətbuat Xidməti məlumat yayıb.

    Prezident İlham Əliyev Böyük Vətən müharibəsində Qələbənin 75 illiyi münasibətilə Rusiya Prezidentini və dost Rusiya xalqını təbrik edib.

    Vladimir Putin göstərilən diqqətə və təbrikə görə minnətdarlığını bildirib, öz növbəsində, bayram münasibətilə Azərbaycan Prezidentinə və dost Azərbaycan xalqına təbriklərini çatdırıb.

    Dövlət başçıları koronavirusla mübarizə istiqamətində görülən işlər və ölkələrimizin bu sahədə əməkdaşlığı barədə fikir mübadiləsi aparıblar.

    Telefon söhbəti zamanı Azərbaycanla Rusiya arasında strateji tərəfdaşlıq münasibətlərinin gələcək inkişafı ilə bağlı məsələlər müzakirə edilib.

  • Синоптики предупреждают об ухудшении погоды

    Национальная служба гидрометеорологии Министерства экологии и природных ресурсов обнародовала прогноз погоды в Азербайджане на 10 мая.

    В Баку и на Абшеронском полуострове ожидаются грозы, дожди, местами ливни, порывистый северо-западный ветер.

    Температура воздуха в Баку и на Абшероне составит ночью 10-12, днем – 14-16 градусов тепла.

    Атмосферное давление повысится с 759 до 762 мм ртутного столба, относительная влажность составит 80-90%.

    В некоторых районах Азербайджана вечером и ночью прогнозируются грозы, дожди, местами ливни, в предгорьях – град, высокогорье – снег, порывистый западный ветер.

    Температура воздуха составит ночью 8-13, днем – 15-20, в горах ночью – 2-6, днем – 7-11 градусов тепла.

  • Sabah Bakıda yağış yağacaq, şimşək çaxacaq

    Mayın 10-na gözlənilən hava şəraiti açıqlanıb.

    Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasında arabir yağış yağacağı, bəzi yerlərdə intensiv olacağı, şimşək çaxacağı gözlənilir. Arabir güclənən şimal-qərb küləyi əsəcək.

    Havanın temperaturu Bakıda və Abşeron yarımadasında gecə 10-12, gündüz 14-16 dərəcə isti olacaq.

    Atmosfer təzyiqi 759 mm civə sütunundan 762 mm civə sütununa qədər yüksələcək, nisbi rütubət 80-90% təşkil edəcək.

    Mayın 10-da Azərbaycanın rayonlarında bəzi yerlərdə şimşək çaxacağı, arabir yağış yağacağı, ayrı-ayrı yerlərdə leysan xarakterli, intensiv olacağı, dağətəyi rayonlarda dolu düşəcəyi, yüksək dağlıq ərazilərdə qar yağacağı gözlənilir. Gecə və səhər duman olacaq, qərb küləyi ayrı-ayrı yerlərdə arabir güclənəcək.

    Havanın temperaturu gecə 8-13, gündüz 15-20, dağlarda gecə 2-6, gündüz 7-11 dərəcə isti olacaq.

  • В Баку клиент банка хотел устроить самосожжение

    Клиент одного из бакинских банков хотел совершить самосожжение прямо в здании финансовой организации.

    Об этом Oxu.Az сообщили в правоохранительных органах.

    8 мая, в 15:10, житель столицы Гаджиариф Гусейнли (1996 г.р.) вошел в банк, расположенный на улице Самеда Вургуна в Насиминском районе, и, облившись бензином прямо на глазах у сотрудников офиса, хотел поджечь себя. К счастью, охранники помешали мужчине это сделать.

    Правоохранители выяснили обстоятельства, предшествующие инциденту.

    Согласно полученной информации, таким образом Г.Гусейнли хотел выразить протест против действий банка.

    Финансовая организация конфисковала автомобиль марки Chevrolet Cruze, по которому были прекращены кредитные выплаты. Известно, что изначально банк заключил договор лизинга с неким Талехом, который затем продал машину Г.Гусейнли с тем условием, что тот продолжит отдавать кредит. Последний перестал делать выплаты, однако счел действия банка незаконными.

  • Bakıda bank müştərisi özünü yandırmaq istədi

    Bakıda banklardan birinin müştərisi maliyyə təşkilatının binasında özünü yandırmaq istəyib.

    Bu barədə Oxu.Az-a hüquq-mühafizə orqanlarından məlumat verilib.

    Mayın 8-də saat 15:10 radələrində 1996-cı il təvəllüdlü paytaxt sakini Hacıarif Hüseynli Nəsimi rayonu, Səməd Vurğun küçəsində yerləşən bir banka daxil olub və ofis işçilərinin gözü qarşısında üzərinə benzin tökərək özünü yandırmaq istəyib. Xoşbəxtlikdən mühafizəçilər ona mane olublar.

    Hüquq-mühafizə orqanlarının əməkdaşları hadisənin səbəbini aydınlaşdırıblar.

    Əldə edilən məlumata görə, H.Hüseynli bankın fəaliyyətinə etirazını bu şəkildə bildirmək istəyib.

    Maliyyə qurumu kredit ödənişlərini dayandırdığı üçün onun “Chevrolet Cruze” markalı avtomobilini müsadirə edib. Məlum olub ki, əvvəlcə bank maşını H.Hüseynliyə satmış Taleh adlı şəxslə lizinq müqaviləsi bağlayıb. H.Hüseynli isə avtomobil üzrə kredit ödənişlərini davam etdirməli imiş.

    Lakin o, ödənişləri dayandırıb. H.Hüseynli bankın hərəkətlərini qanunsuz hesab edib.

  • Azərbaycanda amansız qətl: Gecə zəng edib çağırdığı qonşusunu küçənin ortasında öldürdü – FOTO

    Tərtərdə qətl hadisəsi baş verib.

    APA-nın məlumatına görə, ötən gün səhər saatlarında Heydər Əliyev prospektində yaşayan, 1980-ci il təvəllüdlü Zeynalov Xətai Sabir oğlunun küçədə meyiti tapılıb.

    X.Zeynalovun meyitini səhəri gün şəhərin Cavanşir küçəsində təmizlik işləri aparan şəxslər tapıb.

    Məlumata görə o, gecə saatlarında telefona zəng edilərək evdən çağırılıb.

    Hüquq-mühafizə orqanları tərəfindən meyitə baxış keçirilib, araşdırmalar zamanı X.Zeynalovun qonşusu Hümbətov Naib Nadir oğlu tərəfindən bıçaqlanaraq öldürüldüyü müəyyən edilib.

    Faktla bağlı Tərtər Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

  • Скончался известный азербайджанский ученый – ФОТО

    9 мая на 85-м году жизни скончался известный азербайджанский ученый-биолог Тельман Агаев, сообщает Report.

    Он являлся доктором биологических наук, профессором, директором Института физиологии имени А.И.Гараева, членом-корреспондентом Национальной академии наук Азербайджана, специалистом в области эволюционной физиологии и биохимии.

    Аллах рехмет элясин!

  • Azərbaycanın tanınmış alimi vəfat etdi

    Tanınmış bioloq, Fiziologiya İnstitutunun baş elmi işçisi, AMEA-nın müxbir üz­vü Telman Ağayev vəfat edib.

    Report xəbər verir ki, T.Ağayev mayın 9-da 84 yaşında dünyasını dəyişib.

    Qeyd edək ki, Telman Məmmədəli oğlu Ağayev 1935-ci il oktyabr ayının 10-da Qərbi Azərbaycanın (indiki Ermənistanın) Sisyan rayonunun Vaqudi kəndində anadan olub. 1959-cu ildə Azərbaycan Kənd Təsərrüfatı İnstitutunun Zootexnika fakültəsini bitirib.

    1969-cu ildə “Mədə reseptorlarının qıcıqlanması zamanı baş beyində zülal və amin turşularının mübadiləsi” mövzusunda namizədlik, 1983-cü ildə “Beynin görmə analizatorunun stukturlarında qlutamin turşusu sisteminin formalaşmasının yaş xüsusiyyətləri” mövzusunda doktorluq dissertasiyalarını müdafiə edib, 1989-cu ildə professor elmi adını alıb. 2001-ci ildə AMEA-nın müxbir üzvü seçilib.

    O, 1993-1995-ci illərdə Azərbaycan Elmlər Akademiyasının A.İ.Qarayev adına Fiziologiya İnstitutunda elmi işlər üzrə direktor müavini, 1995-2013-cü illərdə institutun direktoru vəzifəsində çalışıb.

    T.Ağayev təkamül fiziologiyası və biokimyası sahəsində mütəxəssis idi. O, filo- və ontogenezin ayrı-ayrı səviyyələrində duran orqanizmlərin mər­kəzi sinir sisteminin sensor və hüceyrə biokimyası üzrə elmi istiqamətin təşkilatçısı və ardıcıl davamçısı kimi tanınırdı.

    Alimin elmi işlərinin əsas istiqamətini biokimyəvi tədqiqatlar, o cümlədən heyvanlarda görmə, eşitmə və digər sensor funksiyaların formalaşmasında beynin qlutamin turşusu və biogen aminləri tənzimedici sisteminin rolu, bu proseslərin neyrokimyəvi əsaslarının fundamental tədqiqi təşkil edirdi. O, tədqiqatlarına əsaslanaraq, təkamül və yaş fiziologiyası, biokimyasının bəzi mühüm elmi müddəalarını, funksional neyrokimyanın perspektiv istiqamətlərini irəli sürərək, filo- və ontogenezdə analizator sistemlərinin normal inkişafı və funksiyalarının pozulduğu şəraitdə beyin strukturlarında metabolik dəyişikliklərin kompleks tədqiqini aparıb.

    Azərbaycan Biokimya Cəmiyyətinin sədri, Avropa Biokimyaçılar Cəmiyyətinin üzvü, Fizioloqlar Cə­miy­yətinin prezidenti idi. “AMEA Xəbərləri” (biologiya və tibb elmləri seriyası), “Eko­energetika” və “Gürcüstan EA Xəbərləri” jurnallarının redaksiya heyətinin üzvü idi. YUNESKO-nun etika, bioetika və texnologiya üzrə milli komitəsinin və Beyin tədqiqat­çıları üzrə Beynəlxalq Təşkilatın üzvü idi.

    2013-cü ildə Avropa Elmi-Sənaye Palatası tərəfindən peşəkar fəaliyyətinə görə diplom və qızıl medalla təltif edilib.

    Allah rəhmət eləsin!

  • Teymur Rəcəbovun komandası superfinal şansını itirdi

    Azərbaycanlı qrossmeyster Teymur Rəcəbovun mübarizə apardığı Onlayn Millətlər Kubokunda bu gün son iki tur keçiriləcək.

    Şahmatçımızın yer aldığı “Dünyanın qalan hissəsi” komandası dünən Hindistana 1,5:2,5 (Teymur Vişvanatan Ananda uduzub) və ABŞ-a 1:3 hesabı ilə uduzub (bu turda Teymura istirahət verilib).

    Dünya komandası bu gün IX turda Rusiya, X turda Avropa yığması ilə qarşılaşacaq. Teymurun bu gün müvafiq olaraq Yan Nepomnyaşi və Maksim Vaşye-Laqravla qarşılaşacağı gözlənilir.

    Qeyd edək ki, Teymur Rəcəbovun cəmi iki xala malik olan komandasının sabah keçiriləcək superfinala vəsiqə qazanmayacağı dəqiqləşib. Onun komandası bu gün iki qələbə qazanmaqla yalnız turnir cədvəlinin sonuncu pilləsindən qurtula bilər.

    15 xalı olan Çin yığmasının superfinala vəsiqəsi təmin olunub. Asiyalıların rəqibi isə ABŞ və ya Avropa yığması ola bilər. Avropa komandası ABŞ-dan bir xal geridədir. Bu gün IX turda ABŞ – Avropa qarşılaşması məhz bu baxımdan maraq doğurur.

  • DTX-nin saxladığı rəis bu şəxslərə şərt qoyubmuş – FOTO

    Məlum olduğu kimi, ötən gün Dövlət Təhlükəsizliyi Xidməti Mədəniyyət Nazirliyində əməliyyat keçirib.

    İlkin məlumata görə, əməliyyat zamanı DTX tərəfindən saxlanılan şəxslər arasında nazirliyin Mədəniyyət Baş idarəsinin rəisi Cəlil Məlikov da var.

    Qafqazinfo-nun məlumatına görə, Cəlil Məlikov vəzifə təklifi ilə əlaqədar bir çox mədəniyyət işçiləri ilə dəfələrlə təkbətək görüşlər keçirib. Belə ki, C.Məlikov həmin şəxslərə bölgələrdə və Bakı ərazisində fəaliyyət göstərən mədəniyyət evlərində rəhbərliyə gətirilmə ilə bağlı müəyyən vədlər verib. Qarşılığında isə onlara şərt qoyub.

    Belə ki, direktor seçiləcək incəsənət xadimi təyin olunduğu idarənin bütün təmir işləri ilə bağlı maliyyə məsələlərini öz üzərinə götürməli imiş.

    Bu təkliflə razılaşan tanınmış simalar az deyil, onların arasında artıq sözügedən vəzifələrə təyin olunanlar da var.

    Məlum olub ki, C.Məlikov hesabatlarında təmirə ayrılan vəsaitlərin nazirliyin büdcəsindən xərcləndiyini qeyd edib.

    Xatırladaq ki, ötən gün nazirlikdə əməliyyat aparılan zaman nazir Əbülfəs Qarayev də binada olub. C.Məlikovdan başqa, nazirliyin Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov və Mədəniyyət Nazirliyinin İctimaiyyətlə əlaqələr şöbəsinin rəhbəri İntiqam Hümbətovun saxlanıldığı bildirilir.