Month: June 2020

Azərbaycan Müdafiə Nazirliyi bəyanat yayıb.

Bəyanatda deyilir:

“Azərbaycan Ordusunun 2016-cı və 2018-ci illərdə həyata keçirdiyi uğurlu döyüş əməliyyatları nəticəsində Ermənistanla Dağlıq Qarabağ ərazisini birləşdirən yollar tərəfimizdən nəzarətə götürülüb.

Strateji cəhətdən əlverişli vəziyyətimiz düşməni xeyli vəsait xərcləyərək yeni yollar çəkməyə məcbur edir. Azərbaycan Ordusunun silahlanmada olan atəş vasitələri düşmənin bütün əməliyyat dərinliyindəki hərbi infrastrukturunu məhv etmək imkanına malikdir”.

Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəisi Mürsəl Əliyev nazir Muxtar Babayev tərəfindən vəzifəsindən azad olunub.

Unikal.org xəbər verir ki, M.Əliyev nazirlikdə digər vəzifəyə təyin edilib.

Nazirliyin İctimaiyyətlə əlaqələr şöbəsinin rəhbəri İradə İbrahimova məlumatı təsdiqləyib

Britaniya hökumətinin açıqladığı hesabatda BAME – qaradərili, asiyalı və azlıq təşkil edən etnik qrupların ağ etnik qruplarla müqayisədə COVID-19-a yoluxaraq ölmək ehtimalının 50 faizə qədər çox olduğu bildirilir.

Hökumətin Public Health England təşkilatının hesabatında deyilir ki, məsələn, Banqladeş mənşəli insanların ağ ingilislərlə müqayisədə COVID-19-dan ölüm riski iki dəfə çoxdur. Çin, Hindistan, Pakistan və ya digər Asiya etnik qrupların, habelə Karib və ya digər qaradərili etnik mənşəli olanların ölüm riski 10 faizdən 50 faizə qədər yüksəkdir.

Londonun Tayms qəzetinin yazdığına görə, ölkədə böyüməkdə olan “Qaraların Həyatı Mühümdür” etirazları zamanı gərginlik yarada biləcəyindən ehtiyat edildiyin üçün hesabatın bu ayın əvvəlində açıqlanmasına icazə verilməyib. Hökumət isə bu xəbəri təsdiq etməyib.

Hesabatın dərcindən sonra Britaniyanın səhiyyə katibi Mat Hankok əlavə araşdırma tələb olunduğunu bildirib. “Belə fərqlərə nəyin səbəb olduğunu və fərqli risk faktorlarının qarşılıqlı əlaqəsini başa düşmək üçün çox iş görülməlidir və biz bunun qarşısının alınmasında qərarlıyıq” deyib Hankok iyunun 2-də jurnalistlərə.

Hesabatın nəticələri ABŞ və Finlandiyada oxşar tədqiqatların nəticələri ilə eynidir. “Bu, ABŞ üçün unikal bir araşdırma deyil” – deyə, keçən fəftə Amerikanın Səsinə Skypla verdiyi müsahibəsində Nortumbria Universitetinin molekulyar bioloqu, doktor Stergios Moşos bildirib.

Nazirlər Kabineti “Bakı, Sumqayıt, Gəncə, Lənkəran şəhərlərinin, Abşeron, Salyan, Kürdəmir, Yevlax və İsmayıllı rayonlarının ərazisində xüsusi karantin rejiminin sərtləşdirilməsi ilə bağlı əlavə tədbirlər barədə” 2020-ci il 9 iyun tarixli 196 nömrəli qərarında dəyişiklik edib.

Bununla bağlı Baş Nazir Əli Əsədov qərar imzalayıb.

Dəyişikliyə əsasən, qeyd olunan ərazilər üzrə sərt karantin günlərində fəaliyyət göstərəcək iş və xidmət sahələri artırılıb.

Qərasa əsasən, xəstəxanalar və təcili tibbi yardım müəssisələri ilə yanaşı, habelə dərman vasitələrinin sifarişlə ünvanlara çatdırılmasını həyata keçirən apteklər də fəaliyyət göstərəcək.

Bununla yanaşı, rayonlarda kənd təsərrüfatı məhsullarının toplanması ilə bağlı fəaliyyət, habelə növbəli suvarma, təxirəsalınmaz baytarlıq və bitki mühafizə xidmətləri də fəaliyyət göstərəcək.

Bu xidmətlə fəaliyyət göstərən fiziki şəxslərin hərəkətinə olduğu yer üzrə yerli icra hakimiyyəti orqanlarının ərazi nümayəndəliklərinin arayışı əsasında yol verilir. Fermer tərəfindən müvafiq arayış xüsusi karantin rejiminin sərtləşdirilməsinin nəzərdə tutulduğu günədək əldə edilir və arayışda fiziki şəxsin soyadı, adı, atasının adı, şəxsiyyət vəsiqəsinin seriyası və nömrəsi, hərəkətinə icazə verilən ərazi və arayışın qüvvədə olduğu müddət göstəriləcək.

Median.Az xəbər verir ki, bunu Trend-ə Ekologiya və Təbii Sərvətlər Nazirliyinin Mi­lli Hidrometeorologi­ya Xidmətinin baş hidroloqu Asif Verdiyev bildirib.

Onun sözlərinə görə, iyunun son günlərində Bakıda və Abşeron yarımadasında temperaturun yüksəlməsi müşahidə edilir. Dünən Bakıda 35-37 dərəcə isti müşahidə edilib ki, bu da iqlim normasından 4-5 dərəcə çox olub.

A.Verdiyev qeyd edib ki, iyunun 13 və 14-də temperaturun bir qədər də yüksələcəyi gözlənilir. Həmin günlərdə Bakıda Abşeron yarımadasında gündüz saatlarında havanın temperaturunun 40 dərəcəyədək, Mərkəzi Aran rayonlarında 42 dərəcəyədək yüksəlməsi gözlənilir.

Nazirlik rəsmisi bildirib ki, son 25-27 il ərzində iyunda ən yüksək temperatur 40 dərəcə olmaqla, 1996-cı il iyunun 17-də müşahidə edilib:

“Əgər iyunun 13-14-də Bakıda 40 dərəcə isti müşahidə edilərsə, onda bu il iyun ayında 1996-cı ildəki yüksək temperatur təkrar qeydə alınacaq” .

Baş hidroloq son 25-27 ildə ən isti iyun ayının 2019-cu ildə qeydə alındığını söyləyib:

“Lakin ötən il iyunun isti keçməsi yalnız Azərbaycanda deyil, bütün dünyada müşahidə edilib. Bu il iyun ayı hələlik isti keçir. Qeydə alınan temperatur uyun ayı üçün xarakterik deyil, amma indiyədək iyun ayı üçün anomal temperatur müşahidə edilməyib”.

Sabah orta məktəbləri bitirən XI sinif şagirdləri üçün virtual “Son zəng” keçiriləcək.

Bu l barədə Təhsil Nazirliyinin İctimaiyyətlə əlaqələr sektorunun müdiri Cəsarət Valehov bildirib.

Virtual “Son zəng”də bütün bölgələrdəki məzunlarla himn oxunulacaq. Eyni zamanda, son üç ayda “Dərs vaxtı”nda iştirak edən müəllimlər “Azərbaycanım” mahnısını ifa edəcəklər.

Virtual “Son zəng” 12 iyun saat 12:25-də “İctimai Televiziya”da, 12:30-da “Mədəniyyət”, “ARB24”, “Real TV”, eləcə də Təhsil Nazirliyinin “Facebook” səhifəsində yayımlanacaq.

Qeyd edək ki, 2019/2020-ci tədris ilində XI sinfi bitirən şagirdlərin sayı 80 646, IX sinfi bitirənlərin sayı isə 119 852 nəfərdir.

Ölkəmizdə koronavirus pandemiyası ilə əlaqədar karantin rejimi davam etdiyindən bütün kütləvi tədbirlər kimi “Son zəng” tədbirinin də keçirilməsi nəzərdə tutulmur.