Month: July 2020

İyulun 21-də Astara rayonu ərazisində 1990-cı il təvəllüdlü Nadir Rüstəmovun bıçaq xəsarətləri ilə xəstəxanaya yerləşdirilməsi barədə məlumat daxil olub.

Astara Rayon Prokurorluğundan verilən məlumata görə, dərhal hadisə yerinə baxış keçirilib, digər prosessual hərəkətlər yerinə yetirilib.

Araşdırmalarla 1993-cü il təvəllüdlü Həbib Şabanovun rayonun Bəndəsər kəndində yerləşən meşədə aralarında baş vermiş mübahisə nəticəsində Nadir Rüstəmova bıçaq xəsarətləri yetirməklə onu qəsdən öldürməyə cəhd etməsinə əsaslı şübhələr müəyyən edilib.

Faktla bağlı Astara Rayon Prokurorluğunda istintaqı aparılan cinayət işi üzrə Həbib Şabanov Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə təqsirləndirilən şəxs qismində cəlb edilərək, barəsində həbs-qətimkan tədbiri seçilib.

Hazırda iş üzrə zəruri istintaq tədbirləri həyata keçirilir.

Bəzi internet resurslarında Azərbaycan Respublikasının Prezidenti cənab İlham Əliyevin kiçik qızı Arzu Əliyevanın adından sosial şəbəkədə yayılmış müraciətdə, guya istifadəçilərə hərbi məsələlərlə bağlı paylaşım etməməyə çağırışlar yer alıb.

Dövlət Təhlükəsizliyi Xidmətinin İctimai əlaqələr şöbəsindən verilən məlumata görə, aparılmış ilkin araşdırmalarla qeyd olunan məlumatların saxta profillərdən istifadə edilməklə ictimai rəyi çaşdırmaq və sensasiya naminə yayımlandığı və belə məlumatların Arzu Əliyevaya heç bir aidiyyətinin olmadığı müəyyən edilib.

Bildiririk ki, hazırda sosial şəbəkələrdə bu cür təxribat xarakterli paylaşımları edən şəxslərin müəyyənləşdirilməsi və barələrində qanuna müvafiq tədbirlərin görülməsi üçün fəaliyyət davam etdirilir.

Əməkdar artist Bəhram Bağırzadə xəstəxanadan evə buraxılıb.

Unikal.org xəbər verir ki, Bərham Bağırzadə onu müalicə edən həkimlər tərəfindən yola salınıb.

Həmçinin, onu komanda yoldaşları Tahir və Cabir İmanovlar qarşılayıb. Onlar qeyd edib ki, nəhayət, Bəhram Bağırzadə yenə aralarındadır:

“Hamıya dəstək üçün təşəkkür edirik. Hər birinizə can sağlığı, bütün xəstələrə Allahdan şəfa diləyirik”.

Qeyd edək ki, Əməkdar artist Bəhram Bağırzadənin vəziyyətinin kəskin pisləşməsi səbəbindən daha əvvəl koronavirus xəstəliyindən müalicə olunduğu xəstəxanadan 13 iyun 2020-ci ildə Mərkəzi Gömrük Hospitalının reanimasiya şöbəsinə köçürülmüşdü.

Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.

Qurumdan verilən məlumata görə, AQTA əməkdaşları tərəfindən 26 iyul 2020-ci ildə Bakıda, eləcə də, regionlarda fəaliyyət göstərən 34-ü ictimai iaşə obyekti, 151-i ərzaq satışı mağazası olmaqla, ümumilikdə 185 müəssisədə reyd keçirilib.

Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 73-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.

Bakı şəhəri üzrə:

“Pepsi”, “İlmart”, “TT”, “Səbət”, “Orion” marketləri, Məmmədova Çimnaz Qara qızına, Məmmədova Aygün Həmid qızına, Əliyev Mübariz Həsən oğluna məxsus ərzaq mağazaları;

Digər şəhər və rayonlar üzrə:

Quba rayonunda Azibəkova Nadidə Aysel qızına, Səfərəliyev Vüqar Mayıl oğluna, Talıbov Ceyhun Eldar oğluna məxsus kafelər, Həmzəliyev Qafar Əhəd oğluna məxsus market;

İsmayıllı rayonunda “Dostluq”, “Mican”, “Bənövşə”, “Qoşa samovar”, “Halal”, “Relax”, “Samovar” kafeləri, Əhmədov Yunis Yusif oğluna, Əliyev Tamerlan İntiqam oğluna, Nağıyev Ramiz Mirəhməd oğluna, Mustafayev Adəm Bahadur oğluna və Kərimli Elxan Yavər oğluna məxsus kafelər, “Xəyal”, “Qız qalası” restoranları, Hüseynov Elşən Eldar oğluna və Cəfərov Müqbil Raiz oğluna məxsus ət satışı mağazaları, “Sərhəd”, “Girdiman” “Ucuz” marketləri, Həsrətov Vüsal Sehran oğluna, Dəmirov Sübhan Xalı oğluna məxsus ərzaq mağazaları, Kərimli Elxan Yavər oğluna məxsus yeməkxana;

Şamaxı rayonunda Novruzov Süleyman Əlikazım oğluna məxsus “Ülvi” marketi;

Kürdəmir rayonunda “Gözəl məkan”, “Laçın”, “Orxan”, “Çinar”, “Elsevər”, “İdeya” kafeləri, “Tunar” marketi, İsmayılov Vasif Ziyad oğluna məxsus ərzaq mağazası;

Göyçay rayonunda Zülfüqarov Əhmədağa Əlisahib oğluna, İsrafilov Ənvər Sirac oğluna, İbadov Varis Maarif oğluna, Kərimov Elşad Aqil oğluna, Ələkbərov İkram Şaban oğluna məxsus ərzaq mağazaları, Quliyev Ülvi Tahir oğluna məxsus kafe, Süleymanov Pünhan İlham oğluna məxsus şirniyyat mağazası;

Neftçala rayonunda Əliyev Ramiz Xankişi oğluna məxsus ərzaq mağazası;

Mingəçevir şəhərində “Qarabağ” marketi, Kazımova Rüxsarə Manaf qızına, Hüseynov Elmir İmdad oğluna məxsus ərzaq mağazaları;

Yevlax rayonunda Qəribov Cuma Xurşud oğluna və Əliyev Nicat Əmirxan oğluna məxsus kafelər;

Lənkəran şəhərində Səmədov Azad Yaşar oğluna, Məmmədov Elxan Səfər oğluna, Məhərrəmov Şükür Rəcəb oğluna məxsus ət satışı mağazaları;

Gəncə şəhərində “Mətanət”, “Ülvi”, “Moskva” marketləri;

Tovuz rayonunda “Cənnət məkan”, “Antares” kafeləri, “Tovuz” və “Həyat” ərzaq mağazaları;

Qazax rayonunda “Dostluq”, “Emil”, “Buta” kafeləri, “Tacir”, “Yeddi gözəl”, “Murad”, “Ayxan” marketləri.

Qeyd edək ki, AQTA Bakıda, eləcə də, regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

Azərbaycanda koronavirus infeksiyasına 396 yeni yoluxma faktı qeydə alınıb.

Bununla bağlı Nazirlər Kabineti yanında operativ qərargah məlumat yayıb.

Bildirilib ki, 558 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış altı nəfər vəfat edib.

Azərbaycan və Türkiyə Respublikaları arasında imzalanmış hərbi əməkdaşlıq haqqında sazişə əsasən Naxçıvanda hər iki ölkənin quru qoşunları və hərbi hava qüvvələrinin iştirakı ilə birgə genişmiqyaslı döyüş atışlı taktiki və taktiki-uçuş təlimləri keçiriləcək.

Birgə təlimlərə iki ölkənin ordularının şəxsi heyəti, zirehli texnikası, artilleriya qurğuları və minaatanları, hərbi aviasiya və hava hücumundan müdafiə vasitələri cəlb ediləcək.

Təlimlərə hazırlıq çərçivəsində iki qardaş ölkənin Dövlət Bayraqlarının dəyişmə mərasimi keçirilib, Türkiyə Silahlı Qüvvələrinin şəxsi heyət və hərbi texnikaları Naxçıvana gəlib.

Bayraqdəyişmə mərasimində iştirak etmək üçün Əlahiddə Ümumqoşun Ordunun bayraq taqımı Naxçıvan şəhərindən Sədərək sərhəd-keçid məntəqəsinə-Araz çayı üzərindəki “Ümid” körpüsünə doğru yürüşə başlayıb. Eyni zamanda Türkiyə Respublikasının bayraq taqımı da Doğu Bəyazid şəhərindən Sədərək sərhəd-keçid məntəqəsinə doğru yürüş edib.

“Ümid” körpüsü üzərində Türkiyə və Azərbaycan Respublikalarının Dövlət Himnləri səsləndirildikdən sonra iki qardaş ölkənin Dövlət Bayraqlarının dəyişmə mərasimi keçirilib.

Bayraq dəyişmə mərasimi başa çatdıqdan sonra Türkiyə Silahlı Qüvvələrinin təlimlərə cəlb edilmiş şəxsi heyət və hərbi texnikaları təlim yerlərinə doğru hərəkəti davam etdiriblər.

Əlahiddə Ümumqoşun Ordunun hərbi hissəsində qardaş ölkənin hərbi qulluqçularının təntənəli qarşılanma mərasimi keçirilib. Mərasimdə çıxış edənlər günü-gündən inkişaf edən Türkiyə-Azərbaycan qardaşlıq münasibətlərindən və hərbi-texniki əməkdaşlıqdan danışıblar.

Sonra təlimə cəlb edilmiş Türkiyə Silahlı Qüvvələrinin nümayəndələri Əlahiddə Ümumqoşun Ordunun hərbi hissəsində yerləşiblər.