Median.Az

Month: August 2020

  • Əqli Mülkiyyət Agentliyindən Fikrət Əmirovun “Kor ərəbin mahnısı” əsəri haqqında AÇIQLAMA

    Görkəmli Azərbaycan bəstəkarı Fikrət Əmirovun vərəsələri Azərbaycan Respublikasının Əqli Mülkiyyət Agentliyinə müraciət edərək, onun “Kor ərəbin mahnısı” əsərinin musiqisinin Belçikada yaşayan Vardan Hovanissian və Emre Gültekin tərəfindən mənimsənildiyini və “Houcher” adı altında “Karin” musiqi albomuna daxil edilərək Youtube kanalında yayıldığını bildirmiş və bununla bağlı müəllifin pozulmuş hüquqlarının bərpa olunmasını və hüquq pozucularına münasibətdə tədbir görülməsini xahiş ediblər.

    Məsələ ilə bağlı Əqli Mülkiyyət Agentliyinin ekspertləri tərəfindən aparılmış müvafiq araşdırma nəticəsində müəyyən edilib ki, Vardan Hovanissian və Emre Gültekin tərəfindən ifa edilmiş və “Karin” musiqi albomuna daxil edilib, həmçinin “Youtube” kanalında yerləşdirilmiş “Houcher” adlı musiqi əsəri Azərbaycan bəstəkarı Fikrət Əmirovun “Kor ərəbin mahnısı” əsərinin musiqisi ilə üst-üstə düşür. Bu isə o deməkdir ki, “Houcher” musiqi əsəri plagiatdır və burada Fikrət Əmirovun “Kor ərəbin mahnısı” əsərinin adı “Houcher” adı ilə dəyişdirilərək təhrif edilmiş, eyni zamanda əsərin bəstəkarları kimi Vardan Hovanissian və Emre Gültekin göstərilib. Bununla Fikrət Əmirovun şəxsi və əmlak hüquqları kobud şəkildə pozulub.

    Bununla yanaşı, Vardan Hovanissian və Emre Gültekin tərəfindən www.bandcamp.com saytındakı səhifələrində yerləşdirilmiş “Karin” musiqi albomuna daxil edilmiş əsərlər haqqında verilən məlumatda Fikrət Əmirovun adı göstərilməmiş, “Kor ərəbin mahnısı” əsəri isə təhrif olunmuş “Houcher” adı ilə folklor nümunəsi kimi təqdim edilərək, aranjemançı kimi Vardan Hovanissian və Emre Gültekin göstərilmiş və bununla müəllifin şəxsi hüquqları pozulub. Digər tərəfdən, “Karin” musiqi albomu www.bandcamp.com saytında kommersiya məqsədilə yerləşdirildiyindən Fikrət Əmirovun əmlak hüquqları da pozulub.

    “Houcher” musiqi əsəri haqqında verilən məlumatlardakı uyğunsuzluq da (özlərini bir halda müəllif-bəstəkar, digər halda aranjemançı kimi təqdim edirlər) bir daha sübut edir ki, Vardan Hovanissian və Emre Gültekin “Kor ərəbin mahnısı” əsərindən Fikrət Əmirovun müəllif hüquqlarını pozmaqla qeyri-qanuni istifadə ediblər.

    Bu hərəkətlər eyni zamanda milli qanunvericiliyin müddəaları ilə yanaşı, həm də Azərbaycan və Belçikanın üzvü olduğu Ümumdünya Əqli Mülkiyyət Təşkilatını (ÜƏMT) təsis edən Konvensiyanın 3-cü maddəsinin tələbinin Vardan Hovanissian və Emre Gültekin tərəfindən pozulmasıdır. Belə ki, bu Təşkilatın məqsədi “dövlətlərlə və istənilən digər təşkilatla əməkdaşlıq yolu ilə bütün dünyada əqli mülkiyyətin qorunmasına yardım etməkdən ibarətdir”. Həmçinin Azərbaycan və Belçikanın iştirakçısı olduqları “Ədəbi və bədii əsərlərin qorunması haqqında” Bern konvensiyasının, ÜƏMT-nin Müəlliflik Hüququna dair Müqaviləsinin və İfalar və Fonoqramlara dair Müqaviləsinin müddəalarının pozulmasıdır.

    Bildiririk ki, “Kor ərəbin mahnısı”nın musiqisi Fikrət Əmirov tərəfindən 1956-cı ildə Azərbaycan Dövlət Dram Teatrının səhnəsində tamaşaya qoyulmuş Hüseyn Cavidin “Şeyx Sənan” dramına yazılmışdır. Həmin tamaşanın premyerası 1956-cı ildə Bakıda, Azərbaycan Dövlət Dram Teatrında olmuşdur.

    Musiqi sonralar bir sıraAzərbaycan musiqi nəşrlərinə də daxil edilmişdir, o cümlədən:

    – Fikrət Əmirovun 1957-ci ildə çap olunmuş “Kor ərəbin mahnısı”;

    – Fikrət Əmirovun 1977-ci ildə çap olunmuş “Mahnı (fortepiano ilə oxumaq üçün)”.

    “Kor ərəbin mahnısı” eyni zamanda 1961-ci ildə çəkilmiş “Korun mahnısı” adlı qısametrajlı bədii filmdə Məmmədəli Əliyev tərəfindən səsləndirilmişdir.

    Bu mahnı həmçinin Azərbaycanın məşhur ifaçılarından Şövkət Ələkbərova, Rəşid Behbudov, Alim Qasımov və başqaları tərəfindən də ifa edilmiş, maddi daşıyıcılara yazılaraq YouTube səhifələrinə yüklənmişdir.

    Bununla yanaşı, qeyd etmək lazımdır ki, “Kor ərəbin mahnısı” əsəri Fikrət Əmirovun 1963-cü il 12 iyun tarixli ərizəsi əsasında Ümumittifaq Müəllif Hüquqları Agentliyinin Azərbaycan şöbəsində (indiki Əqli Mülkiyyət Agentliyində) qeydiyyata alınmış və müvafiq kataloqa daxil edilmişdir.

    Qeyd etmək istəyirik ki, Əqli Mülkiyyət Agentliyi tərəfindən mütəmadi olaraq Azərbaycan xalqına məxsus olan müəllif əsərlərinin, folklor nümunələrinin və digər qeyri-maddi mədəni irs nümunələrinin uzun illərdən bəri ermənilər tərəfindən zaman-zaman oğurlanması, mənimsənilməsi və erməni nümunələri kimi təqdim olunması hallarına qarşı mübarizə aparılır, hər bir fakt üzrə araşdırmalar aparılaraq tarixi əsaslara söykənən və həmin əsərlərin Azərbaycan xalqına məxsus olmasını danılmaz faktlarla sübut edən arayışlar hazırlanır, kütləvi informasiya vasitələrində yayılır, Agentliyin nümayəndələrinin iştirak etdiyi yerli və və beynəlxalq tədbirlərdə ətraflı məlumatlar verilir və Ümumdünya Əqli Mülkiyyət Təşkilatına məktub göndərilir.

    Yuxarıda göstərilən hüquq pozuntusunun aradan qaldırılması tələbi ilə Agentlik tərəfindən Vardan Hovanissian və Emre Gültekinə məktub göndərilmiş, həmçinin Youtube kanalında yerləşdirilmiş “Houcher” adlı musiqi əsərinin Youtube kanalından çıxarılması xahişi ilə həmin kanalın Administrasiyasına müraciət hazırlanmışdır.

  • Омбудсмен провела онлайн-встречу с представителями Совета Европы

    Уполномоченный по правам человека Азербайджана (Омбудсмен) Сабина Алиева провела онлайн-встречу с представителями Антидискриминационного департамента Совета Европы при поддержке Европейского Союза и Совета Европы Марой Георгеску и Анжелой Лонго.

    Как сообщили Oxu.Az в Аппарате Омбудсмена, целью встречи была оценка реализации на национальном уровне проекта “Расширение доступа к правосудию с помощью внесудебных механизмов для защиты прав жертв дискриминации и ненависти в странах Восточного партнерства” с участием омбудсмена Азербайджана.

    Во время встречи С.Алиева проинформировала собеседников о проделанной работе в рамках проекта, подчеркнув важность тренингов и семинаров с точки зрения повышения знаний и опыта сотрудников Аппарата Омбудсмена в сфере борьбы с дискриминацией. Было отмечено, что в соответствии с Конституционным законом об Уполномоченном по правам человека (омбудсмене) Азербайджанской Республики, Уполномоченный осуществляет деятельность, связанную с защитой прав и свобод человека, в том числе борьбу с дискриминацией, закрепленную в национальном законодательстве и международных конвенциях, участником которых является Азербайджан.

    Представители Совета Европы рассказали о важности встреч Уполномоченного с представителями гражданского общества.

    Также было предложено провести осенью этого года круглый стол с участием представителей Аппарата Уполномоченного по правам человека и профильных государственных структур, и гражданского общества. На мероприятии ожидается участие и международных экспертов.

    На встрече был также обсужден ряд других вопросов.

  • Ombudsman Avropa Şurası rəsmiləri ilə onlayn görüş keçirib

    Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Avropa İttifaqı və Avropa Şurasının dəstəyi ilə Avropa Şurası Ayrı-seçkilik əleyhinə departamentinin nümayəndələri Mara Georgesku və Angela Longo ilə onlayn görüş keçirib.

    Ombudsman aparatından Oxu.Az-a verilən məlumata görə, görüşün məqsədi Azərbaycan Ombudsman təsisatının da iştirak etdiyi “Şərq tərəfdaşlığı ölkələrində ayrı-seçkilik, nifrət zəminində cinayət qurbanlarının hüquqlarının müdafiəsi üçün məhkəmədənkənar mexanizmlər vasitəsilə ədliyyəyə çıxış imkanlarının gücləndirilməsi” adlı layihənin milli səviyyədə implementasiyasının qiymətləndirilməsi olub.

    Görüşdə Müvəkkil sözügedən layihə çərçivəsində bu zamana qədər görülən işlər barəsində məlumat verib, keçirilən treninq və seminarların Ombudsman Aparatının əməkdaşlarının ayrı-seçkiliklə mübarizə sahəsində bilik və təcrübələrinin artırılması baxımından mühüm əhəmiyyətə malik olduğunu vurğulayıb. Bildirilib ki, Azərbaycan Respublikasının İnsan Hüquqları üzrə Müvəkkili (Ombudsman) haqqında Konstitusiya Qanununa əsasən Müvəkkil milli qanunvericilikdə və Azərbaycanın qoşulduğu beynəlxalq konvensiyalarda təsbit olunan insan hüquq və azadlıqlarının müdafiəsi, o cümlədən, ayrı-seçkiliklə mübarizə ilə bağlı fəaliyyəti həyata keçirir.

    Avropa Şurasının nümayəndələri Müvəkkilin vətəndaş cəmiyyəti nümayəndələri ilə keçirdiyi görüşlərin önəmindən bəhs ediblər. Qeyd olunub ki, belə görüşlər Ombudsman təsisatı ilə vətəndaş cəmiyyəti arasında əməkdaşlıq əlaqələrinin gücləndirilməsi baxımından olduqca əhəmiyyətlidir. Həmçinin bu ilin payızında Ombudsman təsisatı ilə birgə aidiyyəti dövlət qurumlarının və vətəndaş cəmiyyəti nümayəndələrinin də iştirakı ilə dəyirmi masa formatında tədbirin keçirilməsi təklif olunub. Həmin tədbirdə beynəlxalq ekspertlərin də iştirakı nəzərdə tutulur.

    Görüşdə bir sıra digər məsələlər müzakirə olunub.

  • Deputatdan təklif: “Ölkədəki ümumi karantin rejimi koronavirusun peyvəndi tapılana qədər uzadılsın”

    Mart ayının ortalarından ölkəmizdə koronavirus pandemiyası ilə bağlı tətbiq edilən karantin, həmçinin 13 rayonda mövcud olan xüsusi sərt karantin rejiminin vaxtının bitməsinə cəmi 3 gün qalır. Vətəndaşlar Nazirlər Kabineti yanında Operativ Qərargahın bununla bağlı qərarını səbirsizlik və narahatlıqla gözləyirlər. Hesab edirəm ki, ümumiyyətlə, ölkəmizdə karantinin və xüsusi sərt karantin rejiminin tətbiq olunması çox düzgün addım idi və buna ehtiyac var idi.

    Bunu Trend-ə Milli Məclisin deputatı Tamam Cəfərova deyib.

    Deputat bildirib ki, çünki xüsusi karantin rejimi tətbiq edilməsəydi, biz indi tamam fərqli bir mənzərə ilə üz-üzə idik, çox böyük itkilərlə, fəlakətlərlə qarşı-qarşıya qala bilərdik:

    “Çox əlamətdar haldır ki, vaxtında Azərbaycan dövləti, xüsusilə, hər zaman vətəndaşının yanında olan, onun sağlamlığını, təhlükəsizliyini düşünən, onu hər şeydən üstün tutan ölkə Prezidenti cənab İlham Əliyevin düzgün, çevik, uzaqgörən addımları, qərarları sayəsində ölkəmiz bu bəlanın ağrılı, acılı, dəhşətli fəsadlarından uzaq dayana bildi. Hazırda vəziyyət nəzarət altındadır. Azərbaycan yoluxanların və vəfat edən şəxslərin sayının azlığına, habelə yoluxma və sağalma hallarının nisbətinə görə ən yaxşı nəticələr nümayiş etdirən ölkələr sırasındadır. Təsadüfi deyildir ki, ÜST də daxil olmaqla bir çox beynəlxalq təşkilatlar bunu dəfələrlə vurğulayıblar.

    Məhz bunların nəticəsində avqustun 5-dən sərtləşdirilmiş xüsusi karantin rejiminin yumşaldılması, məhdudiyyətlərin aradan qaldırılması mümkün olmuşdur. Lakin müsbət dinamikanı görüb, qəti şəkildə arxayınlaşmamalı, məsuliyyət hissini itirməməliyik, yenə də vətəndaş məsuliyyətimizlə, həmrəyliyimizlə Operativ Qərargahın qərarlarına, karantin qaydalarına birmənalı və istisnasız əməl etməliyik. Biz elə etməliyik ki, bu qərarlar davamlı olsun və uğurlu sonluqla nəticələnsin. Bununla əlaqədar, diqqət yetirilməsi tövsiyə olunan məsələlər var. Bunun üçün biz sadə qaydalara əməl etməliyik. Hesab edirəm ki, tibbi maska taxmaq, sosial məsafəni və gigiyeniyamızı qorumaq kimi sadə qaydalara riayət etməklə biz bu bəladan daha tez və daha az itkisiz qurtula bilərik”.

    T.Cəfərova vurğulayıb ki, bütün bunlarla yanaşı, qarşıda duran ən mühüm vəzifələrdən biri əldə olunmuş uğurun qorunub saxlanması və möhkəmləndirilməsidir: “Bu qədər görülən işləri, bu qədər çəkilən zəhmətləri qorumaq hamımızın borcudur. Qətiyyən arxayınlaşmaq olmaz. Düşünürəm ki, ölkədəki ümumi karantin rejimi koronavirusun peyvəndi tapılana qədər uzadılmalıdır. Beynəlxalq təcrübə göstərir ki, koronavirusla mübarizədə uğur qazanmış və karantin rejimini ləğv etmiş ölkələr sonrakı dövrdə infeksiyanın geniş yayılması nəticəsində yenidən məhdudiyyətləri bərpa etməyə məcbur olublar. Qarşıdan müxtəlif xəstəliklərin aktivləşdiyi payız və qış sezonu gəldiyinə görə, bu məsələ xüsusi aktuallıq kəsb edir. Karantin rejiminin sonuncu yumşaldılmasından sonar yoluxanların sayının yenidən 3 rəqəmə qalxması, yəni gündəlik yoluxanların sayının sağalanlardan xeyli çox olması narahatlığa əsas verir.

    Ona görə hesab edirəm ki, Bakı, Sumqayıt şəhərləri və Abşeron rayonu hələlik istisna olmaqla, digər 10 rayon xüsusu sərt karantin rejimindən çıxarılmalı, lakin yoluxma hallarının artım dinamikasına yol verilməməsi üçün ölkədə ümumi karantin rejimi davam etməlidir. Həmçinin, rayonlara gediş-gəlişin, bir sıra qapalı məkanların, restoranların, kafelərin, iri ticarət mərkəzlərinin açılmasına, təbii ki, ciddi nəzarət etməklə, getmək olar.

    Vətəndaşlar COVİD-19-un müalicəsi üçün vaksin tapılana kimi mümkün qədər məsuliyyətli davranmalı, maksimum özümüzü və ətrafımızı qorumağa davam etməliyik”.

  • Məhərrəmlikdə qanvermə aksiyasının keçiriləcəyi ünvanların siyahısı

    Məhərrəm ayında Qafqaz Müsəlmanları İdarəsinin təşəbbüsü ilə gerçəkləşən qanvermə aksiyasına qoşulmaq istəyən vətəndaşlarımız ölkəmizin Qan bankının paytaxtda və bölgələrdəki filiallarına yaxınlaşa bilərlər.

    Bu barədə “Report”a Dini Qurumlarla İş üzrə Dövlət Komitəsindən məlumat verilib.

    Mərkəzi Qan Bankı bölmələrinin ünvanları aşağıdakı kimidir:

    Mərkəzi Qan Bankı (Bakı şəhəri) Mirəli Qaşqay küç 87.

    Tel: 907

    Şirvan bölgə bölməsi: Heydər Əliyev pr.16. Şirvan şəhər Mərkəzi Xəstəxanası.

    Tel: 0212150029, +99450 390 94 33

    Lənkəran bölgə bölməsi: Lənkəran şəhəri, Nizami küçəsi 67. Lənkəran Mərkəzi xəstəxanası.
    Tel: 02525 4-09-75, +99450 315 54 72

    Quba bölgə bölməsi: Quba Qan bankı Fətəli Xan küç 10. Tibb Kollecinin binası.
    Tel: 02333 5-38 -01, +99450 478 6477

    Sumqayıt bölgə bölməsi: M.Hüseynzadə pr. Təcili Tibbi Yardım Xəstəxanası 1-ci korpus, 1-ci mərtəbə.

    Tel:0186556760, +99470 726 45 49

    Şəki bölgə bölməsi: Şəki şəhəri, M.Ə.Rəsulzadə 164.
    Tel: 024-244-25-90, +99455 537 60 15

    Mingəçevir bölgə bölməsi: 20 yanvar küç, Mingəçevir Şəhər Mərkəzi Xəstəxanası “C” korpusu.
    Tel: 0242743870, +99450 550 66 60

    Bərdə bölgə bölməsi: N. Nərimanov küç 2.
    Tel:020 205 02 90, +99451 362 36 36.

    Gəncə bölgə bölməsi: Gəncə şəhər. S. Hacıyev küç 2.
    Tel: 252 08 45, +99455 643 45 4.

    Qeyd edək ki, Məhərrəm ayı avqustun 21-dən başlayıb. Aşura isə bu il avqustun 30-u olacaq. Sentyabrın 19-da başlayacaq Səfər ayı isə oktyabrın 19-da başa çatacaq.

  • Произведение азербайджанских мастеров украсит фасад посольства Ватикана

    Произведение азербайджанских мастеров украсит фасад здания посольства Ватикана в Украине.

    Об этом Report сообщил мастер “шебеке” Ильгар Расулзаде.

    Он отметил, что “шебеке” (окна с разноцветными стеклами, создаваемые азербайджанскими народными мастерами из мелких деревянных деталей без клея и гвоздей) уже изготовлено и скоро будет отправлено.

    Окно “шебеке”, достигающее в высоту шести метров и 1,5 метра шириной, состоит из восьми отсеков. При создании “шебеке” использовано 6 000 стеклянных и деревянных фрагментов. Поверхность изделия украшена национальными орнаментами.

    По словам И.Расулзаде, в создании этого произведения искусства участвовал его отец – видный мастер “шебеке” Тофик Расулов.

    Для отправки работы в Украину готовятся соответствующие документы. Ватикан выделит грузовик для доставки произведения шекинских умельцев в целости и сохранности.

    Для монтажа “шебеке” в Киев отправится группа мастеров во главе с Тофиком Расуловым.

  • Azərbaycanlı sənətkarların əsəri Vatikan səfirliyinin fasadını bəzəyəcək

    Azərbaycan sənətkarlarının hazırladığı əsər Vatikanın Ukraynadakı səfirliyinin binasının fasadını bəzəyəcək.

    Bu barədə Report-a gənc şəbəkə ustası İlqar Rəsulzadə məlumat verib.

    Onun sözlərinə görə, artıq Avropaya göndəriləcək şəbəkə hazır vəziyyətə gətirilib. Hündürlüyü altı metr, eni isə 1,5 metr olan şəbəkə səkkiz hissədən ibarətdir. Əl işinin hazırlanmasında altı min şüşə və taxta parçalarından istifadə olunub, milli ornamentlər işlənib.

    İ.Rəsulzadə əsəri atası, məşhur şəbəkə ustası Tofiq Rəsulovla birgə hazırladığını da söyləyib.

    Qeyd edək ki, hazırlanan işlərin Ukraynaya göndərilməsi üçün müvafiq sənədlər hazırlanır. Şəki sənətkarlarının əl işlərinin təhlükəsiz şəkildə ünvana çatdırılması üçün Vatikan dövləti xüsusi olaraq yük maşını sifariş edib.

    Kiyev şəhərinə şəbəkəni quraşdırmaq üçün şəbəkə ustası Tofiq Rəsulov başda olmaqla, üç nəfər sənətkar yola düşəcək.

  • Qubada əri tərəfindən döyülən qadın atası evinə qaçıb polisə şikayət etdi, kişi isə…

    Qubada intihar etmək istəyən kişini polis xilas edib.

    Bununla bağlı Daxili İşlər Nazirliyinin Mətbuat Xidmətinin Quba regional qrupu məlumat yayıb.

    Bildirilib ki, 27 avqust 2020-ci ildə, gecə saat 23:15 radələrində rayon sakini Gülanə Mütəllibova Quba Rayon Polis Şöbəsinə müraciət edərək, əri Turab Mütəllibov tərəfindən döyülməsi və valideynlərinə məxsus evə qaçması barədə məlumat verib.

    Daxil olmuş məlumatla əlaqədar əməliyyat qrupu dərhal hadisənin baş verdiyi ünvana yollanıb. Ünvana çatan zaman isə həmin evin heç bir işığının yanmaması və qapının bağlı olması polis əməkdaşlarında şübhə yaradıb.

    Əməkdaşlar həmin həyətə hasardan baxan zaman isə Turab Mütəllibovun yaşayış evinin qapı çərçivəsindən özünü asaraq intihara cəhd etməsini aşkarlayıblar və hasardan keçərək, onun bu cəhdinin qarşısını vaxtında alıblar.

    T.Mütəllibova hadisə yerində ilkin tibbi yardım göstərilib daha sonra isə o, təcili tibbi yardım stansiyasının əməkdaşlarına təhvil verilib. Hazırda onun vəziyyəti yaxşıdır.

    Faktla bağlı Quba RPŞ-də araşdırmalar aparılır.

  • МИД Азербайджана отвергает обвинения Армении о нарушении гуманитарного права

    Диверсионно-разведывательная группа вооруженных сил РА 23 августа 2020 года предприняла попытку провокации на линии соприкосновения ВС Азербайджана и Армении в направлении Геранбойского района Азербайджана.

    В результате решительных мер, предпринятых подразделениями Вооруженных сил Азербайджана, провокация была предотвращена, а руководитель диверсионной группы – старший лейтенант ВС Армении Гурген Алавердян был задержан.

    Об этом сказали в министерстве иностранных дел Азербайджана.

    Как сообщили в ведомстве, задержанный признался, что по заданию военного руководства своей страны он, вместе с группой армянских военнослужащих, намеревались атаковать позиции азербайджанской армии с целью нанесения ущерба личному составу и военной инфраструктуре вооруженных сил Азербайджана.

    Действия группы под руководством Гургена Алавердяна в период интенсификации разведывательных операций ВС Армении на различных участках линии фронта, включая широкое использование беспилотных летательных аппаратов, свидетельствует о том, что военно-политическое руководство Армении проводит очередную авантюру на передовой, а также о намерениях обострить военное положение.

    “Мы категорически отвергаем заявления армянской стороны в адрес Азербайджана, содержащие безосновательные обвинения, связанные с нарушением международного гуманитарного права и “армянофобией”. В отношении задержанного Гургена Алавердяна азербайджанская сторона действовала в соответствии с требованиями международного гуманитарного права.

    В данной связи стоит напомнить, что Армения, выступающая против Азербайджана с претензиями о нарушении международного гуманитарного права, – это страна, которая на протяжении около 30 лет совершает в отношении Азербайджана агрессивную политику, сопровождающуюся военными действиями и преступлениями против человечности, в том числе геноцидом и этнической чисткой.

    В результате агрессии Армении против Азербайджана 20 000 азербайджанцев были убиты, 50 000 стали инвалидами, около миллиона мирных жителей были насильственно изгнаны с родных земель, 5 364 человека пропали без вести, были взяты в плен, в заложники, подверглись жестоким пыткам и издевательствам. Судьба около 4 000 из них до сих пор неизвестна.

    В настоящее время Армения держит в заложниках наших соотечественников – мирных жителей Дильгама Аскерова и Шахбаза Гулиева, которые были подвергнуты пыткам и незаконно лишены свободы”, – сказали в МИД Азербайджана.

    Было отмечено, что руководство Армении, которое в контексте задержания своего офицера вспоминает о гуманитарном праве, не должно забывать, что именно оно упорно противодействовало поддерживаемой международным сообществом, в том числе МГ ОБСЕ, инициативе Азербайджана по обмену пленными и заложниками по принципу “всех на всех”.

    Стоит отметить, что Армения, выдвигающая нелепые претензии против Азербайджана, не ставящая ни во что фундаментальные общечеловеческие ценности и основополагающие принципы международного гуманитарного права, не гнушалась использовать тела погибших в качестве объектов политической и материальной выгоды, и будучи страной, применившей “ценовую таблицу” по отношению к телам погибших в соответствии с их профессиями или воинскими званиями, давно потеряла моральное право говорить о гуманизме, толерантности и общечеловеческих ценностях.

    “Обвинения в отношении Азербайджана в контексте гуманизма и гуманитарного права, озвученные нынешним руководством Армении, которое открыто отказалось принести извинения в связи с совершенными против Азербайджана и его гражданского населения прежним военно-политическим руководством Армении тяжких военных преступлений и преступлений против человечности, являются вопиющим лицемерием.

    Мировая общественность понимает, что военно-политическое руководство Армении несет прямую ответственность за целенаправленную эскалацию конфликта в направлении Товуза и попытка этой страны воспользоваться ситуацией вокруг Гургена Алавердяна обречена на провал.

    Азербайджанская сторона вновь решительно отвергает необоснованные обвинения Армении в адрес нашей страны о нарушении гуманитарного права и “армянофобии”, призывает международное сообщество предпринять действенные шаги, чтобы удержать Армению от попыток эскалации и без того сложной ситуации в регионе”, – подчеркнули в министерстве иностранных дел.

  • XİN-dən Qurgen Alaverdyanla bağlı Ermənistanın iddialarına REAKSİYA

    2020-ci ilin avqustun 23-də Azərbaycan və Ermənistan silahlı qüvvələrinin Azərbaycan Respublikasının Goranboy rayonu istiqamətində təmas xəttində Ermənistan silahlı qüvvələrinin diversiya-kəşfiyyat qrupu təxribat törətməyə cəhd edib.

    Xarici İşlər Nazirliyinin mətbuat xidmətindən verilən məlumata görə, Azərbaycan silahlı qüvvələrinin bölmələri tərəfindən görülən qəti tədbirlər nəticəsində təxribatın qarşısı alınıb, təxribat qrupunun rəhbəri, Ermənistan silahlı qüvvələrinin baş leytenantı Qurgen Alaverdyan zərərsizləşdirilib.

    İstintaqa cəlb edilmiş sözügedən şəxs Ermənistan silahlı qüvvələrinin rəhbərliyi tərəfindən Azərbaycan Respublikasının silahlı qüvvələrinin şəxsi heyətinə və hərbi infrastruktura zərər yetirmək tapşırığı əsasında bir qrup Ermənistan hərbçisi ilə birlikdə Azərbaycan ordusunun mövqelərinə basqın təşkil etmək niyyəti ilə hərəkət etdiklərini etiraf edib.

    Ermənistan silahlı qüvvələri tərəfindən cəbhə xəttinin müxtəlif hissələrində son günlər intensivləşən kəşfiyyat tədbirləri, o cümlədən, pilotsuz uçuş aparatlarından istifadənin genişlənməsinin müşahidə edildiyi bir vaxtda, Qurgen Alaverdyanın rəhbərliyi ilə həyata keçirilən kəşfiyyat-diversiya fəaliyyəti Ermənistan hərbi-siyasi rəhbərliyinin cəbhə xəttində növbəti hərbi avantüra güddüyünü göstərir və hərbi vəziyyəti gərginləşdirmək niyyətinin göstəricisi kimi qəbul edilməlidir.

    Ermənistanın bu mənfur niyyətinin ifşa olunmasından sonra keçirdiyi isteriya və panika vəziyyətində Azərbaycana qarşı əsassız və sərsəm ittihamlar səsləndirməsi beynəlxalq ictimaiyyətin və erməni cəmiyyətinin diqqətini öz hərbi avantürist siyasətinin uğursuzluqlarından yayındırmaq cəhdidir.

    Ermənistan tərəfinin Azərbaycana qarşı beynəlxalq humanitar hüququn pozulması, “ermənifobiya” kimi əsassız ittihamlar ehtiva edən bəyanatlarını qətiyyətlə rədd edirik. Azərbaycan tərəfi əsir götürülən Qurgen Alaverdyana münasibətdə humanitar hüququn tələblərinə uyğun olaraq davranıb.

    Bu xüsusda, yada salmaq yerinə düşər ki, Azərbaycana qarşı beynəlxalq humanitar hüququn pozulmasına dair iddialar irəli sürən ölkə 30 ilə yaxındır ki, Azərbaycan Respublikasına qarşı müharibə və insanlıq əleyhinə cinayətlər, o cümlədən, soyqırımı və etnik təmizləmə ilə müşaiyət olunmuş hərbi təcavüz aktı törədən Ermənistandır.

    Ermənistanın Azərbaycan Respublikasına qarşı təcavüzü nəticəsində 20 min azərbaycanlı qətlə yetirilib, 50 min şəxs əlil olub, bir milyona yaxın mülki şəxs öz doğma yaşayış yerlərindən zorla vəhşicəsinə qovulub, 5364 nəfər itkin düşüb, əsir və girov götürülərək, Ermənistan tərəfindən ağır işgəncə və alçaldıcı rəftara məruz qalıb. Bu şəxslərdən dörd minə yaxın insanın taleyi hələ də məlum deyildir.

    Ermənistan hal-hazırda soydaşlarımız, mülki şəxslər Dilqəm Əsgərov və Şahbaz Quliyevi girovluqda saxlayaraq, onları işgəncəyə məruz qoymuş, qanunsuz olaraq azadlıqdan məhrum edib.

    Ermənistan silahlı qüvvələrinin zabitinin əsir götürülməsi kontekstində humanitar hüququ, o cümlədən Cenevrə konvensiyalarını yadına salan Ermənistan, bu ölkənin əvvəlki və hazırkı hakimiyyəti Azərbaycanın beynəlxalq ictimaiyyət, o cümlədən, ATƏT-in Minsk Qrupunun həmsədri olan ölkələr tərəfindən dəstəklənən hər iki tərəfdə olan əsir və girovların “hamının hamıya qarşı” prinsipi ilə dəyişdirilməsi təklifinə inadkarcasına etiraz etdiyini unutmamalıdır.

    Azərbaycana qarşı sərsəm iddialar irəli sürən Ermənistan insanlığın ən adi dəyərlərini və beynəlxalq humanitar hüququn ən ümdə prinsiplərini heçə sayaraq, münaqişə gedişində həlak olmuş şəxslərin meyitlərini belə siyasi və maddi qazanc obyekti etməkdən çəkinməyib, meyitlərə münasibətdə onların peşələrinə və ya hərbi rütbələrinə uyğun olaraq “qiymət cədvəli” tətbiq edən bir dövlət olaraq, humanizm, tolerantlıq və bu kimi ideyalardan danışmağa mənəvi haqqını çoxdan itirib.

    Ermənistanın əvvəlki hərbi-siyasi rəhbərliyinin Azərbaycana və onun mülki vətəndaşlarına qarşı törədilmiş ağır müharibə və insanlıq əleyhinə cinayətlərə görə üzr istəməkdən açıq aydın boyun qaçıran hazırkı Ermənistan rəhbərliyinin humanizm və humanitar hüquqla bağlı Azərbaycana ittiham irəli sürməsi riyakarlığın ən son həddidir.

    Azərbaycana qarşı sülhün təsisi üçün əlverişli mühitə zərbə vurmaqla bağlı ittiham irəli sürən Ermənistan cari ilin 12-16 iyul tarixlərində dövlət sərhədinin Tovuz istiqamətində cəhd etdiyi hücum, bunun ardınca cəbhə xəttində vəziyyəti gərginləşdirən, münaqişənin nizama salınması cəhdlərinə zərbə vuran təhrikçi və təxribat xarakterli bəyanat və hərəkətləri ilə yaranmış vəziyyətə görə məsuliyyəti öz boynundan atmağa hədəflənmiş uğursuz cəhd göstərir.

    Dünya ictimaiyyəti, Tovuz istiqamətində vəziyyətin məqsədyönlü gərginləşməsində Ermənistanın hərbi-siyasi rəhbərliyinin birmənalı məsuliyyət daşıdığını anlayır və bu ölkənin hərbi əsir Qurgen Alaverdyan ətrafında vəziyyətdən diqqəti yayındırmaq məqsədilə istifadə etmək cəhdi uğursuzluğa məhkumdur.

    Azərbaycan tərəfi bir daha Ermənistan tərəfinin ölkəmizə qarşı humanitar hüququn pozulması və ermənifobiya ilə bağlı əsassız ittihamları qətiyyətlə rədd edir, beynəlxalq ictimaiyyəti bu ölkəni bölgədə onsuz da həssas olan vəziyyəti gərginləşdirmək cəhdlərindən çəkindirmək üçün əməli addımlar atmağa çağırır.