Median.Az

Month: September 2020

  • Sulutəpədə zibilliyə çevrilən ərazi təmizləndi – FOTO

    Bakının Binəqədi rayonu, Sulutəpə qəsəbəsindəki “Əkbər” marketin ətrafında məişət tullantılarının vaxtında təmizlənməməsi barədə məlumat vermişdik.

    Ərazidə yaranmaqda olan ekoloji fəlakətin qarşısı alınıb.

    Bu barədə Oxu.Az-ın sorğusuna cavab olaraq Binəqədi Rayon İcra Hakimiyyətindən məlumat verilib.

    Bildirilib ki, müraciətdən sonra həmin ərazidə araşdırma aparılıb:

    “Araşdırma zamanı həmin əraziyə sakinlər tərəfindən qabaritlərin atıldığı müşahidə edilib. Tullantılar nəticəsində yaranan xoşagəlməz vəziyyət qısa zaman ərzində aradan qaldırılıb. Eyni zamanda sakinlərə həmin əraziyə yenidən tullantıların atılmaması istiqamətində müvafiq xəbərdarlıq edilib”.

    Xatırladaq ki, bir müddət əvvəl Bakı Şəhər İcra Hakimiyyəti Binəqədi rayonunun qəsəbələrinin sanitar vəziyyəti, əhalini narahat edən problemlər və məişət tullantılarının vaxtında daşınması məsələlərinin araşdırılması məqsədi ilə monitorinq keçirilib.



  • Şamaxıda yaşlı ər və arvadı döyüb qarət edənlər həbs olundu – VİDEO

    Şamaxıda qadın və kişini öz evində döyərək quldurluq edən şəxslər həbs olunub.

    Report xəbər verir ki, Şamaxı şəhər sakini Niyazova Zərifə İsmayıl qızı rayon Polis Şöbəsinə müraciət edərək bildirib ki, 24 avqust 2020-ci il tarixdə gecə saat 2 radələrində yaşadığı Şamaxı şəhər H.Ciddi küçəsi ev 11 ünvanında yerləşən fərdi yaşayış evinə naməlum şəxslər hücum edərək onu və həyat yoldaşı Niyazov Polad Məcid oğlunu döyərək əmlakını talan edib.

    Keçirilmiş istintaq tədbirləri zamanı məlum olub ki, Şamaxı şəhər sakinləri 21 yaşlı Heybətov Elxan Ənvər oğlu, 28 yaşlı Həmidov Pərvin Babək oğlu və 35 yaşlı Pənahov Valeh İbadulla oğlu özgənin xeyli miqdarda əmlakını ələ keçirmək məqsədilə qabaqcadan əlbir olub və bir qrup şəxs halında cinayət əlaqəsinə giriblər.

    Onlar həmin gecə Z.Niyazovanın yaşadığı fərdi yaşayış evinin taxta pəncərəsini sındıraraq qanunsuz olaraq mənzilə daxil olub, evdə olan qadın və kişidən 22 min ABŞ dolları məbləğində pulun verilməsini tələb edərək yumruqla, evdə olan çəliklə (əsa) və bıçaqla Z.Niyazovanı və P.Niyazovu vuraraq onlara müxtəlif dərəcəli bədən xəsarətləri yetiriblər. Sonra quldurlar evdə olan “Nokia 112” və “Samsung Galaxy J2” markalı mobil telefonları, 17 AZN nağd pulu götürərək qaçıblar.

    Hazırda onlar barəsində Azərbaycan Respublikası Cinayət Məcəlləsinin 181.2.1, 181.2.3,181.2.4 və 181.2.5-ci maddələri ilə cinayət işi açılıb, məhkəmənin qərarı ilə həbs qətimkan tədbiri seçilib.

    Araşdırma davam edir.

  • Прошло 96 лет со дня смерти Гаджи Зейналабдина Тагиева

    Сегодня, 1 сентября, отмечается 96-ая годовщина со дня смерти известного миллионера, мецената, действительного государственного советника Российской империи, основателя первой на мусульманском Востоке женской школы Гаджи Зейналабдина Тагиева.

    Гаджи Зейналабдин Тагиев родился в 1838 году 25 января (по некоторым данным – 10 января) в Баку в неимущей семье башмачника Таги. Мать, Умми ханум, скончалась, когда мальчику было десять лет.

    Он был трудолюбивым и терпеливым человеком. В 10 лет отец устраивает его подмастерьем к одному из бакинских каменщиков. Тагиев начинает таскать кадки с раствором. В 12 лет он уже обтесывал камни, а в 15 лет начинает работать каменщиком.

    Вскоре становится строителем-подрядчиком. Уже обладая немалым состоянием, Тагиев лично контролировал строительство всех своих домов, в частности каменотесные работы.

    В 1873 году Тагиев с компаньонами арендовал землю в Биби-Эйбате.

    Расходы с каждым днем росли, а нефти все еще не было. Выкупив у компаньонов их долю, он становится единоличным владельцем участка земли. Наконец из скважины забил фонтан черного золота.

    Тагиев понимал, что для увеличения доходов надо вкладывать инвестиции и в другие отрасли. Разбогатев, Тагиев первым делом прокладывает шоссейную дорогу из города до своего промысла, что находился в Биби-Эйбате, а затем удлиняет ее до Биби-Эйбатской мечети.

    К началу 80-х годов XIX века тагиевской фирме принадлежали 30 десятин нефтеносной земли в селениях Балаханы и Биби-Эйбат, две шхуны для перевозки нефтепродуктов, склады в Царицыно, Нижнем Новгороде и Москве, два завода: керосиновый и по выпуску смазочных масел.

    В 1895-1897 годах, за три года, Гаджи Зейналабдин выстроил в центре Баку большой дворец.

    В 1901 году, вложив 300 тыс. рублей, Тагиев открывает первую в Баку женскую школу. Это была единственная школа европейского типа не только в Баку и Азербайджане, но и во всем мусульманском мире.

    С приходом большевиков к власти ситуация изменилась. У миллионеров было конфисковано все личное имущество. По просьбе мардакянцев, Нариманов предоставил Тагиеву право выбора места жительства. Гаджи выбрал дом в Мардакянах.

    Гаджи Зейналабдин Тагиев умер в 1924 году 1 сентября на 86-м году жизни.

  • Hacı Zeynalabdin Tağıyevin vəfatından 96 il ötür

    Bu gün Azərbaycanın görkəmli ictimai xadimi, müsəlman Şərqində ilk qızlar məktəbinin yaradıcısı Hacı Zeynalabdin Tağıyevin vəfatından 96 il ötür.

    Hacı Zeynalabdin Tağıyev 1823-cü ildə Bakıda kasıb başmaqçı ailəsində anadan olub. O, kiçik yaşlarında fəhləlik edib, 15 yaşından bənnalığa başlayıb. Bir müddətdən sonra tikinti ustası və təşkilatçısı kimi tanınıb. Müəyyən qədər vəsait toplayaraq artıq 20 yaşında ev tikintisi və daşyonma işləri təşkil edib. Özünün sonrakı tikinti işlərinə də şəxsən nəzarət edib.

    Tikdirdiyi binalarda, məsələn, özünün yaşadığı binada və şəxsən açdırdığı Qızlar gimnaziyasının binasında onun dəsti-xətti hiss edilir.

    Sonradan o özünü ticarətdə və yüngül sənayedə də sınayır. Hər ikisində qabiliyyəti ilə uğur qazanır, dükanlara və manufakturaya sahib olur. O, həm də Bakı neftini, Xəzər dənizi və Qafqaz dəmir yolu vasitəsilə ixrac edən ən böyük sahibkarlardan idi. Məqsədyönlü tədbirləri nəticəsində Tağıyev Azərbaycan iqtisadiyyatının müstəmləkə xarakterinə zərbə vuran, onu sındıran ilk milli sənayeçilərdən oldu. Hacı Zeynalabdin Tağıyev Azərbaycanın görkəmli ictimai xadimi olmaqla yanaşı, həm də ölkənin neft sənayesinin banilərindən biridir.

    1870-ci ildə Tağıyevin artıq iki qazanxanadan ibarət kerosin zavodu var idi. Kerosin zavodu ilə yanaşı o sonradan “Hacı Zeynalabdin” şirkətini yaradır. Onu Bakıdakı müsəlman, rus, erməni və yəhudi cəmiyyəti xeyriyyəçilərinin hamısı özlərinə fəxri sədr seçmişdilər. Bu dövrlərdə Bakı əsl neft səltənətinə çevrilmişdi. Bakı ətrafındakı kəndlərdə torpaqlar Rusiyadan və xaricdən gəlmiş sərmayədarlar tərəfindən alınıb, kəndlərdə neft buruqları ucaldılırdı. Bu Hacını da maraqlandırır və tikintini buraxaraq, neft hasilatı ilə məşğul olur.

    1872-ci ildə neftli torpaqlar hərraca qoyulduqda Tağıyev də torpaq payı icarəyə götürür. Ümidini heç zaman itirməyən Tağıyev, nəhayət, arzusuna çatır. Götürdüyü torpaqdan neft fəvvarə vurur. “H.Z.Tağıyev” adlandırdığı neft şirkətini qeydiyyata aldıran Zeynalabdin mədənində ustalara yüksək maaş verir, ən yeni avadanlıq quraşdırır. Nəticədə onun gəlirləri sürətlə artmağa başlayır. Bundan sonra o həm də neft zavodları alır. 1896-cı ildə onun neft şirkəti hasilatda ən yüksək göstəriciyə nail olur. 32 milyon pud (512 min ton) neft hasil edir.

    Hacı Zeynalabdin Tağıyev 1901-ci ildə 300 min manatlıq vəsait sərf edərək, Bakıda ilk Qızlar məktəbi tikdirir. Bu bütün Zaqafqaziyada yeganə qızlar məktəbi idi. Binanı 1898-ci ildə tikməyə başlayırlar və 1900-cü ildə hazır olur. Qızlar məktəbinin binası Azərbaycan memarlığının milli-romantik üslubunda tikilib. Əsas fasaddakı divar bir cərgə ağ, digər cərgə isə qızılı daşdan hörülüb.

    Sovet Rusiyasının 28 aprel 1920-ci ildə Azərbaycanı işğal etməsi ilə vəziyyət kökündən dəyişir.

    İnsanların mülkiyyəti əlindən alınır, milli kadrlar və ziyalılar təqib edilməyə başlanır, hər şey SSRİ-nin maraqlarına yönəlir. Yerli əhalinin xahişi ilə yeni hakimiyyətin rəhbərlərindən biri olan Nəriman Nərimanovun göstərişi ilə Tağıyevə mülk seçmək imkanı verilir. O əlindən alınmış keçmiş mülkiyyətlərindən ancaq Mərdəkandakı bağ evini seçir.

    1924-cü il sentyabr ayının 1-də vəfat edən Tağıyev öz vəsiyyətinə uyğun olaraq Mərdəkan qəsəbəsində torpağa tapşırılıb.

    Hacı Zeynalabdin Tağıyev Azərbaycan xalqının tarixinə milli kadrların hazırlanmasına böyük təsiri olan bir xeyriyyəçi və milyonçu kimi daxil olub. Tağıyev ölkəmizdə incəsənət, jurnalistika və təhsilin qurulmasına və inkişaf etdirilməsinə yardım göstərirdi.

    Neft işi ilə məşğul olduqdan sonra ölkəsinin ən varlı insanlarından birinə çevrildi. Çox sayda imkansız uşağın təhsil haqqını verib, onları oxutdu. Məktəblərə yardım etdi. Bakıda ilk sənət məktəbini açdı. Qubadan Bakıya su kəməri çəkdirdi. Mərdəkanda elektriklə işləyən dəyirman tikdirdi. Bu, Hacı Zeynalabdin Tağıyevin millətimiz üçün gördüyü işlərin yalnız bir qismidir. Onun Azərbaycan xalqı qarşısında ən böyük xidmətlərindən biri qızları təhsilə cəlb etməsidir.

  • В Гахском районе Азербайджана мужчина поджег дом – ВИДЕО

    В селе Узунтала Гахского района в доме, принадлежащем Джуме Керимову, произошел пожар.

    К его ликвидации были привлечены техника и личный состав Госслужбы пожарной охраны МЧС.

    В результате инцидента двухкомнатное строение площадью 60 кв. м и вся утварь в нем полностью сгорели.

    По предварительным данным, хозяин поджег дом, в котором живет вместе с семьей, и ушел.

    По данному факту проводится расследование.

  • Azərbaycanda kişi evini yandırıb – VİDEO

    Qaxın Uzuntala kəndində fərdi yaşayış evlərindən birində anidən yanğın başlayıb.

    İlkin məlumata görə, ev sahibi Cuma Kərimov ailəsi ilə birgə yaşadığı evi yandıraraq həmin ərazidən uzaqlaşıb.

    Hadisə yerinə Dövlət Yanğından Mühafizə Xidmətinin texnikası və şəxsi heyəti cəlb olunub.

    Yanğın zamanı 60 kvadratmetrlik sahə, iki otaq və bir hamamdan ibarət olan yerdən tikilmə ev içərisindəki əşyalarla birlikdə tamamilə yanıb.

    Faktla bağlı araşdırmalara başlanılıb.

  • В Баку загорелся пассажирский автобус

    В Сабунчинском районе города Баку сгорели воспламеняющиеся конструкции пассажирского автобуса Iveco, сообщает МЧС.

    Пожар был потушен.

    Комментируя данный инцидент, пресс-секретарь Бакинского транспортного агентства Маис Агаев сказал, что возгорание произошло сегодня утром.

    “Находящийся на балансе ООО BakuBus автобус (99JH246) загорелся.

    В соответствии с инструкцией водитель начал немедленную эвакуацию пассажиров, в результате чего никто не пострадал. В настоящее время ведется расследование”, – отметил М.Агаев.

  • Bakıda sərnişin avtobusu yandı

    Bakı şəhərinin Sabunçu rayonunda “Iveco” markalı sərnişin avtobusunun yanar hissələri alışıb.

    Bununla bağlı Fövqəladə Hallar Nazirliyi məlumat yayıb.

    Yaxınlıqdakı avtomobillər yanğından mühafizə olunub. Alov yanğından mühafizə bölmələri tərəfindən söndürülüb.

    Məsələ ilə bağlı açıqlama verən Bakı Nəqliyyat Agentliyinin mətbuat katibi Mais Ağayev bildirib ki, hadisə bu gün səhər saatlarında baş verib:

    “BakuBus” MMC-nin istismarında olan 24 nömrəli müntəzəm marşrut xətti üzrə hərəkət edən 99-JH-246 dövlət qeydiyyat nişanlı avtobusda yanğın hadisəsi olub.

    Yanğın zamanı sürücü təlimata uyğun davranaraq dərhal sərnişinləri təxliyyə edib. Nəticədə sərnişinlər arasında xəsarət alan olmayıb. Hazırda hadisə ilə bağlı müvafiq araşdırmalar aparılır”.

  • Smartfonun batareyası çox qızırsa, nələrə fikir vermək lazımdır?

    Tətbiqlərin işləməsi üçün kifayət qədər keyfiyyətli rabitə olmasa, qadjetlər qıza bilər. Belə ki, yüksək sürətli internetə çıxış olmadıqda, tətbiqlər çox sayda sorğu göndərir, buna görə həm telefon çox qızır, həm də batareyası tez tükənir.

    “Praym”ın məlumatına görə, bu barədə Rusiyada “Rəqəmsal platforma” Muxtar qeyri-kommersiya təşkilatnın baş direktoru Arseniy Şeltsin bildirib.

    Onun sözlərinə görə, smartfon müxtəlif funksiyalardan – internet, “Wi-Fi”, “Bluetooth” və GPS-dən aktiv istifadə edərkən də prosessor həddindən artıq isinə bilər:

    “Cihazların fasiləyə ehtiyacı var və bəzən bir müddət üçün söndürülməlidir”.

    Telefon tətbiqlərdə proqram səhvlərinə görə də qıza bilər, bu zaman tətbiq bağlanmalıdır.

    “Batareyanın həddindən artıq qızması orijinal olmayan şarj cihazının istifadəsi və ya batareyanın nasazlığı səbəbindən ola bilər”, – deyə mütəxəssis əlavə edib.

    Şeltsin qadjetə su daxil olmasının da isinməyə səbəb ola biləcəyini açıqlayıb. Onun sözlərinə görə, bu vəziyyətdə telefon təmirə aparılmalıdır.

  • Gecə qıcolmaları: Normadır, yoxsa xəstəlik əlaməti?

    Yuxuda olarkən qeyri-iradi əzələ daralması xəstəlik əlaməti ola bilər.

    “Sputnik”in məlumatına görə, bu barədə nevroloq və yuxu həkimi Yelena Tsareva danışıb.

    Onun sözlərinə görə, əslində yuxuya getmə prosesi zamanı baş verən qısa qıcolmalar normaldır. İnsan yavaş-yavaş rahatlandığı üçün qeyri-iradi əzələ daralmaları baş verir. Bu fenomen miyokloniya adlanır və demək olar ki, bütün insanlarda rast gəlinir :

    “Yuxudan əvvəl biz diksinirik. Buna miyokloniya deyilir. Bu, bədənin, yaxud bir hissəsinin bir və ya ikiqat titrəməsidir. Güman olunur ki, bu, gün ərzində toplanmış gərginliyin sərbəst buraxılmasıdır. Müalicə etməyə ehtiyac yoxdur, patoloji deyil, hər hansı bir xəstəlikdən xəbər vermir. Belə qıcolma ömrün keyfiyyətinə və müddətinə təsir etmir”.

    Miyokloniya tez-tez “narahat ayaqlar sindromu” ilə səhv salınır. Hərəkət etməyə, durub gəzməyə məcbur edən gərginlik bu sindrom üçün də xarakterikdir. Adətən gecə, sakitlik vaxtı yaranır, bəzən isə yuxusuzluqla nəticələnir. Düzgün olmayan qidalanma bu sindromun yaranma səbəbi ola bilər:

    “Stress fonunda bir adam çox miqdarda kofein istehlak edərsə, bu yarana bilər. Çay, qəhvə, şokolad və enerji içkiləri gecə hərəkət aktivliyini təhrik edə bilər. “Narahat ayaqlar sindromu”ndan əziyyət çəkən insanlar kofeindən imtina etməklə problemlərini həll edə bilərlər”.

    Həkimin sözlərinə görə, əgər pəhriz kömək etmirsə, əzələ daralması bir-iki dəfədən artıq baş verirsə, bu, xəstəlik əlamətidir.

    “Az müddət ərzində dörd qıcolma nevroloji xəstəlik və ya “narahat ayaqlar sindromu” ilə yanaşı, başqa xəstəlik ola bilər”, – deyə mütəxəssis bildirib.