Month: March 2021

Ümumdünya Səhiyyə Təşkilatının (ÜST) Avropa üzrə direktoru Hans Klüqe COVID-19 pandemiyasının təxminən 10 ay sonra bitəcəyini, ancaq bunun virusun yox olacağı mənasını vermədiyini bildirib.

Bu barədə H.Klüqe Almaniyanın “Die Welt” qəzetinə müsahibə verib.

O deyib ki, 2021-ci ilin də “COVID-19 ili” olacağını təxmin edir:

“İndi vaxtında diaqnoz və peyvənd var, bununla belə pandemiyanın 2022-ci ilin əvvələrində bitəcəyini düşünürəm. Amma epidemiyanın ortadan qalxması virusun tam yox olması mənasını vermir. Sadəcə sərt məhdudlaşdırmalara gərək qalmayacağına ümid edirəm”.

ÜST rəsmisi qeyd edib ki, epidemiya ilə mübarizədə bu il 3 nüansa diqqət yetirilməlidir:

• peyvəndetmə proqramını sürətləndirilməli,

• yeni mutasiyalara qarşı peyvəndlərin adaptasiya edilməli,

• ictimai məsafə və digər sağlıq tədbirlərinin davam etməlidir.

“Epidemiya tədbirlərindən insanlar yorulub, amma səbirli olmamız lazımdır”, – H.Klüqe əlavə edib.

///Publika.az

DİN Mətbuat xidmətinin rəisi, polis polkovniki Ehsan Zahidov qafqazinfo-nun sorğusuna cavab olaraq bildirib ki, əvvəlcədən xəbərdarlıq edilməsinə baxmayaraq bu gün bir qrup qadın icra hakimiyyəti ilə razılaşdırılmamış qanunsuz aksiya keçirməyə cəhd ediblər:

“Dərhal polis əməkdaşları tərəfindən aksiyanın qarşısı alınıb. Təxminən 15 nəfərə yaxın iştirakçı saxlanılıb, onlara xəbərdarlıq edilərək ərazidən uzaqlaşdırılıblar”.

Daxili İşlər Nazirliyi Bakıda bir qrup feministin aksiya keçirməyə cəhd etməsi ilə bağlı açıqlama yayıb.

DİN-in Mətbuat xidmətindən bildirilib ki, aksiya zamanı saxlanılan olmayıb:

“Qabaqcadan edilmiş xəbərdarlığa baxmayaraq, aksiya keçirməyə cəhd edən şəxslərin ərazidən uzaqlaşdırılması təmin edilib”.

Martın 7-də daxili işlər orqanları tərəfindən, gün ərzində törədilmiş 26 cinayətin üstü “isti izlər”lə açılıb.

Bu barədə Daxili İşlər Nazirliyinin yaydığı məlumatda bildirilir.

Əvvəlki dövrlərdən bağlı qalmış 8 cinayətin açılması təmin olunub.

Axtarışda olduğuna görə ümumilikdə 11 nəfər, o cümlədən borclu şəxs qismində axtarışda olan bir nəfər saxlanılaraq aidiyyəti üzrə təhvil verilib.

Respublikanın avtomobil yollarında iki yol-nəqliyyat hadisəsi baş verib, nəticədə iki nəfər ölüb.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 19, qanunsuz saxlanılan silah-sursatla bağlı bir fakt müəyyən edilib.

Cinayət törətməkdə şübhəli bilinən 34 nəfər saxlanılıb.

Göygöldə yağan qar nəqliyyatın hərəkətini çətinləşdirib.

DİN-in Mətbuat Xidmətinin Gəncə regional qrupunun baş inspektoru Eşqin Qasımov bildirib ki, hava şəraitinin dəyişməsi ilə əlaqədar Göygöl RPŞ-nin əməkdaşları gücləndirilmiş iş rejiminə keçib.

Bununla əlaqədar RPŞ-nin Dövlət Yol Polis Bölməsinin əməkdaşları rayon ərazisində mütəmadi xidmət apararaq, sürücü və piyadaların hərəkətinin təhlükəsizliyinin təmin edilməsi istiqamətində işlər görür. Göygöl rayon sakinlərindən, xüsusi ilə dağ kəndlərində yaşayanlardan xahiş olunur ki, mümkün qədər yaşayış yerlərini tərk etməsinlər, nəqliyyat vasitəsi idarə edənlər isə ara məsafə, minimal sürət və digər zəruri tədbirlərə riayət etsinlər.

Quba-Xaçmaz yolunda hərəkətdə olan yük avtomobilində daşınan almalar yola dağılıb.

“Report”un Şimal bürosunun verdiyi məlumata görə, hadisə Quba-Xaçmaz yolunun Alekseyevka kəndi ərazisində qeydə alınıb.

Hadisə nəticəsində plastik yeşiklərə yığılmış almalar yola dağılıb.

Hadisəyə səbəb isə yük avtomobilinin örtük hissəsinin (tent) cırılması olub.