Türkiyədə Çinin “Sinovac” firmasına aid koronavirus peyvəndinin effektivliyi barədə aparılan testlərin nəticəsi 83.5 faiz olub.
Aparılan tədqiqatların nəticəsində peyvəndin xəstəliyin ağır şəkildə keçməsinin və ya xəstələrin tibb müəssisəsinə yerləşdirilməsinin qarşısını almaq göstəricisi 100 faiz olub.
Qeyd edək ki, araşdırma Türkiyənin Hacettepe Universitetinin koordinatorluğunda ölkədəki 24 mərkəzdə həyata keçirilib.
Gəncə şəhərinin Nizami rayonunda yanğın baş verib.
Bu barədə Fövqəladə Hallar Nazirliyi məlumat yayıb.
Bildirilib ki, ümumi sahəsi 100 m² olan birmərtəbəli beşotaqlı evin üç otağının yanar konstruksiyaları və dam örtüyü 71 m² sahədə, digər otağının tavanı 16 m² sahədə yanıb.
Evin qalan hissəsi və yaxınlıqdakı evlər yanğından mühafizə olunub.
Yanğın yanğından mühafizə bölmələri tərəfindən söndürülüb.
Bu gün AFFA-nın icraçı vitse-prezidenti Elxan Məmmədov Mərakeş Krallığının ölkəmizdəki səfiri Mohamed Adil Embarşı qəbul edib.
Bu barədə AFFA məlumat yayıb.
Bildirilib ki, görüş milli assosiasiyanın inzibati binasında baş tutub.
Hər iki tərəf futbol sahəsində ikitərəfli münasibətlərin inkişaf imkanlarını müzakirə edib.
Azərbaycan Respublikasının Prezidenti İlham Əliyev martın 3-də Pakistan İslam Respublikasının Birləşmiş Qərargah Rəisləri Komitəsinin sədri general Nadim Razanın başçılıq etdiyi nümayəndə heyətini videoformatda qəbul edib.
Baku TV çıxışın yayımını təqdim edir
Göyçayda 37 yaşlı kişi dəm qazından boğularaq ölüb.
“Qafqazinfo” xəbər verir ki, hadisə şəhərin Rəsul Rza küçəsində qeydə alınıb.
Belə ki, Göyçay səhər sakini, 1984-cü il təvəllüdlü Həsənov Emin Kamil oğlu yaşadığı evin hamam otağında dəm qazından boğularaq həyatını itirib.
Faktla bağlı rayon prokurorluğunda araşdırma aparılır.
“Təhsil müəssisələrinin pedaqoji və texniki heyətinin vaksinasiya prosesi məcburi deyil”.
Bunu jurnalistlərə açıqlamasında Bakı Şəhər Təhsil İdarəsinin müdiri Mehriban Vəliyeva bildirib.
O qeyd edib ki, təhsil işçiləri vaksinasiya prosesi üçün könüllü olaraq müraciət edirlər:
“Vaksinasiyadan imtina edən müəllimlərə qarşı tənbeh və ya cəza olması barədə heç bir qərar yoxdur”.
Müdafiə nazirinin müvafiq əmrinə əsasən hərbi qulluqçuların aylıq vəzifə maaşlarına müəyyən edilən müddətli əlavələrin nə zaman ödəniləcəyi açıqlanıb.
Müdafiə Nazirliyindən APA-nın sorğusuna cavab olaraq bildirilib ki, hərbi qulluqçulara yaxın günlərdə yeni əlavələr ödəniləcək: “Maliyyə ödəməsi keçən ilin dekabr, cari ilin yanvar və fevral aylarını əhatə edəcək”.
Qeyd edək ki, əmrə əsasən, Azərbaycan Ordusunun Ermənistanla dövlət sərhədində və Azərbaycanın Qarabağ bölgəsində Rusiya Federasiyası sülhməramlı kontingentinin yerləşdirildiyi zonaya bitişik ərazilərdə hərbi xidmət keçən hərbi qulluqçuların aylıq vəzifə maaşlarına 100 faiz həcmində müddətli əlavələr təyin edilib.
İşğaldan azad edilmiş və hazırda infrastruktur qurulmayan ərazilərdə hərbi xidmət keçən hərbçilərin aylıq vəzifə maaşlarına isə 50 faiz həcmində müddətli əlavələr təyin olunub.
Türkiyədə Çinin “Sinovac” firmasına aid koronavirus peyvəndinin effektivliyi barədə aparılan testlərin nəticəsi 83.5 faiz olub.
Bu barədə “Hürriyet” yazıb.
Aparılan tədqiqatların nəticəsində peyvəndin xəstəliyin ağır şəkildə keçməsinin və ya xəstələrin tibb müəssisəsinə yerləşdirilməsinin qarşısını almaq göstəricisi 100 faiz olub.
Qeyd edək ki, araşdırma Türkiyənin Hacettepe Universitetinin koordinatorluğunda ölkədəki 24 mərkəzdə həyata keçirilib.
Balakən rayonunda itkin düşən azyaşlı tapılıb.
Bu barədə Daxili İşlər Nazirliyi məlumat yayıb.
Bildirilib ki, Balakən Rayon Polis Şöbəsinə müraciət edən şəhər sakini qadın altı yaşlı övladının yaşadığı ünvandan təsadüfən çıxması və axtarışlarının nəticəsiz qaldığını bildirərək tapılması üçün köməklik göstərilməsini xahiş edib.
Polis Şöbəsinin Post Patrul Xidməti və Dövlət Yol Polisi bölməsinin əməkdaşları dərhal azyaşlının tapılması istiqamətində axtarış tədbirlərinə başlayıblar. Qısa zaman ərzində azyaşlı U.H şəhər ərazisində tapılaraq yaşadığı evində ailəsinə təhvil verilib.
Uşağın valideynləri övladlarının tapılaraq heç bir zərər görmədən onlara təhvil verilməsinə görə DİN rəhbərliyinə və Balakən Rayon Polis Şöbəsinin əməkdaşlarına minnətdarlıqlarını bildiriblər.
“Naxçıvan Qarnizonu Qoşunlarının 2021-ci tədris ilinə uzlaşma planı”na əsasən tabor, divizion komandirləri və müavinləri ilə komandir hazırlığı məşğələləri keçirilib.
Bu barədə Nuhçixan İnformasiya Agentliyi məlumat yayıb.
Bildirilib ki, komandir hazırlığı məşğələlərində əsas diqqət zabitlərin sülh və müharibə şəraitində komandir keyfiyyətlərinin əsasını təşkil edən mənəvi-psixoloji dayanıqlığının qorunmasına və bölmələri idarəetmə bacarıqlarının təkmilləşdirilməsinə yönəldilib.
Tabor, divizion komandirləri və müavinləri ilə keçirilən komandir hazırlığı məşğələlərində 44 günlük Vətən müharibəsində iştirak edən bölmələrin döyüş təcrübəsini özündə əks etdirən praktiki fəaliyyətlər imitasiya edilib.
Müasir tank texnikalarının gecə şəraitində döyüşdə tətbiqi ilə minalı sahələrdən, süni və təbii maneələrdən keçməklə atəş tapşırıqlarını yerinə yetirməsi praktiki olaraq göstərilib.
Komandir hazırlığı məşğələlərinə cəlb edilmiş zabitlərdən müxtəlif ixtisas və fənlər üzrə məqbullar qəbul edilib.