Month: April 2021

“Apple”ın qurğuları üçün nəzərdə tutulmuş “iOS 15” versiyası yenilənmiş interfeys və əlavə funksiyalar əldə edəcək. Bu haqda “Engadget” nəşri yazıb.

Median.Az ictnews.az-a istinadən bildirir ki, siyahıda dəyişdirilmiş bildirişlər yer alıb – istifadəçi nə ilə məşğul olmasından asılı olmayaraq onların davranışını idarə etmək imkanına yiyələnəcək. Əməliyyat sisteminin planşet versiyasında bloklama ekranı və ev ekranının işi təkmilləşdiriləcək.

İnsayderlərin məlumatına görə, “iMessage” messenceri yenilənəcək, onu sosial şəbəkəyə çevirmək istəyirlər. Lakin populyar proqramın nə dərəcədə dəyişiləcəyi bilinmir.

“iOS” və “iPadOS” əməliyyat sistemlərinin yeni versiyaları rəsmən iyunda keçiriləcək “WWDC” konfransında təqdim ediləcək.

Oruc tutarkən ən önəmli məsələlərdən biri maye qəbuludur.

Median.Az maide.az-a istinadən bildirir ki, maye qəbulunun normada olması lazımdır.

Bundan başqa, hansı mayelərin qəbuluna da diqqət yetirilməlidir. Elə mayelər seçilməlidir ki, həm sərinləşdirməli, həm də susuzluğun qarşısını almalıdır.

Türkiyəli məşhur dietoloq Aslıha Altuntaş bu barədə oruc tutanlara bəzi məsləhətlər verib:

– İmsaka qalxarkən öncə su için

Yetkin insanların günlük maye qəbulu norması 2-2,5 litrdir. Bunun 1-1,5 litri su halında, qalan hissəsi isə qidaların tərkibində qəbul edilməlidir. İmsakda yeməkdən öncə 400 qram, iftarda isə 1-2 stəkan su içilməsi məsləhətdir. Digər hissəni də iftarla imsak arasında içmək olar.

– Suya müxtəlif dadlandırıcı vasitələr qataraq su içməyi daha keyfli vəziyyətə gətirmək olar:

1. 3-4 dilim qabıqlı limon, 3-4 yarpaq nanə, biraz nanə, 1 ədəd kiçik xiyar

2. Bir neçə ədəd çiyələk, 3-4 yarpaq nanə, biraz şüyüd

3. Yarım limonun suyu, barmağın üçdə biri qədər zəncəfil, yaşıl almanın yarısı, 3-4 yarpaq

Bu qarışıqları 1-1,5 litr suya qoymaq və 2-3 saat soyuducuda gözlətdikdən sonra az-az içilməlidir.

Bundan başqa, ifatrdan 1-1,5 sat sonra kefir, qatıq və ya süd içə bilərsiniz. Bunlar həm maye ehtiyacınızı qarşılayır, həm də orqanizmi bol vitaminlə təmin edir.

ABŞ prezidenti Co Bayden uydurma “erməni soyqırımı”nın növbəti ildönümü ilə bağlı ənənəvi açıqlamasında “soyqırım” ifadəsindən istifadə edib.

Bayden “erməni soyqırımı” ifadəsini işlədən ilk ABŞ prezidentidir.

Bəzi Kütləvi İnformasiya Vasitələrində yer alan məlumata görə, Fövqəladə Hallar Nazirliyinin “Zığ” Modul Tipli Hospitalının həbs olunan baş həkimi İmran Ağayev və digər əməkdaşları TƏBİB-lə müqavilə əsasında işləyiblər.

Bu barədə TƏBİB-dən məlumat verilib.

TƏBİB-in açıqlamasında qeyd olunub:

“Birmənalı şəkildə bildiririk ki, bu məlumat həqiqəti əks etdirmir. TƏBİB ilə Fövqəladə Hallar Nazirliyi və ya onun xəstəxanası arasında hər hansı müqavilə bağlanmayıb. Hospital FHN-nin Tibb Xidməti nəzdində fəaliyyət göstərir və TƏBİB tərəfindən həmin hospitalın baş həkim və əməkdaşlarının fəaliyyətinə bu və ya digər formada müdaxilə və ya nəzarətdən söhbət gedə bilməz.

Onu da bildirək ki, TƏBİB olaraq dəfələrlə ictimaiyyətə hər hansı neqativ hallarla rastlaşdıqda hüquq mühafizə orqanlarına məlumat vermələri barədə müraciət etmişik. Bundan başqa, fəaliyyətində nöqsanlara yol verən tibb işçilərinin ifşası istiqamətində tərəfimizdən də indiyədək müəyyən tədbirlər görülüb. Nöqsanlara yol verən, qanunsuz əməllərlə məşğul olanlar tutduğu vəzifədən uzaqlaşdırılıb, bir çox tibb müəssisəsinin rəhbəri dəyişdirilib.

Bundan sonra da TƏBİB tərəfindən bu istiqamətdə ciddi mübarizə aparılacaq, kimliyindən asılı olmayaraq neqativ hallara yol verən şəxslərə qarşı hüquq-mühafizə orqanları ilə birlikdə müvafiq tədbirlər görüləcək”.

Gürcüstan Azərbaycanlılarının İnteqrasiya Mərkəzi (GAİM) Tbilisidə akkreditə olunmuş diplomatik nümayəndəliklərə Ermənistanın Azərbaycana mina xəritələrini verməməsi barədə ingilis, rus və gürcü dillərində məlumatın yer aldığı məktub ünvanlayıb.

Bu barədə GAİM-in yaydığı məlumatda bildirilib.

Sənəddə qeyd olunub ki, Ermənistan 30 illik işğal müddətində Azərbaycan torpaqlarında çoxlu sayda minalar basdırıb və beynəlxalq humanitar hüquqa əsasən bu, Azərbaycanın mülki əhalisinin hüquqlarını kobud şəkildə pozur: “Ermənistan minalardan məqsədli şəkildə istifadə edərək bunu Azərbaycanın mülki əhalisinə yönəldib. Bu, Ermənistanın hərbi cinayətlərinin nümunəsidir və Ermənistanın beynəlxalq öhdəliyinə ziddir. Ermənistan tərəfi Azərbaycan tərəfinə minalanmış ərazilərin xəritəsini təqdim etmir. Bu, eyni zamanda, Azərbaycan əhalisinə qarşı etnik təmizləmə siyasətinin və qətliamın davam etdirilməsidir”.

Məktubda xüsusilə vurğulanıb ki, erməni tərəfi hərbi əhəmiyyəti olmayan mülki əraziləri minalayıb, bu isə mülki vətəndaşlar üçün təhlükə mənbəyi yaradır: “Minalanmış ərazilər birbaşa olaraq mülki əhalini məqsədli şəkildə məhv etməyi hədəflədiyi üçün müharibə cinayəti kimi təsnif olunmalıdır. Buna görə də, humanitar böhran vəziyyətini dərinləşdirdiyinə və mülki əhalini hədəfə aldığına görə beynəlxalq hüquq müstəvisində Ermənistana qarşı hüquqi prosedurlar başlanmalıdır”.

GAİM bildirib ki, 30 il öz yurd-yuvalarından didərgin düşüb, qaçqın və məcburi köçkün həyatı yaşamağa məhkum edilmiş insanların haqları kəskin şəkildə pozulur: “Ərazilər təhlükəli olduğundan onlar hələ də öz evlərinə dönə bilmirlər. İşğaldan azad edilmiş torpaqların minalanması bu gün orada aktiv quruculuq işlərinin həyata keçirilməsinə də mane olur. 44 günlük Vətən müharibəsindən əldə olunmuş tarixi Qələbədən sonra azad olunmuş ərazilərdə geniş quruculuq işləri həyata keçirmək üçün ilk növbədə həmin yerlərin minalardan, partlamamış hərbi sursatlardan təmizlənməlidir. Amma Azərbaycan torpaqlarını işğal altında saxladığı dövrdə hər yeri, hətta, hərbi təyinatı olmayan əraziləri də minalayan Ermənistan minalı sahələrin xəritələrini verməməkdə israrlıdır. Bunun üçün də növbəti məkrli plana əl atır və yalandan minalanmış ərazilərin xəritəsinin olmadığını bildirir”.

Sənəddə deyilir ki, Ermənistanın məqsədi mümkün qədər çox mülki şəxsin həlak olmasıdır: “Bu da yerli sakinlərin qayıdışını çətinləşdirməyə, müddətini uzatmağa yönəlmiş bəşəri cinayətidir. Bunun hərbi cinayət olduğuna dair beynəlxalq qanunvericilik və konvensiyalar mövcuddur. Ermənistan istəyir ki, Azərbaycan minaaxtaranları və yerli əhali arasında çox tələfat olsun. İkinci məqsəd bərpa işlərini ləngitməkdir. Həmçinin istəyirlər ki, Azərbaycan qısa zamanda Böyük Qayıdış planını həyata keçirə bilməsin. Bu cür psixologiya humanizm prinsiplərindən, haqqdan və ədalətdən uzaqdır”.

Məktub 30-dan çox beynəlxalq təşkilata da göndərilib.

Müdafiə Nazirliyinin üç generalı işdən çıxarılıb.

Unikal.org-un əldə etdiyi məlumata görə, AR Silahlı Qüvvələrinin Baş Qərargah rəisinin birinci müavini, general-leytenant Zahid Hüseynov, MN-nin İdealoji İş və Mənəvi-Psixoloji Təminat İdarəsinin rəisi-Şəxsi Heyət Baş İdarəsi rəisinin müavini, general-mayor Rasim Əliyev, Naxçıvan Əlahiddə Ümumqoşun Ordu komandanlığının Təşkilat-İnspeksiya rəisi general-mayor Lənkəran Əliyev tutduğu vəzifədən azad oluranaraq, təqaüdə göndərilib.