МЧС Азербайджана опубликовало статистику аварийно-спасательных операций, осуществленных за минувшие сутки на основании звонков, поступивших на горячую линию 112.
Как сообщили в ведомстве, соответствующими структурами были проведены неотложные мероприятия по 50 случаям возникновения пожаров и девяти фактам пребывания граждан в беспомощном положении.
В общей сложности за минувшие сутки были спасены 11 человек, в том числе четверо тонувших в море.
Кроме того, водолазно-поисковая группа ведомства привлечена к поискам тела человека, утонувшего в море в поселке Ашагы Нувади города Лянкярана.
Fövqəladə Hallar Nazirliyinin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən sutka ərzində 50 yanğına çıxış və doqquz halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.
Nazirlikdən verilən məlumata görə, yanğınların operativ söndürülməsi, insanların həyatının xilas olunması təmin edilib.
Ümumilikdə, ötən sutka ərzində 11 nəfər, o cümlədən dənizdə çimərkən batma təhlükəsi ilə üzləşən dörd nəfər xilas edilib.
Həmçinin, Nazirliyin dalğıc-axtarış qrupu Lənkəran şəhəri, Aşağı Nüvədi qəsəbəsində dənizdə qeyri-çimərlik ərazidə batmış bir nəfərin axtarış işlərinə cəlb olunub.
Təbiəti məhv edilən, evləri dağıdılan, qəbiristanlığı belə yerlə yeksan edilən Zəngilanın Məmmədbəyli kəndində salamat qalan yeganə tikili qədim türbədir.
Türbənin tarixi 14-cü əsrə dayanır.
Elmlər Akademiyasının aparıcı işçisi Şakir Albalıyevin sözlərinə görə, tanınmış simaların, yaradıcı şəxslərin qəbirlərinin üzərində türbələrin tikilməsi türk dünyasında ənənə halı alıb və bu günümüzə qədər davam edir.
Səkkiz guşəli olan türbə Məhəmməd Əlihacı oğlu Yahyanın şərəfinə inşa edilib.
Türbənin qapısı yerdən 1,8 metr hündürlükdədir. Orada yeraltı sərdabədə mövcuddur. Türbənin giriş qapısının üstündə ərəbcə Qurandan ayə, türbənin kimə məxsus olduğu və nə zaman tikildiyi qeyd olunub.
Hadisə bu gün rayonun Dovudlu kəndində qeydə alınıb.
Kənd sakini, 1999-cu il təvəllüdlü Yarməmmədova Solmaz Fəzail qızı yaşadığı evdə özünü kəndirlə asaraq intihar edib. Ailə üzvləri hadisədən gec xəbər tutduğu üçün onun həyatını xilas etmək mümkün olmayıb.
İki uşaq anası Solmaz Yarməmədovanın özünə qəsd etməsinin səbəbi hələ ki, bilinmir. Hazırda rayonun hüquq-mühafizə orqanlarının əməkdaşları hadisə yerindədir.
Faktla bağlı Ağdaş rayon Prokurorluğu tərəfindən araşdırma aparılır.
Bakı şəhərində tikinti, məişət əşyaları, oyun konsulları, kondisioner və mobil telefonların onlayn yolla satışı ilə məşğul olan şirkətlərin etibarından sui-istifadə edərək onların nümayəndələrini aldadan və ya həmin şəxslərə qarşı soyğunçuluq edən iki nəfər saxlanılıb.
Bu barədə Daxili İşlər Nazirliyi məlumat yayıb.
Bildirilib ki, Nizami Rayon Polis İdarəsinin 24-cü Polis Şöbəsinə zərərçəkənlərdən daxil olan çoxsaylı şikayətlər əsasında həyata keçirilən təxirəsalınmaz əməliyyat nəticəsində qeyd edilən qanunsuz hərəkətləri etməkdə şübhəli bilinən paytaxt sakinləri Rüstəm Tinayev və Turqut Quliyev tutulublar.
Araşdırma zamanı müəyyən edilib ki, qeyd edilən malların onlayn satışını həyata keçirən şirkətlərə bu şəxslər tərəfindən müxtəlif vaxtlarda sifarişlər verilib. Şirkətin nümayəndələri malları Rüstəm Tinayev və Turqut Quliyevin Nizami rayonunda qeyd etdikləri ünvanlara çatdırdıqdan sonra onlar müxtəlif vasitələrlə sifariş verdikləri məhsulları götürərək ödəniş etmədən hadisə yerindən yayınıblar.
Bu üsulla adları qeyd edilən şəxslər son bir neçə ay ərzində 20-yə yaxın şirkətə onlayn sifariş verərək onların məhsullarını ya dələduzluq, ya da soyğunçuluq yolu ilə ələ keçiriblər. Rüstəm Tinayev və Turqut Quliyevin ümumilikdə zərərçəkənlərə 30 min manata yaxın maddi ziyan vurduğu müəyyən edilib.
Qeyd edək ki, bu şəxslər ələ keçirdikləri malları daha sonra dəyər-dəyməzinə müxtəlif məkanlarda satıblar. Maraqlı burasındadır ki, Rüstəm Tinayev və Turqut Quliyev onlayn yolla sifariş verdikləri bütün avadanlıqların paytaxtın Nizami rayonunun ərazisinə gətirilməsini istəyiblər. Onlar zərərçəkənlərin demək olar ki, əksəriyyətini bu rayonun ərazisində aldadıblar. Saxlanılan şəxslər ifadələrində törətdikləri hadisələrin hər birini etiraf ediblər.
Rüstəm Tinayev və Turqut Quliyev barəsində 24-cü Polis Şöbəsində toplanan materiallar araşdırmaların davam etdirilməsi üçün Nizami Rayon Polis İdarəsinə göndərilib. Bu şəxslərin digər qanunsuz əməllərinin müəyyən edilməsi istiqamətində istintaq-əməliyyat tədbirləri davam etdirilir.
Rüstəm Tinayev və Turqut Quliyev əməllərindən zərərçəkən başqa vətəndaşlar varsa, bu barədə ərazi polis orqanlarına və ya Nizami Rayon Polis İdarəsinin 24-cü Polis Şöbəsinə müraciət edə bilərlər.
29 августа в Баку и на Абшеронском полуострове осадков не ожидается, северо-западный ветер днем сменится юго-восточным.
Об этом сообщили в Национальной службе гидрометеорологии Министерства экологии и природных ресурсов Азербайджана.
Температура воздуха на Абшероне ночью составит 22-25, днем – 33-37, в Баку ночью 23-25, днем – 35-37 градусов выше нуля.
Атмосферное давление – 758 мм ртутного столба, относительная влажность воздуха ночью – 60-70%, днем – 40-45%.
В районах Азербайджана завтра будет в основном без осадков, однако днем в некоторых горных районах возможны грозы, кратковременные дожди, град. Ветер восточный.
Температура воздуха ночью – 20-25, днем – 34-39, в горах ночью – 12-17, днем – 21-26 градусов выше нуля.
Avqustun 29-da Bakıda və Abşeron yarımadasında hava şəraitinin yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Xidmətinin verdiyi məlumata görə, şimal-qərb küləyi gündüz cənub-şərq küləyi ilə əvəz olunacaq.
Havanın temperaturu gecə 22-25, gündüz 33-37, Bakıda gecə 23-25, gündüz 35-37 dərəcə olacaq.
Atmosfer təzyiqi 758 mm civə sütunu təşkil edəcək. Nisbi rütubət gecə 60-70 %, gündüz 40-45 % olacaq.
Abşeron çimərliklərində şimal-qərb küləyi gündüz cənub-şərq küləyi ilə əvəz olunacaq.
Dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh, Zuğulba) 25-26, cənub çimərliklərində (Türkan, Hövsan, Sahil, Şıx) 26-27 dərəcə olacaq.
Azərbaycanın rayonlarında hava şəraiti əsasən yağmursuz keçəcək. Lakin gündüz saatlarında bəzi dağlıq rayonlarda şimşək çaxacağı, qısamüddətli yağış yağacağı, dolu düşəcəyi ehtimalı var. Şərq küləyi əsəcək.
Havanın temperaturu gecə 20-25, gündüz 34-39, dağlarda gecə 12-17, gündüz 21-26 dərəcə olacaq.
Любителей футбола в выходные дни ждут интересные матчи.
Особый интерес представляют две сегодняшние игры в английской Премьер-лиге.
Не сумевший набрать очки после двух туров “Арсенал” встретится с “Манчестер Сити”, разгромившим “Норвич” в последнем туре. У лондонского клуба не выйдут на поле Габриэл дос Сантос, Эдди Нкетиа, Тиагу Томаш и Бен Уайт. У “горожан” пропустят игру Кевин Де Брёйне, Лиам Делап, Фил Фоден и Бенжамен Менди.
Матч начнется в 15:30 по бакинскому времени.
Кроме того, в 20:30 по бакинскому времени состоится матч клубов, набравших после первых двух туров по шесть очков – “Ливерпуль”- “Челси”. Точно известно, что Рубен Лофтус-Чик и Кристиан Пулишич из “Челси” не будут участвовать во встрече.
В центре внимания – игра между “Реймсом” и ПСЖ, которая состоится в рамках чемпионата Франции 29 августа. В этой встрече ожидается дебют нового трансфера ПСЖ Лионеля Месси. Игра начнется в 22:45 по бакинскому времени.
30 августа в испанской Ла Лиге состоится матч между “Атлетико Мадрид” и “Вильярреал”, который начнется в 00:00 по бакинскому времени. После первых двух туров “Атлетико Мадрид” с шестью очками занимает четвертое место, а “Вильярреал” – 13-е с двумя.
Həftə sonu futbol azarkeşlərini bir-birindən maraqlı futbol qarşılaşmaları gözləyir.
Bu gün İngiltərə Premyer Liqasında baş tutacaq qarşılaşmalar arasında iki oyun xüsusi maraq doğuracaq.
İki turdan sonra xal toplaya bilməyən “Arsenal” klubu səfərdə ötən tur “Norviç”i darmadağın edən “Mançester Siti” ilə üz-üzə gələcək. London klubunun heyətində Qabriel, Eddi Nketia, Tiaqo Tomas və Ben Vaytın oynamaycağı dəqiqdir. “Şəhərlilər”in heyətində isə De Brünye, Liam Depal, Fil Foden və Benjamin Mendi bu oyunu buraxmalı olacaq. Qarşılaşma Bakı vaxtı ilə 15:30-da başlayacaq.
Bundan başqa, ilk iki turdan sonra altı xala malik olan iki klub – “Liverpul” – “Çelsi” qarşılaşması Bakı vaxtı ilə 20:30-da baş tutacaq. “Çelsi”nin heyətində Ruben Loftus-Çik və Kristian Plusiçin oynamayacağı dəqiqdir.
Avqustun 29-da Fransa çempionatında baş tutacaq “Reyms” – PSJ oyunu da xüsusi diqqət mərkəzində olacaq. PSJ-nin yeni transferi olan Lionel Messinin bu qarşılaşmada debut etməsi gözlənilir. Oyun Bakı vaxtı ilə 22:45-də başlanacaq.
Avqustun 30-da isə İspaniya La Liqasında baş tutacaq “Atletiko Madrid” – “Vilyareal” qarşılaşması Bakı vaxtı ilə 00:00-da start götürəcək. İlk iki turdan sonra Madrid “Atletiko”su altı xalla 4-cü, “Vilyareal” isə iki xalla 13-cü yerdə qərarlaşıb.
