Month: November 2023

Bu günlərdə insanlar kamerada diqqət çəkmək üçün çirklənmiş balıq yeməkdən tutmuş kiçik təyyarələrin qəzaya uğramasına qədər hər cür çılğın və mübahisəli əməllərə əl atırlar.

Sfera.az bildirir ki, Çinli qida bloqqeri 90 kq ağırlığında timsahı öldürərək, bişirdiyi videonu yayımladıqdan sonra sosial şəbəkələrdə qalmaqalın mərkəzinə düşüb.

Sosial şəbəkələrdə 3,5 milyondan çox izləyicisi olan Çu Nian Xiao He evdə timsah ətinin hazırlanması üçün bir neçə variant göstərib. Bu, əks reaksiya dalğasına və heyvan vəhşiliyi ittihamlarına səbəb olub.

Douyində (TikTok-un Çin versiyası) 3,5 milyondan çox izləyicisi olan qida bloqeri Chu Nian Xiao He, bu yaxınlarda evdə timsahı öldürüb bişirməyi nümayiş etdirən qısa video yayımlayıb. Bu, şoka salmaq və diqqəti cəlb etmək məqsədi daşısa da, əks reaksiya dalğasına və vəhşilik ittihamlarına səbəb olub.

Dəhşətli videoda əvvəlcə qızın burnu bağlanmış 90 kq çəkisi olan timsahı duşda böyük fırça ilə yuduğu görünür. Sonra o, heyvanı öldürərək, dərisini soyub və hissələrə parçalayıb. Qız əti müxtəlif üsullarla bişirməyə başlayıb.

Xiao Henin videosu Çin sosial mediasında qəzəb doğurub. Bir çox Douyin istifadəçisi heyvana qarşı qəddarlıq etdiyi üçün onu platformadan həmişəlik uzaqlaşdırmağa səsləyib. Paylaşımın müəllifi özünə haqq qazandırmağa çalışsa da, onun bunu etmə tərzi insanları daha da qəzəbləndirib. Chu Nian Xiao He izah edib ki, videodakı timsah dəri məmulatlarının istehsalı üçün süni şəkildə yetişdirilib, ona görə də istənilən halda qurban veriləcək.

“Bu süni şəkildə yetişdirilmiş timsahlar xüsusi olaraq dəri və çanta şirkətləri üçün yetişdirilir. Bu, onların missiyasıdır. Siz guya Hermes timsah çantasından imtina edərdinizmi? Daha rasional olmalıyıq”- deyə o bildirib.

Qeyd edək ki, Çinin vəhşi təbiət qanunlarına görə, səlahiyyətlilərdən icazə almadan timsah ətinin bişirilməsi qadağandır, ona görə də Çu Nian Xiao Henin hərəkətləri hüquqi nəticələrə səbəb ola bilər.

Rusiyada koronavirusun yeni variantı olan “Pirola”ya 10 yoluxma halları müəyyən edilib.

Trend bu barədə Rusiya KİV-lərinə istinadən xəbər verir.

Belə ki, “Rospotrebnadzor” rəhbəri sözügedən variantın yayılacağını ehtimal edib.

Məlumata görə, “Pirola” klassik “Omicron”dan daha yoluxucudur və əlavə mutasiyalara malikdir.

Böyük Britaniya Rusiyaya qarşı yeni sanksiyalar tətbiq edib.

Trend xəbər verir ki, bu barədə məlumat Krallığın hökumət portalında dərc edilib.

Hökumətin yeni sanksiyalar siyahısında Rusiyanın qızıl və neft sektorlarında fəaliyyət göstərən 29 fiziki və hüquqi şəxslər yer alır.

Britaniya hökuməti Kremlə qarşı tətbiq olunan sanksiyaları Ukraynadakı müharibənin maliyyələşdirilməsi ilə əsaslandırıb. Rusiyanın iki aparıcı qızıl istehsalçısı olan “Nord Gold PLC” və “Highland Gold Mining Ltd” şirkətlərinə, oliqarxlar Vladislav Sviblov və Konstantin Strukova da sanksiyalar tətbiq edilib.

Ermənistan Hindistandan pilotsuz uçuş aparatları alacaq (PUA) əleyhinə sistemlər alacaq.

Bu barədə xarici KİV məlumat yayıb.

Bildirilib ki, rəsmi İrəvan Hindistanın “Zen Technologies” şirkəti ilə 41,5 milyon dollarlıq müqavilə bağlayıb.

Rəsmi qurumlar hələlik məlumata münasibət bildirməyiblər.