Median.Az

Month: January 2024

  • Tramp Nyu-Hempşirdə keçirilmiş seçkiqabağı sorğuda liderdir

    Yanvarın 23-də Respublikaçılar Partiyası daxilində ilkin seçkilərin (praymeriz) keçiriləcəyi Nyu-Hempşir ştatında seçicilərin dəstəyinə görə ABŞ-nin keçmiş prezidenti Donald Tramp liderlik edir.

    Buna CNN telekanalının dərc etdiyi sosioloji sorğunun nəticələri dəlalət edir.

    Qarşıdan gələn səsvermədə iştirak etməyi planlaşdıran respublikaçıların 50 %-i Trampı dəstəkləməyə hazırdır. Respondentlərin 39 %-i ABŞ-nin BMT-dəki keçmiş səfiri Nikki Heyliyə üstünlük verir. Cəmi 6 % öz seçimini əvvəllər Ayova ştatında partiya fəallarının yığıncaqlarının (kokus) nəticələrinə görə ikinci yeri tutmuş Florida qubernatoru Ron DeSantisin xeyrinə etmək niyyətindədir.

    CNN qeyd edib ki, Heyli yanvarın əvvəlindən, anketlər onun 32 %, Trampın isə 39 % səs topladığı vaxtdan bəri mövqeyini yaxşılaşdırıb. Lakin bu, yetərli olmayıb və aralarındakı fərq daha da böyüyüb.

    Sorğunun nəticələrinin statistik xətası 2 faiz bəndidir. Araşdırma 1-19 yanvar tarixlərində aparılıb. Burada 2 mindən çox insan iştirak edib.

  • Sabiq deputat Dünyamin Xəlilova yeni hökm oxunub

    Milli Məclisin sabiq deputatı Dünyamin Xəlilova yeni hökm oxunub.

    Median.Az report-a istinadən xəbər verir ki, Bakı Ağır Cinayətlər Məhkəməsinin hakimi Əli Məmmədovun sədrliyi ilə keçirilən prosesdə hökm elan olunub.

    Hökmə əsasən, Dünyamin Xəlilov 14 il 9 ay, Azad Cavadov isə 12 il 6 ay müddətinə azadlıqdan məhrum edilib.

    Xatırladaq ki, “Azərbaycan Beynəlxalq Bankı” ASC-nin vəzifəli şəxsləri ilə əlbir olaraq cinayət törətmiş Milli Məclisin sabiq deputatı Dünyamin Xəlilov və Azad Cavadovun məhkəmə istintaqı yekunlaşıb.
    Bakı Ağır Cinayətlər Məhkəməsinin hakimi Əli Məmmədovun sədrliyi ilə keçirilən prosesdə prokuror Eldar Həmzə ittiham nitqi ilə çıxış edib.

    Prokuror Dünyamin Xəlilovun 15 il, Azad Cavadovun isə 13 il 6 ay müddətinə azadlıqdan məhrum edilməsini istəyib.

  • Moskva və Ankara regionda addımlarını koordinasiya edəcəklər

    Rusiya xarici işlər nazirinin müavini Mixail Qaluzin Türkiyənin Moskvadakı səfiri Tanju Bilgiçlə görüşüb.

    Bu barədə Rusiya Xarici İşlər Nazirliyindən bildirilib.

    Qeyd olunub ki, onlar Cənubi Qafqazdakı durumu müzakirə ediblər.

    Diplomatlar Moskva ilə Ankaranın regionda sülh və sabitliyin gücləndirilməsi üçün atacaqları addımların bundan sonra da əlaqələndirilməsinə dair razılıqları təsdiq ediblər.

    Onlar həmçinin Mərkəzi Asiya və Ukraynadakı müharibə barədə danışıb, regional və beynəlxalq məsələlər üzrə ikitərəfli əməkdaşlığın səmərəliliyini qeyd ediblər.

    ///report

  • Пакистан и Иран договорились возвратить послов в столицы

    Пакистан и Иран после эскалации напряженности договорились возвратить послов в столицы к 26 января.

    Об этом сообщили в пакистанском МИД.

    “После телефонного разговора между главами министерств иностранных дел Пакистана и Ирана было достигнуто совместное соглашение о возвращении к своим обязанностям послов обеих стран к 26 января 2024 года”, – говорится в заявлении.

    Ранее Пакистан и Иран заявили об общей заинтересованности в примирении.

    Источник: RT

  • Pakistan və İran səfirləri paytaxtlara qaytarmaq barədə razılığa gəliblər

    Pakistan və İran gərginliyi artırdıqdan sonra səfirlərini yanvarın 26-dək paytaxtlarına qaytarmağa razılaşıblar.

    Bu barədə Pakistan Xarici İşlər Nazirliyi məlumat yayıb.

    “Pakistan və İran xarici işlər nazirləri arasında telefon danışığından sonra hər iki ölkənin səfirlərinin 2024-cü il yanvarın 26-dək öz vəzifələrinə qayıtmaları üçün ortaq razılıq əldə olunub”, – deyə məlumatda bildirilib.

    Bundan əvvəl Pakistan və İran barışıqda ortaq maraqlı olduqlarını bildiriblər.

    Mənbə: RT

  • Filipp Kirkorov cərimələndi

    Moskva məhkəməsi rusiyalı müğənni Filipp Kirkorova vergi və rüsumlar üzrə 8 milyon rubla (154 min manat) yaxın cərimə kəsib.

    Bu barədə məhkəmədən məlumat verilib.

    “Məhkəmə Filipp Kirkorovdan 2022-ci il üçün vergi və rüsumlar üzrə 7 972 985 rubl məbləğində borcun tutulması barədə qərar verdi. Həmçinin Moskva şəhərinin büdcəsinə 24 032 rubl 46 qəpik (463 manat) məbləğində dövlət rüsumunun ödənilməsi də qərara alınıb”, – deyə məhkəmənin bəyanatında bildirilib.

    Mənbə: KP.ru

  • Azərbaycan “Azerspace-1” peyki üzrə kredit öhdəliklərini tam ödəyib

    Ötən il Azərbaycan ilk peyki olan “Azerspace-1” üzrə kredit öhdəliklərini tam ödəyərək yekunlaşdırıb.

    Bu barədə Rəqəmsal İnkişaf və Nəqliyyat Nazirliyi məlumat yayıb.

    Bildirilir ki, peykin istehsalı üzrə 116,6 milyon ABŞ dolları və orbitə qaldırılma xidmətləri üzrə 89,6 milyon ABŞ dolları (ümumilikdə 206,2 milyon ABŞ dolları) məbləğində kredit öhdəlikləri ödənilib.

    Qeyd edək ki, “Azerspace-1” peykinin istehsalı üçün ABŞ-nin “Orbital Sciences” korporasiyasına ödənişlərin maliyyələşdirilməsi məqsədilə İxrac-İdxal Bankı ilə əməkdaşlıq edilərək 2011-ci ildə “BNP Paribas” bankı ilə kredit sazişi imzalanıb və ümumi məbləği 116,6 milyon ABŞ dolları olan kredit əldə edilib. “BNP Paribas” bankı qarşısında olan kredit öhdəlikləri 2022-ci ildə yekunlaşıb. İkinci kredit isə Fransanın “Coface” İxrac Kredit Agentliyindən cəlb edilib.

    “Azerspace-1” peyki orbitə 2013-cü il 8 fevral tarixində, Fransız Qvianasında (Cənubi Amerika) yerləşən Kuru kosmodromundan Fransanın “Ariane Space” şirkəti tərəfindən “Ariane-5” daşıyıcı raketi ilə buraxılıb. Peyk teleradio yayımı və telekommunikasiya xidmətlərinin göstərilməsi, eləcə də korporativ və hökumət müştərilərinin tələblərinə cavab verən keyfiyyətli və dayanıqlı rabitə platformaların təmin edilməsi üçün nəzərdə tutulub. Peyk üzərindən 100-ə yaxın televiziya və radio kanalı yayımlanır. “Azerspace-1”in istismar müddəti isə azı 15 ildir.

    Azərbaycan telekommunikasiya və optik peyk xidmətlərinin təqdim edilməsindən bu günə kimi 550 milyon manatdan çox vəsait əldə edib. Kosmik Agentlik (“Azərkosmos”) telekommunikasiya peykləri və kosmik həlləri vasitəsilə Avropa, Afrika, Yaxın Şərq, Mərkəzi Asiya regionlarının 50-dək ölkəsindən 200-dən artıq müştəriyə xidmət göstərir.

  • Hərbi qulluqçuların səsvermədə iştirakı üçün zəruri tədbirlər görülür – RƏSMİ

    Azərbaycan Ordusunun şəxsi heyəti Müdafiə Nazirliyinin hərbi hissə və müəssisələrində yaradılan qapalı seçki məntəqələrində 7 fevral prezident seçkilərinin səsverməsində iştirak edə biləcəklər.

    Bu barədə secki-2024.az-a Müdafiə Nazirliyindən bildirilib.

    Qeyd olunub ki, seçkilərin Azərbaycan Seçki Məcəlləsində müəyyən edilmiş qaydada keçirilməsi, eləcə də şəffaflığın təmin edilməsi üçün hərbi hissə və müəssisələrin ərazilərində fəaliyyət göstərəcək məntəqələrdə zəruri tədbirlər görülür. Eyni zamanda, Azərbaycan Ordusunda xidmət edən bir qrup hərbi qulluqçu prezident seçkiləri səsverməsində ilk dəfə iştirak edəcək. Müdafiə Nazirliyi ilk dəfə səs verəcək hərbi qulluqçuları nəzərə alaraq Seçki Məcəlləsi ilə tanışlıq və digər maarifləndirici məlumatların çatdırılmasını da həyata keçirir.

    “Ölkə üzrə bütün seçki məntəqələrində olduğu kimi, Azərbaycan Ordusunun şəxsi heyətinin seçki prosesində hüquqlarının azad və sərbəst şəkildə təmin olunması üçün hərtərəfli şərait və əlverişli mühit yaradılacaq”, -deyə Müdafiə Nazirliyinin açıqladığı məlumatda qeyd olunur.

    Nazirlikdən bildiriblər ki, çətin relyefli dağlıq ərazilərdə döyüş növbətçiliyi aparan bölmələrdə olan seçicilərin səsvermədə iştirakının təmin edilməsi üçün daşınan seçki qutularından istifadə olunacaq.

  • Скончался бывший президент азербайджанского клуба

    Скончался заслуженный тренер Азербайджана, много лет находившийся на посту президента футбольного клуба “Геязан” Мехди Салманов.

    Об этом сообщает Ассоциация футбольных федераций страны (АФФА).

    Руководство структуры выражает глубокие соболезнования семье и близким Салманова, который некоторое время занимал пост главы Западной региональной федерации футбола.

  • Azərbaycan klubunun sabiq prezidenti vəfat etdi

    Azərbaycan Respublikasının Əməkdar məşqçisi, uzun illər “Göyəzən” futbol klubunun prezidenti olmuş Mehdi Salmanov dünyasını dəyişib.

    Bu barədə AFFA məlumat yayıb.

    Bildirilib ki, AFFA rəhbərliyi bir müddət Qərb Regional Futbol Federasiyasının rəhbəri işləmiş M.Salmanovun ailəsinə və yaxınlarına dərin hüznlə başsağlığı verib.